𝘿𝙖𝙧𝙤•

09/06/2025

នឹកលុយដែលចាយអស់😟

05/06/2025

05/06/2025

05/06/2025

05/06/2025

17/05/2025

❤️❤️

អង្គុយអាន Skimming & Scanning អត្ថបទមួយចំនួន ក៏ប្រទះឃើញអត្ថបទមួយល្អ ហើយជាខត្រូវយកមកគិតសម្រាប់វ័យខ្លួនឯងល្មម។

ខគតិចំនួន ៤៤ មូលបទ សម្រាប់អ្នកដែលពេញវ័យ ៤៤ ឆ្នាំ៖

១. មកដល់វ័យនេះហើយ របស់ដែលសំខាន់បំផុតសម្រាប់ខ្លួនយើងពីពេលនេះតទៅមុខទៀត គឺកាយ និងចិត្ត។ ដូច្នឹងហើយសូមមើលថែចិត្ត និងកាយរបស់យើងឲ្យបានល្អ។
២. បើសិនជារបស់ទាំងពីរនេះមិនរឹងមាំនោះទេ យើងនឹងដួលរលំ។
៣. សម្រាប់អ្នកផ្សេង បើទោះជាយើងពិបាកក្នុងការមើលថែទាំងរាងកាយរបស់គេ ឬមិនអាចឈឺជំនួសគេបាន តែយើងអាចថែទាំចិត្តបាន។
៤. កុំប្រកែប្រកាន់ច្រើនពេក បើកចិត្តឲ្យទូលាយ ស្តាប់ឲ្យបានច្រើន និងផ្តល់ការគោរព កិត្តិយសឲ្យគ្នាទៅវិញទៅមក។
៥. រក្សាទម្លាប់ខាងលើនោះបាន គឺប្រៀបបានដូចជាផ្សិតបំប៉នកម្លាំងរបស់តុក្តតាស៊ីផ្សិតម៉ារីអូ វាមិនមែនជាស្នូកអណ្តើកដែលឃើញហើយរត់ទៅបុកនោះទេ។
៦. សម្រាប់មនុស្សដែលយើងស្រឡាញ់ សូមមើលថែទាំចិត្តបេះដូងគេខ្លះផង ព្រោះថាការមើលថែទាំគេ គឺប្រៀបបាននឹងការដែលយើងមើលថែទាំខ្លួនឯងដែរ។
៧. ទំនាក់ទំនងល្អ គឺជាផ្នែកដ៏សំខាន់បំផុតនៃជីកសរ (Jigsaw-ល្បែងផ្គុំរូប) នៃជីវិតល្អ។
៨. គ្រប់គ្នាគឺកាន់តែចាស់ទៅៗ ហើយក៏កំពុងតែចាកចេញទៅម្តងមួយៗដោយមិនដឹងខ្លួន។
៩. មានពេលខ្លះយើងប្រហែលជាមិនសូវបានជួបគ្នាញឹកញាប់ពេកនោះទេ ប៉ុន្តែរាល់ពេលដែលយើងចួបគ្នាហើយនោះ សូមប្រើពេលនាថ្ងៃនោះឲ្យបានល្អបំផុតតាមតែអាចធ្វើបាន។
១០. កុំរំពឹងទុក ឬសង្ឃឹមថាថ្ងៃស្អែកវានឹងល្អប្រសើរសម្រាប់យើងខ្លាំងពេក ព្រោះយើងមិនប្រាកដទេថា យើងនឹងមានថ្ងៃស្អែកដែរឬអត់?
១១. បើអាចធ្វើអ្វីបាន សូមធ្វើភ្លាមទៅ កុំចាំ បើសិនជាយើងធ្វើមិនបានហើយនោះ គឺយើងបានធ្វើហើយគ្រាន់តែមិនបាន វាគ្រាន់បើជាយើងដឹងថាអាចធ្វើបាន ប៉ុន្តែមិនព្រមធ្វើសោះ។
១២. មិនចាំបាច់មានបានសព្វគ្រប់បែបយ៉ាង ទើបមានក្តីសុខនោះទេ។
១៣. ពេញចិត្តជាមួយនឹងខ្លួនឯង និងរបស់ដែលខ្លួនឯងមាន គឺជាសេចក្តីសុខហើយ មិនចាំបាច់ទាល់តែសម្បូរបែប មិនថាយើងខ្មៅ ស ជ្រីវជ្រួញ ធាត់ស្គមក៏ដោយ គឺវាអូខេបំផុតហើយសម្រាប់យើងនោះ។
១៤. ការស្អប់ គុំគួននានា គឺសុទ្ធជារឿងដែលមិនចាំបាច់សម្រាប់ជីវិតយើងនោះទេ។
១៥. ការដឹងគុណ និងអរគុណដល់អ្នកដែលមានឧបការគុណទាំងឡាយ និងមេរៀនជីវិតទាំងអស់នោះ កាន់តែធ្វើ កាន់តែមានសេចក្តីសុខ។
១៦. មិនថាក្នុងកាលៈទេសៈបែបណានោះទេ បើយើងបើកកកាយទម្លាយនោះ យើងនឹងទទួលបានកម្លាំងចិត្ត និងការគាំទ្រនានាដែលនាំឲ្យយើងដើរទៅមុខទៀតបាន។
១៧. ជីវិតមកដល់ពេលនេះហើយ គឺប្រៀបបានជាការលេងកីឡាបាល់ទាត់ចឹងឯង មិនចាំបាច់ទៅដល់ឈ្នះជើងឯក Champion League នោះទេ បានតែត្រឹមចូលតារាងលេងជាមួយមិត្តភក្តិយើងគឺបានហើយ។
១៨. លេងជាមួយគ្នា ប្រកួតជាមួយគ្នាដើម្បីតែសប្បាយ និងកីឡាប៉ុណ្ណោះ កុំទៅគិតវាខ្លាំងពេកព្រោះបើគិតពេក ផ្ចង់ពេករហូតដល់ចង់ឆ្កួតនោះ វាទៅជារឿងផ្សេងទៅវិញ។
១៩. បើឈ្នះគេឯងហើយ តែយើងត្រូវដុតខ្លួនឯងរហូតដល់ឆេះអស់នោះ តើមានក្តីសេចក្តីសុខដែរឬទេ?
២០. សូមសន្សំពេលវេលាសម្រាកឲ្យបានច្រើន ពោលគឺសន្សំមិនឲ្យតិចជាការងារជោគជ័យ និងលុយក្នុងគណនីធនាគារនោះទេ។
២១. សូមសន្សំទ្រព្យអរូបីទាំងឡាយដែលមិនអាចចាប់ប៉ះពាល់បាន ដោយការចងមិត្តភាព រក្សាគុណភាពចិត្ត បេះដូងរឹងមាំ និងមានសន្តិភាពក្នុងផ្លូវចិត្ត។
២២. ជាការពិតណ៎ា ញឹកញយណាស់ដែលរបស់ទាំងនោះបានមកបានលុះណាតែយើងហ៊ានលះបង់ចិត្តមួយចំនួនដូចជាចិត្តឈ្លក់វង្វេងនឹងជោគជ័យ កិត្តិស័ព្ទ មាសប្រាក់ ស័ក្តិយសតំណែងជាដើម។
២៣. ពេលវេលារបស់យើងដែលប្រើប្រាស់សម្រាប់រឿងសំខាន់នានានោះ ថយចុះជាបណ្តើរៗ។
២៤. ឆ្នាំក្រោយ ឬក៏ប្រាំឆ្នាំទៅមុខទៀត យើងនឹងកាន់តែថមថយចុះខ្សោយទៅទៀត។
២៥. កុំរួញរាក្នុងការនិយាយពាក្យស្រឡាញ់ នឹក សូមទោស អរគុណ ទៅកាន់អ្នកទាំងឡាយណាដែលមានចំណែក និងពាក់ព័ន្ធក្នុងជីវិតយើង។
២៦. មនុស្សយើងគ្រប់គ្នាតែងតែមានខុសឆ្គងខ្លះជាមិនខានឡើយ យល់ព្រមទទួលស្គាល់កំហុស ហើយកែប្រែ ព្រោះថាជីវិតគឺវាដូច្នោះឯង វិលចុះវិលឡើង ខុសត្រូវទៅតាមវដ្ដរបស់ជីវិត។
២៧. សូមកុំចំណាយពេលខុសនឹងរឿងច្រំដែល ដដែលៗច្រើនដងពេក ប្រើពេលទៅជាមួយរឿងថ្មីផង។
២៨. សូមផ្តោតអារម្មណ៍ផ្ចង់ចិត្តឲ្យត្រូវរឿងគោលដៅ បើមិនអ៊ីចឹងទេ យើងនឹងចំណាយទាំងកម្លាំង និងពេល។
២៩. សូមកុំចំណាយពេលស្ទូចត្រីយូរពេក ហើយទើបដឹងថានៅកន្លែងហ្នឹងមិនមានត្រីដែលយើងចង់បាននោះទេ។
៣០. ទទួលស្គាល់ថាមានរឿងខ្លះយើងអាចធ្វើបាន តែមកដល់ពេលនេះហើយ យើងមិនអាចធ្វើបានទៀតទេ។
៣១. រត់យឺតជាងមុន ក៏អាចសប្បាយដូចមុន ដេកតិចជាងមុនក៏អាចសប្បាយដូចមុន ធ្វើការតិចជាងមុន តែក៏អាចសប្បាយដូចមុន ។ល។
៣២. ការទទួលស្គាល់ការពិត ទទួលស្គាល់ការផ្តាស់ប្តូរនានា ក៏អាចឲ្យយើងសប្បាយចិត្តបានហើយ សូមកុំទៅងប់ងល់ ឬផ្សារភ្ជាប់ពេកទៅនឹងភាពរុងរឿង ឬជោគជ័យដែលធ្វើបានសម្រេចកាលពីមុនមកនោះ។
៣៣. បើទោះជាការងារសំខាន់យ៉ាងណាក៏ដោយ សូមធ្វើវាត្រឹមពាក់កណ្តាលយប់បានហើយ បើលើសពីនោះទៀតគួរសម្រាកដេកឲ្យលក់ទៅ។
៣៤. ពិភពលោកយើងនេះ គឺពោរពេញដោយកោលាហល អញ្ចឹងហើយសូមរកកន្លែងដែលអាចសាកថាមពលឲ្យខ្លួនឯងវិញបាន រកកន្លែងសម្រាប់ពួនជ្រកបាន។
៣៥. លោកនេះមិនដូចទៅតាមចិត្តយើងនោះទេ ហើយក៏វាមិនដូចទៅតាមចិត្តអ្នកដទៃណាម្នាក់ដែរ។
៣៦. យើងមិនអាចតម្រូវចិត្តអ្នកដទៃបានគ្រប់គ្នានោះទេ តែយើងខ្លួនឯងក៏ត្រូវយល់ថា គេផ្សេងក៏មិនអាចមិនតាមចិត្ត ឬតម្រូវចិត្តយើងបានគ្រប់គ្នាដែរ។
៣៧. មានមនុស្សអាចនៅទ្រាំធន់នឹងយើងបានខ្លះ និងមិនបាន អ៊ីចឹងហើយវាតែងតែមានមនុស្សចាកចេញទៅ និងមនុស្សដែលទ្រាំនៅ។
៣៨. សម្រាប់អ្នកដែលពូកែទ្រាំធន់នឹងយើងបាន សូមថែរក្សាឲ្យបានល្អ ព្រោះថាមកដល់ពេលនេះហើយ គឺពិបាកនឹងរកខ្លាំងណាស់អ្នកបែបហ្នឹងនោះ។
៣៩. មកដល់ពេលនេះហើយ មិនមានគោលដៅដែលត្រូវកំណត់ឲ្យទៅដល់ឲ្យបានទៀតទេ សូមត្រឹមនៅពេលដើរទៅហើយ នៅតាមផ្លូវមានភាពសប្បាយរីករាយ និងគួរឲ្យចាប់អារម្មណ៍ខ្លះបានហើយ។
៤០. ទិញឥវ៉ាន់ឲ្យតិចជាងមុន ប្រើរបស់ដែលមានស្រាប់ឲ្យអស់លទ្ធភាព (លើកលែងតែសៀវភៅ ដែលយើងមិនគួរឈប់ទិញនោះទេ)។
៤១. បន្ទប់ដែលស្អាត គឺមិនរញ៉េរញ៉ៃ ជីវិតក៏ដូចគ្នាដែរ ជីវិតដែលល្អស្អាត គឺជីវិតដែលមិនជាប់ជំពាក់ច្របូកច្របល់ជាមួយនឹងតម្រូវការបែបលោភៈផ្សេងៗ មនុស្សម្នានានា របស់របរនានា និងវត្ថុចាំបាច់មួយចំនួន។
៤២. បន្ទប់ដែលគួរឲ្យចង់រស់នៅ គឺមិនចាំតែសម្រាប់តាំងបង្ហាញ ឬចុះផ្សាយក្នុងទស្សនាវដ្តីនោះទេ រីឯជីវិតពិតក៏ដូចគ្នាដែរ។
៤៣. ល្អខ្លះ អាក្រក់ខ្លះ នេះហើយជាជីវិត ល្អខ្លះ អាក្រក់ខ្លះ នេះហើយគឺជាមនុស្ស ធ្វើបរិយាប័ន្ន ចុះសម្រុងនឹងជីវិត ខ្លួនឯង និងអ្នកដទៃ។
៤៤. ចុងក្រោយបំផុត យើងរាល់គ្នានឹងត្រូវស្លាប់ យើងម្នាក់ៗមិនសូវជាសំខាន់ខ្លាំងពេកណាស់ណានោះទេ ប៉ុន្តែយើងក៏ជាអ្នកសំខាន់សម្រាប់មនុស្សខ្លះ ដែលពេលយើងត្រូវទៅហើយ គេនៅចង់ចាំអាឡោះអាល័យគឺគ្រប់គ្រាន់ហើយ។

ដកស្រង់ពីសៀវភៅថៃ ចម្លើយនៃសុភមង្គល

17/05/2025

17/05/2025

17/05/2025

17/05/2025