SME Digital Marketing

13/04/2021

លឺរឿងសវនកម្មមួយ អ្នកខ្លះប្រហែលជាធុញទ្រាន់ណាស់ «អើយ ពួកអូឌីតចុះមកទៀតហើយ» តែធុញយ៉ាងណាក៏នៅតែត្រូវធ្វើតាមការស្នើសុំឯកសារពីពួកអូឌីតដដែល ។ តើសវនកម្ម (Auditing) គឺជាអ្វី ? ចុះសវនកម្មផ្នៃក្នុង និង ផ្ទៃក្រៅខុសគ្នាយ៉ាងដូចម្តេច ?

សវនកម្ម ​(Auditing) គឺជាសកម្មភាព តាមដាន វាយតម្លៃ និង ពិនិត្យមើលរបាយការណ៍ហិរញ្ញវត្ថុ (Financial Statements) របស់ក្រុមហ៊ុន រឺ អង្គភាពដើម្បីធានាអោយព័ត៌មានមានភាពត្រឹមត្រូវច្បាស់លាស់ និង ឆ្លុះបញ្ជាំងពីតថភាពដែលកើតឡើង (និយាយសាមញ្ញគេខ្លាចរឿងកើតឡើងនៅក្រុមហ៊ុនផ្សេង កត់ចូលរបាយការណ៍ផ្សឹង រកស៊ីខាតដាក់ថារកចំណេញ...) ។ សវនកម្មអាចប្រព្រឹត្តិធ្វើទៅបានដោយអោយផ្នែកណាមួយដែលជាអ្នកនៅក្នុងអង្គភាពស្រាប់ដើម្បីអនុវត្តការងារសវនកម្ម​ (សវនកម្មផ្ទៃក្នុង) ឬ ជួលអ្នកជំនាញពីខាងក្រៅដែលជាជនទី៣មិនពាក់ព័ន្ធផលប្រយោជន៍ មកអនុវត្តការងារសវនកម្ម (សវនកម្មផ្ទៃក្រៅ) ។

ក​. និយមន័យ៖ សវនកម្មផ្ទៃក្នុង (Internal Audit)៖ គឺជាសវនកម្មធ្វើឡើងដោយក្រុមការងារដែលជាបុគ្គលិកនៅក្រុមហ៊ុនស្រាប់ ក្នុងគោលបំណងវាយតម្លៃប្រព័ន្ធគ្រប់គ្រងផ្ទៃក្នុងដើម្បីការពារអំពើបន្លំផ្សេងៗដូចជាពិនិត្យមើលនីតិវិធីគណនេយ្យ និង អភិបាលកិច្ចសាជីវកម្ម ។ សវនកម្មផ្ទៃក្នុងក៏ជួយអោយក្រុមហ៊ុនអាចអនុលោមតាមច្បាប់ដែលជាប់ពាក់ព័ន្ធបានល្អផងដែរដូចជាច្បាប់ពន្ធដារ និង ច្បាប់ការងារជាដើម ។ សវនកម្មឯករាជ្យ (External Audit)៖ គឺជាសវនកម្មធ្វើឡើងដោយជួលក្រុមហ៊ុនឯករាជ្យពីខាងក្រៅដើម្បីធ្វើការត្រួតពិនិត្យមើលរបាយការណ៍ហិរញ្ញវត្ថុ ប្រចាំឆមាស រឺ ប្រចាំឆ្នាំ ក្នុងគោលបំនងធានាថាតួលេខដែលបានដាក់បង្ហាញគឺឆ្លុះបញ្ចាំងពីតថភាពជាក់ស្តែង ស្របតាមស្តង់ដារគណនេយ្យ និង មិនមានការក្លែងបន្លំ ។

ខ. ផ្នែកផ្លូវច្បាប់៖ សវនកម្មផ្ទៃក្នុងគឺជាការងារស្ម័គ្រចិត្តក្នុងក្រុមហ៊ុនមួយចំនួនដែលមិនមានច្បាប់តម្រូវថាត្រូវតែមានគ្រប់ក្រុមហ៊ុនទេ វាអាស្រ័យលើកត្តាជាច្រើនផងដែរដូចជាការងាររបស់ក្រុមហ៊ុននោះ ស្របពេលដែលសវនកម្មឯករាជ្យ គឺជាការកំណត់ដោយច្បាប់តម្រូវអោយក្រុមហ៊ុននីមួយៗត្រូវតែអនុវត្ត ជាពិសេសប្រសិនបើសារជាតិនៃសកម្មភាពអាជីវកម្មនោះពាក់ព័ន្ធនឹងផលប្រយោជន៍សាធារណៈដូចជាការទទួលលុយសន្សំពីមហាជនជាដើម (ធនាគារពាណិជ្ជ) នោះសវនកម្មឯករាជ្យ គឺជាការចាំបាច់បំផុតដើម្បីធានាថាធនាគារមិនមានការបោកប្រាស់ និង មានសមត្ថភាពសងលុយទៅអ្នកសន្សំ និង ដាក់តំកល់វិញបាន ។

គ. ទំនាក់ទំនងរវាងសវនកម្មផ្ទៃក្នុងនិងឯករាជ្យ៖ សវនកម្មផ្ទៃក្នុងផ្តោតសំខាន់ទៅលើប្រយោជន៍ក្រុមហ៊ុនថ្នាក់ដឹកនាំធំៗដោយជួយពង្រឹងលើប្រព័ន្ធគ្រប់គ្រងផ្ទៃក្នុងនិងប្រតិបត្តិការប្រចាំថ្ងៃ រីឯ សវនកម្មឯករាជ្យផ្តោតសំខាន់លើប្រយោជន៍សាធារណៈជននិងអ្នកជាប់ពាក់ព័ន្ធ ត្បិតតែគោលដៅក្នុងការបម្រើផលប្រយោជន៍ខុសគ្នាក៏ពិតមែន ក្នុងការអនុវត្តជាក់ស្តែងការងារសវនកម្មផ្ទៃក្នុងនិងឯករាជ្យ មានទំនាក់ទំនង និង បំពេញអោយគ្នាទៅវិញទៅមក ​អាចហៅបានសវនកម្មផ្ទៃក្នុងជាប៉ូលីសសម្រាប់ចាប់ចោរមិនលួចលុយ សវនកម្មឯករាជ្យ ជួយធានាប៉ូលីសមិនចូលដៃជាមួយចោរ ។
Cr: Cambo Finance

04/03/2021

25/12/2020

ចង់ចាប់បើកអាជីវកម្មមួយ តើគួរធ្វើដូចម្ដេច ដើម្បីវាស់ស្ទង់ ថាយើងអាចចូលទីផ្សារនឹងគេបាន? ចុះមានធ្លាប់បានឮពីវិធីសាស្រ្ត SWOT ដែរឬទេ? តើវាមានន័យដូចម្តេច?

SWOT គឺជាអក្សរកាត់តំណាងឲ្យពាក្យ Strength, Weakness, Opportunity, Threat មានអត្ថន័យថា ចំណុចខ្លាំង ចំណុចខ្សោយ ឱកាស និង ការគំរាមកំហែងឬហានិភ័យ។ ចំណុចនីមួយៗ បង្កើតបានជាការវាយតម្លៃនៃអាជីវកម្មរបស់សហគ្រិន ក្នុងការស្វែងយល់បន្ថែម ក៏ដូចជាប្រៀបធៀបសក្តានុពលរបស់ខ្លូននៅក្នុងវិស័យនីមួយៗ។ យ៉ាងណាមិញ ចំណុចខ្លាំងនិងចំណុចខ្សោយ ត្រូវបានគេចាត់ទុកជាកត្តាផ្ទៃក្នុង រីឯឱកាសនិងការគំរាមកំហែងវិញ គឺជាកត្តាខាងក្រៅស្ថាប័ន ឬអាជីវកម្មនោះ។

• ចំណុចខ្លាំង​​ (Strength)៖ ម្ចាស់អាជីវកម្មចាំបាច់ត្រូវតែដឹងពីចំណុចខ្លាំង ឬចំណុចលេចធ្លោដែលល្អជាងដៃគូប្រកួតប្រជែង ដើម្បីទាក់ទាញអតិថិជន។ ចំណុចខ្លាំងទាំងនោះអាចមានដូចជា សេវាកម្មល្អ ផលិតផលមានគុណភាពខ្ពស់ ឬគំនិតច្នៃប្រឌិតក្នុងការធ្វើអាជីវកម្ម។ មិនតែប៉ុណ្ណោះ ចំណុចខ្លាំងនៃអាជីវកម្មក៏អាចជាការគ្រប់គ្រងល្អដែលអាចជំរុញទឹកចិត្តបុគ្គលិកឱ្យស្រឡាញ់ការងារ និងសម្រេចបាននូវគោលដៅរបស់អាជីវកម្ម។ បន្ទាប់ពីដឹងពីចំណុចខ្លាំងរបស់ខ្លួន អ្នកក៏ត្រូវចេះពង្រឹង និងបន្តអភិវឌ្ឍចំណុចនោះឱ្យកាន់តែខ្លាំងបន្ថែមទៀត ដើម្បីជាប្រយោជន៍បានយូរអង្វែង។

• ចំណុចខ្សោយ (Weakness)៖ ម្ចាស់អាជីវកម្មក៏ត្រូវចេះសង្កេតមើលចំណុចខ្សោយនៃអាជីវកម្មរបស់ខ្លួន ព្រោះវាក៏ជាចំណុចដ៏សំខាន់ដើម្បីស្វែងរកដំណោះស្រាយ និងកែតម្រូវមុនពេលទទួលរងឥទ្ធិពលពីដៃគូប្រជែង ដែលជាកត្តាធ្វើឱ្យប៉ះពាល់ដល់ដំណើរការអាជីវកម្ម។ ដើម្បីដឹងពីចំណុចខ្សោយរបស់ខ្លួន យើងអាចប្រៀបធៀបប្រតិបត្តិការផ្ទៃក្នុងអាជីវកម្ម ឬរបៀបនៃការគ្រប់គ្រងអាជីវកម្មដៃគូ នោះយើងនឹងដឹងថា អាជីវកម្មយើងអន់ខ្សោយជាងគេត្រង់ចំណុចណា។​ ឧទាហរណ៍ថា​ អ្នកបើកហាងកាហ្វេ តែដៃគូប្រកួតប្រជែងរបស់អ្នកមានផ្ដល់សេវាកម្មកម្ម៉ង់កាហ្វេតាមកម្មវិធីទូរសព្ទដៃបាន និងមានសេវាកម្មដឹកជញ្ជូនដល់ផ្ទះទៀត ស្របពេលដែលអាជីវកម្មអ្នកមានត្រឹមតែលក់ក្នុងហាង។ ដូចនេះ អ្នកឃើញថាចំណុចណាដែលអ្នកគួរកែលម្អឱ្យប្រសើរឡើងហើយ។

• ឱកាស (Opportunity)៖ ចំណុចនេះសំដៅដល់ការចាប់យកឱកាសដែលមានក្នុងទីផ្សារឱ្យបានមុនគេ ជាមួយនឹងការសម្រេចចិត្តត្រឹមត្រូវក្នុងការជ្រើសរើសយកឱកាសដែលសក្តិសម។ ឧទាហរណ៍ថា អ្នកមានអាជីវកម្មលក់ម្ហូបអាហារ។ ពេលចាប់ផ្ដើមមានជំងឺកូវីដ អ្នកដឹងថា មនុស្សម្នានឹងកាត់បន្ថយការជួបជុំអ្នកដទៃ ហើយមិនចង់ចេញញ៊ាំអាហារក្រៅផ្ទះនោះទេ។ ដូច្នេះអ្នកបានសម្លឹងឃើញឱកាសមួយគឺបង្កើតបន្ថែមនិងផ្សព្វផ្សាយពីសេវាកម្មខ្ចប់ម្ហូបអាហារនិងដឹកជញ្ជូនដល់ផ្ទះអតិថិជនតែម្ដង។ វាគឺជាឱកាសល្អមួយដើម្បីរក្សានិងពង្រឹងបន្ថែមនូវលំហូរចំណូលអាជីវកម្ម ជាពិសេសក្នុងរដូវកាលលំបាកនេះ។ នេះគ្រាន់តែជាឧទាហរណ៍មួយដែលទាក់ទងទៅនឹងនិន្នាការទីផ្សារប៉ុណ្ណោះ។

ក្រៅពីនេះ ឱកាសសម្រាប់អាជីវកម្មក៏អាចមានផ្សេងទៀតដែរដូចជា ការបង្កើតផលិតផលឬសេវាកម្មបន្ថែមទៅតាមការវិវត្តនៃនិន្នាការទីផ្សារ ការពង្រីកទីតាំងអាជីវកម្ម(សាខា)នៅភូមិសាស្ត្រដែលមិនទាន់មានដៃគូប្រកួតប្រជែងទៅដល់។ល។

• ការគំរាមកំហែងឬហានិភ័យ (Threat)៖ សំដៅលើកត្តាខាងក្រៅទាំងឡាយណា ដែលធ្វើឲ្យប៉ះពាល់ដល់អាជីវកម្មរបស់យើង។ ឧទាហរណ៍ដូចជា ការធ្វើវិសោធនកម្មច្បាប់ គ្រោះមហន្តរាយធម្មជាតិ ព្រឹត្តិការណ៍ជាតិឬអន្តរជាតិ ​វិវត្តន៍នៃបច្ចេកវិទ្យា ការជ្រៀតចូលនៃដៃគូប្រជែងថ្មី​ដែលធ្វើឲ្យប៉ះពាល់ដល់ទំនាក់ទំនងជាមួយអតិថិជន និង ការតម្លើងថ្លៃទំនិញពីអ្នកផ្គត់ផ្គង់។ល។ ពិតណាស់ ម្ចាស់អាជីវកម្មគួរតែយល់ដឹងពីហានិភ័យដែលអាចជះឥទ្ធិពលដល់អាជីវកម្មរបស់ខ្លួន ហើយគួរត្រៀមខ្លួននិងគិតពីផែនការបម្រុង (backup plan) សម្រាប់ដោះស្រាយជាមួយបញ្ហានានាៗដែលស្ថិតក្រៅការគ្រប់គ្រងរបស់ខ្លួន ដើម្បីការពារ និងកាត់បន្ថយហានិភ័យឱ្យបានតិចបំផុតតាមដែលអាចធ្វើបាន។ ក្រៅពីនេះ អ្នកគួរសិក្សានិងតាមដាននូវព័ត៌មានថ្មីៗទាន់ហេតុការណ៍ទាំងក្នុងនិងក្រៅស្រុក ការអភិវឌ្ឍប្រទេសជាតិ ជាដើម ដើម្បីអាចសម្រេចចិត្តបានទាន់ពេលវេលាក្នុងការបញ្ចៀសពីការគំរាមកំហែងនានា។

វិធីសាស្ត្រវិភាគអាជីវកម្ម SWOT Analysis នេះមានប្រយោជន៍ជាពិសេសសម្រាប់សហគ្រិនថ្មីថ្មោង និងអ្នករៀបចំគម្រោងបង្កើតអាជីវកម្ម​ ព្រោះវាជាផ្នែកដំបូងក្នុងការវិភាគនិងពិនិត្យមើលសមត្ថភាពអាជីវកម្មមុននឹងឈានជើងចូលក្នុងវិស័យណាមួយនោះ ដើម្បីងាយស្រួលគ្រប់គ្រងការងារផ្ទៃក្នុងនៃអាជីវកម្ម ក៏ដូចជាការប្រកួតប្រជែងនៅលើទីផ្សារ។ លើសពីនេះវាក៏អាចដើរតួសំខាន់ក្នុងការសម្រេចចិត្តបង្កើតយុទ្ធសាស្រ្តថ្មីផងដែរ៕

*ចំណាំ៖ ចំណុចដែលបានបង្ហាញក្នុងរូបភាពគ្រាន់តែជាឧទាហរណ៍ខ្លះៗនៃការវិភាគលើអាជីវកម្មទូទៅប៉ុណ្ណោះ តែជាក់ស្ដែងការធ្វើ SWOT Analysis លើអាជីវកម្មផ្សេងគ្នា លទ្ធផលនៃការវិភាគក៏អាចខុសគ្នា ទៅតាមប្រភេទនិងធនធាននៃអាជីវកម្មដែរ៕

16/12/2020

👏👏​អបអរសាទរ សិស្សានុសិស្សថ្នាក់ទី១២ #ជាប់ជាស្ថាពរ តែជំហានបន្ទាប់ត្រូវខិតខំរៀន ថ្នាក់បរិញ្ញាបត្រ ទាំងអស់គ្នា 👏👏

16/12/2020

👉១០ចំណុចសំខាន់ៗដែលបងប្អូនគួរយល់ដឹងនៅក្នុងឆ្នាំ២០២១។ ដោយកុំមើលរំលងដូចនៅក្នុងឆ្នាំ២០២០ ដែលបានបង្ហាត់យើងនូវរឿងដែលនឹកស្មានមិនដល់កន្លងមក៖

១/ កុំរំពឹងលើភ័ព្វព្រេងវាសនា
២/ ឈ្វេងយល់ និងយល់ដឹងពីចំណុចខ្សោយ និងខ្វះខាត របស់ខ្លួនឯងឲ្យបានច្បាស់លាស់
៣/ ត្រូវត្រៀមខ្លួនឯងជាស្រេច គ្រប់ពេលវេលា និងកាលៈទេសៈទាំងអស់
៤/ ត្រូវតែពូកែ និងមានភាពឈ្លាសវៃនៅក្នុងការដឹកនាំអាជីវកម្មរបស់អ្នក ហើយត្រូវមានប្រជាប្រិយ៍ភាព និងទំនាក់ទំនងល្អនៅក្នុងសង្គម
៥/ កុំរត់គេចពីបញ្ហា ហើយត្រូវហ៊ានប្រឈមមុខ និងដោះស្រាយបញ្ហាទាំងអស់ដែលកំពុងតែកើតឡើងម្តងមួយៗឲ្យបានច្បាស់លាស់
៦/ កុំជម្រុញខ្លួនឯងឲ្យដើរទៅលើផ្លូវខុស ហើយកុំគិតអវិជ្ជមានច្រើនពេក
៧/ ត្រូវចេះកែច្នៃបញ្ហាដែលបានកើតឡើងឲ្យទៅជាឱកាស ដើម្បីធ្វើការអភិវឌ្ឍខ្លួន ឬស្ថាប័នឲ្យទាន់សភាពជាក់ស្តែង
៨/ ត្រូវដឹងពីគោលដៅ និងគោលបំណងពិតប្រាកដរបស់ខ្លួនឲ្យបានច្បាស់លាស់
៩/ ត្រូវមានឆន្ទៈខ្ពស់ គិតវិជ្ជមាន ដោយការគិត និយាយ ធ្វើ ដោយមានការពិចារណា កុំរវើរវាយទៅតាមអារម្មណ៍
១០/ ត្រូវធ្វើការផ្លាស់ផ្តូរការគិតរបស់អ្នក ដែលធ្លាប់គិតថា«មិនអាចធ្វើបាន មិនអាចទៅរួច ចាំសិន គ្មានសមត្ថភាព គ្មានបទពិសោធន៍ ខ្លាច និង ខ្ជិលជាដើម។ល។
://m.facebook.com/oknhachethsereysopheak/

27/11/2020

9 Steps for New Business

25/11/2020

ក្នុងឆ្នាំនេះនៅលើទីផ្សារមូលបត្រកម្ពុជា មានក្រុមហ៊ុន២ដែលបានធ្វើ IPO (ដាក់លក់ភាគហ៊ុនដំបូង) គឺ ធនាគារពាណិជ្ជ ACLEDA និង ក្រុមហ៊ុន PESTECH។ ចុះនៅលើទីផ្សារអន្តរជាតិវិញមាន IPO ថ្មីៗក្ដៅៗអីខ្លះ? តិចអត់ដឹង 😁 បើអត់ទាន់ដឹងទេចាំ ប្រាប់។

Airbnb - គឺជា website និង mobile app សម្រាប់ជួលកន្លែងស្នាក់នៅពេលយើងទៅដើរលេង។ កន្លែងស្នាក់នៅហ្នឹងមានលក្ខណៈខុសពីសណ្ឋាគារទូទៅព្រោះថាភាគច្រើនគឺជាផ្ទះរបស់អ្នកស្រុកនៅក្នុងទីក្រុងឬស្រុកភូមិដែលយើងទៅហ្នឹងតែម្ដង។ មានន័យថាអ្នកដែលមានផ្ទះទំនេរគាត់អាចដាក់ជួលឱ្យទេសចរ ស្នាក់នៅក្នុងរយៈពេលបានដូចសណ្ឋាគារអញ្ចឹង។ អ្នកស្នាក់នៅអាចទទួលបាននូវបទពិសោធន៍ក្នុងស្រុក ហើយជាទូទៅមានតម្លៃថោកជាងការជួលសណ្ឋាគារ។
ទោះបីដំណើរកំសាន្តក្នុងឆ្នាំនេះបានធ្លាក់ចុះយ៉ាងគំហុក ហើយប្រាក់ចំណូលរបស់ក្រុមហ៊ុននេះធ្លាក់ចុះ 67% ក៏ដោយក៏ក្រុមហ៊ុននេះនៅតែបន្តតាមគម្រោងក្នុងការធ្វើ IPO ក្នុងខែធ្នូ ឆ្នាំនេះដែរ។
តម្លៃក្រុមហ៊ុន៖​ $១៨ ពាន់លានដុល្លារអាមេរិក។

Asana - គឺជា website និង mobile app សម្រាប់ជួយឱ្យក្រុមការងារទាំងឡាយរៀបចំ តាមដាន និង គ្រប់គ្រងការងាររបស់សមាជិកក្រុមទាំងអស់។ Asana មាន features ច្រើនណាស់ដែលជួយឱ្យការធ្វើការងារក្រុមស្រួលជាងមុន។ តាមពិតទៅ Co-founder និង CEO របស់ក្រុមហ៊ុននេះក៏បានចូលរួមបង្កើត (co-founded) Facebook ដែរ។ ភាគហ៊ុនដំបូងបើកលក់ ក្នុងខែកញ្ញា ២០២០។
តម្លៃក្រុមហ៊ុន៖​ $២.៦ ទៅ ៥.៣ ពាន់លានដុល្លារអាមេរិក។

DoorDash - គឺជាក្រុមហ៊ុនដឹងជញ្ជូនម្ហូបដ៏ធំមួយនៅសហរដ្ឋអាមេរិក។ ក្រុមហ៊ុនមាន mobile app សម្រាប់អ្នកប្រើប្រាស់ ហើយសហការជាមួយហាងជាង ៣០០,០០០ នៅក្នុងសហរដ្ឋអាមេរិក។ ក្នុងឆ្នាំនេះ DoorDash មានអ្នកប្រើប្រាស់ ដល់ទៅ ២០លានអ្នក កើន២ដងប្រៀបនឹងឆ្នាំ ២០១៩។ ភាគហ៊ុនដំបូងបើកលក់ថ្ងៃ១៣ ខែវិច្ឆិកា ឆ្នាំ២០២០នេះ។
តម្លៃក្រុមហ៊ុន៖​ $១៦ ពាន់លានដុល្លារអាមេរិក។

Robinhood - គឺជាក្រុមហ៊ុនផ្ដល់សេវាកម្មផ្នែកជួញដូរមូលបត្រ ដូចជាភាគហ៊ុន ETFs options និង cryptocurrencies។ Robinhood មាន website និង mobile app សម្រាប់ឱ្យអ្នកប្រើប្រាស់ជួញដូរបាន មានភាពសាមញ្ញ ងាយស្រួលយល់ជាងប្រព័ន្ធផ្សេងៗទៀត ហើយមិនមានគិតថ្លៃជួញដូរ ឬមានតម្រូវការលុយអប្បបរមាទេ។ នេះហើយធ្វើឱ្យRobinhood មានការនិយមប្រើច្រើនក្នុងចំណោមអ្នកទើបចាប់ផ្ដើមវិនិយោគ។
ភាគហ៊ុនដំបូងនឹងបើកលក់ដើមឆ្នាំ២០២១។
តម្លៃក្រុមហ៊ុន៖​ $១១.២ ពាន់លានដុល្លារអាមេរិក

Snowflake - ជាក្រុមហ៊ុនសេវាកម្មផ្នែក software (software-as-a-service ឬ SaaS) ដែលផ្ដល់ជាឃ្លាំងស្ដុកទុកទិន្នន័យក្នុងអុីនធឺណេត (cloud-based data warehouse) ដែលមានភាពបត់បែន រហ័ស និងងាយស្រួលយកមកប្រើប្រាស់ ឬសិក្សាជាងប្រព័ន្ធឃ្លាំងស្ដុកទុកព័ត៌មានផ្សេងៗទៀត។ ក្នុងសម័យឥឡូវនេះ ក្រុមហ៊ុនជាច្រើនប្រើប្រាស់សេវាកម្មនេះដើម្បីស្ដុកទិន្នន័យនៃការលក់ ឬទិន្នន័យអតិថិជនរបស់គេ ដើម្បីបង្កើនការលក់ និងចំណូល។
ភាគហ៊ុនដំបូងបើកលក់ ក្នុងខែកញ្ញា ២០២០។
តម្លៃក្រុមហ៊ុន៖​ $៧៥ ពាន់លានដុល្លារអាមេរិក
Palantir - ជាក្រុមហ៊ុនសេវាកម្មផ្នែក software មួយដែរ ដែលជួយឱ្យអ្នកប្រើប្រាស់ភ្ជាប់ទៅនឹង ប្រភពទិន្នន័យ សាធារណៈ (public data) ដើម្បីស្វែងយល់ពីនិន្នាការ ទំនាក់ទំនង ការវិភាគផ្សេងៗ ហើយអាចធ្វើការព្យាករណ៍បាន។ រដ្ឋាភិបាលលសហរដ្ឋអាមេរិចជាអ្នកប្រើប្រាស់សេវាកម្មរបស់ Palantir ធំជាងគេមួយ។ ក្នុងឆ្នាំនេះ Palantir ក៏ត្រូវបានប្រើប្រាស់ក្នុងការជួយទប់ស្កាត់ការរាលដាលនៃ COVID-19 ក្នុងសហរដ្ឋអាមេរិកដែរ។
ភាគហ៊ុនដំបូងបើកលក់ ក្នុងខែកញ្ញា ២០២០។
តម្លៃក្រុមហ៊ុន៖​ $២២ ពាន់លានដុល្លារអាមេរិក។

25/11/2020

#ពាក្យប្រចាំសប្ដាហ៍
ថ្ងៃនេះចង់លើកយកពាក្យសំខាន់ៗទាក់ទងនឹងការវិនិយោគ ដែលមានដូចជា Underwriter Broker and Dealer.

Underwriter គឺជា បុគ្គលឬក្រុមហ៊ុនវិភាគនិងធានាលើផលិតផលហិរញ្ញវត្ថុ មានដូចជាភាគហ៊ុន សញ្ញាបណ្ណ ព្រមទាំងធានារ៉ាប់រង ឬអចលនទ្រព្យផងដែរ។ តួនាទីរបស់អ្នកធានានិងវិភាគខុសៗគ្នា អាស្រ័យទៅលើវិស័យ និងផលិតផលហិរញ្ញវត្ថុ ដោយទទួលបានកម្រៃពីក្រុមហ៊ុនដែលបោះលក់ផលិតផលហិរញ្ញវត្ថុ។ ចំពោះវិស័យភាគហ៊ុន អ្នកធានានិងវិភាគ មានតួនាទី វិភាគនិងជួយក្នុងដំណើរការបោះលក់ភាគហ៊ុន ឲ្យក្រុមហ៊ុនសាជីវកម្ម ហើយថែមទាំងធានាទិញមូលប័ត្រ ដែលបោះលក់នោះ។

Broker គឺជាឈ្មួញជើងសារ ដែលមានតួនាទីជាអ្នកជួយធ្វើការទិញលក់ផលិតផលហិរញ្ញវត្ថុ មានដូចជា ភាគហ៊ុន ឬ សញ្ញាបណ្ណ ឬធានារ៉ាប់រង ជំនួសឲ្យអ្នកវិនិយោគផ្ទាល់។ ឈ្មួញជើងសារជាបុគ្គលដែលត្រូវបានទទួលស្គាល់តាមរយៈការចុះបញ្ជី និងមានអាជ្ញាបណ្ណត្រឹមត្រូវក្នុងវិស័យណាមួយច្បាស់លាស់ ហើយទទួលបានកម្រៃជើងសារជាភាគរយពីអ្នកទិញលក់។ អ្នកចង់ទិញឬលក់ភាគហ៊ុនគឺត្រូវទាក់ទង ឈ្មួញជើងសារ ព្រោះជាធម្មតាឈ្មួញជើងសារជាដៃគូសហការរបស់ផ្សារមូលប័ត្រដែលមានសិទ្ធិក្នុងការបញ្ជាទិញភាគហ៊ុន។

Dealer គឺជាអ្នកចែកចាយផលិតផលហិរញ្ញវត្ថុ។ បើក្នុងវិស័យមូលប័ត្រ​ អ្នកចែកចាយគឺជាអ្នកទិញ លក់ភាគហ៊ុន ឬសញ្ញាបណ្ណ។ អ្នកចែកចាយមូលប័ត្រ អាចជាក្រុមហ៊ុន ឬក្រុម ឬបុគ្គលម្នាក់ៗ ដែលមានភាគហ៊ុន ហើយទិញលក់ ជាប្រចាំដើម្បីរកផលចំណេញ។ អ្នកចែកចាយក៏ត្រូវទទួលស្គាល់និងសហការជាមួយផ្សារមូលប័ត្រតាមច្បាប់ត្រឹមត្រូវដើម្បីធ្វើការជួញដូរបាន។
#កាក់សេន

24/11/2020

បញ្ជីរាយឯកសារតម្រូវ អំពី ការចុះបញ្ជី និងបង់ពន្ធប្រថាប់ត្រា លើការផ្ទេរកម្មសិទ្ធិ ឬ សិទ្ធិកាន់កាប់អចលនទ្រព្យ

26/10/2020

09/10/2020

គតិអប់រំ៖ សុភាសិត ដ៏មាន តម្លៃ ៧ ឃ្លា របស់ ជនជាតិ កូរ៉េ
⬛១) ទោះបីអ្នកស្គាល់ផ្លូវមួយច្បាស់ប៉ុណ្ណាក្តី សូម កុំ ភ្លេចឆ្លៀតសួរគេ បញ្ជាក់ ម្តងទៀត
អត្ថន័យ៖ ចំពោះ រឿង អ្វី ក៏ ដោយ ទោះ បី ជា អ្នក ច្បាស់ ខ្លាំង យ៉ាង ណា ក៏ កុំមានជំនឿជាក់ជ្រុលហួសហេតុ ខ្លាំង ពេក ពីព្រោះថា អ្វីៗ សុទ្ធ តែ អាចប្រែប្រួល និងមិនអាចរំពឹងទុកមុនបាន រហូត នោះ ទេ។
⬛២) រទះទទេរ រមែងលាន់សម្លេងខ្លាំង
អត្ថន័យ៖ មានន័យស្រដៀងនឹងឃ្លាថា មេមាន់ដែលស្រែកខ្លាំង រមែងពងមិនច្រើនដូចមេមាន់ដែលសំងំក្រោបពងឡើយ។ វាមានអត្ថន័យដូច នឹង សុភាសិតខ្មែរយើង មួយ ដែរ នោះ គឺ «ឆ្កែព្រុសមិនដែលខាំ»។ សម្រាប់មនុស្សវិញ មិនសំខាន់ថា អ្នកពូកែនិយាយ ឬពូកែអួតអាងប៉ុណ្ណាទេ សំខាន់ គឺលទ្ធផលដែលអ្នកធ្វើសម្រេចប៉ុណ្ណោះ។
⬛៣) ទីណាមានឆន្ទៈ ទីនោះ តែង មានផ្លូវ
អត្ថន័យ៖ ឲ្យតែមនុស្សមានឆន្ទៈ និងមានបំណងច្បាស់លាស់មុតមាំ ទោះ ធ្វើ កិច្ចការ អ្វី ក៏ ដោយវាពិត ជា អាចទៅរួច ឬ ប្រាកដ ជា មានវិធីសាស្រ្តដែលអាចធ្វើទៅបាន។ បើមនុស្សមានឆន្ទៈដើម្បីសម្រេចអ្វីមួយហើយ នោះគេនឹងព្យាយាមស្វែងរកវិធីសាស្រ្តដើម្បីធ្វើវាឲ្យបាន ដូច គ្នា។
⬛៤) គ្រាប់សណ្តែកតែងតែដុះចេញពីកន្លែង ដែលគេដាក់ដាំ វានោះ
អត្ថន័យ៖ ស្រដៀងគ្នានឹងសុភាសិតខ្មែរមួយ គឺ ស្លឹកឈើ ជ្រុះមិនឆ្ងាយពីគល់។ សម្រាប់ជីវិតរស់នៅវិញ គឺក្មេងៗ តែងតែមើល ឃើញ អ្វីដែលឪពុកម្តាយ ឬ មនុស្ស ជុំវិញ ខ្លួនវា ប្រព្រឹត្ត ហើយវានឹងធ្វើតាមគំរូទាំងអស់នោះ។ អ៊ីចឹងមានន័យថា ប្រសិនបើក្មេងនោះសំដែងចេញអកប្បកិរិយាបែបណា នោះមានន័យថា ឪពុកម្តាយរបស់គេក៏ប្រហែលជាមានអកប្បកិរិយាបែបនោះ ដូច គ្នា ដែរ។
⬛៥) ពេល ចាប់ផ្តើម គឺ អ្នក សម្រេច លទ្ធផល បានពាក់កណ្តាល រួច បាត់ ទៅ ហើយ
អត្ថន័យ៖ គ្រប់កិច្ចការទាំង អស់ ការចាប់ផ្តើមគឺសំខាន់ ខ្លាំងណាស់ ពីព្រោះកិច្ចការភាគ ច្រើន នៅ លើ លោក នេះ មិន អាច ទទួល បាន ផ្លែ ផ្កា ក៏ ដោយសារ តែ ការមិនព្រមចាប់ផ្តើម នេះ ឯង។ ដូចនេះបើអ្នកចាប់ផ្តើម ធ្វើ អ្វី មួយ ទោះបីលទ្ធផលចុងក្រោយបែប ណា ក្តី ប៉ុន្តែមានន័យថា អ្នកសម្រេចលទ្ធផលបានពាក់កណ្តាល មុន រួច ស្រេច ទៅហើយ។
⬛៦) កុំព្យាយាម យក ដៃ បាំងមេឃ
អត្ថន័យ៖ អ្នកអាចបិទបាំងមេឃបាន ដោយអ្នកគ្រាន់តែយកម្រាមដៃបិទកែវភ្នែកទាំងពីររបស់ខ្លួន ប៉ុន្តែ ត្រូវ ចាំ ថាមេឃនៅតែជាមេឃដដែល។ ដូចនេះ អ្នកមិនគួរព្យាយាម បិទបាំងការពិតដែលធ្លាប់កើតឡើងចំពោះ រូប អ្នកឡើយ ពីព្រោះអ្នកដទៃគង់តែដឹងនៅថ្ងៃណាមួយ ជាក់ ជា មិនខាន។ សូមចងចាំថា នៅ លើ លោក នេះមានរបស់បីយ៉ាងដែល យើង មិនអាចលាក់បាន នោះ គឺព្រះអាទិត្យ ព្រះច័ន្ទ្រ និងការពិត។ ហេតុ ដូចនេះ ហើយ ទោះ បី ធ្វើ អ្វី ក៏ ដោយចូរស្មោះត្រង់ ចំពោះ ខ្លួន ឯង ហើយ និង អ្នក ដទៃ។
⬛៧) សត្វស្វា ក៏គង់នឹងធ្លាក់ពីដើមឈើ
អត្ថន័យ៖ ទោះបីអ្នកជំនាញ ខ្លាំង ប៉ុណ្ណាក៏ដោយ ក៏រមែងនឹងធ្វេសប្រហែស ឬបង្កើតកំហុសណាមួយ ជាក់ មិនខាន។ ប៉ុន្តែ សូម កុំ មាន ការ ភ័យ ខ្លាច ក្នុង ការ បង្កើត កំហុស ដោយ អចេតនា បែប នោះ អី។ ត្រូវ ចាំ ថា រាល់ កំហុស ឆ្គង ហើយ និង ការ បរាជ័យ វា នឹង ក្លាយ ទៅ ជា បទពិសោធន៍ ដ៏ មាន តម្លៃ ដែល នឹង បង្រៀន អ្នក អោយ ក្លាយ ទៅ ជា មនុស្ស ដែល រឹង មាំ ម្នាក់។ អ្វី ដែល សំខាន់ បំផុត នោះ គឺ បើ អ្នក ធ្លាក់ ពី លើ មែកឈើ ហើយ តើ អ្នក មាន ភាព ក្លាហាន ឡើង ទៅ លើ ដើមឈើ នោះ ម្ដង ទៀត ដែរ ឬ ក៏ អត់?
ប្រភព ពី ៖ Tin Soklim – ទីន សុខលីម