យុវវ័យ២១ Youths21

យុវវ័យ២១ Youths21 សារព័ត៌មានយុវវ័យ២១ www.youths21.com

យុវវ័យ២១ ជាសារព័ត៌មានដែលមិនលំអៀង ឯករាជ្យ និងមានព័ត៌មានដ៏សម្បូរបែប សម្រាប់គាំទ្រដល់ការអភិវឌ្ឍន៍ពហុវិស័យ។ យុវវ័យ២១ ផលិត និងផ្សព្វផ្សាយព័ត៌មានជាអត្ថបទ សំឡេង និងវីដេអូ ជាភាសាខ្មែរ។ យុវវ័យ២១ ផ្សព្វផ្សាយព័ត៌មានសំខាន់ៗ អំពីសកលលោក ក្នុងតំបន់ និងក្នុងស្រុក ជាពហុវិស័យ ដូចជា វិស័យកសិកម្ម អប់រំ កីឡា បរិស្ថាន នយោបាយ សេដ្ឋកិច្ច សង្គមកិច្ច អាជីវកម្ម អចលនទ្រព្យ សុខភាព វិទ្យាសាស្ត្រ កម្សាន្ត ទេសចរណ៍ និងអន្តរវិស័យ។

ល។ សារព័ត៌មានយុវវ័យ២១ ជាសាលារៀនផ្តល់ចំណេះដឹងទូទៅសម្រាប់អភិវឌ្ឍន៍បុគ្គល គ្រួសារ សហគមន៍ និងប្រជាជាតិ។ សារព័ត៌មានយុវវ័យ២១ មានពាក្យស្លោក (ព័ត៌មានសម្រាប់ការអភិវឌ្ឍន៍យុវជន)។

ទស្សនវិស័យ របស់សារព័ត៌មានយុវវ័យ២១ គឺចង់ឃើញប្រជាជន នៃប្រជាជាតិនានា ប្រើប្រាស់សារព័ត៌មាន ក្នុងផ្លូវវិជ្ជមាន យ៉ាងទូលំទូលាយ សម្រាប់គាំទ្រដល់ការអភិវឌ្ឍន៍ បុគ្គល គ្រួសារ សហគមន៍ និងប្រជាជាតិ។

បេសកម្មរបស់សារព័ត៌មានយុវវ័យ២១ គឺខិតខំប្រឹងប្រែងយ៉ាងសកម្ម ដើម្បីប្រមូលចងក្រងព័ត៌មាន ឯកសារនានាក្នុងផ្លូវវិជ្ចមាន យ៉ាងទូលំទូលាយ និងប្រកបដោយវិជ្ជាជីវៈ ដើម្បីផ្សព្វផ្សាយ និងសម្រាប់គាំទ្រដល់ការអភិវឌ្ឍន៍ពហុវិស័យ។

27/07/2025

គិតត្រឹមថ្ងៃទី២៧ ខែ កក្កដា ឆ្នាំ ២០២៥ មាន សាលារៀនជាង៦០០ ត្រូវបានបិទទ្វារ ហើយបើគិតជារួមចំនួនខេត្តទាំង៥ ដែលទទួលរងគ្រោះពីការឈ្លានពានរបស់ប្រទេសថៃ។ ក្រោយពីបិទសាលារៀននៅក្នុងខេត្ដទាំង៥នេះហើយ មានសិស្សជាង១៥ម៉ឺននាក់រួមទាំងគ្រូបង្រៀនជាង៦ពាន់នាក់ មិនអាចរៀនសូត្រ និងបង្រៀនបាន។
ប្រភព៖ក្រសួងការពារជាតិ

27/07/2025

ការប្រទ្បងសញ្ញាបត្រមធ្យមសិក្សាទុតិយភូមិគ្រោងធ្វើថ្ងៃ១៨-១៩សីហា
ត្រូវពន្យាពេលទៅ
ថ្ងៃ២៨-២៩សីហាវិញ។


#សារព័ត៌មានយុវវ័យ២១

សិស្សនិស្សិត និងគរុសិស្សនាំគ្នាបង្ហោះសារ គាំទ្រឱ្យបិទការផ្សាយពាណិជ្ជកម្មគ្រឿងស្រវឹងដែលភ្ជាប់រង្វាន់សិស្សនិស្សិត និងគរុសិ...
16/05/2025

សិស្សនិស្សិត និងគរុសិស្សនាំគ្នាបង្ហោះសារ គាំទ្រឱ្យបិទការផ្សាយពាណិជ្ជកម្មគ្រឿងស្រវឹងដែលភ្ជាប់រង្វាន់

សិស្សនិស្សិត និងគរុសិស្សនាំគ្នាបង្ហោះសារព្រោងព្រាតលើបណ្ដាញសង្គម Facebookនិង Tic Tok របស់ពួកគេដោយភ្ជាប់ខ្លឹមសារ “សូមឈប់ផ្សាយគ្រឿងស្រវឹងដោយដាក់រង្វាន់ទាក់ទាញ” នាពេលថ្មីៗនេះ។

ហេតុដែលនាំឱ្យសិស្សនិស្សិត និងគរុសិស្សផ្ដូចផ្ដើមបង្ហោះសារនេះឡើង ដោយសារពួកគេសង្កេតឃើញថា ការផ្សព្វផ្សាយពាណិជ្ជកម្មគ្រឿងស្រវឹងនាពេលបច្ចុប្បន្នមានភាពអូសទាញ ពង្វក់ស្មារតី និងជំរុញ កុមារ និងយុវជនឱ្យចង់ប្រើប្រាស់គ្រឿងស្រវឹងទាំងនៅវ័យក្មេង និងប្រើប្រាស់កាន់តែច្រើន ដោយភ្ជាប់រង្វាន់ភ្លូកទឹកភ្លូកដីដូចជា ទទួលបានប្រាក់ខែដោយមិនចាំបាច់ធ្វើការ រង្វាន់ឡាន ម៉ូតូ លុយសុទ្ធ មាសសុទ្ធ និងជួលតារាល្បីៗដែលមានអ្នកគាំទ្ររាប់ពាន់នាក់ មកផ្សាយស្រា។

ដើម្បីបង្ការកុមារ និងយុវជនពីគ្រោះថ្នាក់បណ្ដាលមកពីឥទ្ធិពលនៃការផ្សាយពាណិជ្ជកម្មគ្រឿងស្រវឹងទាំងនេះ សិស្សនិស្សិត និងគរុសិស្សបានបង្ហោះសារលើបណ្ដាញសង្គម Facebook និង Tic Tok ក្នុងគោលបំណងស្នើសុំឱ្យរាជរដ្ឋាភិបាលបិទការផ្សាយពាណិជ្ជកម្មគ្រឿងស្រវឹងដែលភ្ជាប់ជាមួយរង្វាន់គ្រប់ទម្រង់។

យោងតាមការសិក្សារបស់រាជបណ្ឌិត្យសភាកម្ពុជានាពេលថ្មីៗនេះ ស្ដីពីទស្សនៈសាធារណជនទៅលើការផ្សាយពាណិជ្ជកម្មគ្រឿងស្រវឹង បានបង្ហាញថា ប្រជាពលរដ្ឋច្រើនជាង 90ភាគរយ បានគាំទ្រឱ្យរាជរដ្ឋាភិបាលកំហិតការផ្សាយពាណិជ្ជកម្មគ្រឿងស្រវឹងគ្រប់ទម្រង់តាមរយៈ៖
គួរហាមកុំអោយភ្ជាប់រង្វាន់ក្នុងការផ្សាយពាណិជ្ជកម្មគ្រឿងស្រវឹង ទាក់ទាញឱ្យប្រើប្រាស់គ្រឿងស្រវឹងកាន់តែច្រើនគួរហាមឱ្យតារា ឬអាយដល (Idol) របស់កុមារ និងយុវជន កុំអោយផ្សាយពាណិជ្ជកម្មគ្រឿងស្រវឹងការផ្សាយពាណិជ្ជកម្មគ្រឿងស្រវឹង គួរមានតែឈ្មោះ និងម៉ាកស្រាបៀរតែប៉ុណ្ណោះ កុំឱ្យមានសារឬរូបភាពអូសទាញពង្វក់ គួរហាមការផ្សាយពាណិជ្ជកម្ម គ្រឿងស្រវឹងក្នុងព្រឹត្តិការណ៍កីឡា និងទីកន្លែងប្រកួតកីឡា ដកហូតផ្ទាំងប៉ាណូ និងបដាផ្សាយពាណិជ្ជកម្មគ្រឿងស្រវឹង តាមដងផ្លូវ និងមុខផ្ទះប្រជាជន ដូចដែលរដ្ឋបាលខេត្តមួយចំនួនបានធ្វើកន្លងមក។

ប្រជាជនកម្ពុជា ទាំងអ្នកសេព និងអ្នកមិនសេពគ្រឿងស្រវឹង ទទួលស្គាល់នូវឥទ្ធិពលនៃការផ្សាយពាណិជ្ជកម្មគ្រឿងស្រវឹង មកលើការសម្រេចចិត្តរបស់ពួកគាត់។ ក្នុងនោះ លើសពី90% យល់ថា ការផ្សាយពាណិជ្ជកម្មជំរុញឱ្យមានការសេពគ្រឿងស្រវឹង បង្កើនចំនួនអ្នកសេពគ្រឿងស្រវឹង ឱ្យចង់សាកសេពគ្រឿងស្រវឹង និងធ្វើឱ្យមានអ្នកចាប់ផ្ដើមប្រើប្រាស់គ្រឿងស្រវឹងក្នុងវ័យកាន់តែក្មេង។

កន្លងមក បើទោះបីរាជរដ្ឋាភិបាលបានបានដាក់ចេញនូវវិធានការ ដើម្បីកាត់បន្ថយការប្រើប្រាស់គ្រឿងស្រវឹងក៏ដោយ យើងសង្កេតឃើញថា វិធានការមួយចំនួនដូចជាមិនទាន់ចាក់ចំគន្លឹះ ដែលអាចការពារ ឬកាត់បន្ថយហានិភ័យនៃការប្រើប្រាស់គ្រឿងស្រវឹង។ ជាក់ស្តែង ភាគរយនៃអ្នកសេពគ្រឿងស្រវឹងជោគជាំ បានកើនពី១២ភាគរយ %នៅឆ្នាំ២០១៦ ដល់៥២ នៅឆ្នាំ២០២៣ក្នុងចំណោមបុរស និងកើនឡើង៣ដងក្នុងចំណោមស្រ្តី នេះបើយោងតាមរបាយការណ៍ការអង្កេតកត្តាហានិភ័យជំងឺមិនឆ្លង 2023។

ការអង្កេតក៏បានរកឃើញថា ប្រជាជនទូទៅ សុទ្ធតែធ្លាប់ទទួលរងនូវបញ្ហាសុខភាព ខាតបង់ថវិកា គ្រោះថ្នាក់ចរាចរណ៍ បាត់បង់ការងារ ឬធ្វើការងារមិនពេញលេញ បោះបង់ការសិក្សាឬការសិក្សាចុះខ្សោយ មានទំនាស់ក្នុងគ្រួសារ ការរំខានស្រែកឡូឡាពីអ្នកសេពគ្រឿងស្រវឹង មានអារម្មណ៍ភ័យខ្លាចឬគ្មានសុវត្ថិភាព អំពើហិង្សាលើរាងកាយនិងការសម្លុតគម្រាម ជាដើម។


#សារព័ត៌មានយុវវ័យ២១

27/03/2025

តំបន់ការពារធម្មជាតិព្រៃក្ដា ទទួលជោគជ័យ ក្នុងការដាំដុះម្ទេសខ្មាំង

សហគមន៍តំបន់ការពារធម្មជាតិព្រៃក្ដា ទទួលបានជោគជ័យខ្ពស់ពីរបរដាំម្ទេសខ្មាំង ដែល ជាពូជក្នុងស្រុក ធន់នឹងអាកាសធាតុ ទទួលបានទិន្នផលខ្ពស់ បានរួមចំណែកយ៉ាងសំនខាន់ក្នុងការ លើកកម្ពស់សេដ្ឋកិច្ចសហគមន៍ និងការអភិរក្សធនធម្មជាតិ៕

យុវជន ចូលរួមសកម្មភាព រួមគ្នាលើកកម្ពស់ការអភិរក្សទន្លេមេគង្គអង្គការអុកស្វាម បានសហការជាមួយក្រសួងបរិស្ថាន បានរៀបចំកម្មវិធីបោ...
21/03/2025

យុវជន ចូលរួមសកម្មភាព រួមគ្នាលើកកម្ពស់ការអភិរក្សទន្លេមេគង្គ

អង្គការអុកស្វាម បានសហការជាមួយក្រសួងបរិស្ថាន បានរៀបចំកម្មវិធីបោះជំរុំយុវជនរយៈពេលពីរថ្ងៃ នៅថ្ងៃទី ១៨-១៩ ខែធ្នូ ឆ្នាំ២០២៥ នៅកោះហាន ខេត្តស្ទឹងត្រែង ដើម្បីប្រារព្ធទិវាអន្តរជាតិនៃសកម្មភាពដើម្បីទន្លេ ទិវានារី និងទឹក និងទិវាអន្តរជាតិនារី។ ព្រឹត្តិការណ៍នេះមានគោលបំណងបង្កើនទំនាក់ទំនងកាន់តែស៊ីជម្រៅជាមួយទន្លេ និងជំរុញសកម្មភាពរួមគ្នាដើម្បីការពារទន្លេមេគង្គ។

អ្នកចូលរួមប្រមាណ ៦០ នាក់ រួមមានថ្នាក់ដឹកនាំស្ត្រី មន្ត្រីរដ្ឋាភិបាលពា់ព័ន្ធ មន្ត្រីរដ្ឋាភិបាលជាន់ខ្ពស់ ក្រុមយុវជន ប្រជានេសាទ និងអាជ្ញាធរមូលដ្ឋាន។ កម្មវិធីនេះមានសកម្មភាពរួមសំខាន់ចំនួនបីគឺ ការជួបជុំបោះជំរុំនៅកោះហាន ការពិភាក្សាតុមូល និងការធ្វើដំណើរតាមទូកដើម្បីមើលព្រៃលិចទឹកទន្លេមេគង្គ។ ដូចយើងបានដឹងហើយថាទន្លេមេគង្គបានជួយដល់វិស័យកសិកម្ម ជលផល និងជីវចម្រុះ រួមចំណែកដល់ការកាត់បន្ថយការប្រែប្រួលអាកាសធាតុ និងមានសារៈសំខាន់សម្រាប់ជីវភាពរស់នៅប្រចាំថ្ងៃរបស់ប្រជាពលរដ្ឋ ជាពិសេសជាសក្តានុពលមួយដ៏សំខាន់សម្រាប់វិស័យទេសចរណ៍ ផ្នែកវប្បធម៌ប្រពៃណី និងជាប្រវត្តិសាស្ត្រដ៏សំខាន់សម្រាប់សហគមន៍នៃអាងទន្លេមេគង្គ ក៏ដូចសង្គមកម្ពុជា ។

ឯកឧត្តម លោក គល់ វឌ្ឍនា អគ្គលេខាធិការរងនៃគណៈកម្មាធិការជាតិទន្លេមេគង្គកម្ពុជា មានប្រសាសន៍ថា “នៅក្នុងអាងទន្លេមេគង្គក្រោម ការអភិវឌ្ឍន៍នៅភាគខាងលើ និងការប្រែប្រួលអាកាសធាតុកំពុងរំខានដល់កម្រិតកម្ពស់ទឹក របប និងលំនាំនៃរំហូរទឹក ប្រព័ន្ធអេកូឡូស៊ី និងវិស័យកសិកម្ម ដែលធ្វើឱ្យប៉ះពាល់ដល់ជីវភាពរស់នៅរបស់ប្រជាជននៅក្នុងអាងទន្លេ។ ការការពារទន្លេត្រូវការកិច្ចសហការរវាងយុវជន សហគមន៍ អាជ្ញាធរ និងអ្នកបង្កើតគោលនយោបាយ។ កិច្ចសហការចូលរួមចំណែកធ្វើការងាររួមគ្នា នឹងចូលរួមចំណែកយ៉ាងសំខាន់ដល់ការធានាអនាគតនៃទន្លេមេគង្គ និងរក្សាបាននូវនិរន្តរភាពនៃប្រព័ន្ធអេកូឡូស៊ីទន្លេ។”

លោកស្រី ភាណ សោភ័ណ នាយិកាអង្គការអុកស្វាម បានមានប្រសាសន៍ថា “សំឡេងរបស់ស្ត្រី ជនជាតិដើមភាគតិច ជនមានពិការភាព និងក្រុមជនងាយរងគ្រោះដ៏ទៃទៀតគួរត្រូវបានផ្តល់អាទិភាពក្នុងការ
រៀបចំគោលនយោបាយ និងផែនការធនធានទឹក ដើម្បីធានាឱ្យបាននូនូវគោលនយោបាយ និងដំណោះស្រាយដែលគិតគូរអំពីបញ្ហាប្រឈម ឆ្លើយតបនឹងតម្រូវការ និងប្រកបដោយបរិយាប័ន្ន។“

លោកជំទាវ ងិន លីណា រដ្ឋលេខាធិការក្រសួងបរិស្ថាន និងជាប្រធានក្រុមការងារយេនឌ័រ នៃក្រសួងបរិស្ថានបានហៅកម្មវិធីនេះថាជាជំហានដ៏សំខាន់មួយក្នុងការពង្រឹងសហគមន៍ ជាពិសេសយុវជន និងជំរុញការអនុវត្តបរិស្ថានប្រកបដោយនិរន្តរភាព។ ស្របតាមយុទ្ធសាស្ត្របញ្ចកោណដំណាក់កាលទី១អាទិភាពគន្លឹះ «មនុស្ស ផ្លូវ ទឹក ភ្លើង និង បច្ចេកវិទ្យា» និងគោលដៅយុទ្ធសាស្រ្ត៥ មុំទី៤ នៃយុទ្ធសាស្រ្តនេះបានបង្ហាញច្បាស់អំពីសកម្មភាពអាទិភាពដើម្បីធានាចីរភាពនៃការអភិវឌ្ឍសង្គម-សេដ្ឋកិច្ច និងការអភិវឌ្ឍប្រកបដោយនិរន្តរភាព និងភាពធន់ទៅនឹងការប្រែប្រួលអាកាសធាតុ រួមទាំងយកចិត្តទុកដាក់ និងសង្កត់ធ្ងន់ទៅលើការលើកកម្ពស់សមភាពយេនឌ័រ ផងដែរ។ លោកជំទាវបានមានប្រសាសន៍ថា «ទឹក គឺជិវិត» ហើយប្រធានបទនៃព្រឹត្តិការណ៍ “ទន្លេរបស់យើង អនាគតរបស់យើង” គូសបញ្ជាក់ពីតួនាទីសំខាន់នៃទន្លេដែលមានសុខភាពល្អក្នុងការផ្តល់ទឹកសាប គាំទ្រជីវៈចម្រុះ និងការអភិរក្សបេតិកភណ្ឌវប្បធម៌” ។ លោកជំទាវ បានអំពាវនាវឱ្យមានសកម្មភាពរួមគ្នាទាំងយុវជន ប្រជាសហគមន៍ និងអាជ្ញាធរមូលដ្ឋាន ចូលរួមការពារទន្លេ និងធានានិរន្តរភាពរបស់ពួកគេសម្រាប់មនុស្សជំនាន់ក្រោយ។
អ្នកចូលរួមបានស្វែងយល់ពីព្រៃលិចទឹកមេគង្គដែលកំណត់ថាជាតំបន់រ៉ាមសារ ដោយទទួលបានការយល់ដឹងដោយផ្ទាល់អំពីបញ្ហាប្រឈមនៃបរិស្ថាន និងតម្រូវការបន្ទាន់សម្រាប់កិច្ចសហការដើម្បីអភិរក្សប្រព័ន្ធទន្លេដ៏សំខាន់នេះ។
តំណាងយុវជន កញ្ញា សួង ពេជ្រច័ន្ទបូរមី បានចែករំលែកថា “ខ្ញុំពិតជាភ្ញាក់ផ្អើលណាស់ដែលបានឃើញព្រៃលិចទឹកទន្លេមេគង្គតែមួយគត់ និងការផ្សារភ្ជាប់វប្បធម៌របស់វាទៅនឹងជីវភាពរស់នៅរបស់ប្រជាជន។ កម្មវិធីនេះពិតជាបានបញ្ជាក់ពីសារៈសំខាន់នៃការការពារប្រព័ន្ធអេកូឡូស៊ីទាំងនេះ។”
កម្មវិធីនេះបានបង្ហាញពីការប្តេជ្ញាចិត្តរួមគ្នាចំពោះទន្លេមេគង្គប្រកបដោយនិរន្តរភាព ដោយធានានូវភាពចាំបាច់ក្នុងការថែទាំទន្លេសម្រាប់មនុស្សជំនាន់ក្រោយ៕

រូបភាពដោយ៖ អង្គការអុកស្វាម

20/02/2025

តើអង្គការដែលរងផលប៉ះពាល់ពីការបង្កកជំនួយUSAID អាចនឹងរដ្ឋាភិបាលអាមេរិក បន្តឲ្យផ្តល់ជំនួយតាមកិច្ចសន្យាវិញដូច CMACទេ? ព្រោះខ្មែរជាច្រើន ដែលធ្វើការឲ្យអង្គការទទួលជំនួយពីUSAIDឥឡូវ ត្រូវរំសាយការងារ និងកំពុងខ្វះខាតជីវភាព យ៉ាងខ្លាំង! តើរដ្ឋាភិបាល នឹងជួយពលរដ្ឋរបស់ខ្លួនដោយ វិធីណា?

14/02/2025

ពលរដ្ឋ ខ្មែរជាច្រើនបានបាត់បង់ការងារធ្វើ ដោយសារការផ្តាច់ជំនួយពីUSAID តើអាចទេដែលកម្ពុជា រើខ្លួនឲ្យក្លាយជាប្រទេសដែលមានចំណូលមធ្យមក្នុង ឆ្នាំ 2030, និងកម្រិតខ្ពស់ក្នុងឆ្នាំ2050?
បើ បច្ចុប្បន្ននេះ គ្រួសារខ្លះ អត់ការងារធ្វើ ជំពាក់បំណុលធនាគារ និងសូម្បីតែ លុយបង់គួរសាលារៀនរដ្ឋ មិនមានផងនោះ ?

អង្គការសុខភាពពិភពលោក៖ ថ្នាំជក់មិនមែនជាអាហារ !យោងតាមអង្គការសុខភាពពិភពលោកបានបញ្ជាក់ថា ការដាំដុះថ្នាំជក់គ្មានសារប្រយោជន៍ និ...
05/02/2025

អង្គការសុខភាពពិភពលោក៖ ថ្នាំជក់មិនមែនជាអាហារ !

យោងតាមអង្គការសុខភាពពិភពលោកបានបញ្ជាក់ថា ការដាំដុះថ្នាំជក់គ្មានសារប្រយោជន៍ និងមានផលប៉ះពាល់យ៉ាងខ្លាំងចំពោះអ្នកជុំវិញ។ ដំណាំថ្នាំជក់នេះ មិនមែនជាដំណាំអាហារទេ។ ការដាំដុះថ្នាំជក់ បង្កជាអសន្តិសុខស្បៀងដោយសារ វាមិនបានផ្ដល់ផលចំណេញដល់កសិករដាំថ្នាំជក់ខ្នាតតូចទេ។

ការស្រាវជ្រាវបានបង្ហាញថា កសិករដាំថ្នាំជក់ខ្នាតតូច នៅតែក្រីក្រដោយសារតែស្លឹកថ្នាំជក់មានតំលៃថោក និង ផ្តាច់មុខដោយក្រុមហ៊ុនធំៗ។ ពួកគេក៏បាត់បង់ឱកាសសេដ្ឋកិច្ចផ្សេងទៀត ហើយកសិករ ជាច្រើនបានជាប់អន្ទាក់ជាមួយកិច្ចសន្យាមិនស្មើភាពជាមួយក្រុមហ៊ុនថ្នាំជក់និងត្រូវខាត ពេលដែលទូទាត់នឹងការចំណាយលើកម្លាំងពលកម្មរួច។ ទៀតសោត ការដាំដុះថ្នាំជក់ក៏ធ្វើឱ្យខ្សោះជីជាតិដីផងដែរ។ លើសពីនេះ ការទន្រ្ទានដីនិងការកាប់ព្រៃឈើ សម្រាប់ដាំថ្នាំជក់និងសម្ងួតស្លឹកថ្នាំជក់គឺធ្វើឱ្យបាត់បង់ផ្ទៃដីព្រៃឈើពិភពលោករហូតដល់៥%។ បន្ថែមពីនេះទៀត ការបំពុលដោយសារជាតិគីមីកសិកម្ម និងការកាប់ព្រៃឈើដោយសារការដាំដុះថ្នាំជក់ បានរួមចំណែកធ្វើឱ្យមានអសន្តិសុខស្បៀងផងដែរ។ ដោយហេតុថា ការដាំដុះថ្នាំជក់គឺបំផ្លាញដីនិងប្រព័ន្ធអេកូឡូស៊ី ដែលធ្លាប់បានប្រើប្រាស់សម្រាប់ការដាំដំណាំអាហារ។

បើនិយាយពីអ្នកប្រើប្រាស់ថ្នាំជក់វិញ គេសង្កេតឃើញថា អ្នកជក់បារីបានចំណាយប្រាក់ចំណូលមួយភាគធំរបស់ខ្លួនទៅលើផលិតផលថ្នាំជក់ ដែលវាមិនត្រឹមតែជាបន្ទុកហិរញ្ញវត្ថុរបស់អ្នកជក់បារីប៉ុណ្ណោះទេ ប៉ុន្តែវាក៏បានកាត់បន្ថយលទ្ធភាពបែងចែកប្រាក់ចំណូលរបស់ខ្លួនទៅលើតម្រូវការចាំបាច់ដូចជាអាហារ ការអប់រំ និងការថែទាំសុខភាពដែរ។ សម្រាប់គ្រួសារដែលមានប្រាក់ចំណូលទាប ការយកប្រាក់ចំណូលសម្រាប់ទិញអាហារទៅទិញថ្នាំជក់ នឹងធ្វើឱ្យមានអសន្តិសុខស្បៀងកាន់តែខ្លាំង និងនាំទៅរកកង្វះខាតអាហារសម្រាប់កុមារនិងមនុស្សពេញវ័យ ព្រមទាំងកង្វះអាហារូបត្ថម្ភដែលប៉ះពាល់ជាអវិជ្ជមានដល់ការលូតលាស់រាងកាយ ចិត្តគំនិត និងការរៀនសូត្រផងដែរ។ ក្នុងរយៈពេលវែង ការប្រើប្រាស់ថ្នាំជក់ជះឥទ្ធពលយ៉ាងធ្ងន់ធ្ងរទៅលើភាពក្រីក្រ ខណៈដែលជំងឺធ្ងន់ធ្ងរនឹងនាំទៅរកការចំណាយព្យាបាលយ៉ាងច្រើន។ លើសពីនេះ វាធ្វើឱ្យពួកគេបាត់បង់ចំណូលដោយសារពិការភាព និងស្លាប់មុនអាយុកំណត់ដោយសារជំងឺដែលបណ្ដាលមកពីការប្រើប្រាស់ថ្នាំជក់។

សរុបមក យើងមិនគួរលើកទឹកចិត្តឱ្យមានការដាំដុះដំណាំថ្នាំជក់ទេ ព្រោះថាដំណាំថ្នាំជក់នេះ ផ្ដល់ផលប៉ះពាល់តាំងពីការចាប់ផ្ដើមដាំដុះដំបូងរហូតដល់អ្នកប្រើប្រាស់ចុងក្រោយ។ គួរបញ្ជាក់ផងដែរថា អង្គការសុខភាពពិភពលោក បានផ្ដល់អនុសាសន៍ឱ្យកម្ពុជាយើងដំឡើងពន្ធថ្នាំជក់ឱ្យបានយ៉ាងហោចណាស់៧០ភាគរយ នៃតម្លៃលក់រាយ ហើយការដំឡើងពន្ធថ្នាំជក់នេះទៀតសោត នឹងអាចបង្កើននូវចំណូលពន្ធរដ្ឋបន្ថែមផងដែរ៕

#សារព័ត៌មានយុវវ័យ២១


ឯកសារយោង៖
https://www.who.int/news-room/questions-and-answers/item/world-no-tobacco-day-2023---grow-food--not-tobacco

29/01/2025

ថ្ងៃនេះ អ្នកសារព័ត៌មាន១រូប ប្រចាំស្ថានីយ៍ទូរទស្សន៍ល្បីមួយ នៅកម្ពុជា ត្រូវបាន រងការស្តីបន្ទោស ពីអ្នកនាំពាក្យក្រសួងកសិកម្ម ថា មុននឹងសួរ ទៅកាន់អ្នកនាំពាក្យ អ្នកសារព័ត៌មាន ត្រូវធ្វើHome work សិក្សាស្រាវជ្រាវ ជាមុនសិន ចាំមកសួរអ្នកនាំពាក្យ តើចំណុចនេះ មានចែងនៅក្នុងក្រមវិជ្ជាជីវៈសារព័ត៌មាន ឬក៏នៅក្នុងច្បាប់របស់អ្នកនាំពាក្យ ?

#តួនាទីអ្នកនាំពាក្យ
#ក្រមសីលធម៌វិជ្ជាជីវៈសារព័ត៌មាន

#តើកីឡាប៉ារ៉ាហ្គេមជាអ្វី
26/12/2024

#តើកីឡាប៉ារ៉ាហ្គេមជាអ្វី

ប្រទេស វៀតណាមបានអនុម័តសេចក្តីសម្រេចហាមឃាត់ការលក់ ការនាំចូល កាស្តុកទុក ការដឹកជញ្ជូន និងការប្រើប្រាស់បារីអេឡិចត្រូនិច និងផ...
23/12/2024

ប្រទេស វៀតណាមបានអនុម័តសេចក្តីសម្រេចហាមឃាត់ការលក់ ការនាំចូល កាស្តុកទុក ការដឹកជញ្ជូន និងការប្រើប្រាស់បារីអេឡិចត្រូនិច និងផលិតផលអេចឈ៍ ធី ភី (HTPs)

ភ្នំពេញ៖ ថ្មីៗនេះ សម្ព័ន្ធគ្រប់គ្រងថ្នាំជក់អាស៊ីអាគ្នេយ៍ (SEATCA) សូមអបអរសាទរចំពោះរដ្ឋសភាវៀតណាម ដែលបានអនុម័តសេចក្តីសម្រេចហាមឃាត់ការលក់ ការនាំចូល ការស្តុកទុក ការដឹកជញ្ជូន និងការប្រើប្រាស់បារីអេឡិចត្រូនិច និងផលិតផលអេចឈ៍ ធី ភី (HTPs)។ ការហាមឃាត់នេះដែលនឹងចូលជាធរមាននៅឆ្នាំ 2025 ត្រូវបានអនុម័តដោយសមាជិកសភាភាគច្រើនលើសលប់រហូតដល់ 95.62ភាគរយ ហើយនេះជាសក្ខីកម្មចំពោះការប្តេជ្ញាចិត្តយ៉ាងមុតមាំរបស់សភាវៀតណាមក្នុងការការពារសុខភាពសាធារណៈ ជាពិសេសក្នុងចំណោមយុវជន។

ប្រទេសវៀតណាមបានក្លាយជាប្រទេសទី 30 ដែលបានហាមឃាត់ប្រភេទផលិតផលបារីអេឡិចត្រូនិក និងផលិតផលអេចឈ៍ ធី ភី (HTPs)នេះ រួមទាំងប្រទេសអាស៊ានចំនួន5 ផ្សេងទៀត (ប្រ៊ុយណេ កម្ពុជា ឡាវ សិង្ហបុរី និងថៃ)។
យុវជនវ័យក្មេងវៀតណាមដែលមានអាយុចន្លោះពី 13-15 ឆ្នាំ មានការប្រើប្រាស់បារីអេឡិចត្រូនិចក្នុងក្នុងរង្វង់ 3.5ភាគរយ ក្នុងឆ្នាំ 2021 ហើយកើនដល់ 8ភាគរយ ក្នុងឆ្នាំ 2024 ដែលការកើនឡើងនេះ ពិតជាគួរឱ្យព្រួយបារម្ភខ្លាំង។ ការស្រាវជ្រាវបានបង្ហាញថា យុវជនដែលប្រើប្រាស់បារីអេឡិចត្រូនិចទាំងនោះ មានទំនោរ ៣ដង ទៅប្រើប្រាស់បារីធម្មតា និងផលិតផលថ្នាំជក់ដទៃទៀត ។

លើសពីនេះ ស្របពេលដែលមិនទាន់មានភស្តុតាងវិទ្យាសាស្រ្តគ្រប់គ្រាន់ដែលអះអាងថា ឧបករណ៍អេឡិចត្រូនិកសម្រាប់ជក់ (Electronic Smoking Devices/ESDs រួមមាន៖ បារីអេឡិចត្រូនិក និងផលិតផលអេចឈ៍ ធី ភី HTPs) ជាម៉ាស៊ីនផ្ដាច់បារី ការប្រើប្រាស់បារីអេឡិចត្រូនិកនេះ បានបង្កគ្រោះថ្នាក់ដល់សុខភាពមនុស្សរួចបាត់ទៅហើយ។ បារីអេឡិចត្រូនិច បញ្ចេញចំហាយជាផ្សែង ដែលផ្ទុកសារធាតុគ្រោះថ្នាក់មួយចំនួនដូចជា លោហធាតុធ្ងន់ ផ្សែងពុល សារធាតុគីមីបង្កជំងឺមហារីក ដែលបណ្តាលឱ្យខូចកោសិកា ប៉ះពាល់ដល់សរីរាង្គបន្តពូជ និងបង្កើនហានិភ័យនៃការខូចសួត ជំងឺបេះដូង និងការឆ្លងមេរោគដទៃទៀត។

គិតត្រឹមដើមឆ្នាំនេះ ប្រជាជនវៀតណាមប្រមាណ 1200 នាក់បានសម្រាកព្យាបាលជំងឺដោយសារការប្រើប្រាស់បារីអេឡិចត្រូនិច។

នាយកប្រតិបត្តិសម្ព័ន្ធគ្រប់គ្រងថ្នាំជក់អាស៊ីអាគ្នេយ៍ (SEATCA) លោកវេជ្ជបណ្ឌិត UIysses Dorotheo បានថ្លែងថា«ដោយយកសុខភាព និងសុខុមាលភាពរបស់ពលរដ្ឋខ្លួនជាអាទិភាព ប្រទេសវៀតណាមបានដើរតួជាគំរូដ៏ល្អ សម្រាប់ឱ្យប្រទេសផ្សេងៗទៀតពិចារណា។ យើងទទូចឱ្យឱ្យប្រទេសទាំងអស់ ធ្វើការហាមឃាត់ប្រភេទបារីអេឡិចត្រូនិក និងនិងផលិតផលអេចឈ៍ ធី ភី (HTPs)ដើម្បីការពារយុវជនបច្ចុប្បន្ន និងអនាគតពីផលិតផលញៀន និងមានគ្រោះថ្នាក់ទាំងនេះ»៕

#យុវវ័យ២១

#មកទស្សនាល្ខោនបាសាក់វប្បធម៌សន្តិភាព #យុវមរតកជំនាន់ក្រោយអាចធ្វើបាន
18/12/2024

#មកទស្សនាល្ខោនបាសាក់វប្បធម៌សន្តិភាព

#យុវមរតកជំនាន់ក្រោយអាចធ្វើបាន

Address

Office 01
Phnom Penh
12156

Telephone

+85516805858

Website

Alerts

Be the first to know and let us send you an email when យុវវ័យ២១ Youths21 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to យុវវ័យ២១ Youths21:

Shortcuts

Share

Category