Slaab Kaew ស្លាបកែវ

18/09/2025

រូបថត អ៊ំ ហង្សខ្មៅ មុនចេញសម្ដែងកាលពី១០ឆ្នាំជាងមុន។ អ្នកគ្រូ វ័ន សាវ៉ៃ កំពុងតែបត់ភ្លីក្បិន។
ទីតាំង និវេសនដ្ឋានឯកអគ្គរាជទូតខ្មែរប្រចាំប្រទេសបារាំង។

15/09/2025

រឿងចាស់ដែលបានបោះពុមជាថ្មី។ បើប្រិយមិត្តចាប់អារម្មណ៍ សូមទាក់ទងផ្ទាល់ទៅខាង #ចន្ទោភាសសៀវភៅ

សូមអរគុណ 🙏

ដោយក្ដីស្រលាញ់ពីក្រុមស្លាបកែវ

📣 មិត្តអ្នកអានជាទីស្នេហា!
ចេញផ្សាយជាផ្លូវការហើយ ប្រលោមលោករឿង «ចោរលួចប្រាក់» ស្នាដៃនិពន្ធដោយលោក ហ៊ែល ស៊ុំផា ដែលបានចេញផ្សាយលើកដំបូងក្នុងឆ្នាំ១៩៥៣ នៃបណ្ណាគារ ប៊ុត នាង។

ប្រលោមលោកមួយនេះ គឺស្ដែងឡើងពីការលួចប្រាក់ពីក្រុងព្រៃនគរ ហើយចោរនោះមកបើកឱសថស្ថាននៅឯភ្នំពេញ និងក្រុងកំពង់ចាម។ ដំណើររឿងបានអូសបន្លាយអស់រយៈពេល៦ ទៅ ៧ឆ្នាំ​ដែលបង្កប់នូវឈុតឆាកមនោសញ្ចេតនាស្នេហា កិច្ចការរាជការ និងតថភាពក្នុងសង្គមមនុស្សជំនាន់នោះផងដែរ។

*** ប្រភេទសៀវភៅ៖
- មានចំនួន ១២៥ទំព័រ (រួមទាំងលេខរ៉ូម៉ាំងផង)
- ប្រភេទក្របបត់
- ប្រភេទក្រដាសពណ៌កាកអំពៅ
- ទំហំ៖ ១២​.៥ស.ម X ១៨ស.ម
- ក្របគំនូរ៖ លោក បុន សុខា
- រាល់ការផ្ញើទូទាំង ខេត្ត/ក្រុង មានតម្លៃ ៦០០០រៀល

សូមថ្លែងអំណរគុណដល់លោក យូ ឡាណា, គ្រឹះស្ថានបោះពុម្ពផ្សាយ Slaab Kaew ស្លាបកែវ, លោក ឃុន ហាក់ងី និងលោក ហ៊ែល សុត្ថារា ដែលបានចូលរួមជាធនធានឧបត្ថម្ភនៅក្នុងការបោះពុម្ពផ្សាយសៀវភៅនេះចេញមកជាផ្លូវការ។

សូមថ្លែងអំណរគុណដល់ក្រុមគ្រួសារលោក ហ៊ែល ស៊ុំផា ដែលមានលោក ហ៊ែល សុវត្ថារា តំណាងគ្រួសារនៅក្នុងការផ្ដល់សិទ្ធិបោះពុម្ពសៀវភៅរឿងចោរលួចប្រាក់នេះជាថ្មីឡើងវិញ។

សូមថ្លែងអំណរគុណដល់កញ្ញា សោម ពុទ្ធា, បង ហង្សខ្មៅ និងលោក សុវណ្ណ សិរីវុឌ្ឍ ដែលបានចំណាយពេលវេលាយ៉ាងមមាញឹកក្នុងការជួយអាន និងកែអក្ខរាវិរុទ្ធលើសៀវភៅមួយក្បាលនេះ។

សូមអរគុណដល់មិត្តអ្នកអានទាំងអស់ដែលចូលរួមគាំទ្រដល់ចន្ទោភាសសៀវភៅ។

ដោយក្ដីគោរពរាប់អាន!
+ ផ្សព្វផ្សាយដោយ៖​ ចន្ទោភាស

05/09/2025

នរណាចង់ស្ដាប់អ៊ំយើងខ្លះ ? គាត់ប្រាប់ថា ៖ បិបឹ បិបឹ... និយាយចង់ជាន់ពាក្យ... សរសេរបានខ្លះ តែឱ្យនិយាយ សូន្យ 😵‍💫

☺️😍🤔

04/09/2025

បើបងប្អូនណាចង់ជាវ អាចមើលជាមួយខាងចន្ទោភាសបាន ☺️❤️🙏

04/09/2025

រូបភាពបែកធ្លាយកាលពីយុវភាពរបស់អ៊ំហង្សខ្មៅ៖

ពីឆ្វេងទៅស្ដាំ៖ លោក សេង ឌីណា (ពីមុនលោកធ្វើការនៅ RFI ប្រទេសបារាំង) លោក ម៉ម ពិសី (អ្នកយកព័ត៌មានដ៏ពូកែនៅ RFI ប្រទេសបារាំង) ហង្សខ្មៅ (អ៊ំយើង) ឃុន ចន្ទវលក្ខណ៍ (កូនស្រីរបស់លោកអ៊ំ ស៊ឹម ចាន់យ៉ា ហើយត្រូវជាក្មួយរបស់លោក ឃុន ស្រ៊ុន)។ ពួកយើងទាយទៅមើល ពួកគាត់លេង និងច្រៀងបទអីទៅ ? បទស្រួលៗទេ ⁠:D

03/09/2025

Thank you very much my dear ❤️

02/09/2025

អរគុណអូនឌីណា សម្រាប់វិចារមួយនេះ 🙏❤️

ខ្ញុំទើបតែអានបាន១ជំពូកប៉ុណ្ណោះ តែទឹកភ្នែករបស់ខ្ញុំស្រក់ចុះបណ្តើរ អំឡុងពេលអាន ។ ពួកយើងសុទ្ធតែនឹងត្រូវបាត់បង់មនុស្សជាទីស្រឡាញ់ ដែលជាកែវភ្នែក ជាថ្លើមប្រមាត់នៅពលណាមួយ...នេះជាអ្វីដែលខ្ញុំតែងរំឭកខ្លួនឯង តាំងតែពីថ្ងៃដែលខ្ញុំបាត់បង់ប៉ា...ពេលអានសៀវភៅនេះបានមួយជំពូក ខ្ញុំទប់ទឹកភ្នែកពុំបាន...ពេលដែលឈឺចាប់បំផុត ក៏ជាពេលដែលត្រូវរឹងប៉ឹងបំផុត...

រាល់ពេលដែលមានមនុស្សណាដែលខ្ញុំស្គាល់បាត់បង់ មនុស្សជាទីស្រឡាញ់ ដោយគ្មានថ្ងៃវិលវិញ ខ្ញុំបានត្រឹមនិយាយចូលរួមរំលែកទុក្ខ...តែមែនទែនទៅពុំមានអ្នកណាអាចរំលែកនូវការឈឺចាប់ ពីយើង នៅពេលយើងបាត់បង់មនុស្សជាទីស្រឡាញ់បាននោះទេ...ខ្ញុំក៏ពុំដឹងលួងលោមគេដូចម្តេច... ប្រាប់ឱ្យគេកុំយំ...តែខ្ញុំយំខ្លាំង ពេលបាត់បង់ប៉ា។ ប្រាប់ឱ្យគេកាត់ចិត្ត? ខ្ញុំពុំទាន់បានស្រាកស្រាន្តពីរបួសផ្លូវចិត្តទាំងស្រុងនោះទេ... ប្រហែលជាពេលវេលាទើបអាចព្យាបាល តែក៏ពុំដឹងប្រើពេលយូរប៉ុនណា...

យ៉ាងណាមិញ ខ្ញុំរីករាយ ដែលអ្នកមីងមាលាអាចសរសេរពីអារម្មណ៍នៃការបាត់បង់ចេញមក ហើយចែករំលែកតាមរយៈសៀវភៅមួយក្បាលនេះ...សម្រាប់ខ្ញុំ វាពុំមែនជាភាពអាត្មានិយមទេ តែជាវិធីមួយនៅក្នុងការស្រោចស្រង់ផ្លូវចិត្ត ពីព្រោះផែនដីនៅវិល ហើយជីវិតត្រូវតែបន្តទៅមុខ។ ថាមិនត្រូវ អ្នកដែលបាត់បង់មនុស្សជាទីស្រឡាញ់ អាចរកឃើញថាសៀវភៅនេះ ជាវិធីមួយ ដែលគេអាចរំឭកប្រាប់ខ្លួនឯងថា គេពុំមែនជាមនុស្សតែម្នាក់ ដែលបាត់បង់មនុស្សជាទីស្រឡាញ់ ហើយខំបន្តរស់នៅឱ្យបានល្អ ក៏ថាបាន។

#ទៅចុះណាកូនមាសម្តាយ

01/09/2025

លាក់បាំងអី មានប្រិយមិត្តឆាតមកសួរអេដមីនថា តើអ៊ំ ហង្សខ្មៅ មានស្នាដៃអ្វីទៀតដែរឬទេ ? ចាស គាត់មាន ! តែគឺជាសៀវភៅកំណាព្យខ្មែរ។ ក្នុងនោះ គាត់បានបង្រៀនយើងរបៀបតែងកាព្យសាមញ្ញទៀតផង។ ក្នុងសៀវភៅកំណាព្យនេះ មាន៣ជំពូក៖

- ស្នេហា
- ពាក្យចាស់
- រឿងល្បើក

លោកអ៊ំ ហង្សខ្មៅ យើងបានប្រើពាក្យពេចន៍សាមញ្ញបំផុតដែលអ្នកអានគ្រប់អាយុអាចអាននិងយល់បានដោយស្រួល។ ទំហំសៀវភៅតូចល្មមដែលអាចឱ្យយើងដាក់តាមខ្លួនបានដោយងាយ។

តម្លៃ៖ ២៤ 000 រៀល ឬ 6 USD
ទំព័រសាច់ក្នុង៖ ១៣៦ ទំព័រ
តម្លៃផ្ញើក្នុងក្រុងភ្នំពេញ៖ ៦ ០០០ រៀល
តម្លៃផ្ញើតាមខេត្ត៖ ៨ 000 រៀល

31/08/2025

ទើបនឹងបានឆែកមើលសារ... ក៏ឃើញថា មានប្រិយមិត្តគេបានទទួលហើយយកទៅអានភ្លាម។ ពេលអានចប់ក៏ផ្ញើសារបន្ទោសអេដមីនថា នាំឱ្យគេយំ ហើយគេងមិនលក់...
អេដមីនចាំតែខុស 😰😵🙄

29/08/2025

សៀវភៅកំពុងចូលស្តុកហើយ ! ក្រុមការងារស្លាបកែវនឹងចាប់ផ្ដើមផ្ញើជាបន្តបន្ទាប់។ សូមទោសចំពោះការយឺតយ៉ាវ ហើយសូមអរគុណប្រិយមិត្តជាអនេកដែលបានរង់ចាំ។

តម្លៃ៖ ២ ៨០០០ រៀល (តម្លៃនេះ ខាងស្លាបកែវមិនយកកម្រៃជើងសារឡើយ។ ទឹកប្រាក់ដែលលក់បានគឺចូលទៅក្នុងសមាគម សុក ខៀវសមិទ្ធិដើម្បីសិល្បៈ ទាំងអស់)
ទំព័រសាច់ក្នុង៖ ១៤៤ ទំព័រ (មានរូបថតពណ៌)
ទំហំ៖ A5
តម្លៃផ្ញើក្នុងក្រុងភ្នំពេញ៖ ៦ ០០០ រៀល
តម្លៃផ្ញើតាមខេត្តនានា៖ ៨ ០០០ រៀល

មានប្អូនៗខ្លះសួរមកអេដមីន៖ បងសៀវភៅហ្នឹងមានប្រូម៉ូសិនអត់ ? បើមានអាចfreeថ្លៃដឹកបានអត់ ? ហើយបានរបស់របរអីខ្លះទៅ... ឃាលមីណាវ...