Cambonomist Plus

Cambonomist Plus Welcome to Cambonomist Plus, which is a new page of Cambonomist.

13/05/2026

កម្ពុជានាំចូលម៉ាស៊ីន និងឧបករណ៍អគ្គិសនីក្នុងទំហំទឹកប្រាក់ជាង១,៣ពាន់លានដុល្លារកើនឡើងជិត៨៥%នៅ៤ខែឆ្នាំនេះ

13/05/2026

អាជ្ញាធរវៀតណាម បង្ក្រាបការយកសាច់ជ្រូកត្រាំថ្នាំគីមីបន្លំលក់ជាសាច់គោបានជាង៦៥តោន

13/05/2026

ព័ត៌មានសេដ្ឋកិច្ចយប់នេះ ១៣/ឧសភា/២០២៦
១/លោក ត្រាំ បង្កព្យុះភ្លៀងថ្មីដោយបង្ហោះរូបវេណេស៊ុយអេឡាជារដ្ឋទី៥១ និងបង្ហាញលទ្ធភាពបើកការវាយប្រហារលើគុយបា ទាំងដែលសង្រ្គាមអ៊ីរ៉ង់មិនទាន់បញ្ចប់
២/អ៊ីរ៉ង់បង្ខំឱ្យអាម៉េរិកទទួលយកផែនការសន្តិភាព ខណៈចិនជំរុញប៉ាគីស្ថានខិតខំជួយសម្របសម្រួលបញ្ចប់ជម្លោះ
៣/ចិនលួចកែឈ្មោះលោក រូប៊ីអូ ដើម្បីដោះខ្លួនពីបញ្ជីខ្មៅ ឱ្យអមដំណើរលោក ត្រាំ ចូលក្រុងប៉េកាំង
៤/អ្នកដាំទុរេនរំពឹងទីផ្សារទុរេនខ្មែរនឹងកាន់តែមានសក្ដានុពល ក្រោយបានហក់ចូលទីផ្សារចិន
៥/ជីកសិកម្មហក់ឡើង៥០%! តើកម្ពុជាអាចប្រឈមនឹងកង្វះស្បៀងអាហារដែរទេ ខណៈច្រកសមុទ្រហ័រម៉ូសនៅតែបន្តបិទ?

ទោះបីស្ថានភាពសេដ្ឋកិច្ចពិភពលោកកំពុងស្ថិតក្នុងភាពមិនប្រាកដប្រជាខ្ពស់ តែទីផ្សារលក់ជ័រកៅស៊ូរបស់កម្ពុជានៅដើមឆ្នាំនេះនៅតែរក្ស...
13/05/2026

ទោះបីស្ថានភាពសេដ្ឋកិច្ចពិភពលោកកំពុងស្ថិតក្នុងភាពមិនប្រាកដប្រជាខ្ពស់ តែទីផ្សារលក់ជ័រកៅស៊ូរបស់កម្ពុជានៅដើមឆ្នាំនេះនៅតែរក្សាបានកំណើនវិជ្ជមានគួរឱ្យកត់សម្គាល់។ តួយ៉ាងនៅក្នុងរយៈពេល៤ខែដំបូងឆ្នាំ២០២៦ កម្ពុជារកចំណូលបានជាង ២៦៤លានដុល្លារពីការនាំចេញជ័រកៅស៊ូ និងឈើកៅស៊ូទៅកាន់ទីផ្សារអន្តរជាតិ និងការផ្គត់ផ្គង់ទីផ្សារក្នុងស្រុក មានការកើនឡើងជាង៧៦%បើធៀបនឹងរយៈពេលដូចគ្នាកាលពីឆ្នាំមុន។ ក្នុងនោះចំណូលពីការនាំចេញជ័រកៅស៊ូមានជាង១៤៤លានដុល្លារ និងការលក់ក្នុងស្រុកមានជាង១១២លានដុល្លារ និងចំណូលពីការនាំចេញឈើកៅស៊ូមានជាង៧,៣លានដុល្លារ។ ដោយឡែកចំពោះតម្លៃជ័រកៅស៊ូជាមធ្យមនៅក្នុងខែមេសា កន្លងទៅនេះ អាចលក់បានក្នុងតម្លៃជាង១,៩០០ដុល្លារក្នុង១តោន ថយចុះចំនួន២៧ដុល្លារក្នុង១តោន បើធៀបនឹងខែមុន និងថយចុះចំនួន៨៦ដុល្លារក្នុង១តោន បើធៀបនឹងរយៈពេលដូចគ្នាកាលពីឆ្នាំមុន។ នេះបើយោងតាមរបាយការណ៍របស់អគ្គនាយកដ្ឋានកៅស៊ូ៕

ទោះបីជាសេដ្ឋកិច្ចសកលកំពុងជួបប្រទះភាពមិនប្រាកដប្រជា និងរងផលប៉ះពាល់ពីជម្លោះនៅមជ្ឈិមបូព៌ាក៏ដោយ ប៉ុន្តែការនាំចេញអង្កររបស់កម្...
13/05/2026

ទោះបីជាសេដ្ឋកិច្ចសកលកំពុងជួបប្រទះភាពមិនប្រាកដប្រជា និងរងផលប៉ះពាល់ពីជម្លោះនៅមជ្ឈិមបូព៌ាក៏ដោយ ប៉ុន្តែការនាំចេញអង្កររបស់កម្ពុជា ទៅកាន់ទីផ្សារអន្តរជាតិ នៅតែបង្ហាញសញ្ញាវិជ្ជមានគួរឱ្យកត់សម្គាល់។ ជាក់ស្តែងនៅក្នុងរយៈពេល៤ខែដើមឆ្នាំ២០២៦ កម្ពុជា សម្រេចបានការនាំចេញអង្ករជិត៤៧ម៉ឺនតោន ដោយប្រមូលចំណូលបានជាង២៦៦លានដុល្លារ។ អ្វីដែលពិសេសនោះ អ្នកជំនាញបានកត់សម្គាល់ថា រចនាសម្ព័ន្ធទីផ្សារអង្ករកម្ពុជាបច្ចុប្បន្នកំពុងមានភាពចម្រុះ ដោយលែងពឹងផ្អែកខ្លាំងតែលើទីផ្សារអឺរ៉ុប និងចិនដូចកាលពីមុនទៀតហើយ។
លម្អិត👉https://cambonomist.com/news/rice-will-become-more-diverse/

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាក់យ៉ាងច្បាស់ពីគោលជំហរដ៏រឹងមាំថា កម្ពុជា នៅតែបន្តប្រកាន់យកយន្តកា...
13/05/2026

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានបញ្ជាក់យ៉ាងច្បាស់ពីគោលជំហរដ៏រឹងមាំថា កម្ពុជា នៅតែបន្តប្រកាន់យកយន្តការផ្សះផ្សាដោយចាប់បង្ខំក្រោមអនុសញ្ញាអង្គការសហប្រជាជាតិ ស្តីពី នីតិសមុទ្រ (UNCLOS) ក្នុងការដោះស្រាយតំបន់ទាមទារត្រួតស៊ីគ្នានៅក្នុងសមុទ្រជាមួយថៃ បើទោះបីជាភាគីថៃ ហាក់បង្ហាញបំណងចង់ត្រឡប់មករកការចរចាទ្វេភាគីវិញក៏ដោយ។ ការប្រកាសជំហរនេះធ្វើឡើងបន្ទាប់ពីមេដឹកនាំថៃ មួយចំនួន បានបង្ហាញភាពរារែក និងព្រមានថា កម្ពុជា មិនអាចប្រើប្រាស់យន្តការអន្តរជាតិ UNCLOS បានឡើយ បើគ្មានការយល់ព្រមពីថៃ។
អត្ថបទ👉https://cambonomist.com/news/forced-reconciliation-of/

13/05/2026

ផ្សាយផ្ទាល់ព័ត៌មានសេដ្ឋកិច្ចសកលព្រឹកនេះ ១៣/ឧសភា/២០២៦

១/ UN ព្រមានថា មនុស្ស៤៥លាននាក់នឹងប្រឈមនឹងគ្រោះអត់ឃ្លាន បើច្រកសមុទ្រហ័រម៉ូស នៅតែបន្តបិទ
២/បំណុលចិនកើនលើស៣០០% នៃ GDP ខណៈអាម៉េរិកត្រូវចំណាយ៣ពាន់លានដុល្លារក្នុង១ថ្ងៃសម្រាប់ទូទាត់ការប្រាក់
៣/ ថៃចង់ទាញកម្ពុជាងាកមកប្រើយន្តការទ្វេភាគីជំនួសឱ្យ UNCLOS តែកម្ពុជាថា វាហួសពេលហើយ
៤/ តើយន្តការផ្សះផ្សាដោយចាប់បង្ខំរបស់ UNCLOS អាចដំណើរការទៅរួចទេ ប្រសិនបើភាគីថៃជំទាស់?

អ្នកជំនាញ និងអ្នកវិភាគនយោបាយនៅក្នុងប្រទេសថៃ បាននិយាយថា លោក ថាក់ស៊ីន ដែលទើបតែចេញពីពន្ធនាគារ តែស្ថិតក្រោមការតាមដានរហូតដល់គ...
12/05/2026

អ្នកជំនាញ និងអ្នកវិភាគនយោបាយនៅក្នុងប្រទេសថៃ បាននិយាយថា លោក ថាក់ស៊ីន ដែលទើបតែចេញពីពន្ធនាគារ តែស្ថិតក្រោមការតាមដានរហូតដល់គ្រប់ទោស ១ឆ្នាំនោះ នឹងមិនលែងដៃពីល្បែងនយោបាយទេ តែនឹងលេងល្បែងនេះយ៉ាងប្រយ័ត្នប្រយែងជាងមុន មានអានុភាពបំផ្លាញគូប្រជែងនយោបាយខ្លាំងជាងមុន ព្រមទាំងមានផែនការធ្វើឱ្យគណបក្សលោកអានុទីន ឯកោទៀតផង។

ក្រសួងការងារថៃ បានថ្លែងថា ប្រទេសកូរ៉េខាងត្បូងបានដាក់ខេត្តថៃចំនួន៤ ចូលក្នុងបញ្ជីខ្មៅ ហាមនាំចូល ឬទទួលយកកម្មករជំនាញខាងកសិកម...
12/05/2026

ក្រសួងការងារថៃ បានថ្លែងថា ប្រទេសកូរ៉េខាងត្បូងបានដាក់ខេត្តថៃចំនួន៤ ចូលក្នុងបញ្ជីខ្មៅ ហាមនាំចូល ឬទទួលយកកម្មករជំនាញខាងកសិកម្ម និងនេសាទពីខេត្តទាំង៤នោះ ដោយសារតែកម្មករថៃបានរំលោភលើលក្ខខណ្ឌទិដ្ឋាការ E-8 MoU។ ខេត្តទាំង៤ នោះ មានខេត្ត អ៊ុដនថានី ខនគែន ឆៃយ៉ាភូម និងខេត្តម៉ាហាសារ៉ាខាម។

ទីផ្សារហិរញ្ញវត្ថុពិភពលោក មានការក្រឡាប់ ចាក់យ៉ាងខ្លាំងនៅ ថ្ងៃទី១១ ខែឧសភា នេះ ក្រោយការកើនឡើងភាពតានតឹងនៅតំបន់មជ្ឈិមបូព៌ាបា...
12/05/2026

ទីផ្សារហិរញ្ញវត្ថុពិភពលោក មានការក្រឡាប់ ចាក់យ៉ាងខ្លាំងនៅ ថ្ងៃទី១១ ខែឧសភា នេះ ក្រោយការកើនឡើងភាពតានតឹងនៅតំបន់មជ្ឈិមបូព៌ាបានបន្តជំរុញឱ្យមានភាពមិនច្បាស់លាស់នៅទូទាំងទីផ្សារថាមពល រូបិយប័ណ្ណ និងភាគហ៊ុន។ ជាលទ្ធ ផលតម្លៃប្រេងឥន្ធនៈ និង ប្រាក់ដុល្លារបានហក់ ឡើងថ្លៃ ចំណែកឯមាស និង ភាគហ៊ុនបានដាំក្បាលចុះ ដោយ មាសបានធ្លាក់ថ្លៃប្រមាណ ១,២% មកនៅត្រឹម ប្រមាណ៤,៦៥៧ដុល្លារក្នុងមួយអោន ឬ៥,៦១០ដុល្លារក្នុ ងមួយតម្លឹង។ នេះបើ យោង តាមការចុះផ្សាយរបស់សារព័ត៌មានអន្តរជាតិធំៗរួមមាន CNBC, Reuters, និង Bloomberg។
លម្អិត 👉 https://cambonomist.com/news/how-did-the-price-of-oil-the-dollar-gold-and-stocks-change/

12/05/2026

ពីបទពិសោធន៍ជីវិត ទៅកាន់ចក្ខុវិស័យអន្តរជាតិ ស្វែងយល់ពីដំណើររបស់ក្រុមហ៊ុន LUUS KH

✨ បន្ទាប់ពីភៀសខ្លួនពីសង្គ្រាមក្នុងសម័យប៉ុលពត និងទៅរស់នៅប្រទេសអូស្ត្រាលីអស់រយៈពេលជាង ៤០ ឆ្នាំ លោក ដុន លូ បានវិលត្រឡប់មកកម្ពុជាវិញ ដោយមានចក្ខុវិស័យច្បាស់លាស់ក្នុងការចូលរួមអភិវឌ្ឍន៍ឧស្សាហកម្មក្នុងស្រុក។ នៅឆ្នាំ ២០២២ លោកបានបង្កើតក្រុមហ៊ុន LUUS Company ដើម្បីផលិតឧបករណ៍ផ្ទះបាយស្ដង់ដារខ្ពស់ សម្រាប់នាំចេញទៅកាន់ទីផ្សារអន្តរជាតិ។

✨ ជាមួយបទពិសោធន៍យូរឆ្នាំ និងទស្សនៈអាជីវកម្មសកល LUUS KH កំពុងចូលរួមយ៉ាងសំខាន់ក្នុងការជំរុញផលិតកម្មក្នុងស្រុក និងលើកកម្ពស់គុណភាពផលិតផលខ្មែរ ទៅកាន់ឆាកអន្តរជាតិ។

✨ ស្វែងយល់ពីគន្លឹះអាជីវកម្ម បទពិសោធន៍ និងមេរៀនសំខាន់ៗ ពីដំណើរនៃការកសាងអាជីវកម្មក្នុងវិស័យផលិតកម្មនៅកម្ពុជាដូចតទៅ៖

✨ កម្មវិធី ទស្សនៈសហគ្រិន រួមសហការផលិតដោយ សហគ្រិនខ្មែរ ជាមួយនឹង សារព័ត៌មាន ឌីជីថល ខេមបូណូមីស។

Address

Sangkat Tuol Svay Prey Ti Pir #25 & 63, Street 348, St 205
Phnom Penh

Website

Alerts

Be the first to know and let us send you an email when Cambonomist Plus posts news and promotions. Your email address will not be used for any other purpose, and you can unsubscribe at any time.

Shortcuts

Share

Category