Karpit

02/11/2025

ក្រសួងព័ត៌មាន ហៅអ្នកផលិតមាតិកាម្នាក់មកអប់រំណែនាំ​ ក្រោយធ្វេីមាតិកាមិនសមរម្យ​ ប្រាស់ចាកក្រមសីលធម៌​ ទាក់ទងខេត្តតាកែវ​ ដោយចោទជាសំណួរថា​ ​តេី​ខេត្តណា​សាហាវ​ឃោរឃៅ​ជាងគេ?

02/11/2025

តារាចម្រៀង ខាន់ ជេមស៌ និង ព្រាប សុវត្ថិ ចាប់ដៃគ្នាលើកដំបូងបង្កើតរសជាតិថ្មី « សង្សារក្រៅសង្វៀន »

ធ្លាប់តែច្រៀងរួមគ្នាជាក្រុមពលេនេះតារាចម្រៀង ខាន់ ជេមស៌ បានចាប់ដៃគ្នាច្រៀងរួមគ្នាជាលើកដំបូងជាមួយកំពូលតា...

02/11/2025

ដំណឹងល្អ! ក្រុមហ៊ុនស្រាបៀរ GANZBERG ប្រកាសទិញស្រូវពីប្រជាកសិករក្នុងតម្លៃ ១,០០០ រៀល ក្នុង ១ គីឡូ ចំនួន ១០០ តោន តាមការស្នើសុំរបស់អ្នកគាំទ្រ។ នេះបើតាមការបញ្ជាក់លើហ្វេសប៊ុកនារសៀលថ្ងៃអាទិត្យ។

02/11/2025

អាចនិយាយបានថានេះ ជាលើកដំបូងហើយដែលមានការតាំងបង្ហាញទូកងខ្នាតវែងនៅអាកាសយានដ្ឋានអន្តរជាតិតេជោ KTI ស្ថិតក្រុងតាខ្មៅ ខេត្តកណ្តាល ដើម្បីអបអរសាទរពិធីបុណ្យអុំទូក បណ្តែតប្រទីប សំពះព្រះខែ និងអកអំបុក ឆ្នាំ២០២៥ បើទោះបីខកខានប្រារព្ធពិធីផ្លូវការនៅមុខព្រះបរមរាជវាំង ចតុមុខក៏ដោយ។

ការតាំងនេះជាបង្ហាញទៅកាន់ភ្ញៀវអន្តរជាតិដែលឆ្លងកាត់អាកាសយានដ្ឋានខ្មែបានឃើញពីប្រពៃណីខ្មែរដ៏ផូរផង់។

នេះជាការតាំងបង្ហាញទូក​ង​ ឈ្មោះ «សារាយតេជោសែនជ័យ» ដែលជាម្ចាស់ពាន🏆🥇ស្តេចល្បឿនទូរទាំងប្រទេស​កម្ពុជា​ ៣សម័យកាល ២០១៦, ២០១៧ និង ២០១៩ មកពីវត្តអញ្ជែង ស្រុកខ្សាច់កណ្តាល ខេត្តកណ្តាល។

រូបភាព៖ Facebook

02/11/2025

បណ្ឌិត​ គិន​ ភា៖​ រឿងស្រូវចុះថោក សុំកុំនាំគ្នាបន្ទោសតែក្រសួងកសិកម្ម, មានក្រសួង ស្ថាប័នពាក់ព័ន្ធនានាច្រើន ដែលអាចជួយគ្នាលើកស្ទួយកសិករ
---

«រឿងស្រូវចុះថោក សុំកុំនាំគ្នាបន្ទោសតែក្រសួងកសិកម្ម, មានក្រសួង ស្ថាប័នពាក់ព័ន្ធនានាច្រើន ដែលអាចជួយគ្នាលើកស្ទួយកសិករ ៖ ក្រសួងកសិកម្មជួយរឿងបច្ចេកទេសនិងផែនការផលិត, ក្រសួងធនធានទឹកជួយរឿងធារាសាស្ត្រដើម្បីមានទឹកធ្វើស្រែ, ក្រសួងពាណិជ្ជកម្មជួយរកទីផ្សានិងតម្លៃស្រូវ/អង្ករ, ក្រសួងឧស្សាហកម្មជួយរឿងបច្ចេកទេសកែឆ្នៃ, ក្រុមប្រឹក្សាអភិវឌ្ឍន៍ជួយរកម៉ូយមកវិនិយោគ, រីឯអាជ្ញាធរមូលដ្ឋានឃុំ ស្រុក ខេត្ត ជួយតាមដានស្ថានភាពទូទៅរបស់បងប្អូនកសិករ និងជួយអន្តរាគមន៍ទាន់ពេលវេលាតាមសមត្ថកិច្ចរបស់ខ្លួន, ដោយឡែក សហព័ន្ធស្រូវអង្ករជួយមើលឈ្មួញទុចរិតបង្ខូចថ្លៃស្រូវ, ខណៈធនាគារអភិវឌ្ឍន៍ជនបទនិងកសិកម្ម ជួយផ្តល់កម្ចីការប្រាក់ទាប។ ចុះហេតុអីក៏នាំគ្នាចង្អុលមុខតែក្រសួងកសិកម្ម? ក្រសួង ស្ថាប័នពាក់ព័ន្ធដទៃទៀត ម៉េចក៏នាំគ្នាស្ងាត់មាត់យករួចខ្លួន? ឬក៏ត្រូវបញ្ចូលក្រសួងទាំងអស់ធ្វើជាក្រសួងតែមួយវិញ?» នេះ​ជាការ​លើក​ឡើង​របស់​លោក​បណ្ឌិត​ គិន​ ភា​ ប្រធានវិទ្យាស្ថានទំនាក់ទំនងអន្តរជាតិនៃកម្ពុជា​។

02/11/2025

រដ្ឋមន្ត្រីកសិកម្ម ឌិត ទីណា អំពាវនាវឲ្យឈ្មួញទិញស្រូវពីកសិករ សូមជួយឲ្យតម្លៃបានសមរម្យ

02/11/2025

កាស៊ីណូ ស៊ីលវើរ ស្តារ នៅក្រុងបាវិត ត្រូវបានព្យួរអាជ្ញាប័ណ្ណ ដោយសារជាប់ពាក់ព័ន្ធនឹងការឆបោកតាមប្រព័ន្ធបច្ចេកវិទ្យា

លេខាធិការដ្ឋាននៃគណកម្មការចំពោះកិច្ចប្រឆាំងបទល្មើស ឆបោកតាមប្រព័ន្ធបច្ចេកវិទ្យា (គ.ប.ឆ.ប.) បានដឹកនាំ និងសម្រ.....

02/11/2025

កាស៊ីណូ ស៊ីលវើរ ស្តារ នៅក្រុងបាវិតត្រូវបានព្យួរអាជ្ញាប័ណ្ណបន្ទាប់ពី រកឃើញមានជាប់ពាក់ព័ន្ធនឹងការឆបោកតាមប្រព័ន្ធបច្ចេកវិទ្យា
………
លេខាធិការដ្ឋាននៃគណកម្មការចំពោះកិច្ចប្រឆាំងបទល្មើស ឆបោកតាមប្រព័ន្ធបច្ចេកវិទ្យា (គ.ប.ឆ.ប.) បានដឹកនាំ និងសម្របសម្រួល ជាមួយគណៈកម្មការគ្រប់គ្រងល្បែងពាណិជកម្មកម្ពុជា(គ.ល.ក.) និង កម្លាំងសមត្ថកិច្ចនៃអគ្គស្នងការដ្ឋាននគរបាលជាតិ ព្រះរាជអាជ្ញាសាលា ដំបូងខេត្តស្វាយរៀង នៅថ្ងៃទី១ វិច្ឆិកា ឆ្នាំ២០២៥ នេះ បានចុះឆែកឆេរទីតាំង សង្ស័យពាក់ព័ន្ធនឹងការឆបោកតាមប្រព័ន្ធបច្ចេកវិទ្យា នៅក្នុងកាស៊ីណូ ស៊ីលវើរ ស្តារ ស្ថិតក្នុងភូមិសាស្រ្តខេត្តស្វាយរៀង។

ប្រតិបត្តិការនេះ បានឈានដល់ការឃាត់ខ្លួនជនសង្ស័យចំនួន២៣នាក់ ក្នុងនោះមានជនជាតិស្រីលង្កាមានចំនួន ៦នាក់(ស្រ្តី១នាក់) ប៉ាគីស្ថាន ៧នាក់(ស្រ្តី ២នាក់) ហ្វីលីពីន ២នាក់(ស្រី ២នាក់) នេប៉ាល់ ២នាក់(ស្រ្តី២នាក់) ឥណ្ឌា ១នាក់ នីហ្ស៊េរីយ៉ា ១នាក់ អាល់ហ្ស៊េរី ១នាក់ (ដែលសមត្ថកិច្ចសង្ស័យជាជនរងគ្រោះ) និង ជនសង្ស័យជាមុខសញ្ញាមេខ្លោងចំនួន ៣នាក់ (ចិនតៃវ៉ាន់១នាក់ និងម៉ាឡេស៊ីចំនួន ២នាក់) ជាមួយនឹងការដកហូតវត្ថុតាងរួមមាន Call Center២៤ទូរ, លិខិតឆ្លងដែន១៩ក្បាល និងទូរសព្ទដៃ២០ គ្រឿង។

បន្ទាប់ពីទទួលបានភស្តុតាងគ្រប់គ្រាន់ គណ:កម្មការគ្រប់គ្រងល្បែង ពាណិជ្ជកម្មកម្ពុជា(គ.ល.ក.) បានសម្រេចចាត់វិធានព្យួរអាជ្ញាប័ណ្ណ ចំពោះកាស៊ីណូ ស៊ីលវើរ ស្តារ មិនឲ្យដំណើរការអាជីវកម្មបន្តទៀតទេ។សមត្ថកិច្ចបានបញ្ជូនមុខសញ្ញាមេខ្លោងទាំង៣នាក់ មានជនជាតិចិនតៃវ៉ាន់ ១នាក់ និងម៉ាឡេស៊ី២នាក់ ទៅតុលាការខេត្តស្វាយរៀង ដើម្បីអនុវត្តនីតិវិធីផ្តន្ទាទោសតាមច្បាប់នៃព្រះរាជាណាចក្រកម្ពុជា។ ចំណែកឯជនបរទេស២០នាក់ ត្រូវបានប្រគល់ជូនអគ្គនាយកដ្ឋាន អន្តោប្រវេសន៍ ដើម្បីរៀបចំបែបបទបន្តនីតិវិធី​និរទេសចេញពីកម្ពុជា។

សូមបញ្ជាក់ថា ក្នុងក្របខណ្ឌយុទ្ធនាការបោសសម្អាតការឆបោកតាមប្រព័ន្ធ បច្ចេកវិទ្យានេះ សមត្ថកិច្ចចម្រុះទូទាំងប្រទេសនឹងចាត់វិធានការតាមផ្លូវច្បាប់ យ៉ាងតឹងរឹងបំផុតចំពោះមេខ្លោងទាំងឡាយ ដែលជាប់ពាក់ព័ន្ធនឹង អំពើឆបោកតាមប្រព័ន្ធបច្ចេកវិទ្យានេះ ដោយគ្មានការលើកលែងឡើយ៕

02/11/2025

ថ្ងៃនេះជា ថ្ងៃទី៩៦ហើយ ដែលវីរកងទ័ពកម្ពុជាចំនួន ១៨រូប ត្រូវបានចាប់ខ្លួន និងដាក់ឱ្យស្ថិតក្រោមការឃុំគ្រងរបស់យោធាថៃ។

កម្ពុជាសូមអំពាវនាវឱ្យភាគីថៃ ដោះលែងពួកគាត់ត្រឡប់មកវិញឱ្យបានឆាប់រហ័សជាទីបំផុត ដើម្បីឱ្យពួកគាត់អាចវិលត្រឡប់មកជួបជុំក្រុមគ្រួសាររបស់ពួកគាត់ និងប្រកបដោយសុខសុវត្ថិភាព ស្របតាមច្បាប់មនុស្សធម៌អន្តរជាតិ។

សូមគូសបញ្ជាក់ផងដែរថា រាជរដ្ឋាភិបាលកម្ពុជា បាននឹងកំពុងធ្វើការយ៉ាងសស្រាក់សស្រាំឥតឈប់ឈរ នូវគ្រប់យន្តការដោះស្រាយទាំងអស់លើករណីនេះ ដើម្បីឱ្យភាគីថៃ ដោះលែងកងកម្លាំងរបស់យើងទាំង១៨នាក់នោះ វិលត្រលប់មកវិញឱ្យបានឆាប់រហ័សជាទីបំផុត និងដោយសុខសុវត្ថិភាព។
រាជរដ្ឋាភិបាល ក្រសួងការពារជាតិ និងកងយោធពលខេមរភូមិន្ទ មិនដែលបោះបង់កងកម្លាំងរបស់យើងណាម្នាក់ចោលនោះឡើយ ទោះក្នុងកាលៈទេសៈណាក៏ដោយ។

01/11/2025

01/11/2025

ឧបនាយករដ្ឋមន្រ្តី ទៀ សីហា រដ្ឋមន្រ្តីការពារជាតិកម្ពុជា សូមថ្លែងអំណរគុណចំពោះសហរដ្ឋអាមេរិក និងប្រទេសម៉ាឡេស៊ី ដែលបានជួយសម្របសម្រួលឱ្យមាន «កិច្ចព្រមព្រៀងសន្តិភាព» រវាងកម្ពុជា-ថៃ ដែលបានចុះហត្ថលេខារួមគ្នា កាលពីថ្ងៃទី២៦ ខែតុលា ឆ្នាំ២០២៥ ។

បើតាមឧបនាយករដ្ឋមន្រ្តី ទៀ សីហា ភាគីទាំងពីរកម្ពុជា-ថៃ នឹងអនុវត្តកិច្ច​ព្រមព្រៀងនេះប្រកបដោយតម្លាភាព ហើយភាគីកម្ពុជា ទន្ទឹមរង់ចាំថៃភាគីដោះលែងវីរៈកងទ័ពទាំង១៨នាក់ ដែលមានចែងនៅក្នុងប្រការនៃកិច្ចព្រមព្រៀងថ្ងៃទី២៦ ខែតុលា ឆ្នាំ២០២៥ ឱ្យត្រលប់មកកម្ពុជាវិញឱ្យ​បាន​ឆាប់រហ័ស៕

01/11/2025

មានសារជូនពរវីរកងទ័ពរបស់យើងទេបងប្អូន! ខណៈយប់ថ្ងៃទី១ ខែវិច្ឆិកានេះ ចាប់ផ្តើមនៃការអនុវត្តការកែសម្រួលអាវុធ និងយុទ្ធោបករណ៍បំផ្លិចបំផ្លាញធុនធ្ងន់សម្រាប់ដំណាក់កាលទី១