09/12/2025
មកមើលរឿងរ៉ាវពីក្រោយវាំងននខ្មៅនៅសៀមតិចមើល ចាំខ្ញុំសាកល្បងបើកបង្ហាញ៖
១. លើកនេះដូចតែលើកមុនៗទេ បញ្ហាគឺមកពីផ្ទៃក្នុងសៀម មិនមែនមកពីយើងទេ។ ចាំថាសង្គ្រាមទល់ដែនកាន់តែសាហាវ ផ្ទៃក្នុងសៀមកាន់តែបែកបាក់ គេប្រើតែស្នៀតនេះដើម្បីបន្តអំណាចរាប់ជំនាន់មកហើយ ព្រោះនៅប្រទេសជាច្រើនបញ្ហាប្រវត្តិសាស្រ្តនិងជម្លោះព្រំដែនមិនដាច់ស្រេចនេះនៅតែអាចប្រើបណ្តុះស្មារតីជាតិនិយមបានមួយរយៈដែរ។ អានុទីននេះបើនិយាយទៅស្រួលប្រើហើយល្មោភអំណាច អញ្ចឹងទើបសុខចិត្តធ្វើសព្វបែបយ៉ាងសូម្បីតែជីវិតមនុស្សក៏លែងខ្វល់ ដើម្បីបង្ហាញចៅហ្វាយថាខ្លួនមានតម្លៃសក្តិសម។ អានុទីនមិនមែនជាចចកចម្បាំងអីទេ គ្រាន់ជាឆ្កែចាំផ្ទះដែលគេប្រើអោយខាំអ្នកជិតខាង ឆ្កែមិនសាហាវ តែក៏មិនអាចតដៃម្ចាស់ដូចចចកដែរ ទើបគេទុកឆ្កែ។
២. ភាពបរាជ័យបន្តបន្ទាប់ធ្វើអោយរាជវង្សសៀមល្វីងមុខនឹងប្រជាជនសៀម។ តាមពិតសៀមខ្លួនឯងក៏ប្រហែលជាមិនគិតថាខ្លួនឯងអន់ដល់ថ្នាក់ហ្នឹងដែរ កាន់តែបាក់មុខទៀតគឺប្រជាជនសៀមចាប់ផ្តើមអស់ជំនឿស្ទើររង្គើដល់បល្ល័ង្គស្តេច ចង់ឬមិនចង់ត្រូវស្តារប្រជាប្រិយភាពខ្លះហើយ។ សៀមធ្លាក់ចុះតាំងបិទព្រំដែនជាមួយខ្មែរ ទឹកជំនន់បំផ្លាញមួយតង់ទៀត ហើយស៊ីហ្គេមទៀតកាន់តែមិនបាច់និយាយ។ ជម្រើសចុងក្រោយមានតែវ៉ៃយកដីខ្មែរលួងចិត្តពួកអភិរក្សសៀមដែលស្រលាញ់មុខមាត់និងមាត់ធំជាងខ្លួន។
៣. ជិតបោះឆ្នោតហើយតែគ្មានសមិទ្ធិផលអីសោះ ក៏វ៉ៃយកស្នាដៃលេងទៅ! កាលណាបក្សកាន់អំណាចអន់ដូច្នេះ បក្សប្រឆាំងប្រាកដជាខ្លាំងជាងហើយ អញ្ចឹងវិធីងាយជាងគេដើម្បីលាក់បាំងភាពកម្សោយរបស់ខ្លួនគឺវ៉ៃខ្មែរហ្នឹងហើយ។ ត្រង់នេះយើងត្រូវត្រៀមសម្រាប់សង្គ្រាមរយៈពេលវែង ព្រោះមើលទៅមិនងាយចប់ទេ បើមើលជំហរស្តេចសៀមក៏ប្រហែលនៅពេញចិត្តអានុទីនដែរ ដោយសារបក្សប្រឆាំងភាគច្រើនមានមេដឹកនាំជាយុវជនប្រឆាំងរបបរាជានិយម ហើយតែងតែមានគោលនយោបាយកាត់បន្ថយអំណាចដៃម្ខាងបាំងមេឃរបស់ស្តេច។ អាចាស់មិនសូវល្អ តែអាថ្មីវាអាក្រក់ មានតែកាន់ជើងអាចាស់ហើយ។
៤. នៅសៀមក្រៅពីស្តេចមានមេទ័ពជ្រុលនិយមមួយចំនួនទៀតដែលស្រលាញ់ខ្មែរស្ទើរលេប សូម្បីងាប់ទៅក៏ស្រមៃបានកប់នៅខ្មែរដែរ។ ពួកនេះអំណាចពាសមេឃអាចរដ្ឋប្រហារមេដឹកនាំរដ្ឋាភិបាលណាមិនស្របពួកគេចោលបាន អានុទីនមើលឃើញរឿងនេះក្នុងកិច្ចប្រជុំក្រុមប្រឹក្សាសន្តិសុខសៀមបានធ្វើស្របតាមបំណងពួកនេះទៅហើយ គឺបិទទ្វារមិនចរចាជាមួយខ្មែរ ហែកចោលកិច្ចព្រមព្រៀងសន្តិភាព ហើយអោយអំណាចទៅក្រុមទ័ពសម្រេចកិច្ចការតាមព្រំដែនតែម្តង។ ក្នុងឋានៈជាអគ្គបញ្ជាការផ្កាយមាស៥ដូចទៅនឹងសម្តេចតេជោដែរ តែការអនុវត្តការងារខុសគ្នាស្រឡះ ម្នាក់ជានាគ ម្នាក់ជាទីងមោង។ អូមែន! ថ្ងៃមិញសម្តេចតេជោដាក់មួយក្បាច់ទៀតរឿងអានុទីនដើម្បីអំណាច ក្បត់សព្វក្បត់គ្រប់ ចាំមើលៗក្រុមមេទ័ពវាំងនិងស្តេចសៀមនៅផ្តល់ទំនុកចិត្តអោយទៀតទេ?
៥. អំណាចនៅសៀមបច្ចុប្បន្នគឺវ៉ល់តែម្តង បើសួរថាអ្នកណាជាអ្នកសម្រេចចុងក្រោយ? ប្រហែលជាគ្មានចម្លើយទេ! កម្ពុជាប្រហែលជាឆ្អែតឆ្អន់នឹងរឿងនេះហើយទើបលែងនិយាយរឿងចរចានិងគូរបន្ទាត់ក្រហមអង្គុយចាំតែម្តង ហ៊ានឆ្លង ដាក់ភ្លាម។ សៀមតែងតែគិតថាខ្លួនឆ្លាតជាខ្មែរព្រោះភាពក្រឡិចក្រឡុចនេះតែបែរជាដូរបានមកនូវការមិនទុកចិត្តពីសហគមន៍អន្តរជាតិទៅវិញ កាសែតល្បីៗដែលធ្លាប់គាំទ្រសៀម បែរជានាំគ្នាចុះវាយប្រហារសៀមទៅវិញ។ សៀមតែងតែគិតថាកម្ពុជាមិនហ៊ានតដៃឬអង្គុយចាំអាមេរិកនិងម៉ាឡេស៊ីមកជួយ តែសៀមភ្លេចថាខ្មែររង់ចាំតែភាពស្របច្បាប់ដើម្បីតដៃប៉ុណ្ណោះ ហើយអាមេរិចនិងម៉ាឡស៊ីទុកដូចជាអាជ្ញាកណ្តាលទេ តែភ្លើកម្ពុជាវ៉ៃខ្កួនឯងហើយ។ ត្រង់នេះក៏ប្រហែលសៀមមិនបានត្រៀមបានល្អដែរ ទើបតដៃបានតែបន្តិចក៏ស្ងាត់ទៅវិញ ទាំងដែលពីព្រឹកសម្លេងគ្រាប់ពេញមេឃ។ សៀមល្ងង់ខ្លួនឯង តែចេះតែច្រឡំថាកម្ពុជាល្ងង់ដូចខ្លួនដែរ ទើបទៅមកៗ នៅតែប៉ុណ្ណឹង!
អាចអានជាគតិបន្តិចបន្តួចមុនចូលគេងបាន! រាត្រីសួស្តី!
ប្រភព Vincent
