25/04/2025
ការសម្តែងតួកម្សត់សុំការអាណិត សុំការយល់ចិត្តពីថ្នាក់លើគឺជារឿងដែលបុគ្គលិកខ្លាំងមិនធ្វើជាដាច់ខាត។ ព្រោះនៅក្នុងកាលៈទេសៈបែបនេះ អ្នកដែលអាចធ្វើទង្វើទាំងនេះគឺជាមនុស្សដែលទន់ជ្រាយប៉ុណ្ណោះ។ ការធ្វើនូវទង្វើទាំងនេះវានឹងបង្ហាញពីភាពទន់ខ្សោយ គ្មានសមត្ថភាពងាយឆាប់ឱ្យគេបំបាក់បាន។ ប្រសិនបើអ្នកសម្តែងភាពទន់ខ្សោយទាំងនេះចេញ វាក៏ដូចជាអ្នកបានដកការទុកចិត្ត ការជឿជាក់ពីថ្នាក់លើចំពោះអ្នកដូច្នោះដែរ។
ដូច្នេះអ្វីដែលមនុស្សឆ្លាតគួរធ្វើនៅក្នុងស្ថានការណ៍មួយនោះគឺ អ្នកមិនចាំបាច់ខំតវាប្រកែករត់ចោលការចោទប្រកាន់ទាំងឡាយនោះទេ។ មិនចាំបាច់លើកយកហេតុផលទាំងឡាយមកនិយាយតវ៉ាដូចគ្នា។ ព្រោះនៅក្នុងកាលៈទេសៈខ្លះ ការប្រកែកតវ៉ា វានឹងក្លាយជាចំណងរឹតអ្នកឱ្យជាប់នៅក្នុងការចោទប្រកាន់ទាំងនោះកាន់តែតឹងណែន។ ប្រសិនបើការតវ៉ាទាំងឡាយក្លាយជាលេស អ្នកមិនចាំបាច់ខំតវ៉ា ឬប្រមូលហេតុផលនោះដែរ គ្រាន់មិនទទួលយកវាដូចគ្នា។ កាលៈទេសៈខ្លះគឺត្រូវឱ្យអ្នកបង្ខំខ្លួនឯងឱ្យនៅស្ងៀមស្ងាត់ដើម្បី សន្សំពេលវេលាចាប់យកឱកាសលាងខ្លួនចេញពីការចោទប្រកាន់ទាំងឡាយនោះ។
🔑ដកស្រង់ចេញពីសៀវភៅជាអ្នកធ្វើការ
Cr #អ្នកនិពន្ធរតនា
