28/09/2025
(៧៣) កិច្ចវត្តប្រចាំថ្ងៃ រដូវចូលព្រះវស្សារបស់ភិក្ខុ សាមណេរ និងស្វាធ្យាយព្រះធម៍ និងផ្សាយមេត្តាចិត្ត សូមឳ្យព្រះរាជាណាចក្រកម្ពុជា និងសព្វសត្វ បាននូវសេចក្តីសុខជានិច្ចនិរន្តរ៍តរៀងទៅ។ ម្យ៉ាងទៀតសូមឧទ្ទិសបុណ្យកុសលដល់វីរៈកងទ័ពដែលបានពលីបុព្វហេតុជាតិមាតុភូមិ។
ទី៧៣ ព្រះយសោជៈ
លោកសង្រ្គោះចូលនៅក្នុងចំណោមព្រះអសីតិមហាសាវ័កផងដែរ។
គាថា
(១៧៩) ផុដ្ឋោ ឌំសេហិ មកសេហិ អរញ្ញស្មឹ ព្រហាវនេ
នាគោ សង្គាមសីសេវ សតោ តត្រាធិវាសយេ។
យសោជត្ថេរ ពោលថា ភិក្ខុ (នៅ) ក្នុងព្រៃតូចឬព្រៃធំ បើទុកជាសត្វរបោមនិងមូលខាំហើយ ក៏គប្បីជាអ្នកមានស្មារតី អត់ទ្រាំចំពោះអន្តរាយ មានរបោមជាដើម ក្នុងព្រៃនោះ ដូចដំរីដ៏ប្រសើរអត់ទ្រាំ ក្នុងទីជាប្រធាននៃសង្រ្គាម។
យថា ព្រហ្មា តថា ឯកោ យថា ទេវោ តថា ទុវេ
យថា គាមោ តថា តយោ កោលាហលំ តតុត្តរិន្តិ។
ភិក្ខុតែម្នាក់ឯង(រមែងនៅជាសុខ) ដូចគ្នានឹងព្រហ្ម ភិក្ខុនៅរួមគ្នាពីររូប (រមែងមានសេចក្តីខ្ទាំងខ្ចប់) ដូចគ្នានឹងទេវតា ភិក្ខុ (នៅរួមគ្នា) ៣ រូប ដូចគ្នានឹងជនអ្នកស្រុក ភិក្ខុមានចំនួនច្រើនរូបលើសពីនោះទៅ ជាហេតុនាំឱ្យជ្រួលជ្រើម (ដូចគ្នានឹងពួកមហាជនដែលប្រជុំគ្នា)។
ខុទ្ទកនិកាយ ថេរគាថា បិដកលេខ ៥៦ ទំ.២០០
វត្តមជ្ឈិមវ័ន រាជធានីភ្នំពេញ
ព្រឹក ថ្ងៃអាទិត្យ ៦កើត ខែភទ្របទឆ្នាំម្សាញ់
សប្តស័ក ពុទ្ធករាជ ២៥៦៩
