NonMony - នន្ទមុនី

10/07/2025

ព្រះសុមេធវង្ស បណ្ឌិត សុខ ប៊ុនធឿន ព្រះគ្រូវិជ័យមេធាអនុគណខណ្ឌមានជ័យ បានដឹកនាំព្រះមន្ត្រីសង្ឃ ព្រះសង្ឃ ពុទ្ធបរិស័ទ និងសិស្ស និស្សិតក្មេងវត្ត ដង្ហែទៀនព្រះវស្សា ចម្រើនព្រះបរិត្ត និងសម្ដែងធម៌ទេសនា មុនចូលព្រះវស្សា និងអាសាឡ្ហបូជា នាឧបដ្ឋានសាលាវត្តនន្ទមុនី ស្ថិតនៅភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ។

ថ្ងៃព្រហស្បតិ៍ ១៥ កើត ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១០ ខែកក្កដា ឆ្នាំ២០២៥
#វត្តនន្ទមុនីធម្មមណ្ឌលវិបស្សនាធុរៈនៃកម្ពុជា

10/07/2025

ពុទ្ធបរិស័ទ​អញ្ជេីញមកវត្តនន្ទមុនី ថ្ងៃឧបោសថ

ថ្ងៃព្រហស្បតិ៍ ១៥កើត ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១០ ខែកក្កដា ឆ្នាំ២០២៥
ថ្ងៃនេះ ជាថ្ងៃសីល និងពេញបូណ៌មី
#វត្តនន្ទមុនីធម្មមណ្ឌលវិបស្សនាធុរៈនៃកម្ពុជា

07/07/2025

- ព្រះសុមេធវង្ស បណ្ឌិត សុខ ប៊ុនធឿន ព្រះរាជាគណៈថ្នាក់ត្រី ព្រះគ្រូវិជ័យមេធាអនុគណខណ្ឌមានជ័យ និងជាព្រះគ្រូចៅអធិការវត្តនន្ទមុនី ព្រមទាំងព្រះមន្ត្រីសង្ឃ សហការី សាលាអនុគណខណ្ឌមានជ័យ ព្រះគ្រូចៅអធិការវត្តនានាក្នុងខណ្ឌមានជ័យ ព្រះថេរានុត្ថេរៈគ្រប់ព្រះអង្គ និមន្តអមដំណើរព្រះអង្គគ្រូ និងចូលរួមដោយសប្បុរសជននានា មានដូចជា :
- លោកស្រី គីម អេង ព្រមទាំងក្រុមគ្រួសារ
- លោកស្រី គីម រ៉ុង ព្រមទាំងក្រុមគ្រួសារ
- មហាឧបាសកពុទ្ធសាសនូបត្ថម្ភក៍ សុខ ប៊ុន វីរះ ព្រមទាំងក្រុមគ្រួសារ បាន យកសម្ភារះផ្សេងៗ មានអង្ករ ទឹកត្រី ទឹកស៉ីអ៉ីវ មី ត្រីខ. កាហ្វេ ក្រម៉ា ទឹកក្រូច ទឹកសុទ្ធ ថ្នាំពេទ្យ ព្រមទាំងសម្ភារៈផ្សេងៗទៀត ព្រមទាំងបច្ច័យសរុបមានចំនួន ៤ លានរៀល
ជូនដល់វរៈសេនាតូច លេខ 447
និងវរៈសេនាតូច 374 ស្ថិតនៅស្រុកជាំក្សាន ខេត្តព្រះវិហារដែលកំពុងឈរជើងរក្សាសមរភូមិ មុខ ទិសភ្នំខ្មោច …..

- លោក អនុសេនីយ៍ឯក ស៊ុយ ស្រុន មេបញ្ជាការវរៈសេនាតូចលេខ 447
- លោកអនុសេនីយ៍ឯក រី សុភ័ក្ត្រ មេបញ្ជាការអនុសេនាធំគាំទ្រ នៃវរៈសេនាតូចលេខ 374 នៅសមរភូមិទិសភ្នំខ្មោច សូមក្រាបថ្វាយបង្គុំ និងថ្លែងអំណរគុណដល់ព្រះសុមេធវង្ស បណ្ឌិត សុខ ប៊ុនធឿន ព្រះមន្ត្រីសង្ឃ សហការីសាលាអនុគណខណ្ឌមានជ័យ ព្រះថេរានុត្ថេរៈគ្រប់ព្រះអង្គ សប្បុរសជន ដែលតែងតែជួយឧបត្ថម្ភដល់កងកម្លាំងជួរមុខដែលឈរជើងរក្សាការពារអធិបតេយ្យជាតិ បូរណភាពទឹកដីខ្មែរ សុខចិត្តយកសាច់ស្រស់ ឈាមស្រស់ ប្រឆាំងនិងសត្រូវឈ្លានពាន មិនអនុញ្ញាតអោយចោរសៀមឈ្លានពានចូលទឹកដីខ្មែរបានឡើយ ។
- សូមប្រគេន និងជូនពរ នូវពុទ្ធមង្គលពរទាំងឡាយ ៥ប្រការគឺអាយុ វណ្ណៈ សុខៈ ពលៈ និងបដិភាណៈ កុំបីឃ្លៀងឃ្លាតឡើយ ។
👏👏👏👏👏👏👏👏

🙏🙏🙏🙏🙏🙏🙏🙏

05/07/2025

🌸🌷កម្មវិធីបំបួសកុលបុត្រ🌷🌸
នាវេលាព្រឹកថ្ងៃសៅរ៍ ១០កើត ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៥ ខែកក្កដា ឆ្នាំ២០២៥

ព្រះសុមេធវង្ស បណ្ឌិត សុខ ប៊ុនធឿន ព្រះគ្រូវិជ័យមេធា ព្រះអនុគណខណ្ឌមានជ័យ បានបំបួសកុលបុត្រភាវសាមណេរ ៤ព្រះអង្គ ស្ថិតក្នុងអារាមវត្តនន្ទមុនីធម្មមណ្ឌលវិបស្សនាធុរៈនៃកម្ពុជា ។ កុលបុត្រដែលសាងផ្នួសក្នុងសំណាក់នៃព្រះពុទ្ធសាសនា ជាកិច្ចមួយដ៏ឧត្តុង្គឧត្តម និងជាការកម្រ ពីព្រោះការបួសជាសាមណេរក្តី ជាភិក្ខុក្តី ត្រូវមានកិច្ចសិក្សាបដិបត្តិទ្រទ្រង់ព្រះធម៌វិន័យយ៉ាងតឹងរឹង ក្នុងនោះមានការសិក្សាគន្ធធុរៈ និងវិបស្សនាធុរៈ ដែលជាធុរៈក្នុងព្រះពុទ្ធសាសនា និងបានជាឧបនិស្ស័យនៃលោកិយសម្បត្តិ និងលោកុត្តរសម្បត្តិ ។
#វត្តនន្ទមុនីធម្មមណ្ឌលវិបស្សនាធុរៈនៃកម្ពុជា ភូមិដំណាក់ធំ១ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ

🙏ថ្វាយ-ប្រគេន-ជូនបុណ្យបំបួសកុលបុត្រ ! សូមអនុមោទនា !

05/07/2025

22/06/2025

កិច្ចប្រជុំក្នុងវត្តនន្ទមុនី

​ក្រោមអធិបតីភាព​ :
- ព្រះភិក្ខុ​វិរិយធម្មោ​ ទេព​ សុខតួ ព្រះគ្រូសូត្រស្ដាំ​ ព្រះចៅធិការ​ស្ដីទី តំណាងដ៏ខ្ពង់ខ្ពស់​ ព្រះសុមេធវង្ស​ បណ្ឌិត​ សុខ​ ប៊ុនធឿ​ន​
- ព្រះគ្រូចេត្តោវិមត្តុិ អុឹម​ អឿ​ ព្រះគ្រូ​សូត្រឆ្វេង​
- មហាឧបាសកពុទ្ធសាសនូបត្ថម្ភក៍ សុខ​ ប៊ុនវីរះ​ ប្រធាន​គណៈកម្មការ​វត្ត​
- រួមទាំងមានការនិមន្ត អញ្ជេីញចូលរួមពី ព្រះមន្ដ្រីសង្ឃ​ ព្រះថេរានុត្ថេរៈគ្រប់ព្រះអង្គ ប្រធានអាចារ្យ​ ប្រធានដូនជី គណៈកម្មការ​ អាចារ្យ​ សីលវន្ដ​ សីលវតី សិស្ស​ និស្សិត​… ដោយកិច្ចប្រជុំនេះ​ ​ស្ដីពី​ ការងារទូទៅរួមមាន បញ្ហាវិន័យសង្ឃ កិច្ចវត្ត បទបញ្ជាផ្ទៃក្នុងវត្ត សន្តិសុខ អនាម័យ សណ្តាប់ធ្នាប់ទូទៅ…។

វត្ត​នន្ទមុនី​ ថ្ងៃអាទិត្យ ១២រោច ខែជេស្ឋ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២២ ខែមិថុនា ឆ្នាំ២០២៥
វត្ត នន្ទមុនី ធម្មមណ្ឌលវិបស្សនាធុរៈនៃកម្ពុជា

12/06/2025

07/06/2025