The SEATV Live

07/02/2025

28/01/2025

រីករាយបុណ្យចូលឆ្នាំចិន ២០២៤
新年快乐
Happy Chinese New Year 2024
ក្នុងឱកាសបុណ្យចូលឆ្នាំថ្មីប្រពៃណីចិន ដែលជាពេលវេលាជួបជុំដ៏រីករាយជាមួយក្រុមគ្រួសារ សាច់ញាតិជិតឆ្ងាយ និងមនុស្សជាទីស្រឡាញ់ ស្ថានីយ៍ទូរទស្សន៍-វិទ្យុអាស៊ីអាគ្នេយ៍
សូមគោរពជូនពរបងប្អូនជនរួមជាតិទាំងអស់ជួបតែរឿងល្អៗ រកទទួលទានមានបាន សំណាងល្អ ចម្រើនទ្រព្យ និងហេងៗក្នុងឆ្នាំថ្មីនេះ។
#ទូរទស្សន៍អាស៊ីអាគ្នេយ៍

14/09/2024

វេទិកា “ អរគុណសន្តិភាព (Gratitude-For-Peace Forum)" 14/09/2024.
********
ផលិតករជាន់ខ្ពស់ លោក ឆេង ដារាវុធកុសល
ពិធីករ លោក អ៊ិន សុវណ្ណដារ៉ា
អ្នកគ្រប់គ្រងកម្មវិធី លោក បាន ចិន្ដា
ស្ថានីយទូរទស្សន៍អាស៊ីអាគ្នេយ៍ចាប់ផ្ដើមផលិតកម្មវិធីថ្មីដែលមានចំណងជើងថា÷ វេទិកា “ អរគុណសន្តិភាព” ដែលជាគំនិតផ្ដួចផ្ដើមរួមរបស់បណ្ឌិត កៅ គឹមហួន ស្ថាបនិក និងជាប្រធានក្រុមប្រឹក្សាភិបាលនៃសាកលវិទ្យាល័យកម្ពុជា និងលោកជំទាវ ឃឹម រានី អគ្គនាយិកា ស្ថានីយ៍ទូរទស្សន៍អាស៊ីអាគ្នេយ៍ និងជាសមាជិកក្រុមប្រឹក្សាភិបាលសាកលវិទ្យាល័យកម្ពុជា
*ក្នុងគោលបំណង៖
ដើម្បីបណ្តុះគំនិតស្នេហាសន្តិភាព ដល់ប្រជាជនខ្មែរអោយយល់ដឹងពីតំលៃពិតនៃសន្តិភាព និងដើម្បីចូលរួមការពារ និងថែរក្សាសន្តិភាព ដែលបានមកដោយលំបាកនេះ ឲ្យបាននៅឋិតថេរគង់វង់ជារៀងរហូត សម្រាប់ប្រជាជនខ្មែរគ្រប់ជំនាន់។
(សូមតាមដានទស្សនាទាំងអស់គ្នារៀងរាល់ថ្ងៃសៅរ៍ វេលាម៉ោង១០:០០ដល់១១:០០ព្រឹក)
©រក្សាសិទ្ធិដោយ÷ទូរទស្សន៍អាស៊ីអាគ្នេយ៍ ឆ្នាំ២០២៣
Senior producer: Mr. Chheng Daravuth
MC: In Sovanndara
Programmer: Mr. Ban Chenda
The television series program “Gratitude-For-Peace Forum” is the initiative of Dr. Kao Kim Hourn, Founder and Chairman of the Board of Trustees of The University of Cambodia, and LCT Khem Rany, Director-General of the Southeast Asia Television (SEATV) and Acting President of The University of Cambodia.
The “Gratitude-For-Peace Forum” promotes and cultivates the love, appreciation and better understanding of peace by all Cambodians, and at the same time encourages everyone to participate in peace building, promotion of peace, as well as the maintenance of peace, which is important for all present and future generations of Cambodians.
© Copyright by The Southeast Asia Television (SEATV) 2023.
*** សូមអរគុណ!***
#ទូរទស្សន៍អាស៊ីអាគ្នេយ៍ #វេទិកាអរគុណសន្ដិភាព

23/05/2023

ឯកឧត្តមបណ្ឌិត.អគ្គលេខាធិការអាស៊ាន ផ្តល់កិច្ចសម្ភាសន៍ជាមួយទូរទស្សន៍ TVRI និង TV AIBD
នៅព្រឹកថ្ងៃអង្គារ ៤ កើត ខែជេស្ឋ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី ២៣ ខែឧសភា ឆ្នាំ២០២៣ នៅក្នុងឱកាសចូលរួមកិច្ចប្រជុំកំពូលប្រព័ន្ធផ្សព្វផ្សាយអាស៊ីលើកទី ១៨ នៅកោះបាលី សាធារណរដ្ឋឥណ្ឌូណេស៊ី ឯកឧត្តមបណ្ឌិត កៅ គឹមហួន អគ្គលេខាធិការអាស៊ាន បានផ្តល់កិច្ចសម្ភាសន៍ជាមួយទូរទស្សន៍ TVRI និង TV AIBD ។ ឯកឧត្តមអគ្គលេខាធិការអាស៊ាន បានចែករំលែកទស្សនៈរបស់គាត់ ស្តីពីអាទិភាពទាំងឡាយរបស់អាស៊ាននាពេលបច្ចុប្បន្ន កិច្ចខិតខំប្រឹងប្រែងរបស់អាស៊ានក្នុងការស្តារសេដ្ឋកិច្ចឡើងវិញក្រោយកូវីដ ១៩ ព្រមទាំងការវិវត្តន៍ថ្មីៗនៅក្នុងតំបន់ និងអន្តរជាតិ។

23/05/2023

រដ្ឋបាលជលផល ប្រកាសរដូវបិទនេសាទឆ្នាំនេះសម្រាប់ការនេសាទក្នុងដែននេសាទទឹកសាប
សេចក្តីជូនដំណឹងរបស់រដ្ឋបាលជលផល នៃក្រសួងកសិកម្ម រុក្ខា ប្រមាញ់ និងនេសាទ បានប្រកាសដល់សាធារណៈជន និងអ្នកនេសាទទាំងអស់ពីរដូវបិទនេសាទសម្រាប់ការនេសាទឆ្នាំ២០២៣នេះ នៅក្នុងដែននេសាទទឹកសាប។ តាមរយៈសេចក្តីជូនដំណឹង រដ្ឋបាលជលផលបានកំណត់រដូវបិទនេសាទសម្រាប់ការនេសាទ ដោយចាប់ពីថ្ងៃទី០១ ខែមិថុនា ដល់ថ្ងៃទី៣០ ខែកញ្ញា ចំពោះដែននេសាទទឹកសាប រួមមាន៖ ខេត្តកំពង់ឆ្នាំង ពោធិ៍សាត់ បាត់ដំបង ប៉ៃលិន បន្ទាយមាន ជ័យ សៀមរាប ឧត្តរមានជ័យ ព្រះវិហារ រតនគិរី មណ្ឌលគិរី ក្រចេះ ត្បូងឃ្មុំ កំពង់ចាម កំពង់ធំ និងមួយផ្នែកនៃរាជធានីភ្នំពេញ និងខេត្តកណ្តាល ដែលស្ថិតនៅខាងជើងខ្សែស្របទន្លេចតុម្មុខ។ ចំណែក ចាប់ពីថ្ងៃទី ០១ ខែកក្កដា ដល់ថ្ងៃទី៣១ ខែតុលា រួមមាន ខេត្តព្រៃ វែង ស្វាយរៀង តាកែវ ខេត្តកំពង់ស្ពឺ និងមួយផ្នែកនៃរាជធានីភ្នំពេញ និងខេត្តកណ្តាល ដែលស្ថិតនៅខាង ត្បូងខ្សែស្របទន្លេចតុមុខ។ រដ្ឋបាលជលផល បានបញ្ជាក់ថា នៅក្នុងរយៈពេលបិទនេសាទនេះ អ្នកនេសាទទាំងអស់ត្រូវប្រើតែឧបករណ៍នេសាទគ្រួសារ ដែលមានចែងក្នុងប្រកាសលេខ ៤៥៨ ប្រក.កសក ចុះថ្ងៃទី២២ ខែតុលា ឆ្នាំ២០១២៕

23/05/2023

23/05/2023

សម្តេចតេជោ រំលឹកក្រុមគ្រូពេទ្យ ត្រូវចាត់ទុកការជួយ សង្គ្រោះជីវិតប្រជាជនជាស្នូលនៅក្នុងវិជ្ជាជីវៈ
សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានណែនាំឱ្យក្រុមគ្រូពេទ្យគោរពនូវក្រមសីលធម៌ វិជ្ជាជីវៈក្នុងការព្យា បាលប្រជាជន និងត្រូវចាត់ទុកការបម្រើ និងសង្គ្រោះប្រជាជនគឺជាស្នូល ធ្វើជាគោលដៅសកម្មភាពសម្រាប់គ្រូពេទ្យ។ ថ្លែងនៅក្នុងពិធីសម្ពោធដាក់ឱ្យប្រើប្រាស់នូវ «អគារតេជោអភិវឌ្ឍន៍» នៅមន្ទីរពេទ្យកាល់ម៉ែតនាព្រឹកថ្ងៃទី២៣ ខែឧសភា ឆ្នាំ២០២៣ សម្តេចតេជោ មានប្រសា សន៍ថា ក្រុមគ្រូពេទ្យត្រូវគិតដល់ជីវិតមនុស្ស គឺសំខាន់ ណាស់ យើងធ្វើពេទ្យដើម្បីសង្គ្រោះមនុស្ស នេះជាសីលធម៌ចម្បងរបស់ក្រុមគ្រូពេទ្យ។ សម្តេចតេជោ បានណែនាំឱ្យក្រុមគ្រូពេទ្យមិនត្រូវឱ្យឈ្មោះនេះបាត់បង់ទៅវិញដោយសារតែបញ្ហាបុគ្គលរបស់គ្រូពេទ្យ ខណៈក្រុមគ្រូពេទ្យមានប្រសិទ្ធិ នាមថា កងទ័ពអាវស។ សម្តេចបានណែនាំឱ្យក្រុមគ្រូពេទ្យត្រូវលើកកម្ពស់សមត្ថភាពប្រើប្រាស់បច្ចេកទេសឱ្យបានច្បាស់លាស់ក្នុងការព្យាបាលអ្នកជំងឺ។ សម្តេចបានថ្លែងថា៖«បច្ចេកទេសដែលគ្មានការគ្រប់គ្រងដោយក្រម សីលធម៌មួយទេ បច្ចេកទេសនឹងនាំឱ្យមានគ្រោះថ្នាក់»
ឯកឧត្តមសាស្ត្រចារ្យ ម៉ម ប៊ុនហេង រដ្ឋមន្ត្រីក្រសួងសុខា ភិបាល បានឱ្យដឹងថា «អគារតេជោអភិវឌ្ឍន៍» ត្រូវបានចាប់ផ្តើមដំណើរការសាងសង់កាលពីថ្ងៃទី៥ ខែមីនា ឆ្នាំ២០១៨ ក្នុងគោលបំណងអភិវឌ្ឍន៍ និងធ្វើទំនើបកម្មអគារមជ្ឈមណ្ឌលពហុឯកទេស នៃមន្ទីរពេទ្យកាល់ម៉ែត ជាមន្ទីរពេទ្យបង្អែកលំដាប់ខ្ពស់ចុងក្រោយ ដើម្បីផ្តល់នូវសេវាពហុឯកទេស ប្រកបទៅដោយបច្ចេក វិទ្យាវេជ្ជសាស្ត្រដ៏ទំនើប ស្របតាមការវិវត្តរបស់សកលលោកនាពេលបច្ចុប្បន្ន ដែលជាក្ដីរំពឹងរបស់ប្រជាពលរដ្ឋកម្ពុជា។
ឯកឧត្តមរដ្ឋមន្ត្រី បន្តថា គម្រោងសាងសង់អគារទាំង មូល និងបំពាក់ឧបករណ៍ សម្ភារៈមានតម្លៃទឹកប្រាក់សរុប ៧០,៣៣១,៨១១ ដែលជាការឧបត្ថម្ភដ៏ថ្លៃថ្លារបស់សម្តេចតេជោ និងសម្តេចកិត្តិព្រឹទ្ធបណ្ឌិត និងរាជរដ្ឋាភិបាលកម្ពុជា ព្រមទាំងសប្បុរសជននានា។ «អគារតេជោអភិវឌ្ឍន៍» សាង សង់អំពីបេតុងអាម៉េ លាតសន្ធឹងតាមបណ្តោយមហាវិថីព្រះមុនីវង្សមានបណ្តោយប្រវែង ១៥៣ម៉ែត្រ ទទឹងប្រវែង ២២.៥ ម៉ែត្រ មានកម្ពស់ ១២ជាន់ និងក្រោមដី ២ជាន់ ផ្ទៃក្រឡាសរុប ៤៨,១៩៥ម៉ែត្រក្រឡា សាងសង់ស្របតាមប្រព័ន្ធស្ដង់ដារមន្ទីរពេទ្យអន្តរជាតិ (បទដ្ឋានបច្ចេកទេសបារាំង) មានគ្រែសម្រាកព្យាបាលសរុបចំនួន ៤២៦គ្រែ ។ អគារតេជោអភិវឌ្ឍន៍» នេះ អាចផ្តល់សេវាសុខាភិបា លជូនអ្នកជំងឺប្រមាណ ២៥០,០០០នាក់ក្នុងមួយឆ្នាំ។ លើសពីនេះ អគារតេជោអភិវឌ្ឍន៍ នឹងក្លាយជាមជ្ឈមណ្ឌលបណ្តុះ បណ្តាលដល់និស្សិតសម្រាប់ធ្វើការសិក្សា និងស្រាវជ្រាវផ្នែកវេជ្ជសាស្ត្រតាមប្រព័ន្ធឌីជីថលដ៏ទំនើបឈានមុខក្នុងប្រទេស៕

23/05/2023

ក្រសួងធនធានទឹក÷ អាចមានភ្លៀងពីតិចទៅច្រើន លាយឡំដោយផ្គរ រន្ទះ និងខ្យល់កន្ត្រាក់
(ភ្នំពេញ)៖ ក្រសួងធនធានទឹក និងឧតុនិយម នៅព្រឹកថ្ងៃទី២៣ ខែឧសភា ឆ្នាំ២០២៣នេះ បានចេញសេចក្តីជូនដំណឹង ស្ដីពី ស្ថានភាពធាតុអាកាស ចាប់ពីថ្ងៃទី២៤ ដល់ថ្ងៃទី៣០ ខែឧសភា ឆ្នាំ២០២៣។ ក្រសួងបញ្ជាក់ថា ព្រះរាជាណាចក្រកម្ពុជា ទទួលឥទ្ធិពលពីតំបន់នៃជ្រលងសម្ពាធទាបពីភាគខាងលើថៃ ឡាវ និងវៀតណាម ជាមួយ នឹងខ្យល់មូសុងនិរតីមធ្យម។ លក្ខណៈបែបនេះនឹងធ្វើឲ្យ៖
១៖តំបន់ទំនាបកណ្តាល
* សីតុណ្ហភាពអប្បបរមា មានពី ២៥-២៧ °C
* សីតុណ្ហភាពអតិបរមា មានពី ៣៤-៣៦ °C
* អាចមានភ្លៀងក្នុងកម្រិតពីតិចទៅបង្គួរ លាយឡំដោយផ្គរ រន្ទះ និងខ្យល់កន្ត្រាក់ ។
២៖តំបន់ខ្ពង់រាប
* សីតុណ្ហភាពអប្បបរមា មានពី ២៤-២៦ °C
* សីតុណ្ហភាពអតិបរមា មានពី ៣៣-៣៥ °C
* អាចមានភ្លៀងក្នុងកម្រិតពីតិចទៅបង្គួរ លាយឡំដោយផ្គរ រន្ទះ និងខ្យល់កន្រ្តាក់។
៣៖តំបន់មាត់សមុទ្រ
* សីតុណ្ហភាពអប្បបរមា មានពី ២៥-២៧ °C
* សីតុណ្ហភាពអតិបរមា មានពី ៣២-៣៤ °C
* អាចមានភ្លៀងក្នុងកម្រិតពីមធ្យមទៅច្រើន លាយឡំដោយផ្គរ រន្ទះ និងខ្យល់កន្ត្រាក់។ លើផ្ទៃសមុទ្រ អាចមានភ្លៀងខ្យល់កន្ត្រាក់ និងរលកសមុទ្រខ្ពស់។
ក្រសួងធនធានទឹក អំពាវនាវឲ្យបងប្អូនប្រជាពលរដ្ឋ បង្កើនការប្រុងប្រយ័ត្ន ចំពោះបាតុភូតធម្មជាតិដែលអាចកើតមានឡើងជាយថាហេតុ៕

22/05/2023

ជប៉ុន នឹងផ្តល់ឥណទានសម្បទាន និងហិរញ្ញប្បទានឥតសំណងបន្ថែមជាង ៥០លានដុល្លារដល់កម្ពុជា

22/05/2023

សម្ដេចតេជោ ហ៊ុន សែន ៖ អ្នកដែលមានសមត្ថភាពការពារឆ្នាំងបាយពលរដ្ឋ គឺមានតែគណបក្សប្រជាជនកម្ពុជា មួយគត់
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា លើក ឡើងថា អ្នកដែលមានសមត្ថភាពការពារឆ្នាំងបាយរបស់ប្រជាពលរដ្ឋ គឺមានតែគណបក្សប្រជាជនកម្ពុជា មួយគត់។ការលើកឡើងរបស់សម្ដេចតេជោ ហ៊ុន សែន បានធ្វើឡើងក្នុងពិធីសំណេះសំណាលជាមួយកម្មករ-និយោជិត ទស្សនាពិព័រណ៍សមិទ្ធផល និងពិធីសម្ពោធដាក់ឲ្យដំណើរការរោងចក្រផលិតសំបកកង់ ដើម្បីអបអរសាទរខួបលើកទី ១០ នៃគំនិតផ្តួចផ្តើមខ្សែក្រវ៉ាត់មួយ ផ្លូវមួយ នៅតំបន់សេដ្ឋកិច្ចពិសេស ក្រុងព្រះសី ហនុ នៅព្រឹកថ្ងៃទី ២២ ខែឧសភា ឆ្នាំ ២០២៣នេះ។
សម្ដេចតេជោ ហ៊ុន សែន បានថ្លែងថា ការពារព្រៃបានមិនខ្វះអុសដុតនោះទេ។ ត្រង់ចំណុចនេះ សម្ដេចចង់សំដៅថា ការពារសន្តិភាពបាន គឺប្រជាពលរដ្ឋមានការងារធ្វើ ហើយអ្នកមានសមត្ថភាពការពារសន្តិភាព គឺមានតែគណបក្ស ប្រជាជនកម្ពុជា តែមួយគត់។ សម្ដេចតេជោ ហ៊ុន សែន ថ្លែងទៀតថា មិនមានប្រទេសណាមួយ អាចអភិវឌ្ឍទៅបាននៅពេលមានសង្រ្គាមនោះទេ ហើយសង្ឃឹមថា ប្រជាពលរដ្ឋ នឹងចូលរួមថែរក្សាការពារសន្តិភាពទាំងអស់គ្នា៕

22/05/2023

ឯកឧត្តមបណ្ឌិត អគ្គលេខាធិការអាស៊ាន អញ្ជើញផ្តល់សន្ទរកថាស្វាគមន៍ ក្នុងកិច្ចប្រជុំឧត្តមមន្ត្រីសេដ្ឋកិច្ចអាស៊ាន (SEOM)
នៅព្រឹកថ្ងៃចន្ទ ៣ កើត ខែជេស្ឋ ឆ្នាំថោះ បញ្ចស័ក ព.ស. ២៥៦៧ ត្រូវនឹងថ្ងៃទី ២២ ខែឧសភា ឆ្នាំ២០២៣ នៅលេខាធិការដ្ឋានអាស៊ាន ក្នុងទីក្រុងហ្សាការតា សាធារណរដ្ឋឥណ្ឌូណេស៊ី ឯកឧត្តមបណ្ឌិត កៅ គឹមហួន អគ្គលេខាធិការអាស៊ាន បានអញ្ជើញផ្តល់សន្ទរកថាស្វាគមន៍ ក្នុងកិច្ចប្រជុំឧត្តមមន្ត្រីសេដ្ឋកិច្ចអាស៊ាន (SEOM)។ នៅក្នុងសន្ទរកថានោះ ឯកឧត្តមអគ្គលេខាធិការអាស៊ាន បានគូសបញ្ជាក់ពីតួនាទីដ៏សំខាន់របស់ SEOM ក្នុងការពង្រឹង និងពង្រីករបៀបវារៈកសាងសហគមន៍សេដ្ឋកិច្ចអាស៊ាន។

22/05/2023

អគ្គលេខាធិការអាស៊ាន នឹងផ្តល់សន្ទរកថាពិសេស លើប្រធានបទ “ស្នូលនៃកំណើន” កិច្ចប្រជុំកំពូលប្រព័ន្ធផ្សព្វផ្សាយអាស៊ីលើកទី ១៨
តបតាមការអញ្ជើញរបស់វិទ្យាស្ថានអាស៊ីប៉ាស៊ីហ្វិក សម្រាប់ការអភិវឌ្ឍការផ្សព្វផ្សាយ (AIBD) ឯកឧត្តមបណ្ឌិត កៅ គឹមហួន អគ្គលេខាធិការអាស៊ាន នឹងចូលរួមក្នុងកិច្ចប្រជុំកំពូលប្រព័ន្ធផ្សព្វផ្សាយអាស៊ីលើកទី ១៨ ក្រោមមូលបទ “ប្រព័ន្ធផ្សព្វផ្សាយពង្រឹងនិរន្តភាពសេដ្ឋកិច្ច” នៅថ្ងៃទី ២៣ ខែឧសភា ឆ្នាំ២០២៣ នៅកោះបាលី សាធារណរដ្ឋឥណ្ឌូណេស៊ី។ ឯកឧត្តមអគ្គលេខាធិការអាស៊ាន នឹងផ្តល់សន្ទរកថាពិសេស លើប្រធានបទ “ស្នូលនៃកំណើន”។ សូមជម្រាបជូនថា កិច្ចប្រជុំកំពូលប្រព័ន្ធផ្សព្វផ្សាយអាស៊ី គឺជាព្រឹត្តិការណ៍ដ៏សំខាន់ ដែលប្រមូលមន្ត្រីរដ្ឋាភិបាល អង្គការអន្តរជាតិ និងតួអង្គពាក់ព័ន្ធឧស្សាហកម្មទាំងអស់ ធ្វើការពិភាក្សាវែកញែកលើនិន្នាការបច្ចុប្បន្ន និងការវិវត្តន៍ចុងក្រោយបង្អស់ពាក់ព័ន្ធនឹងប្រព័ន្ធផ្សព្វផ្សាយនៅក្នុងតំបន់៕