Knn tv online

23/09/2025

សមត្ថកិច្ច​ស្រាវជ្រាវបង្រ្កាបឃាត់ខ្លួនជនសង្ស័យ ០៥ នាក់​ ពី​បទ​ ចាប់ប..ង្ខាំង ជនជាតិកូរ៉េ​ និងធ្វើទារុ..ណ កម្ម ព្រមទាំងកាន់កាប់អាវុធខុសច្បាប់ ។
ប្រភព​ B**g Phom

អនុវត្តតាមបទបញ្ជាផ្ទាល់របស់ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ដឹកនាំបញ្ជាផ្ទាល់ដោយលោកឧត្តមសេនីយ៍ត្រី ប៊ុន សត្យា ស្នងការរងទទួលផែននគរបាលយុត្តិធម៌ លោកឧត្តមសេនីយ៍ទោ លី ប៊ុនអេង ស្នងការរងទទួលការិយាល័យព្រហ្មទណ្ឌកម្រិតស្រាល និងលោកវរសេនីយ៍ឯក ម៉ម សាវន នាយការិយាល័យនគរបាលព្រហ្មទណ្ឌកម្រិតស្រាល រាជធានីភ្នំពេញ ដោយមានការសហកាណ៍ជាមួយ កម្លាំងអធិការដ្ឋាននគរបាលខណ្ឌបឹងកេងកង និងកម្លាំងអធិការដ្ឋាននគរបាលខណ្ឌដូនពេញ បានស្រាវជ្រាវបង្រ្កាបឃាត់ខ្លួនជនសង្ស័យ ០៥ នាក់​ ពី​បទ​ ចាប់ប..ង្ខាំង ជនជាតិកូរ៉េ​ និងធ្វើទារុ..ណ កម្ម ព្រមទាំងកាន់កាប់អាវុធខុសច្បាប់ ។
ជនរងគ្រោះ​​ឈ្មោះ​ HA CHEONGIL ភេទ​ប្រុស​ អាយុ​​៥១ឆ្នាំ​ ជនជាតិ​កូរ៉េ​ កាន់​លិខិត​ឆ្លងដែន​លេខ​ M087L6505 ។

»​ជនសង្ស័យ​ឃាត់​ខ្លួនចំនួន​ ០៥ នាក់​ ៖ 1/ឈ្មោះ​ ZHAO YUNLONG ភេទ​ប្រុស​ អាយុ​៣៧ឆ្នាំ​ ចិន​ កាន់​លិខិត​ឆ្លងដែន​លេខ​ EEI877707​ ,2/ឈ្មោះ​ XU TONGHUI ភេទ​ប្រុស​ អាយុ​៣៩ឆ្នាំ​ ចិន​ កាន់​លិខិត​ឆ្លងដែន​លេខ​ EE7877069 ,3/ឈ្មោះ​ DO YONGZHI ភេទ​ប្រុស​ អាយុ​៤៥ឆ្នាំ​ ចិន​ (គ្មាន​លិខិត​ឆ្លង​ដែន​) ,4/ឈ្មោះ​ ZHENG MING ZIE ភេទ​ប្រុស​ អាយុ​៤១ឆ្នាំ​ ​ចិន​ (គ្មាន​លិខិត​ឆ្លង​ដែន​) និង៥/ឈ្មោះ ភុំ​ វុទ្ធី​ ភេទ​ប្រុស​ អាយុ​៣៥ឆ្នាំ​ ​ខ្មែរ​ (អ្នកបេីកបរ) ។

សូមបញ្ជាក់ថា:នៅថ្ងៃទី ២១ខែកញ្ញាឆ្នាំ២០២៥វេលា ម៉ោង​ ២០:៣០ បុរស​ជាជនរងគ្រោះបានជិះ​រថយន្ត​​០១គ្រឿង​ ម៉ាក​ TOYOTA PRUS ពណ៌​ស​ ផ្លាក​លេខ​ ភ្នំពេញ ​2BK-2195 មកចតនៅទីតាំងកើតហេតុ ហេីយបានដេីរចូលទៅក្នុងហាងកាហ្វេ​ TEMPLE ស្ថិតនៅសង្កាត់បឹងកេងកងទី១ ខណ្ឌបឹងកេងកង រហូត​ដល់ម៉ោង​ប្រហែល​ ២១:៥០ ជនរងគ្រោះបានដេីរចេញពីហាងកាហ្វេ​ មករថយន្តវិញ​ ពេល​ដេីរទៅដល់រថយន្ត​ ក៏ស្រាប់តែមានជនសង្ស័យ០៥នាក់​ខាងលើជិះ​​​រថយន្ត​ ០១ គ្រឿង​ ​ម៉ាក​ GAC ពណ៌​ខ្មៅ​ ផ្លាកលេខ 2CI-7687​ បាន​ចាប់​ជន​រងគ្រោះ​ឡេីងជិះរថយន្តជិះគេចខ្លួនបាត់ទៅ ។ ក្រោយមកសន្តិសុខក៏បានរាយការណ៍មកកម្លាំងសមត្ថកិច្ច ហើយកម្លាំងសមត្ថកិច្ចក៏បានចុះទៅដល់ចេញជួយអន្តរាគមន៍ ក៏បានឃើញរថយន្តរបស់ជនសង្ស័យបើកត្រឡប់មកវិញ បម្រុងនឹងយករថយន្តរបស់ជនរងគ្រោះ ក៏ត្រូវបានកម្លាំងសមត្ថកិច្ចឃាត់បានជនសង្ស័យឈ្មោះ ZHAO YUNLONG និងបន្តទៅឃាត់ខ្លួនជនសង្ស័យ ០៤ នាក់ខាងលើបានបន្តទៀត នៅថ្ងៃទី​ ២២​ខែកញ្ញា២០២៥​ ម៉ោង​ ១៧:០០ ដោយកម្លាំង​របស់អធិការ​ដ្ឋាន​​ខណ្ឌ​បឹង​កេង​កង​ សហការ​ជាមួយ​កម្លាំង​ការិ.ព្រ/ទកំរិត​ស្រាល​ និងកម្លាំងអធិការដ្ឋានខណ្ឌដូនពេញ​ នៅចំណុចសណ្ឋាគារ​ ៨៨៩​ ផ្លូវ​ព្រះស៉ីសុវត្ថិ​ សង្កាត់​ចតុមុខ​ ខណ្ឌ​ដូនពេញ​ និង​បាន​ឆែក​ឆេរត្រួតពិនិត្យរកឃើញ កាំភ្លេីងខ្លី០១ដេីម​ ម៉ាក​K54​ ,បង់០២​ ,គ្រាប់​០៩គ្រាប់​ ,ដំបងដែក០១​ ,វិទ្យុ​ទាក់ទង​០៣, ស្រោមកាំភ្លេីងជ័រ០១​ ,​ថ្នាំ​ញៀន​ប្រភេទ​យ៉ាម៉ា ១១២ គ្រាប់​ ,លិខិត​ឆ្លងដែន​​០២ក្បាល​ និងទុយោសម្រាប់ប្រេីប្រាស់គ្រឿងញៀនមួយចំនួន​ ។
បច្ចុប្បន្ន​ ជនសង្ស័យ​០៥នាក់ខាង​លើ​ រួមនិងវត្ថុតាង កំពុងឃាត់ខ្លួននៅអធិការ​ដ្ឋាន​នគរបាលខណ្ឌបឹងកេង​កង​ បណ្តោះអាសន្ន​ ដេីម្បីកសាងសំណុំរឿងបញ្ជូនទៅតុលាការ ៕

23/09/2025

សម្ដេចតេជោ៖ ថៃអាចបន្តបិទព្រំដែនសូម្បី១០០ឆ្នាំទៀតក៏កម្ពុជាមិនស្លាប់ដែរ

(ភ្នំពេញ)៖ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃកម្ពុជា បានថ្លែងថា ថៃអាចបន្តបិទព្រំដែនសូម្....

23/09/2025

កម្លាំងនគរបាលរាជធានីភ្នំពេញ ស្រាវជ្រាវឃាត់ខ្លួនជនសង្ស័យ១៩នាក់ (ស្រីម្នាក់) ពាក់ព័ន្ធករណីរក្សាទុក និងប្រើប្រាស់គ្រឿងញៀន

(ភ្នំពេញ)៖ អនុវត្តតាមគោលការណ៍ដឹកនាំរបស់លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធ.....

23/09/2025

ក្រសួងការពារជាតិ ចេញសេចក្តីប្រកាសថា កងកម្លាំងរបស់កម្ពុជាមិនបានប្រើប្រាស់អាវុធបាញ់ចូលក្នុងទឹកដីថៃ ដូចការលើកឡើងរបស់ថៃនោះទេ

(ភ្នំពេញ)៖ នៅព្រលប់ថ្ងៃទី២៣ ខែកញ្ញា ឆ្នាំ២០២៥នេះ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា បានចេញសចក្តីប្រកាស និងសូមជូនព័ត៌មានដល់សាធារណជនជាតិ និងអន្តរជាតិមេត្តាជ្រាបថា៖
នៅរសៀលនេះមានផេកផ្លូវការរបស់កងទ័ពថៃ និងសារព័ត៌មានរបស់ថៃមួយចំនួនបានចុះផ្សាយថា «កងកម្លាំងកម្ពុជាបាញ់អាវុធធុនតូច ចំនួន៣ទៅ៥គ្រាប់ចូលទឹកដីថៃ ក្នុងគោលបំណងញុះញង់ នៅតំបន់តាមបណ្តោយព្រំដែន នៃប្រទេសទាំងពីរ»។

ក្រសួងការពារជាតិសូមគូសបញ្ជាក់នូវការពិតថា កងកម្លាំងរបស់កម្ពុជា មិនបានប្រើប្រាស់អាវុធបាញ់ចូលក្នុងទឹកដីថៃដូចការលើកឡើងខាងលើនោះទេ។ ដោយយោងតាមព័ត៌មានដែលទទួលបានពីយោធភូមិភាគទី៤ របស់យើង បានបញ្ជាក់ថា អង្គភាពដែលបានឈរជើងនៅតំបន់នោះបានរៀលកៃ ដោយអចេតនា ចំនួន២គ្រាប់ នៅវេលាម៉ោង ១៣:២០ នាទីរសៀល ហើយនៅវេលាម៉ោង ១៤:១៦ នាទីរសៀល ក្រុមទំនាក់ទំនងនៃប្រទេសទាំងពីរបានសាកសួរ និងផ្តល់ព័ត៌មាន ដើម្បីដោះស្រាយជាមួយគ្នារួចហើយអំពីបញ្ហានេះ។

ឆ្លៀតក្នុងឱកាសនេះ កម្ពុជាបញ្ជាក់ពីការប្តេជ្ញាចិត្តក្នុងការសហការជាមួយភាគីថៃនៅគ្រប់កម្រិត ដើម្បីលើកកម្ពស់សន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍសម្រាប់ជាប្រយោជន៍ដល់ប្រទេសទាំងពីរ។

កងកម្លាំងរបស់កម្ពុជា សូមបញ្ជាក់ជាថ្មីនូវការប្តេជ្ញាចិត្តយ៉ាងពេញលេញ ចំពោះកិច្ចព្រមព្រៀងនៃបទឈប់បាញ់ រវាងយោធាកម្ពុជា និងយោធាថៃ ដែលសម្រេចបាននៅទីក្រុងពូត្រាចាយ៉ា កាលពីថ្ងៃទី២៨ ខែកក្កដា ឆ្នាំ២០២៥ បានយ៉ាងម៉ឺងម៉ាត់ និងខ្ជាប់ខ្ជួនបំផុត។ ថ្ងៃអង្គារ ១កើត ខែអស្សុជ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៣ ខែកញ្ញា ឆ្នាំ២០២៥
Her Excellency Lieutenant General Maly Socheata, Spokeswoman of the Ministry of National Defense of the Kingdom of Cambodia:
The Ministry of National Defense of the Kingdom of Cambodia would like to inform the national and international public that this afternoon, the official page of the Thai military and some Thai media outlets reported that “Cambodian forces fired 3 to 5 small-caliber shots into Thai territory with the intent to provoke in the area along the border between the two countries.”
The Ministry of National Defense would like to highlight that Cambodian forces did not use weapons to fire into Thai territory as claimed above. According to information received from our Military Region 4, it was confirmed that the unit stationed in that area accidentally fired two shots at 1:20 PM. Afterwards, at 2:16 PM, the Communication Teams from both countries inquired and provided information to each other, and the matter has already been resolved.
Taking this opportunity, Cambodia reaffirms its commitment to cooperate with Thailand at all levels in order to promote peace, stability, cooperation, and development for the benefit of both countries.
Cambodian forces reaffirm their full and unwavering commitment to the ceasefire agreement between the Cambodian and Thai militaries, which was reached in Putrajaya on July 28, 2025.

23/09/2025

ទឹកផ្តូរនិស្ស័យនេះជាអ្វីដែលជនសង្ស័យសារភាព
ក្រោយអាវុធហត្ថស្រុកបាទីឃាត់ខ្លួនបាន​ បន្ទាប់ពីបានបាញ់សម្លាប់មនុស្សឲ្យស្លាប់៣នាក់និងរបួសធ្ងន់១នាក់នៅខេត្តកំពតកាលពីពេលថ្មីៗនេះ។

23/09/2025

កម្លាំងនគរបាលរាជធានីភ្នំពេញ បង្ក្រាបជនជាតិចិនដៃដល់៥នាក់ (ខ្មែរម្នាក់) ដកហូតកាំភ្លើង ថ្នាំញៀន ប្រើប្រាស់អាវុធខុសច្បាប់ ចាប់បង្ខាំង និងធ្វើទារុណកម្មជនជាតិកូរ៉េ

(ភ្នំពេញ)៖ អនុវត្តតាមបទបញ្ជាផ្ទាល់របស់ លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ, កម្លាំងអធិការដ្ឋាននគរបាលខណ្ឌបឹងកេងកង សហការជាមួយកម្លាំងជំនាញព្រហ្មទណ្ឌ នៃស្នងការដ្ឋាននគរបាលរាជធានីភ្នំពេញ និងកម្លាំងអធិការដ្ឋាននគរបាលខណ្ឌដូនពេញ បានស្រាវជ្រាវបង្រ្កាបឃាត់ខ្លួនជនសង្ស័យ៥នាក់ ពីបទចាប់ប..ង្ខាំង ជនជាតិកូរ៉េ និងធ្វើទារុ..ណកម្ម ព្រមទាំងកាន់កាប់អាវុធខុសច្បាប់។

សមត្ថកិច្ចបញ្ជាក់ថា ប្រតិបត្តិការនេះ បានធ្វើឡើងមួយកន្លែងនៅចំណុចហាងកាហ្វេ TEMPLE ស្ថិតនៅសង្កាត់បឹងកេងកងទី១ ខណ្ឌបឹងកេងកង និងមួយកន្លែងទៀត នៅចំណុចសណ្ឋាគារ ៨៨៩ ផ្លូវព្រះស៉ីសុវត្ថិ សង្កាត់ចតុមុខ ខណ្ឌដូនពេញ នៅយប់ថ្ងៃទី២១ រហូតដល់ល្ងាចថ្ងៃទី២២ ខែកញ្ញា ឆ្នាំ២០២៥។

ជនសង្ស័យដែលឃាត់ខ្លួនបានទាំង៥នាក់ រួមមាន៖ ១-ឈ្មោះ ZHAO YUNLONG ភេទ ប្រុស អាយុ៣៧ឆ្នាំ ជនជាតិចិនកាន់លិខិតឆ្លងដែនលេខ EEI877707, ២-ឈ្មោះ XU TONGHUI ភេទប្រុស អាយុ៣៩ឆ្នាំ ជនជាតិចិន កាន់លិខិតឆ្លងដែនលេខ EE7877069, ៣-ឈ្មោះ DO YONGZHI ភេទប្រុស អាយុ៤៥ឆ្នាំ ជនជាតិចិន (គ្មានលិខិតឆ្លងដែន), ៤-ឈ្មោះ ZHENG MING ZIE ភេទប្រុស អាយុ៤១ឆ្នាំ ជនជាតិចិន (គ្មានលិខិតឆ្លងដែន) និង*៥-ឈ្មោះ ភុំ វុទ្ធី ភេទប្រុស អាយុ៣៥ឆ្នាំ ជនជាតិខ្មែរ (អ្នកបើកបរ)។ ចំណែកជនរងគ្រោះ នៅក្នុងហេតុការណ៍នេះមានឈ្មោះ HA CHEONGIL ភេទប្រុស អាយុ៥១ឆ្នាំ ជនជាតិកូរ៉េ កាន់លិខិតឆ្លងដែនលេខ M087L6505។

សមត្ថកិច្ចបានបញ្ជាក់ពីដំណើររឿង មុនឈានដល់ការបង្ក្រាប និងឃាត់ខ្លួនជនសង្ស័យពី បទ ចាប់ប..ង្ខាំង ជនជាតិកូរ៉េ និងធ្វើទារុ..ណកម្ម ព្រមទាំងកាន់កាប់អាវុធខុសច្បាប់ យ៉ាងដូច្នេះថា៖ នៅថ្ងៃទី២១ ខែកញ្ញា ឆ្នាំ២០២៥ វេលាម៉ោង ២០៖៣០ បុរសជាជនរងគ្រោះ បានជិះរថយន្ត១គ្រឿងម៉ាក TOYOTA PRUS ពណ៌ស ផ្លាកលេខ ភ្នំពេញ 2BK-2195 មកចតនៅទីតាំងកើតហេតុ ហើយបានដើរចូលទៅក្នុងហាងកាហ្វេ TEMPLE ស្ថិតនៅសង្កាត់បឹងកេងកងទី១ ខណ្ឌបឹងកេងកង រហូតដល់ម៉ោងប្រហែល ២១៖៥០ ជនរងគ្រោះបានដើរចេញពីហាងកាហ្វេ ហើយមករថយន្តវិញ ពេលដើរទៅដល់រថយន្ត ក៏ស្រាប់តែមានជនសង្ស័យ៥នាក់ខាងលើ ជិះរថយន្ត១គ្រឿងម៉ាក GAC ពណ៌ខ្មៅ ផ្លាកលេខ 2CI-7687 បានចាប់ជនរងគ្រោះ ឡើងជិះរថយន្តជិះគេចខ្លួនបាត់ទៅ។

ក្រោយមកសន្តិសុខ ក៏បានរាយការណ៍មកកម្លាំងសមត្ថកិច្ច ហើយកម្លាំងសមត្ថកិច្ចក៏បានចុះទៅដល់ចេញជួយអន្តរាគមន៍ ហើយក៏បានឃើញរថយន្តរបស់ជនសង្ស័យបើកត្រឡប់មកវិញ បម្រុងនឹងយករថយន្តរបស់ជនរងគ្រោះ ក៏ត្រូវបានកម្លាំងសមត្ថកិច្ចឃាត់បានជនសង្ស័យឈ្មោះ ZHAO YUNLONG និងបន្តទៅឃាត់ខ្លួនជនសង្ស័យ៤នាក់ បានបន្តបន្ទាប់ទៀត នៅថ្ងៃទី២២ ខែកញ្ញា ឆ្នាំ២០២៥ វេលាម៉ោង១៧៖០០ ដោយកម្លាំងរបស់អធិការ ដ្ឋានខណ្ឌបឹងកេងកង សហការជាមួយកម្លាំង ការិយាល័យព្រហ្មទណ្ឌកំរិតស្រាល និងកម្លាំងអធិការដ្ឋានខណ្ឌដូនពេញ នៅចំណុចសណ្ឋាគារ ៨៨៩ ផ្លូវព្រះស៉ីសុវត្ថិ សង្កាត់ចតុមុខ ខណ្ឌដូនពេញ ហើយបានបន្តឆែកឆេរត្រួតពិនិត្យរកឃើញកាំភ្លើង១ដើមម៉ាក K54, បង់២, គ្រាប់៩គ្រាប់, ដំបងដែក១, វិទ្យុទាក់ទង៣, ស្រោមកាំភ្លើងជ័រ១, ថ្នាំញៀនប្រភេទយ៉ាម៉ា ចំនួន១១២គ្រាប់, លិខិតឆ្លងដែន២ក្បាល និងទុយោសម្រាប់ប្រើប្រាស់គ្រឿងញៀនមួយចំនួន។

បច្ចុប្បន្នជនសង្ស័យទាំង៥នាក់ខាងលើ រួមនឹងវត្ថុតាងកំពុងឃាត់ខ្លួននៅអធិការដ្ឋាននគរបាលខណ្ឌបឹងកេងកង ជាបណ្តោះអាសន្ន ដើម្បីកសាងសំណុំរឿងបញ្ជូនទៅតុលាការ៕

22/09/2025

ការបកស្រាយបំភ្លឺរបស់ក្រសួងការពារជាតិកម្ពុជា ពាក់ព័ន្ធករណីតំបន់ ភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យ ថ្ងៃទី២២ ខែកញ្ញា ឆ្នាំ២០២៥

22/09/2025

វីដេអូ៖ សម្តេចអគ្គមហាសេនាបតីតេជោ ហ៊ុន សែន និង សម្ដេចកិត្តិព្រឹទ្ធបណ្ឌិត ប៊ុន រ៉ានី​ ហ៊ុន សែន ព្រមទាំងក្រុមគ្រួសារសាច់ញាតិ និងមន្ត្រីរាជការ ព្រមទាំងប្រជាពលរដ្ឋពុទ្ធបរិស័ទជិតឆ្ងាយ បាន​អញ្ជើញចូលរួម​ពិធី​បុណ្យ​ភ្ជុំបិណ្ឌនៅវត្តមុន្នីសុវណ្ណ (ហៅវត្តចំពុះក្អែក) ដែលស្ថិតនៅក្នុងខណ្ឌច្បារអំពៅ រាជធានីភ្នំពេញ។

ថ្ងៃចន្ទ ១៥រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២២ ខែកញ្ញា ឆ្នាំ២០២៥។

22/09/2025

សមត្ថកិច្ចតាមប្រមាញ់ចាប់ជនដៃដល់បានហើយ នៅខេត្តតាកែវ ដែលបានបា..ញ់រះសម្លា..ប់មនុស្ស៣នាក់ និងរងរបួសម្នាក់ នៅខេត្តកំពត

(តាកែវ)៖ ជនដៃដល់ជាឃាតករ ដែលបានបា..ញ់រះសម្លា..ប់មនុស្ស៣នាក់ និងរងរបួសម្នាក់ នៅខេត្តកំពត ហើយរត់គេចខ្លួនបាត់នោះ ពេលនេះចាប់ឃាត់ខ្លួនបានហើយ នៅខេត្តតាកែវ ដោយមានកិច្ចសហការពីកងកម្លាំងសមត្ថកិច្ចជំនាញអាវុធហត្ថពាក់ព័ន្ធមួយចំនួន បន្ទាប់ពីឃាត់ខ្លួនស្ត្រីជាប្រពន្ធ ដែលផ្ដើមចេញពីជម្លោះក្នុងវង់ហូបចុក។

សមត្ថកិច្ចបញ្ជាក់ថា កិច្ចសហការនៃប្រតិបត្តិការតាមប្រម៉ាញ់បង្ក្រាបជនសង្ស័យរហូតបានសម្រេចនេះ បានអនុវត្តឡើងនាវេលាម៉ោង១១៖៣០នាទីថ្ងៃទី២២ ខែកញ្ញា ឆ្នាំ២០២៥ នៅចំនុចភូមិម្រះព្រៅ ឃុំត្រពាំងក្រសាំង ស្រុកបាទី ខេត្តតាកែវ។

ក្រោយពីទទួលបានបទបញ្ជាដោយលោកឧត្តមសេនីយ៍ត្រី សេង មហា មេបញ្ជាការកងរាជអាវុធហត្ថខេត្តតាកែវ និងមានការសម្របសម្រួលនិតិវិធីពីលោក ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ, កម្លាំងជំនាញកងរាជអាវុធហត្ថខេត្ត ដឹកនាំដោយលោកវរសេនីយ៍ឯក កែន វណ្ណៈ មេបញ្ជាការរង ទទួលការងារនគរបាលយុត្តិធម៌ សហការជាមួយកម្លាំងមូលដ្ឋានស្រុកបាទី និងមន្ត្រីជំនាញបច្ចេកវិទ្យា នៃស្នងការដ្ឋានស្រាវជ្រាវ និងបង្ក្រាបបទល្មើស កងរាជអាវុធហត្ថលើផ្ទៃប្រទេស បានចុះបង្រ្កាប និងឃាត់ខ្លួនជនសង្ស័យ ដែលជាជនដៃដល់ ក្នុងករណីឃាតកម្មបា..ញ់ប្រហារបណ្តាលឱ្យស្លា..ប់មនុស្សចំនួន៣នាក់ និងរបួសធ្ងន់ចំនួន១នាក់ កាលពីវេលាម៉ោង២០៖៣០នាទីថ្ងៃទី២០ ខែកញ្ញា ឆ្នាំ២០២៥ នៅភូមិស្រែព្រៃ ឃុំវត្តអង្គខាងត្បូង ស្រុកបន្ទាយមាស ខេត្តកំពត។

ជនសង្ស័យឈ្មោះ អ៊ុំ វុទ្ធី ភេទប្រុស អាយុ៤២ឆ្នាំ រស់នៅភូមិស្រែព្រៃ ឃុំវត្តអង្គខាងត្បូង ស្រុកបន្ទាយមាស ខេត្តកំពត។ បន្ទាប់ពីឃាត់ខ្លួន កម្លាំងកងរាជអាវុធហត្ថ បានដកហូតវត្ថុតាងរួមមាន៖ អាវុធខ្លីចំនួន១ដើម, បង់ចំនួន១, និងគ្រាប់ចំនួន៤គ្រាប់។ បច្ចុប្បន្នកម្លាំងជំនាញកងរាជអាវុធហត្ថខេត្តតាកែវ កំពុងរៀបចំបំពេញនីតិវិធី ដើម្បីប្រគល់ជនសង្ស័យ និងវត្ថុតាង ទៅកម្លាំងជំនាញកងរាជអាវុធហត្ថខេត្តកំពត ដើម្បីចាត់ការតាមនិតិវិធីបន្ត។

សូមបញ្ជាក់ថា នៅយប់ថ្ងៃកើតហេតុ ក្រុមជនរងគ្រោះកំពុងជួបជុំគ្នាហូបចុក ពេលនោះក៏មានឆ្កែមួយក្បាលចូលមក ស្រាប់តែជនរងគ្រោះយកកំប៉ុងស្រាគប់ទៅលើឆ្កែ ហើយប្រពន្ធរបស់ខ្មាន់កាំភ្លើងបានចោទថា កំប៉ុងស្រាដែលជនរងគ្រោះគប់នោះត្រូវខ្លួន ក្រោយមកក៏ឈ្លោះប្រកែកគ្នាមួយប្រាវ។ មួយសន្ទុះក្រោយមក ប្រពន្ធរបស់ខ្មាន់កាំភ្លើងយកសាច់រឿងមកប្រាប់ប្ដី ដែលជាខ្មាន់កាំភ្លើង ហើយខ្មាន់កាំភ្លើងបានដើរចេញពីផ្ទះទៅបាញ់រះលើក្រុមជនរងគ្រោះតែម្ដង៕

21/09/2025

ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានអញ្ជើញជួបសំណេះសំណាល និងប្រគល់ថវិកាឧបត្ថមគោលនយោបាយរបស់រាជរដ្ឋាភិបាលកម្ពុជា ជូនក្រុមគ្រួសារសពរបស់មន្ត្រីនគរបាលជាតិមរណៈ នៃស្នងការដ្ឋាននគរបាលរាជធានីភ្នំពេញ ចំនួន១៧រូប ដែលបានទទួលមរណភាព កាលពីកន្លងមក

21/09/2025

សេចក្តីថ្លែងការណ៍ របស់ក្រសួងការបរទេស និងស​ហ​ប្រតិ​បត្តិ​ការ​​អន្តរជាតិ នៃព្រះរាជាណាចក្រកម្ពុជា ស្តីពី កម្ពុជា​តវ៉ា និង​ជំទាស់​យ៉ាងខ្លាំងចំពោះចេតនារបស់ថៃ ក្នុង​ការ​អនុវត្តច្បាប់​ក្នុង​ស្រុករបស់ខ្លួនទៅលើពលរដ្ឋកម្ពុជា។

ថ្ងៃសៅរ៍​ ១៣រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២០ ខែកញ្ញា ឆ្នាំ២០២៥

21/09/2025

អាវុធហត្ថរាជធានីភ្នំពេញ ចុះអន្តរាគមន៍ឃាត់ខ្លួន បុរសជនជាតិបរទេសម្នាក់ ពាក់ព័ន្ធករណីហិង្សាចាក់ទៅលេីជនរងគ្រោះ០២នាក់ បណ្ដាលឲ្យរងរបួសធ្ងន់!

(ភ្នំពេញ)៖ នៅព្រឹកថ្ងៃទី២០ ខែកញ្ញា ឆ្នាំ២០២៥ អាវុធហត្ថរាជធានីភ្នំពេញ បានទទួលបណ្តឹងផ្ទាល់មាត់ពីប្រជាពលរដ្ឋតាមរយៈលេខទូរស័ព្ទបន្ទាន់ ១២៩១ ដើម្បីសុំកិច្ចអន្តរាគមន៍លើករណីបុរសជនជាតិបរទេសម្នាក់ បានកាន់កាំបិតចុងស្រួច និងប៉័ងតោ ចំនួន០២ដើម ធ្វើសកម្មភាពចាក់ទៅលើជនរងគ្រោះចំនួន០២នាក់ (ស្រី០១នាក់) នៅចំណុចខុនដូរប៑ែលលី៣ ផ្លូវកែវចិន្តា ស្ថិតភូមិ៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ បណ្ដាលឲ្យរងរបួសធ្ងន់ធ្ងរ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យកាល់ម៉ែត។ បន្ទាប់ពីទទួលបានព័ត៌មាន កម្លាំងអាវុធហត្ថរាជធានីភ្នំពេញ ក្នុងមូលដ្ឋានខណ្ឌជ្រោយចង្វារ បានចុះអន្តរាគមន៍ដល់កន្លែងកើតហេតុខាងលើភ្លាមៗ ធ្វើការឃាត់ខ្លួនបានជាក់ស្ដែងបុរសជនជាតិបរទេសម្នាក់ឈ្មោះ RANTAPAA MARKO ANTERO ជនជាតិបារាំង ភេទប្រុស អាយុ៤៧ឆ្នាំ នៅចំណុចខុនដូរខាងលើ ក្នុងបន្ទប់លេខA១១ ជាន់ទី១១ បញ្ជូនទៅការិយាល័យព្រហ្មទណ្ឌ នៃកងរាជអាវុធហត្ថរាជធានីភ្នំពេញ ដើម្បីចាត់ការតាមនីតិវិធីបន្ត។

សមត្ថកិច្ចមូលដ្ឋានអាវុធហត្ថខណ្ឌជ្រោយចង្វារ បានឲ្យដឹងថា មូលហេតុដែលបង្កឱ្យមានអំពើហិង្សាចាក់ទៅលើជនរងគ្រោះ០២នាក់ខាងលើ ដោយសារតែបុរសបរទេសរូបនេះ បានជិះកង់បីរបស់គេតែមិនមានលុយឱ្យក៏កើតជាទំនាស់ទាស់ទែងជាមួយនឹងម្ចាស់កង់បី និងបានទៅខ្ចីប្រាក់ពី អ្នកទទួលភ្ញៀវខុនដូខាងលើ តែត្រូវបានអ្នកទទួលភ្ញៀវរបស់ខុនដូមិនឲ្យប្រាក់ខ្ចី ក៏មានជម្លោះទាស់ពាក្យសម្ដីគ្នាទៅវិញទៅមក ហើយក៏កើតមានអំពើហិង្សាដោយជនបរទេសរូបនេះ បានរត់ឡើងទៅបន្ទប់ខុនដូររបស់ខ្លួន រួចយកកាំបិត០២ដើម មកធ្វើសកម្មភាពចាប់អ្នកទទួលភ្ញៀវខុនដូខាងលើនោះ រួចកាប់ និងចាក់ បណ្ដាលឲ្យរងរបួសធ្ងន់ ដោយឃើញដូចនេះសន្តិសុខនៅខុនដូខាងលើ ក៏រត់ទៅជួយក៏ត្រូវបានជនបរទេសនោះ យកកាំបិតកាប់បណ្ដាលឲ្យរងរបួសធ្ងន់ផងដែរ៕