18/08/2023
#រូបត្លុកនយោបាយ៖ សម្តេចទាំង៥ត្រៀមផ្ទេរអំណាចប្រចាំត្រកូលទាំងហ្វូងជាកញ្ចប់
---
តោះ... ប្រកួតប្រជែងគ្នាដាក់ចំណងជើងឱ្យរូបត្លុកនយោបាយមួយនេះ!
---
កម្ពុជាក្រោមការគ្រប់គ្រងរបស់សម្តេចទាំង៥ ដែលមានលោក ហ៊ុន សែន ជាស្ថាបនិក កំពុងត្រៀមសម្រេចនូវផែនការផ្ទេរអំណាចតពូជតាមត្រកូលទាំងហ្វូងជាកញ្ចប់ដ៏ធំមិនធ្លាប់មានក្នុងប្រវត្តិសាស្ត្រពិភពលោកពីមុនមក។ ក្នុងនោះ មួយភាគបួននៃសមាសភាពក្នុងជួរគណៈរដ្ឋមន្ត្រីថ្មី ដែលនឹងដឹកនាំដោយលោក ហ៊ុន ម៉ាណែត សុទ្ធសឹងតែជាប់សាច់សាលោហិតបង្កើត សាច់ថ្លៃ និងជាមនុស្សជំនិតរបស់ត្រកូលហ៊ុន។ រីឯ លោក ស ខេង វិញ លោកនឹងផ្ទេរអំណាចជារដ្ឋមន្ត្រីមហាផ្ទៃទៅឱ្យកូនប្រុសរបស់លោក គឺលោក ស សុខា។ ដោយឡែក កូនប្រុសលោក សាយ ឈុំ គឺលោក សាយ សំអាល់ នឹងទៅធ្វើជារដ្ឋមន្ត្រីក្រសួងរៀបចំដែនដីនគរូបនីយកម្ម និងសំណង់។ កូនរបស់លោក សាយ ឈុំ ម្នាក់ទៀតគឺអ្នកស្រី សាយ សំអាត ទទួលបានដំណែងជាអគ្គទេសាភិបាលរងធនាគារជាតិនៃកម្ពុជា។ កូនប្រសាលោក ហេង សំរិន គឺលោក វង សូត នឹងធ្វើជាអនុប្រធានទីពីរនៃរដ្ឋសភា។ រីឯ កូនប្រុសបង្កើតអ្នកស្រី ម៉ែន សំអន គឺលោក ប៉េង ពោធិ៍នា នឹងធ្វើជារដ្ឋមន្ត្រីក្រសួងសាធារណការ និងដឹកជញ្ជូន។
បើទោះជាការផ្ទេរអំណាចតពូជតាមត្រកូលទាំងហ្វូងជាកញ្ចប់បែបនេះ ហាក់កំពុងឈានទៅក្លាយជាការពិតយ៉ាងណាក្តី ក៏ក្រុមអ្នកឃ្លាំមើលថា ផែនការផ្ទេរអំណាចនេះ ពុំអាចធានាស្ថិរភាពជាយូរអង្វែងឡើយ ដោយសារមិនមានតុល្យភាពអំណាចគ្នារវាងត្រកូល «ហ៊ុនសែន» និងត្រកូលដ៏ទៃទៀត។ ពួកគេព្រមានថា ក្រោយបានអំណាចពេញដៃហើយ លោក ហ៊ុន ម៉ាណែត អាចនឹងឈានទៅ «កម្ចាត់» លោក ទៀ សីហា ត្រកូល «ទៀបាញ់» ដទៃទៀត លោក ស សុខា និងត្រកូល «សខេង» ដទៃទៀត ដើម្បីបញ្ចៀសភាពមិនទុកចិត្តគ្នា និងងាយស្រួលក្តោបក្តាប់អំណាចក្នុងជួរផ្ទៃក្នុងបក្សប្រជាជនកម្ពុជា៕
---
ដើម្បីស្វែងរកព័ត៌មានផ្សេងទៀតរបស់វិទ្យុអាស៊ីសេរី សូមចូលទៅកាន់៖
👉 គេហទំព័រ៖ rfa.org/khmer
👉 ហ្វេសប៊ុក៖ facebook.com/rfacambodia
👉 យូធូប៖ youtube.com/RFAKhmerVideo
👉 ទ្វីតធ័រ៖ twitter.com/RadioFreeAsiaKH
👉 តេឡេក្រាម៖ t.me/rfakhmer
👉 អ៊ីនស្តាក្រាម៖ instagram.com/rfakhmer
---
#វិទ្យុអាស៊ីសេរី #កម្ពុជា #ហ៊ុនសែន #ហ៊ុនម៉ាណែត #ទៀបាញ់ #ទៀសីហា #សខេង #សសុខា #សាយឈុំ #សាយសំអាល់ #សាយសំអាត #ហេងសំរិន #វងសូត #ម៉ែនសំអន #ប៉េងពោធិ៍នា #បោះឆ្នោត២០២៣ #បោះឆ្នោតក្លែងក្លាយ #ផ្ទេរអំណាចតពូជ #គ្រួសារនិយម
