18/04/2025
ដើម្បីអបអរសាទរ "ទិវាភាសាចិនអន្តរជាតិ 国际中文日" សាលាវិស្វកម្មទ័ពជើងគោកបានរៀបចំកម្មវិធីដាក់តាំងបង្ហាញស្តង់វត្ថុអនុស្សាវរីយ៍និងម្ហូបអាហារនានាតំណាងប្រទេសរៀងខ្លួននិងការសម្តែងនានារបស់ប្រទេសនីមួយៗជាលើកដំបូងបង្អស់របស់សកលវិទ្យាល័យ។ ក្នុងនោះដែរ និស្សិតកម្ពុជាទាំងអស់នៃសកលវិទ្យាល័យបានចូលរួមយ៉ាងសកម្មក្នុងការរៀបចំស្តង់ ក៏ដូចជាបាននាំយកចង្វាក់ម៉ាឌីហ្សុនរបស់ខ្មែរយើងមករាំសម្តែងបង្ហាញជូនមិត្តអន្តរជាតិទាំងអស់ទស្សនាផងដែរ។ ឆ្លងកាត់ការវាយតម្លៃនាពេលបញ្ចប់កម្មវិធី ស្តង់កម្ពុជាយើងបានទទួលចំណាត់ថ្នាក់លេខ១ ក្នុងចំណោមបណ្តាស្តង់នានាមកពីជាង១៣ប្រទេស។ ជាចុងក្រោយនិស្សិតខ្មែរយើងក៏បានធ្វើការជូនវត្ថុអនុស្សាវរីយ៍នានានិងក្រមាមួយចំនួនជូនថ្នាក់ដឹកនាំនៃសកលវិទ្យាល័យផ្ទាល់ទុកជាអនុស្សាវរីយ៍ផងដែរ។
