Ladies Sparkle

29/07/2026

🙏🙏🙏 សូមឲ្យសុខ ផុតចាកទុក្ខ

អនុមោទនា បុណ្យអាសាឡ្ហបូជា
វត្តនិគ្រោធវ័ន គល់ទទឹង ព.ស.២៥៧០។
✎﹏﹏﹏﹏﹏﹏﹏﹏﹏﹏﹏﹏
◈ផ្សាយចេញពី វត្តនិគ្រោធវ័ន គល់ទទឹង
ភូមិកោះក្របី សង្កាត់ព្រែកថ្មី ខណ្ឌច្បារអំពៅ រាជធានីភ្នំពេញ។
#ផ្នែកផ្សាយព្រះធម៌វត្តគល់ទទឹង_KOLTORTENG_MEDIA
◈ថ្ងៃពុធ ១៥កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០
ត្រូវនឹងថ្ងៃទី២៩ ខែកក្កដា ឆ្នាំ២០២៦

08/07/2026

សម្បូរព្រៃគុក គឺជាស្ថានីយបុរាណវត្ថុដ៏សំខាន់បំផុតមួយរបស់ប្រទេសកម្ពុជា និងជាទីតាំងនៃបណ្តុំសំណង់ប្រាសាទបុរាណធ្វើពីឥដ្ឋ និងថ្ម ដែលមានអាយុកាលចំណាស់ជាងគេមួយចំនួននៅអាស៊ីអាគ្នេយ៍។ ជាយូរលង់ណាស់មកហើយ មុនពេលមហានគរអង្គរវត្ត ត្រូវបានសាងសង់ តំបន់នេះត្រូវបានគេស្គាល់ថាជា «ឥសានបុរៈ» ដែលជារាជធានីដ៏រុងរឿងនៃអាណាចក្រចេនឡា ក្នុងអំឡុងចុងសតវត្សរ៍ទី៦ និងដើមសតវត្សរ៍ទី៧។

ស្ថិតនៅក្នុងខេត្តកំពង់ធំ សម្បូរព្រៃគុក គឺជាមជ្ឈមណ្ឌលបុរាណវត្ថុដ៏ធំនៃសតវត្សរ៍ទី៧ ដែលបានឈានដល់កម្រិតកំពូលនៃភាពរីកចម្រើន ក្រោមការដឹកនាំរបស់ព្រះបាទឥសានវរ្ម័នទី១ (គ្រងរាជ្យពីឆ្នាំ៦១៦ ដល់ឆ្នាំ៦៣៥ នៃគ.ស)។ ទោះបីជារដ្ឋខ្មែរដំបូងៗ ទទួលរងឥទ្ធិពលយ៉ាងខ្លាំងពីប្រទេសឥណ្ឌាទាំងខ្សែផ្លូវពាណិជ្ជកម្ម និងជំនឿសាសនាក៏ដោយ ក៏សម្បូរព្រៃគុកតំណាងឱ្យរបត់ប្រវត្តិសាស្ត្រដ៏សំខាន់មួយ ដែលបានឆ្លុះបញ្ចាំងពីការរួមបញ្ចូលគ្នារវាងវប្បធម៌បរទេស និងទស្សនទានក្នុងស្រុកយ៉ាងរស់រវើក។ របត់នេះបានបង្កើតឡើងនូវអត្តសញ្ញាណសិល្បៈដ៏ប្លែកស្រឡះមួយ ដែលយើងហៅថា «រចនាបថសម្បូរព្រៃគុក» ដែលជាគ្រឹះស្ថានដ៏រឹងមាំទាំងផ្នែកស្ថាបត្យកម្ម ភាសា និងព្រលឹងវិញ្ញាណ សម្រាប់អាណាចក្រអង្គរ ដែលបានលេចត្រដែតឡើង នៅ១៥០ ឆ្នាំក្រោយមក។

ស្ថានីយនេះលាតសន្ធឹងលើផ្ទៃដីជាង ១៣ គីឡូម៉ែត្រការ៉េ ដោយបន្សល់ទុកនូវកម្ទេចកំទី និងតួប្រាសាទជិតបីរយ ដែលភាគច្រើនត្រូវបានសាងសង់ឡើងពីឥដ្ឋ ថ្មភក់ និងបាយអ បុរាណយ៉ាងផ្ចិតផ្ចង់។ ស្នូលនៃទីតាំងប្រវត្តិសាស្ត្រនេះ ត្រូវបានបែងចែកជាបីក្រុមប្រាសាទធំៗ ដោយមានកំពែងថ្មព័ទ្ធជុំវិញ ដែលក្រុមប្រាសាទនីមួយៗសុទ្ធតែបានលាតត្រដាងនូវទិដ្ឋភាព និងទស្សនវិជ្ជាខុសៗគ្នានៃពិភពលោកក្នុងសម័យមុនអង្គរ។

នៅឆ្នាំ ២០១៧ សម្បូរព្រៃគុក ត្រូវបានកំណត់ចូលជាតំបន់បេតិកភណ្ឌពិភពលោករបស់អង្គការយូណេស្កូ ដោយការទទួលស្គាល់ មិនត្រឹមតែជាការប្រមូលផ្តុំនៃប្រាសាទបុរាណដ៏ស្រស់ស្អាតប៉ុណ្ណោះទេ ប៉ុន្តែជា "មន្ទីរពិសោធន៍" គ្រឹះនៃស្ថាបត្យកម្ម និងវប្បធម៌ខ្មែរផងដែរ៕

Sambor Prei K*k stands as one of Cambodia’s most significant archaeological sites, home to some of the oldest surviving stone structures in Southeast Asia. Long before Angkor Wat was built, this area was known as Isanapura and served as the thriving capital of the Chenla Empire during the late 6th and early 7th centuries.

Located in Kampong Thom province, Sambor Prei K*k is a massive 7th-century archaeological complex reached its zenith under King Isanavarman I, who reigned from 616 to 635 AD. Although early Khmer states were deeply influenced by Indian trade and spiritual traditions, Sambor Prei K*k marks a pivotal moment when these external elements were reinterpreted through a distinctly local lens. This gave birth to a highly distinct identity—the Sambor Prei K*k Style—which laid the structural, linguistic, and spiritual groundwork for the Angkorian Empire that emerged 150 years later.

Spanning overs over 13 square kilometers and contains the remnants of nearly three hundred temples, mostly built of durable brick, sandstone accents, and delicate stucco. The core of the site is divided into three main walled complexes, each offering a distinct perspective on the pre-Angkorian world.

In 2017, it was rightly designated a UNESCO World Heritage Site, recognizing it not just as a collection of beautiful ruins, but as the foundational "laboratory" of Khmer architecture and culture.

*k

07/07/2026

In 2008, UNESCO inscribed Preah Vihear as a World Heritage site, recognizing it as an outstanding masterpiece of Khmer architecture, praised for its remote charm, structural harmony, and integration with the dramatic cliffside environment.
Dedicated to the Hindu god Shiva, this UNESCO World Heritage site is renowned not just for its intricate carvings, but for its unique relationship with the surrounding natural landscape.
Perched spectacularly on the edge of a 525-meter (1,722 ft) cliff in the Dângrêk Mountains, Preah Vihear Temple (Prasat Preah Vihear) is a crowning achievement of the Khmer Empire’s architectural brilliance.

អបអរសាទរ ខួបលើកទី១៨ ប្រាសាទព្រះវិហារ ត្រូវបានចុះក្នុងបញ្ជីបេតិកភណ្ឌពិភពលោករបស់អង្គការយូណេស្កូ
៧ កក្កដា ២០០៨ ~ ៧ កក្កដា ២០២៦

18/06/2026

ទូលបង្គំជាខ្ញុំ សូមលើកហត្ថប្រណមបួងសួងដល់គុណបុណ្យព្រះរតនត្រ័យ ទេវតាថែរក្សាព្រះមហាសេតច្ឆត្ត ព្រះបារមីនៃដួងវិញ្ញាណក្ខន្ធអតីតព្រះមហាក្សត្រខ្មែរគ្រប់ព្រះអង្គ សូម ប្រោសប្រទានព្រះរាជសព្ទសាធុការពរ បវរសួស្តី ជ័យមង្គល មហាប្រសើរគ្រប់ប្រការ ថ្វាយ «សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល» ជាទីគោរពសក្ការៈដ៏ខ្ពង់ខ្ពស់បំផុត សូមព្រះអង្គទ្រង់ប្រកបដោយព្រះរាជពលានុភាពរឹងមាំ ក្នុងព្រះរាជវរោកាស ព្រះរាជពិធីចម្រើនព្រះជន្ម គម្រប់ ៩០ យាងចូល ៩១ ព្រះវស្សា

14/05/2026

សូមព្រះបរមរាជានុញ្ញាតក្រាបបង្គំថ្វាយ ព្រះសព្ទសាធុការពរ ក្នុងឱកាសព្រះរាជពិធីបុណ្យចម្រើនព្រះជន្មវស្សា ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត សូមទ្រង់មានព្រះរាជកាយបរិបូណ៍ ចៀសផុតពីព្រះរោគាទាំងពួង🙏🏻🙏🙏

01/05/2026

អនុមោទនាបុណ្យវិសាខបូជា 🙏

13/04/2026

សូមទេព្តាឆ្នាំថ្មី ប្រសិទ្ធិពរជ័យ សព្វសាធុការ បវរសួស្តី សិរិមង្គល វិបុលសុខមហាប្រសើរ ថ្វាយព្រះមហាក្សត្រ និងជូនដល់ ថ្នាក់ដឹកនាំគ្រប់លំដាប់ថ្នាក់ ព្រមទាំង កងទ័ព រក្សា​ជាតិមាតុភូមិ និងប្រជាជាតិក្មេរ ទាំងអស់ ធ្វើដំណើរប្រកបដោយសុវត្ថិភាព និងសូមឲ្យមានសន្តិភាពទាំងផ្លូវចិត្ត និងផ្លូវកាយ🙏🙏🙏

06/04/2026

ភាពតានតឹងដែលបណ្តាលមកពីផលប៉ះពាល់បង្កដោយសារកម្តៅថ្ងៃ អាចកើតមានលើមនុស្សគ្រប់រូប។ ប៉ុន្តែមនុស្សងាយរងគ្រោះជាងគេ គឺកូនក្មេង និងមនុស្សចាស់ជរា រួមផ្សំជាមួយនឹងកត្តាមួយចំនួនដែលធ្វើឱ្យហានិភ័យនេះកាន់តែខ្ពស់រួមមាន៖ កម្រិតសំណើមខ្ពស់ (រារាំងការភាយញើសពីស្បែក), ការខ្វះជាតិទឹក (ធ្វើឱ្យរាងកាយមិនអាចផលិតញើសបាន), កត្តាអាយុ (ទារក និងមនុស្សចាស់មានសមត្ថភាពខ្សោយក្នុងការស៊ាំនឹងសីតុណ្ហភាព) និងការប្រកបការងារធ្ងន់ធ្ងរដែលធ្វើឱ្យរាងកាយភាយកម្តៅខ្លាំងពីខាងក្នុង។

ដើម្បីរក្សាសីតុណ្ហភាពរាងកាយឱ្យមានស្ថេរភាព និងបង្ការការខ្សោះជាតិទឹកនៅក្នុងរដូវក្តៅខ្លាំងនេះ សូមអនុវត្តតាមការណែនាំខាងក្រោម៖

• ទទួលទានទឹកឱ្យបានទៀងទាត់៖ គួរទទួលទានទឹកស្អាតឱ្យបានលើសពី ២ លីត្រក្នុងមួយថ្ងៃ និងកុំរង់ចាំទាល់តែស្រេកទឹក ទើបពិសារ។
• ស្លៀកពាក់ឱ្យបានសមរម្យ៖ ជ្រើសរើសសម្លៀកបំពាក់ពណ៌ស្រាល សាច់ក្រណាត់រលុង និងខ្យល់ចេញចូលបានល្អ។ ប្រើប្រាស់មួក ឬឆ័ត្រ នៅពេលចេញទៅខាងក្រៅ។
• ស្វែងរកកន្លែងដែលមានម្លប់៖ ជៀសវាងការនៅក្រោមពន្លឺព្រះអាទិត្យផ្ទាល់ក្នុងរយៈពេលយូរ។ ប្រសិនបើចាំបាច់ត្រូវនៅខាងក្រៅ គួរសម្រាកនៅកន្លែងត្រជាក់ ឬមានម្លប់ឱ្យបានញឹកញាប់។
• ជៀសវាងភេសជ្ជៈដែលធ្វើឱ្យខ្សោះជាតិទឹក៖ កុំពិសារគ្រឿងស្រវឹង ឬ ភេសជ្ជៈដែលមានជាតិស្ករខ្ពស់ ឬប្រៃខ្លាំង ព្រោះវាធ្វើឱ្យរាងកាយកាន់តែបាត់បង់ជាតិទឹក។
• អនាម័យចំណីអាហារ៖ ត្រូវប្រាកដថាអាហារមានគម្របជិតល្អ និងប្រកបដោយអនាម័យ ដើម្បីបង្ការជំងឺផ្សេងៗ ដូចជាជំងឺរាគរូសជាដើម។

អត្ថបទ៖ សុវណ្ណារី

06/04/2026

ប្រទេសកម្ពុជាមានប្រវត្តិសាស្ត្រ និងវប្បធម៌ដ៏យូរអង្វែងបង្កប់ដោយភាពសម្បូរបែបដែលស្ទើរតែរាប់មិនអស់។ ក្នុងចំណោមនោះ បុណ្យចូលឆ្នាំថ្មីប្រពៃណីជាតិខ្មែរ គឺជាពិធីបុណ្យវប្បធម៌ដ៏សំខាន់បំផុតមួយ ដែលជាទូទៅត្រូវបានប្រារព្ធឡើងក្នុងខែមេសាជារៀងរាល់ឆ្នាំ។ ពិធីបុណ្យនេះប្រៀបដូចជាការអបអរសាទរចំពោះការបញ្ចប់នៃរដូវប្រមូលផល ជាពេលវេលាដែលកសិករសម្រាកកាយ និងរីករាយជាមួយសមិទ្ធផលនៃកម្លាំងពលកម្មរបស់ពួកគេ មុនពេលរដូវវស្សាចាប់ផ្តើមចូលមកដល់។ ជាទម្លាប់ គ្រួសារខ្មែរតែងប្រារព្ធពិធីបុណ្យនេះក្នុងរយៈពេល ៣ ថ្ងៃ ចាប់ពីថ្ងៃទី១៣ ឬ ១៤ ខែមេសា អាស្រ័យទៅតាមក្បួនហោរាសាស្ត្រ និងមហាសង្ក្រាន្ត។
ទន្ទឹមនឹងការកម្សាន្តសប្បាយ ល្បែងប្រពៃណីខ្មែរដែលត្រូវបានលេងក្នុងអំឡុងពេលបុណ្យចូលឆ្នាំថ្មី ក៏មានអត្ថន័យ និងគោលបំណងយ៉ាងជ្រាលជ្រៅផងដែរ។ ល្បែងទាំងនោះមិនត្រឹមតែបង្កើតឡើងដើម្បីការកម្សាន្តប៉ុណ្ណោះទេ ប៉ុន្តែថែមទាំងមានគោលដៅអប់រំដល់យុវជនខ្មែរ ទាំងផ្នែក បញ្ញា និងស្មារតី។ តាមរយៈល្បែងប្រជាប្រិយទាំងនេះ កុមារ និងក្មេងជំទង់ត្រូវបានបង្រៀនឱ្យស្គាល់ពីតម្លៃនៃសាមគ្គីភាព ការប្រើប្រាស់ប្រាជ្ញាដើម្បីដោះស្រាយឧបសគ្គ ការប្រកាន់ខ្ជាប់នូវ យុត្តិធម៌ ការចេះអធ្យាស្រ័យ និងការកសាងមនោសញ្ចេតនាដ៏ល្អចំពោះគ្នាទៅវិញទៅមកនៅក្នុងសង្គម។

Cambodia has a very long and protracted history and culture. We can see that merriments related to culture are almost uncountable and the Khmer New Year is one of the most important cultural festivities in Cambodia. The Khmer New Year, or 'Bon Chol Chhnam Thmei in the Khmer language, is traditionally celebrated in April each year. This marks the end of the harvest season when farmers enjoy the fruits of their labor and relax before the start of the rainy season. Traditionally, Khmer families usually celebrate their New Year on the 13th or 14th of April depending on the lunar calendar and the festival lasts for three days.

Khmer traditional games that are played during the New Year, have their unique meanings and objectives besides being entertaining and for merriment. All of the games have been created to edify the Cambodian youths and to help maintain their mental and physical dexterity. Through these games, Khmer adolescents are taught to unify, use intellectual power to overcome obstacles, empower justice, appreciate values of forgiveness, power of love, and other desirable ideologies.

02/04/2026

អង្ករផ្ការំដួលកម្ពុជា ដែលបានឈ្នះពានរង្វាន់អង្ករល្អបំផុតក្នុងលោកជាលើកទី ៧ ក្នុងឆ្នាំ ២០២៥ មិនត្រឹមតែល្បីខាងបាយចម្អិនក្តៅៗប៉ុណ្ណោះទេ សូម្បីយកទៅធ្វើជានំ ឬអាហារសម្រន់ផ្សេងៗក៏មានរសជាតិប្លែក និងឆ្ងាញ់ពិសាដែរ។ តើប្រិយមិត្តចូលចិត្តអាហារសម្រន់ដែលធ្វើពីអង្ករខ្មែរប្រភេទណាខ្លះ? កុំភ្លេចខំមិនប្រាប់ Admin ផងណា!

Cambodia’s Phka Rumduol rice (Malys Angkor) is officially the world's best rice—winning for the 7th time in 2025! 🏆🌾
Beyond the bowl, our rice makes the best cakes. How many Khmer rice snacks have you tasted so far? Share your favorites with us on the comment below 👇

#នំខ្មែរ