52News

08/06/2025

សម្តេច ហ៊ុន សែន បញ្ជាក់ថា ជារឿងចាំបាច់លើការកែសម្រួលកម្លាំងកងទ័ពនៅតំបន់មានជម្លោះ ដែលមេបញ្ជាការកងទ័ពទាំងពីរស្រុះស្រួលគ្នា

⬇️⬇️⬇️

សូមអានសំណេរដើមទាំងស្រុងរបស់សម្តេចប្រធានព្រឹទ្ធសភា នាយប់ថ្ងៃទី៨ ខែមិថុនា ដូចខាងក្រោម៖

ការកែសម្រួលកម្លាំងកងទ័ពនៅតំបន់មានជម្លោះដែលស្រុះស្រួលគ្នារវាងមេបញ្ជាការកងទ័ពនៃប្រទេសទាំងពីរកម្ពុជា-ថៃដើម្បីបញ្ជៀសនូវការប៉ះទង្គិចបង្ហូរឈាមទ្រង់ទ្រាយធំគឺជារឿងចាំបាច់។

ប្រជាជននៃប្រទេសទាំងពីរកម្ពុជា-ថៃពិតជាចង់មានសន្តិភាពជាបន្តនិងមិនចង់ឃើញនូវសង្គ្រាមនោះឡើយ។

ការស្វែងរកដំណោះស្រាយតាមរយៈការចរចាត្រូវបានធ្វើតាំងពីកំរិតថ្នាក់រាជរដ្ឋាភិបាលរហូតដល់មេបញ្ជាការនៅអង្គភាពជួរមុខទើបមានលទ្ធផលដូចពេលនេះ។

សូមបងប្អូនជនរួមជាតិជឿទុកចិត្តលើរាជរដ្ឋាភិបាលក្នុងការដោះស្រាយជម្លោះដោយសន្តិវិធីដែលជាវិធីតែមួយ
គត់ដើម្បីបញ្ជៀសសង្រ្គាមបង្ហូរឈាមនិងដើម្បីមិត្តភាព និង កិច្ចសហប្រតិបត្តិការល្អជាមួយប្រទេសជិតខាង៕

08/06/2025

សូមវត្ថុសាកសិទ្ធព្រលឹងវិញ្ញាណមហាវិរៈបុរសដូនតាខ្មែរដ៏អង់អាចក្លាហានខ្លាំងមហិមាគ្រប់ជំនាន់តាមជួយថែរក្សាបងប្អូនកងកម្លាំងការពារព្រំដែនកម្ពុជាគ្រប់លំដាប់ថ្នាក់ឲ្យទទួលបានសុខចម្រើនទាំងអស់គ្នា🇰🇭🇰🇭

31/05/2025

28/05/2025

សេចក្តីប្រកាសព័ត៌មានរបស់ក្រសួងការពារជាតិនៃព្រះរាជាណាចក្រកម្ពុជាទាក់ទងនឹងការប៉ះទង្គិចគ្នារវាងកងទ័ពកម្ពុជានិងថៃនាព្រឹកថ្ងៃទី២៨ ខែឧសភា​ ឆ្នាំ២០២៥

26/05/2025

សូមអបរសាទរ
ឯកឧត្តមកិត្តិបរិរក្សបណ្ឌិត ហោ ណាំហុង ក្នុងឱកាសត្រូវបានប្រោសព្រះរាជទានគោរមងារជា “សម្តេចឥស្សរវិទេសបញ្ញា ហោ ណាំហុង”!
……………….
ខ្ញុំបាទ និងភរិយា ព្រមទាំងថ្នាក់ដឹកនាំ មន្ត្រីរាជការស៊ីវិល មន្ត្រីនគរបាលជាតិ និងមន្ត្រីពន្ធនាគារ នៃក្រសួងមហាផ្ទៃ សូមសម្តែងនូវមនោសញ្ចេតនាប្រកបដោយក្តីរំភើបរីករាយ ចូលរួមអបអរសាទរដោយស្មោះអស់ពីដួងចិត្តជូនចំពោះឯកឧត្តមកិត្តិបរិរក្សបណ្ឌិត ហោ ណាំហុង ក្នុងឱកាសត្រូវបានព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ប្រោសព្រះរាជទានគោរមងារជា “សម្តេចឥស្សរវិទេសបញ្ញា ហោ ណាំហុង”។

យើងខ្ញុំសូមយកឱកាសដ៏វិសេសវិសាលនេះ សម្តែងនូវការគោរព កោតសរសើរ និងស្ញប់ស្ញែងដោយស្មោះជូនចំពោះសម្តេចឥស្សរវិទេសបញ្ញា ដែលកន្លងមកបានលះបង់កម្លាំងកាយ ចិត្ត និងបញ្ញាស្មារតី ចូលរួមក្នុងការដឹកនាំ និងអភិវឌ្ឍប្រទេសជាតិ ក៏ដូចជាចូលរួមថែរក្សា ការពារសុខសន្តិភាព ស្ថិរភាព ឯកភាពជាតិ ការអភិវឌ្ឍលើគ្រប់វិស័យ ការពារលទ្ធិប្រជាធិបតេយ្យ ការពារជាតិ មានសន្តិសុខសង្គមល្អប្រសើរ ព្រមទាំងរក្សាបាននូវឯករាជ្យជាតិ និងបូរណភាពទឹកដី ក្រោមការដឹកនាំដ៏ប៉ិនប្រសប់ និងឈ្លាសវៃរបស់សម្តេចអគ្គមហាសេនាបតីតេជោ ហ៊ុន សែន នាពេលកន្លងមក។

ក្នុងឱកាសដ៏វិសេសវិសាល និងប្រកបដោយសិរីមង្គលនេះដែរ យើងខ្ញុំសូមបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក ទេវតាថែរក្សាទឹកដី នៃព្រះរាជាណាចក្រកម្ពុជា សូមជួយប្រោះព្រំ និងប្រសិទ្ធពរ បវរសួស្តី ជ័យមង្គល វិបុលសុខមហាប្រសើរគ្រប់ប្រការជូនសម្តេចឥស្សរវិទេសបញ្ញា និងលោកជំទាវ ព្រមទាំងបុត្រាបុត្រី ចៅប្រុសចៅស្រី សូមបានប្រកបដោយពុទ្ធពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕
#សសុខា #កម្ពុជា

26/05/2025

លោកវរៈសេនីយ៍ទោ​ វន​ វាសនា​ អធិការ​រង​នៃ​ អធិការ​ដ្ឋាន​នគរបាល​ស្រុក​បវិល​ ខេត្ត​បាត់​ដំបង​ រួមជាមួយ​នឹងមន្ត្រី​នគរបាល​ស្រុក​បវេល​ម្នាក់​ទៀត​ ត្រូវ​បាន​អង្គភាព​ប្រឆាំង​អំពើពុករលួយ​ ឃាត់ខ្លួន​បញ្ជូន​ទៅ​សាលាដំបូង​រាជធានី​ភ្នំពេញ​ ពាក់ព័ន្ធ​ករណី​ដោះលែង​ជនល្មើស​ជនជាតិ​ថៃ​ជាថ្នូរ​នឹងលុយរាប់ម៉ឺន​ដុល្លារ​ ។

មន្ត្រី​នគរបាលទាំង២នាក់នេះ ត្រូវបានចោទប្រកាន់ពីបទ ​«ប៉ុនប៉ងសូកប៉ាន់​ និងបទ​ សម្អាតប្រាក់​ តាមមាត្រា​ ៣២​ នៃច្បាប់ស្តីពីប្រឆាំងអំពើពុករលួយ​ មាត្រា​ ២៧​ មាត្រា​ ៦០៥​ នៃក្រមព្រហ្មទណ្ឌ​ និងមាត្រា​ ៣៨​ នៃច្បាប់ស្តីពីការប្រឆាំងការសម្អាតប្រាក់​ និងហិរញ្ញប្បទានភេរវកម្ម»។

20/05/2025

ស្រុកខ្លួនឯងវិញកុំថាឡើយផលិតផលគីមី សូម្បីតែការលក់ដូរផ្សព្វផ្សាយនិយាយលើសការពិតក៏ជាប់គុកដែរ។

20/05/2025

ទិវាជាតិនៃការចងចាំ ២០ ឧសភា ២០២៥!
……………
នៅថ្ងៃទី២០ ខែឧសភា ឆ្នាំ២០២៥ នេះ គឺជាថ្ងៃរំលឹកទិវាជាតិនៃការចងចាំ ដែលប្រជាជនកម្ពុជាគ្រប់រូប មិនអាចបំភ្លេចបាននូវការឈឺចាប់ បង្កឡើងដោយពួកបនប្រល័យពូជសាសន៍ ប៉ុល ពត ក្នុងរបបកម្ពុជាប្រជាធិបតេយ្យ (ខ្មែរក្រហម)។

រយៈពេល ៣ឆ្នាំ ៨ខែ ២០ថ្ងៃ (១៧ មេសា ១៩៧៥-៦ មករា ១៩៧៩) ពួកខ្មែរក្រហម បានកាប់សម្លាប់ប្រជាពលរដ្ឋខ្មែរស្លូតត្រង់ អស់ជាង ២លាននាក់ ដោយការធ្វើទារុណកម្ម បង្អត់អាហារ ការជម្លៀស ការបោសសម្អាតផ្ទៃក្នុង ការបង្ខំឱ្យធ្វើការហួសកម្លាំង ការបង្ខំឱ្យរៀបការនិងអំពើអមនុស្សធម៌ផ្សេងៗទៀត ព្រមទាំងបានបំផ្លិចបំផ្លាញខឿនសេដ្ឋកិច្ច វប្បធម៌ និងហេដ្ឋារចនាសម្ព័ន្ធសង្គម ស្ទើរគ្មានសល់។ មិនត្រឹមតែប៉ុណ្ណោះ ប្រជាពលរដ្ឋកម្ពុជា ត្រូវស្លាប់ដោយគ្មានថ្នាំសង្កូវព្យាបាល គ្មានអាហារបរិភោគគ្រប់គ្រាន់ គ្មានសិទ្ធិសេរីភាព គ្មានលទ្ធិប្រជាធិបតេយ្យ សូម្បីតែសិទ្ធិរស់រានមានជីវិតដែលជាសិទ្ធិមូលដ្ឋានមានពីកំណើតរបស់មនុស្សក៏គ្មានដែរ។

នាឱកាសទិវាជាតិនៃចងចាំ នេះដែរ ខ្ញុំសូមគោរព និងឧទ្ទិសបួងសួងដល់ដួងវិញ្ញាណក្ខន្ធពលរដ្ឋខ្មែរ ដែលបានបាត់បង់អាយុជីវិតក្នុងរបបកម្ពុជាប្រជាធិបតេយ្យទាំងអស់ សូមបានទៅកាន់សុគតិភពកុំបីឃ្លៀងឃ្លាតឡើយ។

ក្នុងនាមពលរដ្ឋខ្មែរជំនាន់ក្រោយ ១រូប សូមប្តេជ្ញាការពារសុខសន្តិភាព ដែលថ្នាក់ដឹកនាំស្វែងរកបានយ៉ាងលំបាក ឱ្យបានគង់វង្សតរៀងទៅ និងប្រឆាំងដាច់ខាតមិនឱ្យរបបប្រល័យពូជសាសន៍ ប៉ុល ពត វិលត្រឡប់មកវិញសារជាថ្មីឡើយ។

ជាមួយគ្នានេះដែរ ខ្ញុំក៏អំពាវនាវដល់ពុកម៉ែ បងប្អូនប្រជាជនកម្ពុជាទាំងអស់ សូមបន្តរួបរួមគ្នាការពារសុខសន្តិភាព ឱ្យបានគង់វង្ស និងចូលរួមអភិវឌ្ឍន៍ប្រទេសជាតិយើង ជាមួយរាជរដ្ឋាភិបាល ក្រោមការដឹកនាំប្រកបដោយភាពឈ្លាសវៃរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ឱ្យកាន់តែសម្បូររុងរឿងថ្កុំថ្កើងជានិច្ចនិរន្តរ៍តរៀងទៅ៕
#សសុខា #កម្ពុជា

19/05/2025

គ្មាននរណាកើតមកមិនចេះខុសទេ ប៉ុន្តែបើដឹងខុសហើយមិនកែបង្កើតកំហុសម្ដងហើយម្ដងទៀតដដែលៗគឺមិនមែនមនុស្សទេ🦮🐕‍🦺🐈

15/05/2025

RIP លោក José Mujica បានទទួលមរណភាពក្នុងវ័យ ៨៩ឆ្នាំ លោកជាអតីតប្រធានាធិបតីនៃប្រទេសអ៊ុយរូហ្គាយ ក្នុងអំឡុងឆ្នាំ 2010-2015 ហើយមនុស្សទាំងឡាយក្នុងលោក តែងស្គាល់លោកច្បាស់ក្នុងឋានៈ ជាប្រធានាធិបតីដែលក្របំផុតជាងគេក្នុងពិភពលោក។

ទោះលោកបានទទួលមរណភាពហើយក្តី តែកិត្តិយស កេរឈ្មោះ ដ៏ក្រហូបសព្វសាយរបស់លោក បានដក់នូវក្នុងចិត្តមនុស្សគ្រប់ជំនាន់៕