ឡុងស្រីណុច - Long SreyNoch

26/07/2025

01/07/2025

មនុស្សគ្រប់គ្នាមានឱកាសតែម្តងប៉ុណ្ណោះក្នុងការដើរចូលជីវិតរបស់ខ្ញុំ!!! ទោះអ្នកអស្ចារ្យ ឬ សំខាន់កម្រិតណាក៏ដោយ បើអ្នកធ្វើអោយអ្នកខកចិត្ត ឬ ឈឺចាប់ម្តងហើយ វត្តមានរបស់អ្នកនៅក្នុងជីវិតខ្ញុំនឹងចប់តែត្រឹមនេះ គ្មានការលើកលែងឡើយ។ ដូច្នេះហើយអ្នកមានឱកាសតែម្តងគត់ ក្នុងការទាក់ទង/រាប់អានខ្ញុំ តែបើអ្នកមិនចេះថែរក្សាទំនាក់ទំនងនេះទេ អ្នកនឹងបាត់បងខ្ញុំជារៀងរហូត😊

រក្សាសិទ្ធដោយ៖ ឡុងស្រីណុច - Long SreyNoch
(ហាមចម្លងដោយគ្មានការអនុញ្ញាត)

29/06/2025

ខ្ញុំជាមនុស្សមានចរិតពីរ ដែលពេលខ្លះខ្ញុំជាមនុស្សចិត្តទន់ ហើយពេលខ្លះទៀតជាមនុស្សចិត្តដាច់បំផុត ដោយវាអាស្រ័យទៅអ្វីដែលអ្នកបានធ្វើដាក់ខ្ញុំ! ឧទាហរណ៍👇🏻

ចរិតទីមួយ : ខ្ញុំអាចរត់ចូលភ្លើង ហ៊ានលះបង់ជីវិតខ្លួនឯង ដើម្បីជួយសង្រ្គោះអ្នក។
ចរិតទីពីរ : ខ្ញុំក៏អាចជាមនុស្សដែលសុខចិត្តឈរសម្លឹងអ្នកត្រូវភ្លើងឆាបឆេះដូចគ្នា។

ខ្ញុំធ្វើល្អដាក់តែមនុស្សដែលសក្តិសមនឹងទទួលបានអំពើល្អពីខ្ញុំប៉ុណ្ណោះ ចំណែកមនុស្សដែល Fake ដាក់ខ្ញុំវិញ និយាយត្រង់ទោះឃើញស្លាប់ក៏ខ្ញុំមិនជួយដែរ…..អាចថាខ្ញុំឃោរឃៅក៏បាន តែខ្ញុំមានវិន័យរបស់ខ្ញុំ ✍🏻

រក្សាសិទ្ធដោយ៖ ឡុងស្រីណុច - Long SreyNoch
(ហាមចម្លងដោយគ្មានការអនុញ្ញាត)

28/06/2025

អត់អីទេ ទោះខ្ញុំនៅម្នាក់ឯងមែនតែខ្ញុំអាចមើលថែខ្លួនឯងបាន ហើយថែមទាំងមើលថែបានល្អទៀតផង❤️ ព្រោះខ្ញុំមិនមែនជាមនុស្សដែលចូលចិត្តពឹងផ្អែកលើអ្នកដទៃតាំងពីដើម ដូច្នេះគ្រាន់តែរស់នៅម្នាក់ឯងវាគ្មានអ្វីពិបាកសម្រាប់ខ្ញុំទេ តែវាបែរជាធ្វើអោយខ្ញុំមានអារម្មណ៍ថាមានសេរីភាព និងគ្មានការរំខានទៅវិញ✨

រក្សាសិទ្ធដោយ៖ ឡុងស្រីណុច - Long SreyNoch
(ហាមចម្លងដោយគ្មានការអនុញ្ញាត)

24/06/2025

មនុស្សស្រីចិត្តដាច់ភាគច្រើន អាចមកពីហេតុផល២យ៉ាងនេះ៖

១.ចិត្តដាច់ ព្រោះនាងធ្លាប់ត្រូវបានគេយកទៅលេងសើចម្តងហើយម្តងទៀត ដូច្នេះហើយទើបនាងប្តេជ្ញាឈប់ធ្វើជាមនុស្សចិត្តទន់ ដែលអ្នកដទៃអាចធ្វើអោយនាងឈឺចាប់ម្តងទៀត💔

២.ចិត្តដាច់ ព្រោះនាងជាមនុស្សមានហេតុផល ត្រូវថាត្រូវ ខុសថាខុស នាងមិនសម្រេចចិត្តដោយប្រើមនោសញ្ចេតនានោះទេ តែនាងនឹងប្រើភ្នែកមើលទៅលើហេតុផលជាក់ស្តែង📝

រក្សាសិទ្ធដោយ៖ ឡុងស្រីណុច - Long SreyNoch
(ហាមចម្លងដោយគ្មានការអនុញ្ញាត)

22/06/2025

ទំនាក់ទំនងមួយអាចមានសុខភាពល្អបានគឺត្រូវការការយកចិត្តទុកដាក់ និងមើលថែអោយបានល្អ វាដូចទៅនឹងដើមឈើមួយដើមដែរ ទាល់តែអ្នកដាំដុះ មើលថែ ដាក់ជី និងការពារវា ទើបដើមឈើនោះអាចរីកលូតលាស់បានល្អ! គ្រាន់តែថាទំនាក់ទំនងស្នេហា វាត្រូវការមនុស្ស២នាកដើម្បីរួមគ្នារួមគ្នាសាងវាឡើង ហើយបើអ្នកចង់អោយទំនាក់ទំនងនោះមានសុខភាពល្អតាមការចង់បាន លុះត្រាតែអ្នកដាក់នូវក្តីស្រឡាញ់ ការតាំងចិត្ត និងភាពស្មោះត្រង់ នោះទើបទំនាក់ទំនងរបស់អ្នករឹងមាំ មិនងាយបែកបាក់ដោយផុយស្រួយ🪾❤️

រក្សាសិទ្ធដោយ៖ ឡុងស្រីណុច - Long SreyNoch
(ហាមចម្លងដោយគ្មានការអនុញ្ញាត)

20/06/2025

រឿងអ្វីក៏ដោយកុំចូលចិត្តប្រៀបធៀបពេក ជាពិសេសចូលចិត្តសរសើរសង្សារ ឬ ប្តី/ប្រពន្ធ អ្នកដទៃ រួចក្រឡេកមកប្រៀបធៀបជាមួយដៃគូរបស់ខ្លួន នោះជាទម្លាប់មិនល្អនោះទេ។ ត្រូវដឹងថា មនុស្សម្នាក់ៗតែងមានចំណុចល្អ និងអាក្រក់រាងខ្លួន ដូច្នេះកុំយកចំណុចល្អរបស់គេ មកប្រៀបធៀបនឹងចំណុចអាក្រក់របស់ដៃគូខ្លួនឯង វាមិនត្រូវទេ។ មនុស្សយើងម្នាក់ៗម៉េចនឹងអាចដូចគ្នាបានទៅ អញ្ចឹងបើយើងស្រឡាញ់អ្នកណា យើងគួរតឬព្រមទទួលយកអ្វីដែលជាខ្លួនរបស់គេ កុំព្យាយាមទាមទារ ប្រៀបធៀប និងចង់កែប្រែគេឱ្យសោះ ព្រោះនោះមិនហៅថាជាស្នេហាទេ តែវាជាការគ្រប់គ្រង!!!

រក្សាសិទ្ធដោយ៖ ឡុងស្រីណុច - Long SreyNoch
(ហាមចម្លងដោយគ្មានការអនុញ្ញាត)

19/06/2025

តើអ្នកដឹងទេ ថាបើអ្នកពង្រឹងខ្លួនឯងឱ្យខ្លាំង នោះជីវិតរបស់អ្នកនឹងមានជម្រើសកាន់តែច្រើនដូចគ្នា មិនថាក្នុងរឿងស្នេហា ការងារ ឬ គោលដៅក្នុងជីវិតទៅថ្ងៃអនាគត✅

១.ស្នេហា៖ ​បើអ្នកជាមនុស្សឯករាជ្យ មានចំណូលខ្ពស់ អ្នកមានជម្រើសកាន់តែច្រើនក្នុងការជ្រើសរើសដៃគូដែលអ្នកគិតថាសក្តិសមសម្រាប់អ្នក ព្រោះធម្មតាទេមនុស្សពូកែ តែងតែមានគេចង់បានច្រើន ដូច្នេះអ្នកមានសិទ្ធកំណត់ស្តង់ដារមនុស្សប្រុស/ស្រី ដែលអ្នកពេញចិត្ត។

២.ការងារ៖ បើអ្នកជាមនុស្សមានសមត្ថភាព អ្នកនឹងមិនបាច់ដេកភ័យថានឹងបាត់បង់ការងារនោះទេ ព្រោះមនុស្សមានជំនាញច្បាស់លាស់ ទោះទៅដល់ណាក៏មានអ្នកដណ្តើមចង់បាន។

៣.គោលដៅជីវិត៖ ពេលដែលអ្នកមានស្ថេរភាពផ្នែកហរិញ្ញវត្ថុ អ្នកអាចធ្វើរឿងជាច្រើនដែលអ្នកតែងតែស្រមៃចង់ធ្វើ! ឧទាហរណ៍ អ្នកអាចចូលនិរវត្តន៍នៅអាយុ៤០ឆ្នាំ រួចធ្វើដំណើរកំសាន្តទៅជុំវិញពិភពលោក។

ត្រូវចាំថា លើលោកនេះមានតែអ្នកទេដែលអាចកំណត់វាសនាខ្លួនឯងបាន ដូច្នេះអ្នកត្រូវតែពង្រឹងសមត្ថភាពខ្លួនឯងឱ្យខ្លាំង ដើម្បីបង្កើនជម្រើសសម្រាប់ជីវិតខ្លួនឯង៕

រក្សាសិទ្ធដោយ៖ ឡុងស្រីណុច - Long SreyNoch
(ហាមចម្លងដោយគ្មានការអនុញ្ញាត)

19/06/2025

មានទំនាក់ទំនងមិនតិចនោះទេ ដែលបរាជ័យព្រោះតែខ្វះការយល់ដឹងពីគ្នាទៅវិញទៅមក ជាពិសេសគឺការទាមទារហួសហេតុពេក!!! ទាមទារនេះគឺមិនសំដៅលើលុយកាក់ទេ តែវាអាចជាការទាមទារពេលវេលា ទាមទារការយល់ចិត្ត ឬ រឿងអ្វីផ្សេងទៀតដែលហួសពីសមត្ថភាពដែលដៃគូអាចផ្តល់ឱ្យបាន នេះហើយជាការមិនយល់ពីគ្នា មិនយល់ពីទុក្ខធុរៈ មិនយល់ពីអារម្មណ៍ដៃគូម្ខាងទៀត។ ដោយសារតែធ្វើអ្វីគិតតែពីខ្លួនឯង ឬ អាត្មានិយម ហ្នឹងហើយទើបមិនអាចស្រឡាញ់គ្នាបន្តទៀតបាន 💔

រក្សាសិទ្ធដោយ៖ ឡុងស្រីណុច - Long SreyNoch
(ហាមចម្លងដោយគ្មានការអនុញ្ញាត)

18/06/2025

បើសង្សាររបស់អ្នក នៅមានទំនាក់ទំនងជាមួយអ្នកចាស់របស់ពួកគេ នោះមិនមែនជារឿងធម្មតាទេ! ទោះមិនមែនក្នុងន័យស្នេហាក៏ដោយ តែវាបង្ហាញពីទំនាក់ទំនងមួយដែលមិនជ្រះស្រឡះ ខ្វះភាពច្បាស់លាស់ផ្លូវអារម្មណ៍ និងអាចបណ្តាលឲ្យអស់ទំនុកចិត្តទៅថ្ងៃមុខ🚩 បើគាត់ស្រឡាញ់អ្នកមែននោះ គាត់នឹងមិនបណ្តោយអោយរឿងអតីតកាលមករំខាន ឬ ប៉ះពាល់អារម្មណ៍របស់អ្នកនោះទេ៕

រក្សាសិទ្ធដោយ៖ ឡុងស្រីណុច - Long SreyNoch
(ហាមចម្លងដោយគ្មានការអនុញ្ញាត)

17/06/2025

ជីវិតជារបស់យើង សុខ ឬ ទុក្ខ មានតែយើងទេដែលដឹង ដូច្នេះគ្មានហេតុផលអ្វីដែលយើងត្រូវរស់នៅដើម្បីតែផ្គាប់ចិត្តអ្នកដទៃនោះទេ ព្រោះមិនថាមានរឿងអ្វី ពួកគេទាំងនោះមិនបានមកលំបាកជាមួយយើងឡើយ គឺមានតែខ្លួនយើងនេះហើយ! ដូច្នេះត្រូវឧស្សាហ៍ប្រាប់ខ្លួនឯងថា រស់នៅសំខាន់ជាងគេគឺខ្លួនឯងសប្បាយចិត្ត អ្នកដទៃគេគិតមកលើយើងបែបណាក៏កុំខ្វល់ សំខាន់យើងពេញចិត្តនូវអ្វីដែលយើងធ្វើ 🫶🏻

រក្សាសិទ្ធដោយ៖ ឡុងស្រីណុច - Long SreyNoch
(ហាមចម្លងដោយគ្មានការអនុញ្ញាត)

16/06/2025

កុំទម្លាប់បន្ទោសខ្លួនឯងនៅពេលមានរឿងអាក្រក់កើតឡើង ឬ ពេលជួបរឿងមិនសមបំណង។ នេះជាទម្លាប់មិនល្អ ព្រោះវាបង្ហាញពីការបំបាក់ទឹកចិត្តខ្លួនឯង ដោយចូលចិត្តគិតថាខ្លួនជាមនុស្សមិនបានការ! ផ្ទុយទៅវិញអ្នកគួរតែព្យាយាមគិតវិជ្ជមាន ឈប់បន្ទោសខ្លួនឯង និងរៀនពីរបត់នៃជីវិត ដើម្បីជួយអោយខ្លួនឯងលូតលាស់ និងរឹងមាំជាងមុន🌱

រក្សាសិទ្ធដោយ៖ ឡុងស្រីណុច - Long SreyNoch
(ហាមចម្លងដោយគ្មានការអនុញ្ញាត)