SUC News, Phnom Penh (2026)

10/09/2026

🦈 ត្រីឆ្លាម និង ត្រីក្រឹម 🐠

នៅក្នុងជីវិត និងការងារ តើអ្នកកំពុងមានផ្នត់គំនិតដូច "ត្រីក្រឹម" ឬ "ត្រីឆ្លាម"? នេះគឺជាមេរៀនសំខាន់ៗអំពីការប្រឈមមុខនឹងការផ្លាស់ប្តូរ៖

🐠 ផ្នត់គំនិតត្រីក្រឹម (រង់ចាំឱកាស): ត្រីក្រឹមរស់នៅក្នុងទូ រង់ចាំគេយកចំណីមកឱ្យ។ វាតែងតែពឹងផ្អែកលើអ្នកដទៃ ខ្លាចការផ្លាស់ប្តូរ និងចូលចិត្តត្អូញត្អែរចាត់ទុកខ្លួនឯងជាជនរងគ្រោះនៅពេលជួបវិបត្តិ។

🦈 ផ្នត់គំនិតត្រីឆ្លាម (បង្កើតឱកាស): ត្រីឆ្លាមមិនរង់ចាំចំណីទេ វាហែលចេញទៅប្រមាញ់ដោយខ្លួនឯង។ វាម្ចាស់ការលើជីវិតខ្លួនឯង ហ៊ានប្រឈមមុខនឹងរលកធំៗ និងមើលឃើញបញ្ហាជាឱកាសថ្មីៗ។

🌊 ការផ្លាស់ប្តូរគឺជារឿងធម្មតា: នៅពេលមហាសមុទ្របោកបក់រលកធំៗ (បញ្ហា ឬវិបត្តិក្នុងជីវិត) ត្រីក្រឹមនឹងភ័យស្លន់ស្លោ តែត្រីឆ្លាមនឹងបន្តហែលទៅមុខដោយភាពក្លាហាន និងចេះបត់បែន។

🧠 ជម្រើសស្ថិតនៅលើអ្នក: អ្នកមិនអាចគ្រប់គ្រងស្ថានការណ៍ ឬបញ្ហាដែលកើតឡើងបានឡើយ ប៉ុន្តែអ្នកមានសិទ្ធិជ្រើសរើសរបៀបដែលអ្នកត្រូវឆ្លើយតប។

💡 សារសំខាន់: កុំរង់ចាំឱ្យគេបញ្ចុកចំណី ចូរចេញទៅស្វែងរកភាពជោគជ័យដោយខ្លួនឯង។

09/09/2026

ចំណូល ៣០០០$ ក្នុងមួយខែ នៅកម្ពុជារាប់ថាខ្ពស់ហើយ ព្រោះប្រាក់ខែជាមធ្យមយើងតែជាង២០០$ទេ តែត្រូវមានសមត្ថភាពយ៉ាងម៉េចទើបអាចទទួលបាន ៣០០០$ ក្នុងមួយខែនេះ? ហើយចុះ បើចង់បាន៥០០០$ ក្នុងមួយខែវិញ ត្រូវបង្កើនសមត្ថភាពអ្វីខ្លះ?
ត្រូវដឹងថា គេមិនជួលអ្នកប្រាក់ខែ ៣០០០$ ឬ ៥០០០$ មកធ្វើការងារដែលអ្នកប្រាក់ខែ ៥០០$ អាចធ្វើបានដូចគ្នានោះទេ ហេតុនេះបើចង់បានច្រើនជាងគេ យើងដាច់ខាតត្រូវតែពូកែជាងគេ អាចធ្វើបានលើសគេ។
បញ្ហារបស់មនុស្សភាគច្រើន ធ្វើការដូចគេ តែចង់បានច្រើនជាងគេ។ ឬចង់បានច្រើនជាងគេ តែចង់ធ្វើការដួចគេ ដែលនេះជាគំនិតមិនត្រឹមត្រូវនោះទេ។ បើចង់បានលើសគេ ត្រូវតែធ្វើឲ្យលើសគេ តែបើធ្វើដូចតែគេដែរទេ កុំចង់បានលើសគេអី ដែលនេះជាមូលហេតុដែលយើងត្រូវប្រឹងប្រែងរៀនសូត្រ និងបន្តរៀនសូត្រ ដើម្បីបង្កើនសមត្ថភាព អាចធ្វើការបានលើសគេ។
Cr. លោកគ្រូ គីម ដារ៉ា

04/09/2026

សំណេរជូនទៅប្អូនៗទើបប្រឡងបាក់ឌុបហើយ
ជាដំបូងសូមអបអរសាទរដល់ប្អូនៗដែលជោគជ័យក្នុងការប្រឡងនេះ ពិសេសគឺនិទ្ទេស A ដែលបង្ហាញពីការខិតខំប្រឹងប្រែងខ្លាំងទើបអាចទទួលបាន ហើយក៏សូមចូលរួមសោកស្តាយចំពោះប្អូនៗដែលមិនសមបំណង។
និយាយពីសេចក្តីពិត និទ្ទេសមិនល្អ ឬប្រឡងមិនជាប់ មិនមែនជាអ្វីដែលគួរឱ្យខ្លាចឬអាក្រក់ខ្លាំងនោះទេ ការមិនស្គាល់ខ្លួនឯងនោះទេ ទើបជាឧបសគ្គពិតនៃជីវិត។ ការប្រឹងប្រែងឱ្យអស់ពីសមត្ថភាព ទោះបីជានិទ្ទេសអ្វីក៏ដោយ ក៏ជាកត្តានាំប្អូនទៅរកជោគជ័យក្នុងជីវិតផងដែរ សូម្បីតែប្រឹងប្រែងរៀនខ្លាំងហើយ នៅតែធ្លាក់ ក៏ជាចំណុចល្អដែរ ព្រោះវាធ្វើឱ្យប្អូនស្គាល់ខ្លួនឯង ហើយប្តូរពីការរៀនបែបទ្រឹស្តី ទៅជារៀនបែបអនុវត្តវិញ។

មនុស្សដែលជោគជ័យ ព្រោះពួកគេស្គាល់ពីភាពខ្លាំងរបស់ខ្លួនឯង ហើយអភិវឌ្ឍវាទៅជាអាជីព ហេតុនេះអ្នកខ្លះប្រឡងមិនជាប់ទេ តែក្លាយជាចុងភៅ មេជាងជួសជុល ម្ចាស់អាជីវកម្មខ្នាតតូច... ព្រោះគេមិនខាតពេលក្នុងការអភិវឌ្ឍភាពខ្សោយរបស់ពួកគេ។
ប្រឹងប្រែងរៀន ហើយប្រឡងដោយសមត្ថភាព គឺជាវិធីសាស្ត្រមួយធ្វើឱ្យយើងស្គាល់ពីភាពខ្លាំងរបស់ខ្លួនឯង ហេតុនេះកុំទោមនស្សអី គួររីករាយទទួលយក ហើយរៀនពីកំហុសខ្លួនឯង ដើម្បីធ្វើឱ្យខ្លួនឯងប្រសើរឡើង។
ងាកមកបទពិសោធរបស់គ្រូដារ៉ានេះវិញ កុំតែបានប្រឡងធ្លាក់ឌីប្លូមទេ ក៏អនាគតមិនដឹងណាណីដែរទេ ហេតុនេះការរៀនត្រួតថ្នាក់នេះ គឺជារបត់នៃការផ្លាស់ប្តូរធំក្នុងជីវិត មកដល់បច្ចុប្បន្ននេះ ខ្ញុំនៅតែអរគុណដល់ការធ្លាក់ឌីប្លូមនេះ។
ងាកមកប្អូនៗ បើលទ្ធផលមិនដូចចិត្តត្រូវយកជាបទពិសោធប្រឹងប្រែងបន្ថែមទៀត ចំណែកអ្នកត្រួតថ្នាក់វិញ បើប្រឹងប្រែងរៀនពិតហើយ នៅតែត្រួត គួរជ្រើសរើសរៀនជំនាញបច្ចេកទេសវិញ ទំនងជាស័ក្តិសមជាង តែចំពោះប្អូនៗដែលរៀនលេងៗខ្ជិលៗ គួរតែរៀនមួយឆ្នាំទៀត តែប្រឹងប្រែងឱ្យខ្លាំង ដាក់ជីវិតក្នុងការរៀន យកនិទ្ទេសល្អនៅឆ្នាំក្រោយ យកការឈឺចាប់ជាកម្លាំងជំរុញខ្លួនឯង ទៅរកអនាគតភ្លឺស្វាង។

និយាយទៅ និទ្ទេសអ្វីក៏ល្អដែរ ឱ្យតែជាសមត្ថភាពពិត ព្រោះវាអាចជួយយើងឱ្យស្គាល់ខ្លួនឯងបានច្រើន ងាយស្រួលជ្រើសរើសជំនាញដែលស័ក្តិសមនឹងយើង។
ត្រូវចាំថា ពេលរៀនបន្ត កុំរៀនលេងៗ ត្រូវប្រឹងប្រែងឱ្យខ្លាំង រៀនឱ្យចេះ ព្រោះប្រទេសយើងត្រូវការអ្នកចេះពិត។ ទីផ្សារការងារបច្ចុប្បន្នត្រូវការអ្នកចេះពិត តែអ្នកមិនចេះ ទីផ្សារអត់ត្រូវការទេ ហេតុនេះកុំនិយាយថាទីផ្សារការងារចង្អៀត តែត្រូវទទួលស្គាល់ថា យើងអត់ចេះ ឬចេះស្ទើរពេកគេប្រើអត់កើត ទើបពិបាករកការងារ។
បើរៀនមហាវិទ្យាល័យ ត្រូវរៀនឱ្យចេះ តែបើជ្រើសរើសរៀនជំនាញ ក៏ត្រូវតែរៀនឱ្យចេះផងដែរ អ្នកចេះពិត មិនពិបាករកការងារទេ ទោះបីសញ្ញាប័ត្រកម្រិតណាក៏ដោយ។

Credit : Dara Kim

03/09/2026

បើអ្នកចាប់ផ្ដើមសន្សំពីថ្ងៃ ជារៀងរាល់ខែ
១. សន្សំមួយខែ១០០$ ជាមួយអត្រាការប្រាក់ផ្គួប ៧%ក្នុងមួយឆ្នាំ ៣០ឆ្នាំក្រោយអ្នកនឹងទទួលបាន 113.352$
២. សន្សំមួយខែ២០០$ ជាមួយអត្រាការប្រាក់ផ្គួប ៧%ក្នុងមួយឆ្នាំ ៣០ឆ្នាំក្រោយអ្នកនឹងទទួលបាន 226.704$
៣. សន្សំមួយខែ៤០០$ ជាមួយអត្រាការប្រាក់ផ្គួប ៧%ក្នុងមួយឆ្នាំ ៣០ឆ្នាំក្រោយអ្នកនឹងទទួលបាន 453.408$

ដែលនេះចង់បង្ហាញថា ទោះបីជាយើងមិនចេះធ្វើអាជីវកម្មដូចគេក៏ដោយ បើយើងចេះគ្រប់គ្រងចំណាយ បង្កើនចំណូល សន្សំដោយមានការប្រាក់ផ្គួបជាមួយគ្រឹះស្ថានហិរញ្ញវត្ថុដែលទុកចិត្តបាន យើងក៏អាចមានលុយក្នុងចំនួនច្រើនគួរសមផងដែរ។
កុំប្រញាប់ តែចាប់ផ្ដើមកាន់តែឆាប់កាន់តែល្អ រៀនសន្សំពីលុយតិចៗ រហូតអាចគ្រប់គ្រងហិរញ្ញវត្ថុផ្ទាល់ខ្លួនបានល្អ។ ពេលវេលាលឿនណាស់ បើមិនចាប់ផ្ដើមទេ យើងអាចស្តាយក្រោយ ពិសេសពេលចាស់ទៅ កំលាំងចុះខ្សោយ ជំងឺក៏មកយាយីរាងកាយ តែបើមានលុយសន្សំគ្រប់គ្រាន់ ផ្លូវចិត្តក៏បានធូរស្បើយ មិនសូវព្រួយបារម្ភនោះទេ។

02/09/2026

🌟 ការផ្លាស់ប្តូរជីវភាពឱ្យកាន់តែប្រសើរឡើង មិនមែនជារឿងដែលកើតឡើងដោយឯកឯង ឬពឹងផ្អែកលើព្រេងសំណាងនោះទេ តែវាជាលទ្ធផលនៃការរៀបចំផែនការជីវិតប្រកបដោយភាពច្បាស់លាស់ 🎯។

💡 បទពិសោធបានបង្រៀនឱ្យខ្ញុំឃើញថា ការវិនិយោគពេលវេលាលើការអភិវឌ្ឍខ្លួន 🧠 ការចេះសន្សំសំចៃដោយវិន័យ 💰 និងការការពារសុខភាពដែលជាទ្រព្យធំបំផុត 🏥 គឺជាគ្រឹះដ៏រឹងមាំដែលមិនអាចខ្វះបានសម្រាប់ការកសាងជីវិតមួយដ៏មានន័យ។

🧭 ខាងក្រោមនេះ គឺជាគោលការណ៍ស្នូលជាក់ស្តែង ដែលជាត្រីវិស័យអាចជួយតម្រង់ផ្លូវអ្នកឆ្ពោះទៅរកភាពធូរធារ និងភាពស្ងប់សុខពិតប្រាកដ 👇៖

✨ ចង់បានជីវភាពប្រសើរ ៖

➢ ត្រូវរៀនធ្វើការអភិវឌ្ឍជំនាញណាមួយដែលអ្នក ស្រឡាញ់រហូតពូកែស្ទាត់ជំនាញ ព្រោះទីផ្សារតែងតែត្រូវ ការអ្នកជំនាញដែលពូកែ។ 📚🧠

➢ ត្រូវដកលុយមួយផ្នែកសន្សំទុក ដើម្បីវិនិយោគ។ 💰

➢ ត្រូវវិនិយោគតែលើមុខជំនួញណាដែលបង្កើតគុណតម្លៃ ពិតប្រាកដ។ 📈

➢ រីករាយជាមួយនឹងការងារ ហើយទុកពេលវេលាឱ្យលុយ វិនិយោគរីកលូតលាស់។ 🌱

➢ រក្សាសុខភាពឱ្យល្អកុំឱ្យឈឺ ព្រោះថាពេលយើងឈឺយើង នឹងប្រើប្រាស់លុយដែលខិតខំសន្សំមិនសល់ឡើយ។ 🏥

➢ ជៀសឆ្ងាយពីបំណុលទៅលើសម្ភារៈដែលមិនមែនជា តម្រូវការពិតប្រាកដ។ 🚫💳

01/09/2026

ក្នុងសកម្មភាពទម្លាប់ប្រចាំថ្ងៃ ការអានគឺជាទម្លាប់មួយ ដែលអាចជួយឲ្យយើងមានអនាគតដែលល្អ ព្រោះការអាន គឺជាសកម្មភាពស្រូបយកពត៌មានល្អៗ ដើម្បីតម្រង់ទិសការគិត និងស្វែងយល់ពីខ្លួនឯង។ បុគ្គលដែលជោគជ័យធំៗក្នុងលោក សុទ្ធតែមានទម្លាប់អាន ពួកគាត់អានពេញមួយជីវិត ការអានបានក្លាយជាផ្នែកមួយនៃជីវិតរបស់គាត់ គាត់អានរៀងរាល់ថ្ងៃ ដូចគាត់ញ៉ាំអាហារដែរ។
ហេតុនេះ ការអាន គួរតែត្រូវដាក់បញ្ចូលទៅកូនសិស្សគ្រប់វ័យ រហូតបង្កើតជាទម្លាប់ ហើយទម្លាប់នេះត្រូវនៅជាមួយពួកគេ ទោះបីពួកគេរៀនចប់ ចេញធ្វើការឬរកស៊ីក៏ដោយ។
សាលារៀន និងឪពុកម្ដាយ គួរគាំទ្រសកម្មភាពនៃទម្លាប់អាន ព្រោះថា អ្នកអានងាយនិយាយគ្នា ងាយយល់គ្នា ចេះបត់បែន និងមិនសូវមានជំងឺធ្លាក់ទឹកចិត្ត។
ការអានអាចជួយអ្នកធ្វើការធម្មតាម្នាក់ ក្លាយជាប្រធានដឹកនាំដែលពូកែ ការអាន អាចជួយម្ចាស់អាជីវកម្មតូចមួយ ក្លាយជាអាជីវកម្មធំ ការអានអាចជួយព្យាបាលជំងឺពិបាកគេង គិតច្រើន ខឹងច្រើន អន់ចិត្តច្រើន ការអាចអាចជួយទាំងសុខភាពហិរញ្ញវត្ថុផងដែរ។
ការអាន គឺជាការវិនិយោគដែលចំណាយដើមទុនតិចតួច តែទទួលបានផលចំណេញយ៉ាងច្រើនមហិមា។ ការវិនិយោគនេះ ចាប់ផ្ដើមកាន់តែលឿន កាន់តែល្អ។
សៀវភៅដែលគួរអានរាល់ថ្ងៃ គឺសៀវភៅអភិវឌ្ឍគំនិត និងសៀវភៅដែលទាក់ទងនឹងជំនាញការងាររបស់យើង។ ប្រលោមលោកស្នេហា គ្រាន់តែអាចជួយយើងឲ្យអានសៀវភៅបានពូកែជាងមុន តែមិនបានជួយពង្រឹងគុណភាពគំនិតយើងឡើយ ហេតុនេះ កុំអានប្រលោមលោកច្រើនពេក ងាយមកអានអ្វីដែលមានប្រយោជន៍ដល់យើង ទាំងពេលនេះ និងអនាគត។
យើងទាំងអស់គ្នា ចូលរួមបង្កើតវប្បធម៌អាន ដើម្បីអនាគតសង្គមយើងទាំងអស់គ្នា។

26/08/2026

🧠 ការវិនិយោគដែលមិនចេះខាត គឺការវិនិយោគលើ "ចំណេះដឹង"! 📚

បើកសៀវភៅថ្ងៃនេះ ដើម្បីបើកទំព័រជីវិតថ្មីនៅថ្ងៃស្អែក។ កុំបណ្ដោយឲ្យទូរស័ព្ទដណ្ដើមយកពេលវេលាដ៏មានតម្លៃរបស់អ្នកទាំងអស់។ តោះ! ចាប់ផ្ដើមទម្លាប់អានសៀវភៅទាំងអស់គ្នា ចាប់ពីថ្ងៃនេះតទៅ! ✨

🤔 បើទម្លាប់អានសៀវភៅអាចធ្វើឲ្យយើងក្លាយជាមនុស្សឆ្លាតជាងមុន តើអ្នកចង់ចាប់ផ្ដើមវាដែរឬទេ? 📖💡

ការអាន ជួយឲ្យយើងមិនឯកា កាត់បន្ថយភាពស្ត្រេស និងពង្រីកការគិតរបស់យើងឱ្យកាន់តែទូលំទូលាយ។ សម្រាប់អ្នកដែលទើបចាប់ផ្ដើមអាន កុំទាន់អានច្រើនពេក ត្រឹមតែ១០ទំព័រក្នុង១ថ្ងៃ ក៏ជាការចាប់ផ្ដើមដ៏អស្ចារ្យដែរ! 👏

25/08/2026

ភាគច្រើនមិនមែនវាសនាយើងអត់ល្អទេ តែមកពីសកម្មភាពរបស់យើងនោះទេ ដែលជាមូលហេតុពិតនៃជោគវាសនាយើង។ សាកល្បងធ្វើជាមនុស្សដែលស័ក្ដិសមក្នុងការទទួលយករឿងល្អៗ តាមរយៈសកម្មភាព ដូចជា ខិតខំរៀន ខិតខំធ្វើការឲ្យមានគុណភាព កសាងទំនាក់ទំនងជាមួយមនុស្សដែលមានគុណភាព ថែរក្សាសុខភាពឲ្យបានល្អ ជួយមនុស្សជុំវិញខ្លួនឲ្យបានច្រើន ធ្វើខ្លួនជាមនុស្សដែលគេជឿជាក់បាន ធ្វើខ្លួនជាមនុស្សមានប្រយោជន៍... សាកល្បងសិនមើល ថាជោគវាសនានឹងប្រែប្រួលទៅណា?
យើងខ្ជិល យើងអត់ចូលចិត្តរៀន ធ្វើការដោយមិនយកចិត្តទុកដាក់ ខ្វះទំនួលខុសត្រូវ ទុកចិត្តមិនបាន ក្រឡិចក្រឡុច មើលងាយគេ លួចកេងប្រវ័ញ្ចគេ... សកម្មភាពទាំងនេះ វានឹងធ្វើឲ្យជីវិតលំបាក ហេតុនេះមិនមែនមកពីជោគវាសនាយើងមិនល្អទេ តែមកពីសកម្មភាពយើងអត់ល្អ។
Cr. លោកគ្រូ គីម ដារ៉ា

25/08/2026

កាលពីអតីតកាល អ៉ឺរុបប្រឹងប្រែងរៀនសូត្រសិក្សាស្រាវជ្រាវខ្លាំង ទើបអាចធ្វើប្រទេសនៅអ៊ឺរ៉ុបរីកចម្រើនជាងគេលើលោក។ ក្រោយមកនៅអាស៊ី មានជប៉ុនដែលប្រឹងប្រែងខ្លាំងមិនចាញ់អ៊ឺរ៉ុបពីអតីតកាលនោះទេ ជាលទ្ធផលជប៉ុនបានឡើងវ៉ាអ៊ឺរ៉ុបបានមែន បន្ទាប់មកទៀត កូរ៉េខាងត្បូង ចិន មើលឃើញជប៉ុនជាគំរូនៃការខិតខំរៀនសូត្រ ដែលធ្វើកូរ៉េខាងត្បូងក៏តាមស្មើមុខមាត់អ៊ឺរ៉ុបផងដែរ ហើយចិននៅតែបន្តប្រឹងប្រែងទៀត ធ្វើឲ្យបច្ចេកវិទ្យាបច្ចុប្បន្ន ចិនមានសមត្ថភាពលើសអ៊ឺរុបដោយផ្នែកទៅហើយ ជាក់ស្ដែងវិស័យយានយន្ត។
ទាំងនេះបង្ហាញថា ការខិតខំរៀនសូត្រដ៏ខ្លាំងក្លា ពិតជាអាចទាញប្រជាជាតិមួយ ងើបមុខមាត់បានមែន។ និយាយដល់នេះ កម្ពុជាបច្ចុប្បន្ន ស្ថិតនៅក្នុងដំណាក់កាលអភិវឌ្ឍ ហេតុនេះកិច្ចការរៀនសូត្រមិនត្រូវបន្ធូរដៃឡើយ យើងអាចមើលវៀតណាមជាគំរូបាន គេខិតខំរៀនណាស់ ជាលទ្ធផល បច្ចុប្បន្ននេះGDPរបស់វៀតណាម បានឡើងវ៉ាថៃរួចហើយ ហើយនៅថ្ងៃអនាគត វៀតណាមអាចក្លាយជាមហាអំណាចសេដ្ឋកិច្ចដូចជប៉ុននិងកូរ៉េខាងត្បូងដែរ បើវៀតណាមនៅតែបន្តខិតខំរៀនសូត្រដូចបច្ចុប្បន្ននេះ។
នៅកម្ពុជាបច្ចុប្បន្ន ខ្ញុំឃើញទំនោរយល់ខុសមួយដែលគួរឲ្យព្រួយបារម្ភ គឺរៀនច្រើនខ្លាចហត់ ខ្លាចខូចខួរក្បាលព្រោះរៀនច្រើន... ហើយការយល់ខុសនេះ អាចទាញឲ្យយើងរីកចម្រើនយឺតយ៉ាវ។ រៀនច្រើនមិនធ្វើឲ្យឆ្កួតទេ គិតរវើរវាយ ព្រួយបារម្ភទើបអាចធ្វើឲ្យឆ្កួត រៀនច្រើនមិនធ្វើឲ្យខូចខួរក្បាលទេ តែធ្វើឲ្យឆ្លាតជាងមុន ចំណែកលេងហ្គេមច្រើនពេក ប្រើប្រាស់គ្រឿងញៀន ទើបធ្វើឲ្យខូចខួរក្បាល។
សូមទាំងអស់គ្នា ជំរុញឲ្យក្មេងៗប្រឹងប្រែងរៀនសូត្រ ហត់នឹងរៀនប្រសើរជាងហត់នឹងលេងហ្គេម យកភ្នែកមើលសៀវភៅច្រើន ប្រសើរជាងអង្គុយសំឡឹងកញ្ចក់ទូរសព្ទលេងហ្គេម។
ប្រទេសយើងត្រូវការធនធានមនុស្សដែលមានគុណភាពខ្ពស់ យើងជាពលរដ្ឋ ត្រូវតែប្រឹងប្រែងចូលរួមទាំងអស់គ្នា។ ហេតុនេះ ការយល់ត្រូវ គិតត្រូវ ពិតជាសំខាន់ណាស់។

Cr. លោកគ្រូ គីម ដារ៉ា

SUC News

10/09/2026

09/09/2026

04/09/2026

03/09/2026

02/09/2026

01/09/2026

26/08/2026

25/08/2026

25/08/2026

Address

Telephone

Website

Alerts

Contact The Business

Shortcuts

Share

Category

Listing takedown request