03/06/2026
🧳ការរៀបចំសម្លៀកបំពាក់ដាក់ក្នុងវ៉ាលី គឺជាវិធីរៀបចំកន្លែងទំនេរឱ្យមានរបៀប។ នៅពេលយើងចេះបត់សម្លៀកបំពាក់ឱ្យត្រឹមត្រូវ វ៉ាលីនោះអាចផ្ទុកអីវ៉ាន់បានច្រើនហួសពីការស្មាន។ ជីវិតរបស់យើងក៏មិនខុសគ្នាដែរ ការចេះរៀបចំពេលវេលាពិតជាមានឥទ្ធិពលខ្លាំងណាស់។
👩💻នៅក្នុងជីវិតប្រចាំថ្ងៃដ៏មមាញឹក យើងតែងតែឮការត្អូញត្អែរថាពេលវេលាមិនដែលគ្រប់គ្រាន់។ ប៉ុន្តែតាមពិតទៅ នៅពេលយើងចេះរៀបចំជីវិតឱ្យមានរបៀប យើងនឹងរកឃើញពេលវេលាទំនេរជាច្រើនដែលធ្លាប់តែបាត់បង់។ ដើម្បីរៀបចំជីវិតឱ្យមានសណ្តាប់ធ្នាប់ ខ្ញុំតែងតែបែងចែកការងារប្រចាំថ្ងៃជាពីរផ្នែក គឺការងារសំខាន់ និងការងារបន្ទាន់។ កាលពីមុន ខ្ញុំធ្លាប់តែរត់តាមដោះស្រាយរឿងបន្ទាន់ៗរហូតអស់កម្លាំងពីខ្លួន។ ប៉ុន្តែក្រោយមក ទើបខ្ញុំយល់ថាការងារសំខាន់ទើបជាទម្ងន់ពិតប្រាកដនៃជីវិត។ ការងារសំខាន់នាំយើងទៅជិតគោលដៅធំ ចំណែកការងារបន្ទាន់គ្រាន់តែជារឿងទាន់ហន់ដែលរំខានអារម្មណ៍តែប៉ុណ្ណោះ។
☘️ដើម្បីគ្រប់គ្រងរឿងនេះ យើងត្រូវហ៊ានផ្តល់តម្លៃលើកិច្ចការសំខាន់ និងរៀបចំវាទុកជាមុន។ ជាមួយគ្នានេះ យើងត្រូវរៀនបដិសេធ ឬកាត់បន្ថយការងារបន្ទាន់មួយចំនួនដែលមិនផ្តល់ប្រយោជន៍វែងឆ្ងាយ។ ការផ្តោតលើរឿងត្រឹមត្រូវ នឹងជួយឱ្យយើងសល់ពេលគ្រប់គ្រាន់សម្រាប់មនុស្សជាទីស្រឡាញ់ និងការអភិវឌ្ឍខ្លួនឯង។
🕊️ពេលវេលាដែលយើងចំណាយជារៀងរាល់ថ្ងៃ គឺជាអ្នកកសាងរូបរាងនៃជីវិតរបស់យើងម្នាក់ៗ។ ការចាត់ចែងពេលវេលាបានត្រឹមត្រូវ មិនត្រឹមតែជួយឱ្យយើងសម្រេចកិច្ចការបានច្រើននោះទេ តែវាក៏ផ្តល់នូវសេចក្តីស្ងប់ក្នុងចិត្ត និងភាពច្បាស់លាស់សម្រាប់ដំណើរឆ្ពោះទៅមុខផងដែរ។
📖អត្ថបទមួយនេះដកស្រង់ចេញពី "សៀវភៅទម្លាប់៧យ៉ាងដ៏មានប្រសិទ្ធភាពសម្រាប់យុវវ័យ"
![[សិក្ខាសាលា SUC News ប្រធានបទ "ហិរញ្ញវត្ថុសាមញ្ញសម្រាប់អ្នកធ្វើការនិងអ្នករកស៊ី"]📌ចំពោះសិក្ខាសាលានេះជាសិក្ខាសាលាបែបថ្មី ដ...](https://img3.medioq.com/206/457/122313863132064571.jpg)
