BPN News (2025)

11/10/2025

លោកអភិបាលក្រុងស្វាយរៀង បានណែនាំដល់មន្ត្រីសង្កាត់ចេក ត្រូវបន្តយកចិត្តទុកដាក់ចុះមើលផ្លូវ ឱ្យបានជាប់ជាប្រចាំ

11/10/2025

លោកវរសេនីយ៍ឯក សោម សុភ័ណ្ឌ អធិការនគរបាលស្រុកស្វាយជ្រំ បានដឹកនាំកម្លាំងក្រោមឱវាទចុះទៅសួរសុខទុក្ខលោកវរសេនីយ៍ទោ ចាន់ វី អធិការរងទទួលការងារសេនាធិការ និងកិច្ចការប៉ុស្តិ៍ស្រុកស្វាយជ្រំ

11/10/2025

កម្លាំងនគរបាលជំនាញប្រឆាំងបទល្មើសគ្រឿងញៀន ធ្វើការឃាត់ខ្លួនជនសង្ស័យចំនួន ២នាក់ ពាក់ព័ន្ធករណីគ្រឿងញៀនស្ថិត នៅក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត

បន្ទាយមានជ័យ៖អនុវត្តតាមការណែនាំ និងបទបញ្ជា ពីលោកឧត្តមសេនីយ៍ទោសិទ្ធិ ឡោះ ស្នងការនគរបាលខេត្តបន្ទាយមានជ័យ និង មានការយកចិត្តទុក ដាក់ សុខទុក្ខរបស់ប្រជាពលរដ្ឋរ រស់នៅក្នុងក្រុងប៉ោយប៉ែត ទាំងមូល លោកវរសេនីយ៍ ទោ ព្រហ្មពិសិដ្ឋ អធិការនគរបាលក្រុងប៉ោយប៉ែត បានដាក់បទបញ្ជា ដល់អធិការរងគ្រប់ផ្នែកជំនាញ ហ្នឹង នាយប៉ុស្តិ៍ នគរបាលរដ្ឋបាលទាំង ៥ប៉ុស្តិ៍ ត្រូវអនុវត្ត តាមការណែនាំ និងបញ្ជាថ្នាក់លើ ដាក់ជូនអោយ ចុះ ធ្វើការល្បាត ចល័ត ជាប្រចាំ ក្នុងភូមិសាស្ត្រ របស់ខ្លួនគ្រប់គ្រង ដើម្បីរក្សា ការពារ សន្តិសុខសុវត្ថិភាពជូនប្រជាពលរដ្ឋ ដើម្បីភូមិឃុំសង្កាត់មានសុវត្ថិភាព កម្លាំងនគរបាល ជំនាញ ប្រឆាំងបទល្មើសគ្រឿងញៀន ធ្វើការចាប់ខ្លួនជនសង្ស័យចំនួន ២នាក់ ស្ថិតនៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ ពាក់ព័ន្ធករណីគ្រឿងញៀននៅថ្ងៃទី១០ ខែតុលា ឆ្នាំ២០២៥។

សូមបញ្ជាក់៖ឯកឧត្តម ឧត្ដមសេនីយ៍ទោ ឃន តារសម្បត្តិ អគ្គលេខាធិការរង និងជាប្រធានអនុគណៈកម្មការប្រចាំបញ្ជា២៤ម៉ោង បានបញ្ជាកម្លាំងអនុគណ:កម្មការ សហការនិងផ្ដល់ព័ត៌មានដល់ កម្លាំង នគរបាលផ្នែកប្រឆាំងគ្រឿងញៀននៃអធិការដ្ឋាននគរបាលក្រុងប៉ោយប៉ែត បានចុះស្រាវជ្រាវ បង្ក្រាបបានករណី ជួញដូរនឹងប្រេីប្រាស់ នូវសារធាតុញៀន ១ករណី ក្នុងបទល្មើសជាក់ស្ដែង និងបានធ្វើតេស្តទឹកនោមស្វែងរកសារធាតុញៀន លទ្ធផលវិជ្ជមាន នឹងបានឃាត់ខ្លួនជនសង្ស័យចំនួន ២នាក់ (ស្រី ១នាក់) មានឈ្មោះដូចខាងក្រោម៖

១.ឈ្មោះ មាស សិទ្ធ ភេទប្រុស អាយុ៣៧ឆ្នាំ ជនជាតិខ្មែរ
២.ឈ្មោះ មាស ស្រីការ ភេទស្រី អាយុ១៩ឆ្នាំ ជនជាតិខ្មែរ

សម្ភារៈ និងវត្ថុតាង៖
- ថ្នាំគ្រាប់ ពណ៌ក្រហម មានអក្សរ(WY) ពីលើសង្ស័យជាសារធាតុញៀន ចំនួន ៤០គ្រាប់

បច្ចុប្បន្នជនសង្ស័យខាងលើកនេះ ត្រូវបានកសាងសំណុំរឿងបញ្ជូនចាត់ការតាមនីតិវិធីច្បាប់៕

10/10/2025

ឯកឧត្តម អ៊ុន ចាន់ដា ប្រគល់រថយន្តពន្លត់អគ្គីភ័យ ២គ្រឿង ជូនស្នងការដ្ឋាននគរបាលខេត្ត និងរថយន្តសង្គ្រោះបន្ទាន់ ២គ្រឿង ជូនមន្ទីរសុខាភិបាលនៃរដ្ឋបាលខេត្តកំពង់ចាម

កំពង់ចាម៖ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានអញ្ជើញប្រគល់រថយន្តពន្លត់អគ្គីភ័យចំនួន ២គ្រឿង ជូនស្នងការដ្ឋាននគរបាលខេត្តកំពង់ចាម និងរថយន្តសង្គ្រោះបន្ទាន់ចំនួន ២គ្រឿង ប្រគល់ជូនមន្ទីរសុខាភិបាលនៃរដ្ឋបាលខេត្តកំពង់ចាម ពិធីប្រគល់ និងទទួលនេះ ត្រូវបានធ្វើឡើងនាព្រឹកថ្ងៃទី១០ ខែតុលា ឆ្នាំ២០២៥ នៅសាលាខេត្ត ក្រោមវត្តមាន ឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម ។

ឯកឧត្តម អ៊ុន ចាន់ដា អភិបាលខេត្តកំពង់ចាម បានឱ្យដឹងថា រថយន្តពន្លត់អគ្គីភ័យ និងរថយន្ត សង្គ្រោះបន្ទាន់ ទាំង៤គ្រឿងនេះ ជាអំណោយរបស់ឯកឧត្តមសន្តិបណ្ឌិត នេត សាវឿន ឧបនាយ ករដ្ឋមន្ត្រី ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម តាមរយៈ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ក្នុងនោះ រថយន្តពន្លត់អគ្គីភ័យ ចំនួន២គ្រឿង ប្រគល់ជូនស្នងការដ្ឋាននគរបាលខេត្តកំពង់ចាម ដោយឡែករថយន្តសង្គ្រោះបន្ទាន់ ចំនួន២គ្រឿង ត្រូវបានប្រគល់ជូនមន្ទីរសុខាភិបាល ដើម្បីប្រ គល់បន្តទៅឱ្យមណ្ឌលសុខភាពហាន់ជ័យ និងមណ្ឌលសុខភាពទ្រាន នៃស្រុកកំពង់សៀម។

គួរបញ្ជាក់ថា នៅឆ្នាំ២០២៥នេះ ស្នងការដ្ឋាននគរបាលខេត្តកំពង់ចាម មានរថយន្តពន្លត់អគ្គីភ័យ សរុប ២០គ្រឿង (រថយន្តស្ទូច ១គ្រឿង) ក្នុងនោះស្នងការដ្ឋាននគបាល ខេត្ត មាន៤គ្រឿង អធិការដ្ឋាននគរបាលស្រុកបាធាយ មាន២គ្រឿង ស្រុកស្រីសន្ធរ មាន២គ្រឿង ស្រុកព្រៃឈរ មាន២គ្រឿង កោះសូទិន មាន២គ្រឿង កំពង់សៀម មាន៣គ្រឿង និងនៅតាម បណ្តាក្រុងស្រុកទាំង៥ទៀត មានរថយន្តពន្លត់អគ្គីភ័យចំនួន ១គ្រឿងៗដូចគ្នា ដោយឡែកថ្ងៃនេះ យើងក៏បានទទួលអំណោយរថយន្តពន្លត់អគ្គីភ័យ ចំនួន ២គ្រឿងបន្ថែមទៀត៕

09/10/2025

លោកវរសេនីយ៍ទោ ស៊ាង រិទ្ធី និងក្រុមការងារ បន្តសកម្មភាពរបស់ខ្លួនចុះត្រួតពិនិត្យ តាមដាន និងគាំទ្រ ដើម្បីពង្រឹងប្រសិទ្ធភាពការងារប៉ុស្តិ៍នគរបាលរដ្ឋបាល នៅប៉ុស្តិ៍នគរបាលរដ្ឋបាលចំនួន ៦ប៉ុស្តិ៍បន្ថែមទៀត ក្នុងស្រុកស្វាយជ្រំ

09/10/2025

សមត្ថកិច្ចបញ្ជូនអតីតចៅអធិការវត្តភ្នំរាបទៅសាលាដំបូងខេត្តកំពតក្រោមបទគំរាមកំហែងហែកកេរ្តិ៍

09/10/2025

ករណីជម្លោះរវាងម្ចាស់តាក់ស៊ី និងអ្នកដំណើរ គឺជាករណីហឹង្សា ពុំមែនជាករណីប្លន់ទេ

កំពង់ចាម៖តាមការស្រាវជ្រាវបឋម លើអង្គហេតុ បន្ទាប់ជំនាញធ្វើការសម្ភាសន៍ ជនរងគ្រោះទាំង ២នាក់ និងផ្អែកតាមការពិនិត្យ នៅលើរថយន្ត គឺពុំមានបាត់បង់អ្វីនោះឡើយ ។ ករណីនេះ ជាករណីហិង្សា ដែលកើតឡើង រវាងភ្ញៀវជាអ្នកដំណើរ និងម្ចាស់តាក់ស៊ី ពុំមែនជាករណីប្លន់ទេ ។ នេះបើតាម លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម បញ្ជាក់ឲ្យដឹង នៅព្រឹកថ្ងៃទី០៩ ខែតុលា ឆ្នាំ២០២៥ នេះ ។

លោកឧត្តមសេនីយ៍ទោ បានឲ្យដឹងទៀតថា ផ្អែកតាមការសាកសួរចម្លើយ ជនរងគ្រោះទាំង២រូប បានបញ្ជាក់ថា ពួកគាត់បានសន្យាគ្នា (អ្នកជិះ និងអ្នករត់តាក់ស៊ី) ក្នុងតម្លៃមួយ ដើម្បី ធ្វើដំណើរ មកដល់ខេត្តកំពង់ចាម ។ លុះពេលធ្វើដំណើរ មកដល់ចំណុចខាងលិចស្ពានស្ទឹងប្រយោល ស្រុកព្រៃឈរ ខេត្តកំពង់ចាម ជនសង្ស័យ ក៏បានឲ្យជនរងគ្រោះ ជូនខ្លួន ទៅកាន់ស្រុកពញាក្រែក ខេត្តត្បូងឃ្មុំ វិញ ។ ប៉ុន្តែ អ្នករត់តាក់ស៊ីមិនយល់ព្រម ក៏កើតមានអំពើហឹង្សា នាពេលនេះ តែម្ដង ។

តាមរបាយការណ៍ កាលវេលាម៉ោង ១០៖១៨នាទីយប់ ថ្ងៃទី០៨ ខែតុលា ឆ្នាំ២០២៥ កម្លាំងសមត្ថកិច្ចទទួលបានព័ត៌មាន ស្វែងរកជំនួយ ពីបុរសជាអ្នករត់តាក់ស៊ីម្នាក់ ថាជនសង្ស័យ បានធ្វើអំពើហិង្សាមកលើខ្លួន ដោយប្រើប្រាស់កាំបិតចុងស្រួច ចាក់ពីក្រោយបណ្ដាលឲ្យរងរបួស ។ ក្រោយទទួលព័ត៌មាន សមត្ថកិច្ចបានធ្វើការស្វែងរកនឹងប្រទះឃើញរថយន្តរបស់ជនរងគ្រោះម៉ាកព្រូស នៅចំណុចភូមិទួលពោន ឃុំមៀន ស្រុកព្រៃឈរ ។ រីឯជនរងគ្រោះ ត្រូវក្រុមគ្រួសារ យកទៅព្យាបាល នៅមន្ទីរពេទ្យខេត្តកំពង់ចាម ។

តាមសាក្សី ជាសួរព្រូឡាន ដែលធ្វើដំណើរជាមួយគ្នា ប្រាប់ថា មូលហេតុ ដែលនាំឲ្យប៉ះទង្គិចពាក្យសម្ដី ដោយសារការតថ្លៃតម្លៃមិនត្រូវគ្នា ។ ដំបូងជនសង្ស័យ បាននិយាយឲ្យជនរងគ្រោះជូនខ្លួន ទៅដល់ខេត្តកំពង់ចាម ក្នុងតម្លៃ ១០$ លុះធ្វើដំណើរដល់ចំណុចស្ពានស្ទឹងប្រយោល ក្នុងស្រុកព្រៃឈរ ជនសង្ស័យបានឲ្យជនរងគ្រោះ ជូនទៅស្រុកពញាក្រែក ខេត្តត្បូងឃ្មុំ ហើយក៏កើតការប៉ះសម្ដីគ្នា និងធ្វើសកម្មភាព ដកកូនកាំបិតចាក់តែម្ដង ។

មកដល់ពេលនេះ កម្លាំងសមត្ថកិច្ចបានធ្វើការបង្រ្កាប និងឃាត់ខ្លួនជនសង្ស័យ ដើម្បីអនុវត្តបន្តតាមនីតិវិធី៕

08/10/2025

វីដេអូ៖សាររបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ពាក់ព័ន្ធទៅនិង កំណត់ហេតុព្រមព្រៀងកិច្ចប្រជុំពិសេសលើកទី១ នៃគណៈកម្មាធិការព្រំដែនទូទៅ កម្ពុជា-ថៃ នាថ្ងៃទី១០ ខែកញ្ញា ឆ្នាំ២០២៥ នៅខេត្តកោះកុង ព្រះរាជាណាចក្រកម្ពុជា ចុះហត្ថលេខាដោយឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីការពារជាតិកម្ពុជា និង ឯកឧត្តម នាយឧត្តមសេនីយ៍ Nattaphon Narkphanit រដ្ឋមន្ត្រីស្តីទីនៃក្រសួងការពារជាតិថៃ។

រាជធានីភ្នំពេញ ថ្ងៃពុធ ទី៨ តុលា ២០២៥

08/10/2025

ឯកឧត្តមរដ្ឋមន្ត្រី ឆាយ ឫទ្ធិសែន បើកការដ្ឋានស្ថាបនាស្ពានបេតុង ១កន្លែង ប្រវែង ៦០ម៉ែត្រ ក្នុងស្រុកស្វាយជ្រំ ខេត្តស្វាយរៀង

ស្វាយរៀង៖ ឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ នាព្រឹកថ្ងៃទី៨ ខែតុលា ឆ្នាំ២០២៥ បានអញ្ជើញជាអធិបតីក្នុងពិធីបើកការដ្ឋានស្ថាបនាស្ពានបេតុង ១កន្លែង ប្រវែង ៦០ម៉ែត្រ ទទឹង ៨ម៉ែត្រ ឆ្លងកាត់ព្រែកតាស្អាង ដែលមានស្ថិតនៅភូមិស្អាង ឃុំកំពង់ចំឡង ស្រុកស្វាយជ្រំ ខេត្តស្វាយរៀង ។

អង្គពិធីដ៏អធិកអធមនេះ មានការអញ្ជើញចូលរួមពីសំណាក់ ថ្នាក់ដឹកនាំក្រសួងអភិវឌ្ឍន៍ជនបទឯកឧត្តម ម៉ែន វិបុល ប្រធានក្រុមប្រឹក្សាខេត្ត ឯកឧត្តមប៉េង ពោធិ៍សា អភិបាលនៃគណៈអភិបាលខេត្ត លោក លោកស្រី សមាជិក សមាជិកា ក្រុមប្រឹក្សាខេត្ត អភិបាលរង នៃគណៈអភិបាលខេត្ត, អាជ្ញាធរមូលដ្នានគ្រប់លំដាប់ថ្នាក់ កងកម្លាំងប្រដាប់អាវុធទាំងបីប្រភេទ មន្ដ្រីរាជការ លោក អ្នកគ្រូ, សិស្សានុសិស្ស និងប្រជាពលរដ្ឋ សរុបចំនួន ៥២៣នាក់។

ជាកិច្ចចាប់ផ្ដើមឯកឧត្តម ប៉េង ពោធិ៍សា អភិបាលនៃគណៈអភិបាលខេត្តស្វាយរៀង បានថ្លែងនូវសុន្ទរកថាស្វាគមន៍ដោយបានជម្រាបជូនអំពីស្ថានភាពនៃការរីកចម្រើននៃសមិទ្ធផលនានានៅក្នុងខេត្ត ជាពិសេសការរីកចម្រើននៃកម្រិតជីវភាពរស់នៅរបស់ប្រជាពលរដ្ឋនៅទូទាំងខេត្ត។ បន្ទាប់មក លោក គង់ ភឿន ប្រធាននាយកដ្ឋានផ្លូវលំជនបទ បានធ្វើរបាយការណ៍បច្ចេកទេស ដោយបញ្ជាក់ជូនថា ស្ពាននេះត្រូវបានស្ថាបនាដោយក្រុមហ៊ុន ហេង សម្បត្តិ អាហរ័ណ នីហរ័ណ ដឹកជញ្ជូន និងសំណង់ ដោយមានកិច្ចសន្យាសាងសង់រយៈពេល ១២ខែ គិតពីថ្ងៃទី១៩ ខែមិថុនា ឆ្នាំ២០២៥ រហូតដល់ថ្ងៃទី១៩ ខែមិថុនា ឆ្នាំ២០២៥ ព្រមទាំងមានសុពលភាពធានា រយៈពេល ១២ខែ បន្ទាប់ពីការសាងសង់បានបញ្ចប់ជាស្ថាពរ។

បន្ទាប់ពីបានស្ដាប់សុន្ទរកថាស្វាគមន៍ និងរបាយការណ៍បច្ចេកទេសរួចមក ឯកឧត្តម ឆាយ ឫទ្ធិសែន បានសម្តែងនូវការកោតសរសើរ និងវាយតម្លៃខ្ពស់ ចំពោះការរីកចម្រើននិងសមិទ្ធផលនានា នាពេលកន្លងមកលើគ្រប់វិស័យ ទាំងផ្នែកសន្តិសុខ សណ្តាប់ធ្នាប់ សេដ្ឋកិច្ច សង្គមកិច្ច និងវប្បធម៌។ ជាពិសេសការផ្លាស់ប្តូរកម្រិតជីវភាពរស់នៅរបស់ប្រជាពលរដ្ឋកាន់តែមានភាពប្រសើរឡើងដោយមានផ្លូវខ្វាត់ខ្វែង មានទឹកស្អាតប្រើប្រាស់ និងអនាម័យកាន់តែល្អប្រសើរ ជាពិសេសមានរបៀបរបបរស់នៅប្រកបដោយភាពស៊ីវិល័យ។

ឯកឧត្តមរដ្ឋមន្រ្ដី ក៏បានជម្រាបជូនអង្គពិធីអំពី ចក្ខុវិស័យរបស់ក្រសួងអភិវឌ្ឍន៍ជនគឺ «កសាងសង្គមជនបទកម្ពុជាឱ្យមានវិបុលភាព ប្រកប ដោយបរិយាបន្ន និងចីរភាព» តាមរយៈកម្មវិធីអាទិភាពទាំង៥ របស់ក្រសួង។ ពាក់ព័ន្ធនឹងហេដ្ឋារចនាសម្ព័ន្ធជនបទ នៅទូទាំងប្រទេសមានផ្លូវជនបទ សរុបប្រវែងជាង ៥ម៉ឺនគ.ម និងមានស្ពានប្រមាណជាង ៤ពាន់កន្លែង។ ក្នុងនោះចំពោះខេត្តស្វាយរៀង គិតមកដល់ពេលនេះ មានផ្លូវជនបទចំនួន ៧៧១ ខ្សែ សរុបប្រវែង ២ ៧៧២គ.ម ដោយក្នុងនោះ ផ្លូវក្រាលបេតុង និងផ្លូវក្រាលកៅស៊ូប្រវែង ៤០៦គ.ម ផ្លូវល្បាយក្រួសប្រវែង ២ ៣៦៥គ.ម និងសំណង់ស្ពានចំនួន ៧៧កន្លែង ព្រមទាំងសំណង់សិល្បការ្យជនបទជាច្រើនផ្សេងទៀត។ ដោយឡែក ស្ពានបេតុង ប្រវែង ៦០ម៉ែត្រ ទទឹង ៨ម៉ែត្រ ដែលកំពុងបើកការដ្ឋានសាងសង់នាឱកាសនេះ នឹងផ្តល់ផលប្រយោជន៍ដោយផ្ទាល់ដល់ប្រជាពលរដ្ឋរស់នៅក្នុងឃុំកំពង់ចំឡង នៃស្រុកស្វាយជ្រុំ សរុបចំនួន ២ ២៩៣គ្រួសារ ស្មើនឹង ៩ ២៦៦នាក់ ក្នុងនោះស្រី ៤ ៩០៣នាក់។ ស្ពាននេះនឹងផ្តល់ផលប្រយោជន៍ផ្នែកសេដ្ឋកិច្ច និងសង្គមកិច្ច រួមមានវិស័យកសិកម្ម កសិឧស្សាហកម្ម និងសេវាកម្មសាធារណៈផងដែរ តាមរយៈការបង្កភាពងាយស្រួលក្នុងការធ្វើដំណើរនិងដឹកជញ្ជូនកសិផលទៅកាន់ទីផ្សារ កាត់បន្ថយពេលវេលា ការចំណាយ បង្កើនប្រាក់ចំណូលគ្រួសារ និងមុខរបរប្រជាពលរដ្ឋក្នុងតំបន់ បង្កភាពងាយស្រួលដល់សិស្សានុសិស្សធ្វើដំណើរទៅសាលារៀន ការធ្វើដំណើរទៅកាន់មណ្ឌលសុខភាព ជាដើម។ ជារួម អត្ថប្រយោជន៍នៃសមិទ្ធផលនេះ គឺបង្កើនការតភ្ជាប់រវាងភូមិ ទៅភូមិ និងឃុំទៅឃុំ រវាងតំបន់ និងតំបន់ និងអាចធានាបាននូវការប្រើប្រាស់ឆ្លងកាត់បានគ្រប់រដូវកាល។

ជាកិច្ចបញ្ចប់ ឯកឧត្តមរដ្ឋមន្រ្ដី បានគូសបញ្ជាក់ថា សមិទ្ធផលដែលសម្រេចបានក្នុងខេត្ត និងអង្គពិធីដ៏អធិកអធមនាពេលនេះ អាចប្រព្រឹត្តទៅបានគឺដោយសារគុណបំណាច់នៃ «សុខសន្តិភាព» ដែលកើតចេញពីការលះបង់ដ៏ធំធេង និងការខិតខំប្រឹងប្រែងឥតឈប់ឈរដើម្បីជាតិ និងប្រជាជន ដោយយកជីវិតធ្វើជាដើមទុនរបស់ សម្តេចតេជោ ហ៊ុន សែន ជាបិតាសន្តិភាព ស្ថាបនិកមគ្គុទេសក៍ឯក និងប្រតិបត្តិករនយោបាយឈ្នះឈ្នះ និងសន្ដិភាព ដែលនាំមកនូវឯកភាពជាតិពេញលេញទូទាំងប្រទេស និងក្រោមការបន្តវេនដឹកនាំប្រកបដោយភាពឈ្លាសវៃ និងភាពប៉ិនប្រសប់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា៕

08/10/2025

ក្រសួងសុខាភិបាល ច្រានចោលការលើកឡើងថា «ចុងភៅជនជាតិថៃបានស្លាប់ ក្រោយពីមន្ទីរពេទ្យក្នុងស្រុក មិនព្រមទទួលព្យាបាល» គឺជាព័ត៌មានមិនពិត

ភ្នំពេញ៖ ក្រសួងសុខាភិបាល បានច្រានចោលព័ត៌មានមិនពិត ដែលបានផ្សព្វផ្សាយដោយសារព័ត៌មាន និងបណ្តាញសង្គមនានា ដោយបានលើកឡើងថា «ចុងភៅជនជាតិថៃបានស្លាប់ ក្រោយពីមន្ទីរពេទ្យក្នុងស្រុក មិនព្រមទទួលព្យាបាល» គឺជាព័ត៌មានមិនពិត។

បើតាមសេចក្ដីប្រកាសព័ត៌មាន, តាមការពិនិត្យស្រាវជ្រាវជាក់ស្តែងរបស់អាជ្ញាធរមានសមត្ថកិច្ច និងតាមរយៈការធ្វើកោសល្យវិច័យ បុរសជនជាតិថៃនោះ បានស្លាប់ដោយសារគាំងបេះដូង ដោយមិនបានមកទទួលសេវាព្យាបាល ឬត្រូវបាន បដិសេដដោយមន្ទីរពេទ្យក្នុងស្រុក មុនពេលទទួលមរណភាពឡើយ។

ក្រសួងសុខាភិបាល សូមបដិសេធ និងច្រានចោលទាំងស្រុង ចំពោះការ ផ្សព្វផ្សាយព័ត៌មានមិនពិត អំពីករណីពាក់ព័ន្ធនឹងមរណភាពបុរសជនជាតិថៃ អាយុ២៤ឆ្នាំ មកពីខេត្ត Nakhon Si Thammarat នៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត ខេត្តបន្ទាយមានជ័យ។

ក្រសួងសុខាភិបាល បានបញ្ជាក់ថា ការផ្សព្វផ្សាយព័ត៌មានមិនពិតខាងលើ ធ្វើឱ្យប៉ះពាល់កិត្តិយស សេចក្តីថ្លៃថ្នូរបស់អ្នកវិជ្ជាជីវៈសុខាភិបាលកម្ពុជា និងបណ្តាលឱ្យមានការយល់ច្រឡំពីសាធារណជនជាតិ និងអន្តរជាតិ។

កន្លងមកមន្ត្រីបុគ្គលិក នៅគ្រប់មូលដ្ឋានសុខាភិបាល តែងតែងប្រកាន់ខ្ជាប់នូវក្រមសីលធម៌វិជ្ជាជីវៈ ក្នុងការជួយសង្គ្រោះអាយុជីវិត អ្នកជំងឺដោយគ្មានការរើសអើង ជាតិសាសន៍ សាសនា ឬនិន្នាការនយោបាយ ណាមួយឡើយ។

ក្រសួងសុខាភិបាល បាននិងកំពុងផ្តោតសំខាន់ៗ ក្នុងការបម្រើសេវាសុខាភិបាល ឈានទៅសម្រេចបាននូវការគ្រប ដណ្តប់សុខភាពជាសកល ពោលគឺគ្មាននរណាម្នាក់ ត្រូវបានទុកចោលដោយមិនបានទទួលសេវាថែទាំសុខ ភាពនោះឡើយ៕

08/10/2025

អភិបាលរងខេត្តស្វាយរៀង ដឹកនាំក្រុមការងារលេខាធិការដ្ឋាន និងមន្ត្រីដែលពាក់ព័ន្ធ ចុះពិនិត្យដោយផ្ទាល់នូវកម្ពស់ទឹក នៅស្ពានបាយាប ក្នុងភូមិបាយាប ឃុំបាយាប ស្រុកកំពង់រោទិ៍

ស្វាយរៀង៖នាថ្ងៃពុធ ១រោច ខែអស្សុជ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី៨ ខែតុលា ឆ្នាំ២០២៥នេះ លោក ម៉ែន អេង អភិបាលរងខេត្តស្វាយរៀង និងជាប្រធានលេខាធិការដ្ឋានគ្រប់គ្រងគ្រោះមហន្តរាយខេត្តតំណាងឯកឧត្តម ប៉េង ពោធិ៍សា អភិបាលខេត្ត បានអញ្ជើញដឹកនាំក្រុមការងារលេខាធិការដ្ឋាន និងមន្ត្រីដែលពាក់ព័ន្ធ ចុះពិនិត្យដោយផ្ទាល់នូវកម្ពស់ទឹក នៅស្ពានបាយាប ស្ថិតក្នុងភូមិបាយាប ឃុំបាយាប ស្រុកកំពង់រោទិ៍ ខេត្តស្វាយរៀង។

លោក ម៉ែន អេង បានធ្វេីការកោតសរសើរ និងការអរគុណយ៉ាងជ្រាលជ្រៅ ជូនចំពោះមន្ត្រីដែលពាក់ព័ន្ធនៅក្នុងលេខាធិការដ្ឋានគ្រប់គ្រងគ្រោះមហន្តរាយខេត្តស្វាយរៀង និងមន្ត្រីថ្នាក់ឃុំ និងថ្នាក់ស្រុកដែលបានខិតខំរកដំណោះស្រាយជួយបងប្អូនប្រជាពលរដ្ឋនាពេលកន្លងមក ដែលបានខាតបង់ដោយសារកំណើននៃកម្ពស់ទឹកភ្លៀង។ លោកបានបន្តថា ថ្នាក់ស្រុកត្រូវតែមានស្បៀងបម្រុងជានិច្ច សម្រាប់ត្រៀមជួយដល់បងប្អូនប្រជាពលរដ្ឋដែលទទួលរងផលប៉ះពាល់ដោយសារជំនន់ទឹកភ្លៀង និងត្រៀមជានិច្ចនូវកន្លែងទីទួលសុវត្តិភាព។ទន្ទឹមនេះ ត្រូវបន្តយកចិត្តទុកដាក់ឱ្យបានខ្ពស់ និងតាមដានស្ថានភាពកម្ពស់ទឹកឱ្យបានម៉ឹងម៉ាត់បំផុត ជៀសវាងការធ្វេសប្រហែសណាមួយកើតឡើង ដែលជាផលលំបាក និងផលប៉ះពាល់ ដល់បងប្អូនប្រជាពលរដ្ឋ៕

08/10/2025

អភិបាលខេត្តកំពង់ចាម ដឹកនាំកិច្ចប្រជុំដើម្បីពិនិត្យលទ្ធភាពស្តារឡើងវិញ អំពីផលប៉ះពាល់ នៃគ្រោះទឹកជំនន់

(កំពង់ចាម)៖ អភិបាលខេត្តកំពង់ចាម ឯកឧត្តម អ៊ុន ចាន់ដា នៅព្រឹកថ្ងៃទី ៨ ខែតុលាឆ្នាំ ២០២៥នេះ បានដឹកនាំកិច្ចប្រជុំ ត្រួតពិនិត្យស្ថានភាពផលប៉ះពាល់ទឹកជំនន់ទន្លេមេគង្គ ដល់ពិធីនេះធ្វើឡើងនៅសាលប្រជុំធំសាលាខេត្តកំពង់ចាម ដោយមានការចូលរួម ពីអភិបាលរងខេត្ត និងថ្នាក់ដឹកនាំមន្ទីរអង្គភាពពាក់ព័ន្ធជាច្រើនទៀត។

បើតាមលោក គន់ សុភា អភិបាលរងខេត្តកំពង់ចាម បានឱ្យដឹងថា ផលប៉ះពាល់នៃគ្រោះទឹកជំនន់ទន្លេមេគង្គ និងទឹកភ្លៀងនៅក្នុងភូមិសាស្ត្រខេត្តកំពង់ចាម ដោយគិតចាប់ពីថ្ងៃទី ១ រហូតដល់ថ្ងៃទី ៧ ខែតុលាឆ្នាំ ២០២៥ មានចំនួន ៨ ស្រុក ក្នុងនោះមាន ស្រុកកំពង់សៀម ស្រុកស្ទឹងត្រង់ ស្រុកកោះសូទិន ស្រុកកងមាស ស្រុកស្រីសន្ធរ ស្រុកបាធាយ ស្រុកជើងព្រៃ និងស្រុកព្រៃឈរ ស្មើហ្នឹង ៤៧ ឃុំ និង ១៤១ភូមិ ។

ករណីទឹកជំនន់នោះ បានបណ្ដាលឱ្យរងផលប៉ះពាល់ ដល់ប្រជាពលរដ្ឋ ជាង ៤,០០០ គ្រួសារ នៅផ្ទះជាង ៣,០០០ ខ្នង ក្នុងនោះប្រជាពលរដ្ឋដែលបានជម្លៀសមកទីទួលសុវត្ថិភាពចំនួន ៦២ គ្រួសារ ។ ជាមួយគ្នានោះចំពោះដំណាំស្រូវ រងផលប៉ះពាល់ជាង ៥,០០០ហិកតា ក្នុងនោះមានភាពប្រសើរឡើងវិញជាង ២០០ ហិចតា រីឯដំណាំរួមផ្សំ បានរងផលប៉ះពាល់ជាង ៦០០ហិកតា។ ជាមួយគ្នានោះដែរ បានធ្វើឲ្យបាក់ច្រើនទន្លេ ១៧លើក មានប្រវែងជាង ៥,០០០ ម៉ែត្រ និងប៉ះពាល់ដល់ហេដ្ឋារចនាសម្ព័ន្ធ ផ្លូវថ្នល់កៅស៊ូ ផ្លូវបេតុង និងផ្លូវដី សរុបប្រវែង ១៣០,៩៩០ ម៉ែត្រ ផងដែរ ។

បន្ទាប់ពីបានស្ដាប់ស្ថានភាព អំពីផលប៉ះពាល់ នៃគ្រោះទឹកជំនន់នេះ អភិបាលខេត្តកំពង់ចាម ឯកឧត្តម អ៊ុន ចាន់ដា បានមានប្រសាសន៍ជំរុញឲ្យ មន្ត្រីជំនាញ នៃមន្ទីរអង្គភាពពាក់ព័ន្ធ ក៏ដូចជាអភិបាលស្រុក ដែលរងផលប៉ះពាល់នៃទឹកជំនន់នោះ សូមរៀបចំឯកសារឲ្យបានច្បាស់លាស់ និងឆាប់រហ័ស ដើម្បីស្នើសុំទៅគណៈកម្មការគ្រប់គ្រងគ្រោះមហន្តរាយ ដើម្បីធ្វើការស្ដារឡើងវិញ ៕

BPN News

11/10/2025

11/10/2025

11/10/2025

10/10/2025

09/10/2025

09/10/2025

09/10/2025

08/10/2025

08/10/2025

08/10/2025

08/10/2025

08/10/2025

Address

Telephone

Website

Alerts

Contact The Business

Shortcuts

Share