BPN News

BPN News បំណងពលរដ្ឋកម្ពុជា ព័ត៌មានថ្មីឈានមុខ បំណងពលរដ្ឋ ព័ត៌មានថ្មីឈានមុខ

14/09/2026

លោកស្រី ព្រំ សំបូរ អភិបាលរងស្រុកស្វាយជ្រំ ដឹកនាំមន្ត្រីពាក់ព័ន្ធចូលរួមសិក្ខាសាលាផ្សព្វផ្សាយវីដេអូណែនាំស្តីពី «ប្រព័ន្ធតាមដានថវិការដ្ឋបាលឃុំ សង្កាត់»

អភិបាលខេត្តកំពង់ចាម អំពាវនាវឲ្យប្រជាពលរដ្ឋ ប្រើប្រាស់កម្មវិធី KAPEA SCAM ដើម្បី ការពារខ្លួនពីការឆបោកតាមប្រព័ន្ធបច្ចេកវិទ...
14/09/2026

អភិបាលខេត្តកំពង់ចាម អំពាវនាវឲ្យប្រជាពលរដ្ឋ ប្រើប្រាស់កម្មវិធី KAPEA SCAM ដើម្បី ការពារខ្លួនពីការឆបោកតាមប្រព័ន្ធបច្ចេកវិទ្យា

កំពង់ចាម៖ នាឱកាសអញ្ជើញជាអធិបតី ក្នុងកិច្ចប្រជុំសាមញ្ញលើកទី២៨ អាណត្តិទី៤ របស់ក្រុមប្រឹក្សាខេត្តកំពង់ចាម ដែលរៀបចំឡើងនៅសាលប្រជុំសាលាខេត្តកំពង់ចាម ជាមួយ ឯកឧត្តម ខ្លូត ផន ប្រធានក្រុមប្រឹក្សាខេត្ត នាព្រឹកថ្ងៃទី១៤ ខែកញ្ញា ឆ្នាំ២០២៦ នេះ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានអំពាវនាវ និងជំរុញដល់បងប្អូនប្រជាពលរដ្ឋ ឲ្យទាញយក និងប្រើប្រាស់កម្មវិធីទូរស័ព្ទ (App) ផ្លូវការ ដែលមានឈ្មោះថា (KAPEA SCAM) ដើម្បីការពារខ្លួនពីការឆបោកតាមប្រព័ន្ធបច្ចេកវិទ្យា (Online Scam)។

ឯកឧត្តម អ៊ុន ចាន់ដា បានគូសបញ្ជាក់ថា បច្ចុប្បន្នល្បិចកល របស់ក្រុមជនខិលខូចតាមប្រព័ន្ធអនឡាញមានភាពស្មុគស្មាញ និងផ្លាស់ប្តូររូបភាពជាច្រើន ដូច្នេះការប្រើប្រាស់កម្មវិធី (KAPEA SCAM) គឺជាមធ្យោបាយដ៏មានប្រសិទ្ធភាព ក្នុងការការពារបងប្អូន មិនឲ្យធ្លាក់ចូលក្នុងអន្ទាក់ នៃក្រុមឆបោកតាមអនឡាញ។ ជាមួយគ្នានោះ កម្មវិធីនេះ ក៏អាចអោយបងប្អូនរាយការណ៍ ពីករណីសង្ស័យថា ជាសកម្មភាពឆរបោកតាមប្រព័ន្ធអនឡាញ បានទាន់ហេតុការណ៍ ដែលជួយឱ្យសមត្ថកិច្ចជំនាញអាចអន្តរាគមន៍ បង្ការ និងស្រាវជ្រាវបង្ក្រាបបទល្មើសបានទាន់ពេលវេលា។

ឯកឧត្តម អភិបាលខេត្ត បានសង្កត់ធ្ងន់ថា បញ្ហាឆបោកតាមប្រព័ន្ធបច្ចេកវិទ្យានាពេលបច្ចុប្បន្ន ត្រូវបានចាត់ទុកប្រៀបដូចជា «មេរោគ» ដែលនៅជុំវិញខ្លួនយើងជានិច្ច។ ប្រសិនបើយើងខ្វះការប្រុងប្រយ័ត្ន វានឹងបង្កឲ្យមានការខាតបង់ទ្រព្យសម្បត្តិ និងប្រាក់កាស ព្រមទាំង អាចលេចធ្លាយព័ត៌មានផ្ទាល់ខ្លួន ឬឯកសារសំខាន់ៗ ជាដើម។

យកឱកាសនោះដែរ ឯកឧត្តមអភិបាលខេត្ត ក៏បានណែនាំដល់អាជ្ញាធរគ្រប់លំដាប់ថ្នាក់ និងកងកម្លាំងប្រដាប់អាវុធ ត្រូវជំរុញការផ្សព្វផ្សាយណែនាំពីរបៀបប្រើប្រាស់កម្មវិធី KAPEA SCAM នេះ ដល់ប្រជាពលរដ្ឋនៅតាមមូលដ្ឋាន ឱ្យបានទូលំទូលាយ ដើម្បីបង្កើតជាផ្ទាំងការពារខ្លួនផង និងគ្រួសារផងពីការឆបោកគ្រប់រូបភាព សំដៅរួមគ្នារក្សាសន្តិសុខ សុវត្ថិភាព និងការពារទ្រព្យសម្បត្តិរបស់ប្រជាពលរដ្ឋ ឱ្យកាន់តែមានប្រសិទ្ធភាពខ្ពស់ ៕

កិច្ចប្រជុំផ្សព្វផ្សាយប្រកាសលេខ ១២៦៤៤ ប្រក របស់ក្រសួងមហាផ្ទៃ ស្តីពីបែបបទ និងនីតិវិធីនៃការស្នើសុំបញ្ចូលជនបរទេសអន្តោប្រវេស...
14/09/2026

កិច្ចប្រជុំផ្សព្វផ្សាយប្រកាសលេខ ១២៦៤៤ ប្រក របស់ក្រសួងមហាផ្ទៃ ស្តីពីបែបបទ និងនីតិវិធីនៃការស្នើសុំបញ្ចូលជនបរទេសអន្តោប្រវេសន្តដែលកើតថ្មី

ស្វាយរៀង៖ នាព្រឹកថ្ងៃចន្ទទី១៤ខែកញ្ញាឆ្នាំ២០២៦នេះ លោក ម៉ែន​ កល្យាណ​ អភិបាលរងខេត្ត តំណាងឯកឧត្តម ប៉េង ពោធិ៍សា​ អភិបាល​ នៃគណៈអភិបាលខេត្តស្វាយរៀង បានអញ្ជើញចូលរួមជាគណៈអធិបតី ក្នុងកិច្ចប្រជុំផ្សព្វផ្សាយប្រកាសលេខ ១២៦៤៤ ប្រក របស់ក្រសួងមហាផ្ទៃ ស្តីពីបែបបទ និងនីតិវិធីនៃការស្នើសុំបញ្ចូលជនបរទេសអន្តោប្រវេសន្តដែលកើតថ្មី នៅក្នុងតារាងឧបសម្ព័ន្ធ និងការស្នើសុំប្រកាសទទួលស្គាល់ជាជនបរទេសអន្តោប្រវេសន្ត របស់កូនអាយុ១៨ ឆ្នាំឡើងដែលមានឈ្មោះក្នុងតារាងឧបសម្ព័ន្ធ ឪពុក ឬម្តាយជាជនបរទេសអន្តោប្រវេសន្ត និងលិខិតបទដ្ឋាននានារបស់ក្រសួងមហាផ្ទៃ ពាក់ព័ន្ធការងារគ្រប់គ្រងជនបរទេសអន្តោប្រវេសន្ត ដែលមានការអញ្ជើញចូលរួមជាគណៈអធិបតី លោកឧត្តមសេនីយ៍ទោ សួន សុជាតិ ប្រធាននាយកដ្ឋានជនបរទេសអន្តោប្រវេសន្ត និងជនភៀសខ្លួន និងមានការចូលរួមពីលោក ស្នងការរង មន្ត្រីជំនាញពាក់ព័ន្ធ អភិបាលនៃគណៈអភិបាលក្រុង ស្រុក ទាំង៨ លោកធិការរងតាមបណ្តាក្រុងស្រុក លោកចៅសង្កាត់ មេឃុំ ស្មៀនឃុំ នាយប៉ុស្តិ៍នគរបាលរដ្ឋបាលទាំង ៨០ ។

នៅក្នុងកិច្ចប្រជុំខាងលើ លោកអភិបាលរងបានលើកឡើងពីបញ្ហាពាក់ព័ន្ធនឹងការពង្រឹងប្រសិទ្ធភាពផ្ដល់សេវារដ្ឋបាលដល់ជនបរទេសអន្តោប្រវេសន្តស្របតាមការណែនាំរបស់ក្រសួងមហាផ្ទៃ និងលិខិតបទដ្ឋាននានាដែលមានស្រាប់ឱ្យមានប្រសិទ្ធភាព អនុសាសន៍ណែនាំមួយចំនួនដូចខាងក្រោម៖
១-អាជ្ញាធរមូលដ្ឋាន និងសមត្ថកិច្ចពាក់ព័ន្ធ ត្រូវខិតខំសិក្សាស្វែងយល់ពីខ្លឹមសារច្បាប់ លិខិតបទដ្ឋានគតិយុត្តពាក់ព័ន្ធការងារអន្តោប្រវេសន៍ឱ្យបានច្បាស់លាស់ និងត្រូវផ្ដល់សេវារដ្ឋបាលផ្សេងៗដល់ជនបរទេសអន្តោប្រវេសន្តតាមការស្នើសុំ ស្របតាមសមត្ថកិច្ចទទួលខុសត្រូវរៀងៗខ្លួន។
២-បង្កើនការយកចិត្តទុកដាក់គ្រប់គ្រងជនបរទេសអន្តោប្រវេសន្តនៅក្នុងដែនសមត្ថកិច្ចទទួលខុសត្រូវរបស់ខ្លួនឱ្យបានច្បាស់លាស់ និងត្រូវចាត់វិធានការតាមផ្លូវច្បាប់ឱ្យបានតឹងរ៉ឹងចំពោះជនបរទេសខុសច្បាប់។
៣-ធ្វើការជំរុញណែនាំជនបរទេសអន្តោប្រវេសន្តឱ្យអនុវត្តកាតព្វកិច្ចរបស់ខ្លួនឱ្យបានត្រឹមត្រូវតាមការកំណត់របស់ច្បាប់ (អ្នកផុតសុពលភាពបណ្ណស្នាក់នៅ ត្រូវស្នើសុំបន្តសុពលភាពឱ្យបានត្រឹមត្រូវ។
-កូនអាយុ ១៨ឆ្នាំមានឈ្មោះក្នុងតារាងឧបសម្ព័ន្ធឪពុក ឬម្ដាយ ត្រូវបំពេញបែបបទសុំប្រកាសទទួលស្គាល់ និងបណ្ណស្នាក់នៅអចិន្ត្រៃយ៍។
-កូនកើតថ្មីត្រូវបំពេញបែបបទស្នើសុំបញ្ចូលក្នុងតារាងឧបសម្ព័ន្ធប្រកាសទទួលស្គាល់របស់ឪពុក ឬម្ដាយជាដើម។ល ៕

ថ្នាក់ដឹកនាំខេត្តកំពង់ចាម អញ្ជើញគោរពវិញ្ញាណក្ខន្ធសព ឯកឧត្តម ទូច ឆៃ សមាជិកក្រុមប្រឹក្សាខេត្ត និងជានាយកសាខាកាកបាទក្រហមកម្ព...
14/09/2026

ថ្នាក់ដឹកនាំខេត្តកំពង់ចាម អញ្ជើញគោរពវិញ្ញាណក្ខន្ធសព ឯកឧត្តម ទូច ឆៃ សមាជិកក្រុមប្រឹក្សាខេត្ត និងជានាយកសាខាកាកបាទក្រហមកម្ពុជាខេត្ត

កំពង់ចាម៖ នារសៀលថ្ងៃទី១២ ខែកញ្ញា ឆ្នាំ២០២៦ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត ព្រមទាំង ឯកឧត្តម ខ្លូត ផន ប្រធានក្រុមប្រឹក្សាខេត្ត មន្ត្រីរាជការ និងកងកម្លាំងប្រដាប់អាវុធ បានបង្ហាញនូវសេចក្តីក្រៀមក្រំយ៉ាងក្រៃលែង បន្ទាប់ពីទទួលបានដំណឹងថា ឯកឧត្តម ទូច ឆៃ សមាជិកក្រុមប្រឹក្សាខេត្ត និងជានាយកសាខាកាកបាទក្រហមកម្ពុជាខេត្តកំពង់ចាម បានទទួលមរណភាព នៅថ្ងៃសុក្រ ទី១១ ខែកញ្ញា ឆ្នាំ២០២៦ ក្នុងជន្មាយុ ៦៦ឆ្នាំ ដោយរោគាពាធ។

ក្នុងឱកាសនោះ ថ្នាក់ដឹកនាំខេត្តកំពង់ចាម បានចូលរួមរំលែកទុក្ខយ៉ាងជ្រាលជ្រៅ និងអាឡោះអាល័យជាទីបំផុត ជាមួយលោកជំទាវ នី ចាន់ថន ព្រមទាំងក្រុមគ្រួសារ និងញាតិមិត្តទាំងអស់ ចំពោះការបាត់បង់ឧត្តមស្វាមី លោកឪពុក លោកឪពុកក្មេក និងជាជីតា ជាទីគោរពស្រឡាញ់បំផុត។

មរណភាពរបស់ ឯកឧត្តម ទូច ឆៃ គឺជាការបាត់បង់នូវឥស្សរជនឆ្នើម ១រូប ដែលកន្លងមកបានខិតខំប្រឹងប្រែង លះបង់កម្លាំងកាយចិត្ត និងបញ្ញាស្មារតី ក្នុងការបម្រើសង្គមជាតិ ជាពិសេស ឯកឧត្តម បានដឹកនាំសាខាកាកបាទក្រហមកម្ពុជាខេត្តកំពង់ចាម បម្រើដល់ការងារមនុស្សធម៌យ៉ាងសកម្ម នៅក្នុងខេត្តកំពង់ចាម។

ឯកឧត្តម អភិបាលខេត្ត ឯកឧត្តមប្រធានក្រុមប្រឹក្សាខេត្ត ព្រមទាំងសហការីទាំងអស់ សូមឧទ្ទិសបួងសួងដល់ដួងវិញ្ញាណក្ខន្ធ ឯកឧត្តម ទូច ឆៃ បានទៅកាន់សុគតិភព កុំបីឃ្លៀងឃ្លាតឡើយ៕

14/09/2026

មហាជនងឿងឆ្ងល់ ថាហេតុអ្វីរថយន្តដឹកឈើត្នោតឆ្លងផុតបារាស់ច្រកខ្សែដែក ហើយបែរជាត្រូវមេប៉ុស្តិ៍ការពារព្រំដែនឲ្យបកក្រោយវិញ?

រដ្ឋបាលក្រុងស្វាយរៀង មានកិត្តិយសសូមគោរពជម្រាបជូនសាធារណៈជនទាំងអស់នូវសេចក្តីបំភ្លឺរបស់រដ្ឋបាលក្រុស្វាយរៀងដែលពាក់ព័ន្ធនឹងករ...
14/09/2026

រដ្ឋបាលក្រុងស្វាយរៀង មានកិត្តិយសសូមគោរពជម្រាបជូនសាធារណៈជនទាំងអស់នូវសេចក្តីបំភ្លឺរបស់រដ្ឋបាលក្រុស្វាយរៀងដែលពាក់ព័ន្ធនឹងករណីបង្ហោះលើបណ្ដាញសង្គម tik tok របស់គណនីឈ្មោះ"សឹង្ហ"ដែលមានខ្លឹមសារដូចមានជូនភ្ជាប់ខាងក្រោម។

ក្រសួងការងារជំរុញការលើកកម្ពស់ឥរិយាបថ និងទំនាក់ទំនងល្អនៅកន្លែងធ្វើការ ដើម្បីពង្រឹងផលិតភាព និងស្ថិរភាពសហគ្រាស ក្រុមហ៊ុន និ...
14/09/2026

ក្រសួងការងារជំរុញការលើកកម្ពស់ឥរិយាបថ និងទំនាក់ទំនងល្អនៅកន្លែងធ្វើការ ដើម្បីពង្រឹងផលិតភាព និងស្ថិរភាពសហគ្រាស ក្រុមហ៊ុន និងរោងចក្រ

(កំពង់ស្ពឺ)៖ ឯកឧត្តម ហេង សួរ រដ្ឋមន្ត្រីក្រសួងការងារនិងបណ្តុះបណ្តាលវិជ្ជាជីវៈបានដឹកនាំកិច្ចប្រជុំស្ដីពី "ការលើកកម្ពស់ឥរិយាបទ និងទំនាក់ទំនងការងារ នៅកន្លែងធ្វើការ" នារសៀលថ្ងៃទី១២ ខែកញ្ញា ឆ្នាំ២០២៦ នៅសាលប្រជុំនៃសាលាខេត្តកំពង់ស្ពឺ ដោយកិច្ចប្រជុំនេះមានការចូលរួមពីតំណាងសហគ្រាស ក្រុមហ៊ុន និងរោងចក្រក្នុងខេត្តកំពង់ស្ពឺចំនួនជិត ៥០០នាក់។

ឯកឧត្តមមានប្រសាសន៍ថា ការគ្រប់គ្រងប្រកបដោយប្រសិទ្ធភាព ការគោរពសេចក្ដីថ្លៃថ្នូរ និងផលិតភាពការងារ គឺជាកត្តាដែលមិនអាចកាត់ផ្ដាច់ពីគ្នាបាន។ ប្រសិនបើទំនាក់ទំនងរវាងអ្នកគ្រប់គ្រង និងកម្មករនិយោជិតមានបញ្ហា បញ្ហាតូចអាចរីករាលដាលទៅជាបញ្ហាធំ និងប៉ះពាល់ដល់ផលិតកម្ម កេរ្តិ៍ឈ្មោះ និងទំនុកចិត្តពីដៃគូពាណិជ្ជកម្ម។ ទំនាក់ទំនងការងារកើតចេញពីកិច្ចសន្យាការងារ ដែលបង្កើតសិទ្ធិ និងកាតព្វកិច្ចទៅវិញទៅមក។ ឯកឧត្តម បញ្ជាក់ថា ការប្រើសិទ្ធិ និងបំពេញកាតព្វកិច្ចត្រូវស្ថិតក្នុងដែនកំណត់នៃច្បាប់ កិច្ចសន្យាការងារ និងបទបញ្ជាផ្ទៃក្នុង។ ភាគីទាំងពីរមិនត្រូវគំរាមកំហែង ប្រើពាក្យសម្ដី ឬអាកប្បកិរិយាមិនសមរម្យ និងបំពានសិទ្ធិ ឬសេចក្ដីថ្លៃថ្នូររបស់គ្នាឡើយ។ ពាក្យសម្ដីដោយកំហឹងអាចបង្កផលប៉ះពាល់យូរ ធ្វើឱ្យបាត់បង់ទឹកចិត្ត ប៉ះពាល់សុខភាពផ្លូវចិត្ត និងទំនុកចិត្ត ហើយអាចឈានដល់ភាពតានតឹង វិវាទ ការតវ៉ា ឬការផ្អាកផលិតកម្ម។

ពាក់ព័ន្ធនឹងអ្នកគ្រប់គ្រងជនបរទេស ឯកឧត្តមបានណែនាំឱ្យយល់ពីភាពខុសគ្នានៃភាសា និងវប្បធម៌ ដើម្បីចៀសវាងការយល់ច្រឡំ។ អ្នកបកប្រែត្រូវបំពេញតួនាទីដោយត្រឹមត្រូវ ពេញលេញ អព្យាក្រឹត និងប្រកបដោយវិជ្ជាជីវៈ។ ការគ្រប់គ្រងធនធានមនុស្សត្រូវគោរពគោលការណ៍មិនរើសអើង ដោយសេចក្ដីសម្រេចផ្អែកលើមូលហេតុស្របច្បាប់ លក្ខណៈសម្បត្តិ សមត្ថភាព និងលទ្ធផលការងារ មិនមែនលើពូជសាសន៍ ពណ៌សម្បុរ ភេទ ជំនឿ សាសនា ទស្សននយោបាយ កំណើត ដើមកំណើតសង្គម ឬសកម្មភាពសហជីពឡើយ។ ការជេរប្រមាថ គំរាមកំហែង អំពើឃោរឃៅ ឬការវាយដំ គឺជាកំហុសធ្ងន់តាមច្បាប់ស្ដីពីការងារ។

ឯកឧត្តមរដ្ឋមន្រ្តីបញ្ជាក់ពីការទទួលខុសត្រូវរបស់និយោជក ក្នុងការបង្កើតកន្លែងធ្វើការដែលមានសុវត្ថិភាព សេចក្ដីថ្លៃថ្នូរ និងគ្មានការបៀតបៀន ឬរំលោភបំពានផ្លូវភេទ។ ម្ចាស់ និងនាយកសហគ្រាសត្រូវបង្ការ ទប់ស្កាត់ និងដោះស្រាយអំពើមិនសមរម្យដោយស្មើភាព និងទាន់ពេល។ ជនបរទេសដែលធ្វើការនៅកម្ពុជាត្រូវមានបណ្ណការងារ និងសៀវភៅការងារ ព្រមទាំងគោរពច្បាប់ បទបញ្ជាផ្ទៃក្នុង វប្បធម៌ ទំនៀមទម្លាប់ និងសេចក្ដីថ្លៃថ្នូររបស់ប្រជាជនកម្ពុជា។

ក្នុងន័យនេះ ឯកឧត្តមណែនាំឱ្យសហគ្រាសរៀបចំគោលការណ៍ជាលាយលក្ខណ៍អក្សរស្ដីពីការប្រាស្រ័យទាក់ទងប្រកបដោយការគោរព កំណត់អាកប្បកិរិយាហាមឃាត់ និងបណ្ដុះបណ្ដាលដល់គណៈគ្រប់គ្រង បុគ្គលិកធនធានមនុស្ស និងអ្នកពាក់ព័ន្ធ។ បន្ថែមពីនេះត្រូវមានប្រព័ន្ធទទួល និងដោះស្រាយបណ្ដឹងដែលងាយស្រួល និងមានសុវត្ថិភាព រក្សាការសម្ងាត់ និងពិនិត្យបណ្ដឹងដោយអព្យាក្រឹត និងយុត្តិធម៌។ កម្មករនិយោជិត ប្រតិភូបុគ្គលិក និងសហជីពត្រូវគោរពម៉ោងធ្វើការ វិន័យ តួនាទី និងភារកិច្ច ព្រមទាំងដោះស្រាយបញ្ហាដោយសន្តិវិធី តាមយន្តការដែលមានស្រាប់ ដោយឯកឧត្តមបានសង្កត់ធ្ងន់ថា វិធានការវិន័យត្រូវមានគោលបំណងកែតម្រូវអាកប្បកិរិយា រក្សាវិន័យ និងបង្ការកំហុសកើតឡើងម្ដងទៀត មិនមែនជាការសងសឹក ឬដាក់ទណ្ឌកម្មតាមអារម្មណ៍ឡើយ។

ទន្ទឹមនេះ ឯកឧត្តមរដ្ឋមន្ដ្រី បានអំពាវនាវឱ្យគ្រប់ភាគីពិនិត្យប្រព័ន្ធគ្រប់គ្រង និងដោះស្រាយបញ្ហាមុនពេលឈានដល់ការតវ៉ា ឬការផ្សព្វផ្សាយតាមបណ្ដាញសង្គម។ ក្រសួងនឹងបន្តសហការជាមួយគ្រប់ភាគីពាក់ព័ន្ធ ដើម្បីផ្សព្វផ្សាយ បណ្ដុះបណ្ដាល ត្រួតពិនិត្យ និងគាំទ្រការកែតម្រូវនៅតាមសហគ្រាស ព្រមទាំងស្នើឱ្យសហគ្រាសបញ្ជូនបុគ្គលទទួលបន្ទុករដ្ឋបាល និងធនធានមនុស្សមកទទួលការបណ្ដុះបណ្ដាលនៅវិទ្យាស្ថានជាតិការងារ៕

កម្លាំងអធិការនគរបាលស្រុកស្វាយទាប បានដឹកនាំកម្លាំងចុះបង្ក្រាបករណីចែកចាយ ជួញដូរ ប្រើប្រាស់គ្រឿងញៀនខុសច្បាប់ ស្វាយរៀង៖ អនុវ...
13/09/2026

កម្លាំងអធិការនគរបាលស្រុកស្វាយទាប បានដឹកនាំកម្លាំងចុះបង្ក្រាបករណីចែកចាយ ជួញដូរ ប្រើប្រាស់គ្រឿងញៀនខុសច្បាប់

ស្វាយរៀង៖ អនុវត្តតាមការចង្អុលដឹកនាំពី លោកឧត្តមសេនីយ៍ទោ ពេជ្រ វីរៈ ស្នងការនគរបាលខេត្តស្វាយរៀង
លោកអនុសេនីយ៍ឯក ស៊ិន ពិសី អធិការនគរបាលស្រុកស្វាយទាប បានដឹកនាំកម្លាំងចុះបង្ក្រាបករណីចែកចាយ ជួញដូរ ប្រើប្រាស់គ្រឿងញៀនខុសច្បាប់ តាមបណ្ដឹងកម្មវិធីAPP NO DRUG លេខ១៥៤៤២ របស់ក្រុមការងារប្រចាំការ នៃអគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន និងអនុវត្តតាមដីកាចាប់ខ្លួន។

កាលពីថ្ងៃទី០៨ ខែកញ្ញា ឆ្នាំ២០២៦ វេលាម៉ោង១៧និង០៥ នាទី កម្លាំងជំនាញប្រឆាំងគ្រឿងញៀនស្រុកស្វាយទាប សហការជាមួយប៉ុស្តិ៍នគរបាលរដ្ឋបាលគគីសោម បានចុះធ្វើការស្រាវជ្រាវ តាមបណ្ដឹង App NoDrug របស់ក្រុមការងារប្រចាំការ អគ្គលេខាធិការដ្ឋានអាជ្ញាធរជាតិប្រយុទ្ធប្រឆាំងគ្រឿងញៀន និងកំណត់មុខសញ្ញាបាន ពេលជនសង្ស័យធ្វើសកម្មភាព សមត្ថកិច្ចយើងឈានដល់ធ្វើការបង្ក្រាបបានជនសង្ស័យចំនួន ០១នាក់ ជនសង្ស័យក៏មាន ដីកាចាប់ខ្លួនលេខ ៧៧៦ បគ.ចខ/២៥ ចុះថ្ងៃទី១០ ខែវិច្ឆិកា ឆ្នាំ២០២៥ របស់លោក សេង សែនភិរម្យ ចៅក្រមស៊ើបសួរ នៃសាលាដំបូងខេត្តស្វាយរៀង
បង្គាប់ឲ្យចាប់ខ្លួន ឈ្មោះ នួន សំណាង ហៅណាង ភេទប្រុស អាយុ៣៧ឆ្នាំ រស់នៅភូមិត្បែង ឃុំគគីរសោម ស្រុកស្វាយទាប ខេត្តស្វាយរៀង។
ដោយមានការឯកភាពពីឯកឧត្តមព្រះរាជអាជ្ញាអមសាលាដំបូងខេត្តស្វាយរៀងតាមរយៈទូរសព្ទលេខ 0979812255 ធ្វើឲ្យមានការឆែកឆេរផ្ទះជនសង្ស័យរកឃើញ ម្សៅក្រាមពណ៌សថ្លា សង្ស័យជាគ្រឿងញៀន០៦កញ្ចប់ សម្ភារ:ប្រើប្រាស់មួយចំនួន អោយឃាត់ខ្លួនជនសង្ស័យនៅអធិការដ្ឋាននគរបាលស្រុកស្វាយទាប ហើយបានធ្វើតេស្តទឹកនោមស្វែងរកសារធាតុញៀនជាលទ្ធផល វិជ្ជមាន(+) មេតំហ្វេតាមីន។

ក្នុងនោះសមត្ថកិច្ចដកហូតសម្ភារៈវត្ថុតាងរួមមាន:
១. ម្សៅក្រាមពណ៌សថ្លាចំនួន ០៦កញ្ចប់
២.សម្ភារៈវេចប្រើប្រាស់មួយចំនួន។


បច្ចុប្បន្នសមត្ថកិច្ចជំនាញកំពុងកសាងសំណុំរឿងតាមនីតិវិធីស្នើរបិតបណ្ដឹង APP NO DRUG លេខ១៥៤៤២ ៕

12/09/2026

ក្រោយពេលអង្គភាពសារព័ត៌មានយើងបានចុះផ្សាយយោងតាមប្រភពហ្វេស ប៊ុក បុរសម្នាក់មាន អាខោនឈ្មោះ ជា សំ ណាង បានបង្ហោះវីដេអូ ដោយសរសេរថាសុំឱ្យអាជ្ញាធរជួយដោះស្រាយផង ស្រាប់តែមាន facebook មួយឈ្មោះChea Dina មិនមានតាំងប្រូហ្វាលចូលមកខំមិនគំរាមប្ដឹងអ្នកសារព័ត៌មានដាក់គុក

12/09/2026

បុរសម្នាក់មាន អាខោន facebook ឈ្មោះ ជា សំ ណាង បានបង្ហោះវីដេអូ ដោយសរសេរថាសុំឱ្យអាជ្ញាធរជួយដោះស្រាយផង

Address

Phnum Pénh

Telephone

+855972355667

Website

Alerts

Be the first to know and let us send you an email when BPN News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to BPN News:

Shortcuts

Share

Category