11/06/2026
លិចសាឡង់ដឹកខ្សាច់មួយគ្រឿង តាមបណ្តោយដងទន្លេសាប ស្ថិតក្នុងព្រំប្រទល់សង្កាត់ទួលសង្កែទី១ និងសង្កាត់ឫស្សីកែវ រាជធានីភ្នំពេញ កាលពីព្រលប់ថ្ងៃទី១១ មិថុនា ២០២៦។
ភ្លាមៗ អភិបាលខណ្ឌប្ញស្សីកែវ បានដឹកនាំកម្លាំងចុះដល់កន្លែងកើតហេតុ ធ្វើការជួយសង្គ្រោះជនរងគ្រោះបានចំនួន៣នាក់ ទាន់ពេលវេលា ដោយមិនមាននរណាម្នាក់លង់ទឹក និងបាត់បង់អាយុជីវិតឡើយ។
ជាមួយគ្នានេះដែរ អភិបាលខណ្ឌ បានចាត់កម្លាំងដាក់ទូកប្រចាំការដោយមានដាក់ភ្លើងសញ្ញាសំគាល់នៅទីតាំងខាងលើ ដើម្បីជៀសវាងមានសាឡង់ ឬកប៉ាល់ និងទូកផ្សេងជិះមកប៉ះទង្គិចបណ្តាលឲ្យលិច ឬមានគ្រោះថ្នាក់ម្តងទៀត៕
