សារព័ត៌មាន ប្រជាជនយើង MPN, -ផ្ទះលេខ#594 ភូមិទួលរការ សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ, Phnom Penh (2025)

21/09/2025

#ទីនាំង « ផ្ការាំស័ក្តិសិទ្ធិ » ចាប់ផ្ដើមរំកិលខ្លួនចុះព្រះគង្គា មុនថ្ងៃរះនាព្រឹកថ្ងៃអាទិត្យ១៤រោច ខែភទ្របទ ឆ្នាំម្សាញ់ សប្តស័ក ព.ស.២៥៦៩ ត្រូវនឹងថ្ងៃទី២១ ខែកញ្ញាឆ្នាំ២០២៥។
#អរគុណសន្តិភាព !!!

19/09/2025

#សេចក្តីជូនដំណឹង ស្តីពីកិច្ចប្រជុំផ្សព្វផ្សាយសេចក្តីប្រកាសកំណត់តំបន់វិនិច្ឆ័យ សម្រាប់ការចុះបញ្ជីដីធ្លីមានលក្ខណៈជាប្រព័ន្ធ ស្ថិតក្នុងភូមិទទឹងថ្ងៃ ,ភូមិកែបថ្មី និង ភូមិរលួស សង្កាត់បឹងទូក / នៅភូមិព្រែកអំពិល ភូមិគីឡូ១២ ,ភូមិព្រែកចេក និង ភូមិកណ្តាល សង្កាត់កោះតូច នៅភូមិត្រពាំងរពៅ ,ភូមិព្រែកត្នោត ,ភូមិចង្ហោន និង ភូមិព្រែកក្រែង សង្កាត់ព្រែកត្នោត ក្រុងបូកគោខេត្តកំពត។
#ចាប់ពី ថ្ងៃទី២៨ខែសីហាឆ្នាំ២០២៥ ទីតាំងក្រុមការងារស្ថិតនៅបរិវេណវត្តរកា ក្នុងភូមិគីឡូ១២ សង្កាត់កោះតូចក្រុងបូកគោ ខេត្តកំពត។
#ផ្សាយបន្ត !

19/09/2025

-នាព្រឹកថ្ងៃសុក្រ១២រោចខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ត្រូវនឹងថ្ងៃទី១៩ខែកញ្ញាឆ្នាំ២០២៥ ឯកឧត្តម ជា ចំណាន រដ្ឋលេខាធិការនិងជាប្រធានក្រុមការងារចុះមូលដ្ឋានឃុំអង្គរអង្គ និង ឯកឧត្តម រឿន រិទ្ធីរ័ត្ន អគ្គនាយកកិច្ចការរដ្ឋបាលនិងហិរញ្ញវត្ថុ និង ជាអនុប្រធានទី១ក្រុមការងារចុះមូលដ្ឋានឃុំអង្គរអង្គ ព្រមទាំង ឯកឧត្តម លោកជំទាវ អនុរដ្ឋលេខាធិការ និង អស់លោក លោកស្រី មន្ត្រីក្រុមការងារនៃក្រសួងសង្គមកិច្ច..នៅភូមិ ឃុំអង្គរអង្គស្រុក ខេត្តព្រៃវែង។
-ក្រុមការងារអញ្ជើញចូលរួមកាន់បិណ្ឌវេនទី១២ នៅវត្តចំនួន៣ក្នុងឃុំអង្គរអង្គ រួមមាន ៖ ១-វត្តសុវណ្ណឧស្យាន ២-វត្តសុវណ្ណសាមគ្គី ៣-វត្តទួលសំពៅមាស នាំយកទេយ្យទាន ជាគ្រឿងឧបភោគ -បរិភោគ ព្រមទាំង បច្ច័យវេរប្រគេនព្រះសង្ឃ និង អំណោយចែកជូនដល់លោកតា លោកយាយ និង ពុទ្ធបរិស័ទដែលអញ្ជើញចូលរួមកាន់បិណ្ឌវេនទី១២ផងដែរ។
-ឯកឧត្តមក្រុមការងារក្រសួងសង្គមកិច្ច ពាំនាំការសាកសួរសុខទុក្ខពីសំណាក់ឯកឧត្តមរដ្ឋមន្រ្តីក្រសួងសង្គមកិច្ច និង លោកជំទាវ ជូនដល់លោកតា លោកយាយ បង ប្អូន កូន ក្មួយក្នុងឱកាសបុណ្យភ្ជុំបិណ្ឌផងដែរ។
-រៀបចំទេយ្យទានសម្រាប់ប្រគេនព្រះសង្ឃទាំង៣វត្ត និង ចែកអំណោយជូនលោកតា លោកយាយ និងវរកងទ័ពជួរមុខរួមមាន ៖ ស្លាដក់៣ ,អង្ករ៩ប៉ាវ ,ទឹកសុទ្ធ១៥កេស ,ទឹកក្រូច៦កេស ,ទឹកត្រី៦ឡូ ,ឃីត60មានក្រម៉ា ,ថ្នាំពេទ្យចម្រុះ ,ជួយឧបត្ថម្ភវរកងទ័ពជួរមុខដែលរស់នៅក្នុងឃុំអង្គរអង្គ១នាក់ ចំនួន៤០ម៉ឺនរៀល និង ជួយឧបត្ថម្ភជួសជុលទូកងឈ្មោះរតនៈសង្គមពង្សពាយអណ្ដែតសែនជ័យ នៅវត្តសុវណ្ណឧទ្យាន ចំនួន៦លានរៀល។
-ឯកឧត្តមសូមជូនបុណ្យកុសលដល់ទាំងឡាយ ដល់ ឯកឧត្តមរដ្ឋមន្រ្តី លោកជំទាវ ព្រមទាំងក្រុមគ្រួសារ និងក្រុមការងារទាំងអស់ សូមជួបប្រទះតែសេចក្តីសុខ សេចក្ដីចម្រើន សុភមង្គលក្នុងក្រុមគ្រួសារ និងសមប្រកបនឹងពុទ្ធពរទាំងបួនប្រការគឺអាយុ វណ្ណ សុខ ពល កុំបីឃ្លៀងឃ្លាតឡើយ។
#ផ្សាយបន្ត !

19/09/2025

-ញត្តិគាំទ្រ របស់សមាគមចលនាយុវជនកម្ពុជា(ក្រុម១៥៧) ចូលរួមចំណែកជាមួយរាជរដ្ឋាភិបាល ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត ក្នុងការស្នើសុំឱ្យប្រធានអាស៊ាន និងថ្នាក់ដឹកនាំពិភពលោក ដើម្បីជួយគាំទ្រ និងជំរុញការអនុវត្តបទឈប់បាញ់ និងរាល់កិច្ចព្រមព្រៀងរវាងកម្ពុជា និងថៃឱ្យបានពេញលេញ និងមានប្រសិទ្ធភាពខ្ពស់

19/09/2025

#សួស្ដីៗ/សារព័ត៌មានប្រជាជនយើងMPNសហការជាមួយមេធាវីអ្នកជំនាញច្បាប់ និង អ្នកជំនាញសេដ្ឋកិច្ចដើម្បីជួយប្រឹក្សាពិគ្រោះផ្ដល់យោបល់ផ្នែកច្បាប់ និង សេដ្ឋកិច្ច ដោយឥតគិតថ្លៃជូនប្រជាពលរដ្ឋទូទៅ។
#លោកមេធាវី អ្នកជំនាញជួយប្រឹក្សាយោបល់ដូចជា÷ការដោះស្រាយវិវាទក្រៅប្រព័ន្ធតុលាការ ,ការដោះស្រាយវិប័ត្របំណុល ,ការដោះស្រាយវិប័ត្រជំពាក់ធនាគារ និង អ្នកដែលជួបវិប័ត្របំណុលឬបញ្ហាផ្សេងៗជាច្រើនទៀត។ល។
#សូមអញ្ជើញទូរស័ព្ទសាកសួរដោយក្ដីរីករាយ លោកមេធាវីទូរស័ព្ទ០៨៨៨០៥៥៨០៥/ក្រុមការងារ០១២៩៣៤៨៨៩/០៧០២៩៨៨៥៤។
#អរគុណសន្តិភាព !!!

18/09/2025

-កាលពីថ្ងៃពុធទី១៧ខែកញ្ញាឆ្នាំ២០២៥ ជាងពីរខែ/លោកចូវ តាវ(តំណាង)ប្រជាពលរដ្ឋអ្នករងគ្រោះបញ្ហាដីធ្លី សុំផ្សព្វផ្សាយព័ត៌មានដើម្បីសុំពន្លឿនលិខិតដាក់ស្នើសុំដោះស្រាយបញ្ហាការរំលោភទន្ត្រានរិបអូសយកដីធ្លីរបស់ប្រជាពលរដ្ឋពីសំណាក់ មន្ត្រីបរិស្ថានភ្នំបូកគោ និង ក្រុមហ៊ុនសុខាអូតែលភ្នំបូកគោខេត្តកំពត។ព្រោះជាដីដែលកាន់កាប់អាស្រ័យផលរបស់ប្រជាពលរដ្ឋជាង៣០ឆ្នាំកន្លងមក។ដូច្នេះទើបសុំតវ៉ាឲ្យដោះស្រាយស្របតាមគោលការណ៍ជាគោលនយោបាយផ្ដល់ដីធ្លីជាកម្មសិទ្ធិជូនប្រជាពលរដ្ឋ។
-ចំពោះការដកហូតឬការរិបអូសដីធ្លីដែលកាន់កាប់អាស្រ័យផលសុំឲ្យមានតម្លាភាពនិងមានយុត្តិធម៍សំរាប់ប្រជាពលរដ្ឋផង។ល។
-លោកចូវ តាវ(តំណាង)ប្រជាពលរដ្ឋបញ្ជាក់ថា រៀបចំលិខិតដាក់ស្នើសុំភ្ជាប់ជាមួយឯកសាររូបភាពជាច្រើន ដាក់សំណើសុំគោរពជូនថ្នាក់ដឹកនាំរាជរដ្ឋាភិបាលដើម្បីសុំពិនិត្យជួយដោះស្រាយផង។
-នាថ្ងៃទី១៥ខែកក្ដដាឆ្នាំ២០២៥ លិខិតដាក់ជូនមន្ត្រីនៅខុទ្ទការល័យសម្ដេចបវរធិបតីនាយករដ្ឋមន្ត្រី បន្ទាប់ពីពិនិត្យលិខិតក៏បញ្ជូនចេញនាថ្ងៃសុក្រទី១៨ខែកក្ដដាឆ្នាំ២០២៥ ក្រសួងរៀបចំដែនដី នគរូបនីយកម្មនិងសំណង់ដើម្បីចំណាត់ការលិខិតសំណើសុំរបស់ប្រជាពលរដ្ឋ។
-នាថ្ងៃទី១១ខែសីហាឆ្នាំ២០២៥ មន្ត្រីថ្នាក់ដឹកនាំក្រសួងរៀបចំដែនដីចាត់ឲ្យមន្ត្រីជំនាញចុះសិក្សាពិនិត្យបញ្ហាតវ៉ារបស់ប្រជាពលរដ្ឋជាក់ស្ដែង នៅភូមិរលួសនិងភូមិកែបថ្មីឃុំបឹងទូកស្រុកកំពត បច្ចុប្បន្នភូមិរលួសនិងភូមិកែបថ្មីសង្កាត់បឹងទូកក្រុងបូកគោខេត្តកំពត។
-លោកចូវ តាវ (តំណាង) ប្រជាពលរដ្ឋ ជាអ្នកដាក់លិខិតស្នើសុំរាជរដ្ឋាភិបាល សុំក្រសួងរៀបចំដែនដី មេត្តាជួយពន្លឿនឲ្យមានដំណោះស្រាយ លិខិតចេញពីខុទ្ទកាល័យ រាជរដ្ឋាភិបាល។ក្រសួងរៀបចំដែនដី ក៏ចាត់មន្ត្រីចុះសិក្សាពិនិត្យស្ថានភាពទីតាំងដីធ្លីតវ៉ាផ្ទាល់របស់ប្រជាពលរដ្ឋដែរ។ប៉ុន្តែជាង១ខែដែលគ្មានដំណឹងនិងព័ត៌មានអ្វីបន្ថែមទៀត។ល។
& & & & & & & & &
-លោកចូវ តាវ ប្រើទូរស័ព្ទ០១២២៩៤៧៥១/០៩៧៧៥០៥១២៣(ជាអតីតយុទ្ធជន)ជាម្ចាស់ដីដែរបញ្ជាក់ថា បញ្ហាដែលរិបអូសដីធ្លីពីប្រជាពលរដ្ឋ ផ្ដើមពីមន្ត្រីបរិស្ថានឧទ្យានជាតិបូកគោកំពត និង ក្រុមហ៊ុនសុខាអូតែលភ្នំបូកគោកំពត សហការគ្នាប្រើល្បិចសុំពង្រីកផ្ទៃដីឧទ្យានជាតិ និង ផ្ទៃដីក្រុមហ៊ុនគ្រប់គ្រងដើម្បីរំលោភទន្រ្ទានរិបអូសយកដីធ្លីដែលកាន់កាប់អាស្រ័យផលជាង៣០ឆ្នាំរបស់ប្រជាពលរដ្ឋ។ល។
-លោកចូវ តាវ បញ្ជាក់ទៀតថា ប្រជាពលរដ្ឋអ្នកធ្លាប់រស់នៅភូមិចាស់ ព្រមទាំង ប្រជាពលរដ្ឋអ្នកចូលមករស់នៅថ្មី និង ប្រជាពលរដ្ឋជាក្រុមគ្រួសារកងកម្លាំងប្រដាប់អាវុធ នៅឈរជើងប្រចាំការនៅផ្លូវរថភ្លើងតំបន់ភ្នំបូកគោកំពតគឺនាំគ្មាចូលមករស់នូវកាន់កាប់ដីក្រោយឆ្នាំ១៩៧៩ជាបន្តបន្ទាប់។ល។
-អាជ្ញាធរមូលដ្ឋានជាអ្នកកំណត់ភូមិរលួសនិងភូមិកែបថ្មីឃុំបឹងទូកស្រុកកំពត ហើយក៏បែងចែកដីឲ្យកាន់កាប់រស់នូវបង្កបង្កើនផលគ្រប់ក្រុមគ្រួសារផងដែរ។
-លោកចូវ តាវ បញ្ជាក់ថា ប្រជាពលរដ្ឋ បន្ទាប់ពីកាន់កាប់ដីអាស្រ័យផលជាច្រើនឆ្នាំ (អតីតរដ្ឋកម្ពុជា)នាឆ្នាំ១៩៨៩ចេញសេចក្ដីណែនាំការអនុវត្ដគោលនយោបាលដើម្បីគ្រប់គ្រងប្រើប្រាស់ដីធ្លីជូនប្រជាពលរដ្ឋ ,នាឆ្នាំ១៩៩០ចេញសារាចរណែនាំស្ដីពីការផ្ដល់គោលនយោបាយគ្រប់គ្រងប្រើប្រាស់ដីធ្លីជូនប្រជាពលរដ្ឋ និង នាឆ្នាំ១៩៩២រដ្ឋចេញគោលនយោបាយបែងចែកដីធ្លីឲ្យកាន់កាប់ជាកម្មសិទ្ធិស្របច្បាប់ជូនប្រជាពលរដ្ឋ។ដូច្នេះអ្នកចូលកាន់កាប់ដីអាស្រ័យផលជាង៣០ឆ្នាំជាម្ចាស់កម្មសិទ្ធិស្របច្បាប់ ពិសេសក៏មានលិខិតសុំកាន់កាប់ដីធ្លីទៀតផង។ល។
-លោកចូវ តាវ បញ្ជាក់ទៀតថា ឆ្នាំ១៩៩៣ព្រះរាជក្រឹត្យចេញអភិរក្សឧទ្យានជាតិព្រះមុនីវង្សបូកគោគឺគ្មានប៉ះពាល់ដីភូមិចាស់ដែលកាន់កាប់អាស្រ័យផលរបស់ប្រជាពលរដ្ឋនោះទេ។មន្ត្រីឧទ្យាននិងមន្ត្រីបរិស្ថាន ប្រើល្បិចសុំពង្រីកផ្ទៃដីជាបន្តបន្ទាប់។ល។
-លោកចូវ តាវ បញ្ជាក់ទៀតថា បន្ទាប់ពីពង្រីកផ្ទៃដីឧទ្យានភ្នំបូកគោម្ដងហើយ-ម្ដងទៀតដើម្បីទន្រ្ទានរំលោភរិបអូសយកដីធ្លីពីប្រជាពលរដ្ឋជាច្រើន។មន្ត្រីបរិស្ថាន-មន្ត្រីឧទ្យានបូកគោកំពត និង ក្រុមហ៊ុនសុខាអូតែលភ្នំបូកគោកំពត ចុះសន្ធិសញ្ជាប្រគល់ដីឲ្យក្រុមហ៊ុនអភិវឌ្ឍលើផ្ទៃដីរបស់ឧទ្យានជាតិព្រះមុនីវង្សភ្នំបូកគោកំពត ផ្ទៃដីទំហំ២០,០០០ហិកតាក្នុងពេល៩៩ឆ្នាំ បន្ទាប់ពីប្រើល្បិចរិបអូសដីពីប្រជាពលរដ្ឋជាច្រើន។ល។
-លោកចូវ តាវ បញ្ជាក់ទៀតថា ក្រុមហ៊ុនសុខាអូតែលបូគោ ក៏នៅសុំពង្រីកផ្ទៃដីបន្ថែមទៀតផងដែរ។ដូច្នេះទើបប៉ះពាល់ដីធ្លីដែលកាន់កាប់អាស្រ័យផលរបស់ប្រជាពលរដ្ឋ។
-លោកចូវ តាវ បញ្ជាក់ទៀតថា មន្ត្រីបរិស្ថាន-មន្ត្រីឧទ្យានជាតិ និង ក្រុមហ៊ុនសុខាអូតែល បន្ទាប់រិបអូសយកដីពីប្រជាពលរដ្ឋ នៅពីខាងក្រោយស្នាក់ការបរិស្ថានផ្លូវឡើងភ្នំបូកគោគឺបង្កើតទីតាំងដូចជា ÷ រោងយ៉ាងធំជាឃ្លាំងជ្រៀកថ្ម រោងយ៉ាងធំជាឃ្លាំងជ្រៀកឈើ និង ទីតាំងលាយឬផលិតសុីម៉ងយ៉ាងធំទៀតផង។
-លោកចូវ តាវ បញ្ជាក់ទៀតថា ក្រុមហ៊ុនសុខាអូតែលបូកគោ កាលឆ្នាំ២០០៧ អនុក្រឹត្យរាជរដ្ឋាភិបាលផ្ដល់សិទ្ធិអភិវឌ្ឍជាតំបន់ទេសចរណ៍នៅលើភ្នំបូកគោ។ប៉ុន្តែនៅសុំពង្រីកផ្ទៃដីបន្ថែម នាឆ្នាំ២០១១ នាឆ្នាំ២០២០ និង នាឆ្នាំ២០២២។ដូច្នេះទើបប៉ះពាល់ដីកាន់កាប់អាស្រ័យផលជាង៣០ឆ្នាំរបស់ប្រជាពលរដ្ឋ។
-លោកចូវ តាវ បញ្ជាក់ទៀតថា រាជរដ្ឋាភិបាល ផ្ដល់សម្បទានដីសេដ្ឋកិច្ចឲ្យក្រុមហ៊ុនដើម្បីការអភិវឌ្ឍជាតិគឺគ្មានជុំទាស់នោះទេ។ប៉ុន្តែស្នើសុំការដោះស្រាយនៃផលប៉ះពាល់ជាការដោះដូរដីនៅទីតាំងថ្មីឬសុំដោះស្រាយជាសំណងឲ្យប្រជាពលរដ្ឋវិញផង។ល។
-លោកចូវ តាវ បញ្ជាក់ទៀតថា ក្រសួង-ស្ថាប័នដែលពាក់ព័ន្ធ និង អាជ្ញាធរខេត្តកំពត ពិសេសមន្ត្រីនៅទីស្ដីការគណរដ្ឋមន្ត្រី សុំមេត្តាពិនិត្យទីតាំងដីឲ្យបានច្បាស់លាស់ឡើងវិញផង។ព្រោះផ្ដល់សម្បទានដីសេដ្ឋកិច្ចឲ្យក្រុមហ៊ុនវិនិយោគគឺប៉ះពាល់ដីធ្លីដែលកាន់កាប់អាស្រ័យផលយូឆ្នាំរបស់ប្រជាពលរដ្ឋ។ល។
+សំណូមពរ ÷
១-អាជ្ញាធរខេត្ត-ក្រសួង-ស្ថាប័ន ដែលពាក់ព័ន្ធ ចុះសិក្សាស្វែងយល់ពិនិត្យឯកសារសុំកាន់កាប់ដី និង សាក្សីអ្នកកាន់កាប់ដីអាស្រ័យផលជាក់ស្ដែងរបស់ប្រជាពលរដ្ឋដើម្បីសម្របសម្រួលដោះស្រាយផង។
២-រាជរដ្ឋាភិបាល សូមមេត្តាពិនិត្យព្រះរាជក្រឹត្យ ចេញអភិរក្សឧទ្យានជាតិបូកគោកំពតឆ្នាំ១៩៩៣ និង សុំមេត្តាពិនិត្យអនុក្រឹត្យចេញផ្ដល់សម្បទានដីសេដ្ឋកិច្ចឲ្យក្រុមហ៊ុនសុខាអូតែលបូកគោកំពតឆ្នាំ២០០៧ ព្រោះការចេញគឺគ្មានទាន់ប៉ះពាល់ដីដែលកាន់កាប់អាស្រ័យផលរបស់ប្រជាពលរដ្ឋនោះទេ។
៣-អាជ្ញាធរខេត្ត-ក្រសួង-ស្ថាប័ន ពិសេសរាជរដ្ឋាភិបាល សូមមេត្តាពិនិត្យការស្នើសុំពង្រីកផ្ទៃដីឧទ្យានជាតិ និង ការស្នើសុំពង្រីកផ្ទៃដីក្រុមហ៊ុនសុខាអូតែលភ្នំបូកគោ ព្រោះការសុំពង្រីកផ្ទៃដីនាំឲ្យប៉ះពាល់ដីដែលកាន់កាប់អាស្រ័យផលជាង៣០ឆ្នាំរបស់ប្រជាពលរដ្ឋ។
-ក្រសួងបរិស្ថាន-ក្រុមហ៊ុនសុខាអូតែល និង អាជ្ញាធរខេត្តតំពត គឺគ្មានដោះដូរដីនៅទីតាំងថ្មី ឬ ដោះស្រាយសំណងឲ្យប្រជាពលរដ្ឋនោះទេ។
៤-ក្រសួងបរិស្ថាន-ក្រុមហ៊ុនសុខាអូតែភ្នំបូកគោ ស្នើសុំពង្រីកផ្ទៃដីគ្រប់គ្រងពិតប្រាកដ សូមដោះស្រាយជាគោលនយោបាយដែលប៉ះពាល់ដីធ្លីកាន់កាប់អាស្រ័យផលរបស់ប្រជាពលរដ្ឋ។
៥-ក្រសួងបរិស្ថាន-ក្រុមហ៊ុនសុខាអូតែលភ្នំបូកគោ សហការគ្នាប្រើល្បិចស្នើសុំពង្រីកផ្ទៃដីគ្រប់គ្រងជាបន្តបន្ទាប់ដើម្បីទន្រ្តានរំលោភរិបអូសយកដីធ្លីដែលកាន់កាប់អាស្រ័យផលរបស់ប្រជាពលរដ្ឋ [ធ្វើជាកម្មសិទ្ធិបុគ្គលណាមួយនោះទេ]។
-យើងខ្ញុំសុំទាមទារដីធ្លីដែលកាន់កាប់អាស្រ័យផលជាង៣០ឆ្នាំកន្លងមកគឺត្រឡប់មកវិញ និង សុំទាមទារសំណងនៃការទន្រ្តានឈូសឆាយខូចខាតផងដែរដើម្បីបញ្ឈប់ការតវ៉ាទាមទារដោះស្រាយបន្តទៀត។ល។
+សារព័ត៌មានប្រជាជនយើងMPN ផ្សព្វផ្សាយព័ត៌មាន( លិខិតដំណើរការដោះស្រាយដល់ណា ឬ លិខិតទុកចោល )នៅក្រសួង-ស្ថាប័នណាមួយ។ល។
👉 mpn-news.com (គេហទំព័រ)
👉 t.me/+85512934889 (តេលេក្រាម)
-អរគុណសន្តិភាព !!!

18/09/2025

-រសៀលថ្ងៃព្រហស្បតិ៍ទី១៨ខែកញ្ញាឆ្នាំ២០២៥ រដ្ឋបាលខណ្ឌមានជ័យ បានបេីកកិច្ចប្រជុំគណៈបញ្ជាការឯកភាពរដ្ឋបាលខណ្ឌមានជ័យ ដេីម្បីត្រួតពិនិត្យ ពង្រឹងសន្តិសុខ សុវត្ថិភាពសណ្ដាប់ធ្នាប់របៀបរៀបរយ ជូនបងប្អូនប្រជាពលរដ្ឋក្នុង និងក្រៅមូលដ្ឋានខណ្ឌមានជ័យ ក្នុងឱកាសពិធីបុណ្យភ្ជុំបិណ្ឌប្រពៃណីជាតិខ្មែរ ក្រោមអធិបតីភាពលោក សេង គន្ធ អភិបាល នៃគណៈអភិបាលខណ្ឌមានជ័យ អញ្ជើញចូលរួមពីលោក..
#ផ្សាយបន្ត !

18/09/2025

-ព្រឹកថ្ងៃពុធ ១០រោច ខែភទ្របទ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៧ខែកញ្ញា ឆ្នាំ២០២៥ លោក សេង គន្ធ អភិបាល នៃគណៈអភិបាលខណ្ឌមានជ័យ ព្រមទាំង មន្រ្តីរាជការនៃរដ្ឋបាលខណ្ឌមានជ័យ និង មន្ត្រីរដ្ឋបាលសង្កាត់ចាក់អង្រែក្រោម អញ្ជើញប្រារព្វពិធីសូត្រមន្ត និង រាប់បាត្រ វេនបិណ្ឌទី១០ នៅវត្តចាក់អង្រែក្រោម ស្ថិតក្នុងសង្កាត់ចាក់អង្រែក្រោមខណ្ឌមានជ័យ រាជធានីភ្នំពេញ។
#ផ្សាយបន្រ !

18/09/2025

-នាព្រឹកថ្ងៃទី១៨ខែកញ្ញាឆ្នាំ២០២៥ ឯកឧត្តម ម៉ៅ ធនិន អភិបាលនៃគណ:អភិបាលខេត្តកំពត អញ្ជើញចែកវិញ្ញាបណ្ណបត្រសម្ភាល់ម្ចាស់អចលនវត្ថុ ចំនួន៦ភូមិ និង ពិធីប្រកាសបិទផ្សាយជាសាធារណៈនៃការវិនិច្ឆ័យចំនួន៣ភូមិ នៅបរិវេណវត្តព្រៃបន្ទាំ ស្រុកបន្ទាយមាស ខេត្តកំពត។
-លោកប្រធានមន្ទីរ រៀបចំដែនដី នគរូបនីយកម្ម សំណង់ និង សូរិយោដី ខេត្តកំពត បញ្ជាក់ថា ការចែកវិញ្ញាបនបត្រសម្គាល់ម្ចាស់អចលនវត្ថុក្នុងថ្ងៃនេះមានចំនួន៦ភូមិ អ្នកភូមិស្រែកាន់ចិន ឃុំទូកមាសខាងកើត ភូមិព្រែកឫស្សី ,ភូមិសំរោងចិន ឃុំព្រៃទន្លេ ភូមិពេជ្ជនា ,ភូមិព្រៃបន្ទាំ និងភូមិស្រែថ្លុក ឃុំបន្ទាយមាសខាងកើត ដែលមានក្បាលដី
សរុប១០.០៩៩ក្បាលដី ស្មើនឹង៣.៥៦១គ្រួសារ។ហើយក៏ប្រកាសបិទផ្សាយជាធារណៈនូវឯកសារនៃការ វិនិច្ឆ័យចំនួន៣ភូមិ មានភូមិត្នោត ,ភូមិខ្នាយ ឃុំត្នោតចុងស្រង់ និង ភូមិព្រៃទន្លេ ឃុំព្រៃទន្លេ ដែលមានក្បាលដីសរុប៤.៩៤៤ក្បាលដី ស្មើនឹង១.៨៩៥គ្រួសារ៕
#ផ្សាយបន្ត !

18/09/2025

-នាព្រឹកថ្ងៃទី១៧ខែកញ្ញា ឆ្នាំ២០២៥ ថ្នាក់ដឹកនាំ និងមន្ត្រីរាជការ នៃមន្ទីរ ស.អ.យ ខេត្តព្រៃវែង បានចូលរួម ពិធីបុណ្យកាន់បិណ្ឌវេនទី១០ និងសូត្រមន្តនមស្ការព្រះរតនត្រ័យ សមាទានសីល រាប់បាត្រ បង្សុកូល និងវេរភត្តាហារប្រគេនព្រះសង្ឃ នៅវត្តបារាយណ៍កើត ក្រុងព្រៃវែង។
-សូមជូនកុសលផលបុណ្យ ដែលយើងខ្ញុំបានសាងក្នុងថ្ងៃនេះ ជូនដល់បងប្អូនជនរួមជាតិខ្មែរ ព្រមទាំងបងប្អូនវីរកងទ័ពជួរមុខកម្ពុជាគ្រប់គ្នាៗ សូមទទួលបានសុខភាពល្អបរិបូណ៌ ធ្វើដំណើរគ្រប់ទិសទីប្រកបដោយសុខសុវត្ថិភាព និងជួបតែពុទ្ធពរទាំង៤ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។

17/09/2025

-នាយប់ថ្ងៃពុធទី១៧ខែកញ្ញាឆ្នាំ២០២៥ ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អន្តរកាល (IOT) ដឹកនាំប្រទេសម៉ាឡេស៊ី បានអញ្ជើញចុះសង្កេតការណ៍នៅភូមិព្រៃចាន់ ឃុំអូរ៣ជាន់ ស្រុកអូរជ្រៅ ខេត្តបន្ទាយមានជ័យដើម្បីសង្កេត ផ្ទៀងផ្ទាត់ និង រាយការណ៍ដើម្បីបន្ទាប់ពីមានការប៉ះទង្គិចគ្នារវាងកងកម្លាំងយោធាថៃ និង ប្រជាជនកម្ពុជា ក្រោយបទឈប់បាញ់បានចូលជាធរមានទាំងស្រុង។
On Wednesday night, 17 September 2025, the Ministry of National Defence of the Kingdom of Cambodia facilitated the Interim Observer Team (IOT), led by Malaysia, to visit Prey Chan Village, O’ Bei Choan Commune, O’ Chrov District, Banteay Meanchey Province, in order to observe, verify, and report on the situation following clashes between Thai forces and Cambodian villagers, after the ceasefire came into effect.
#ផ្សាយបន្ត !

17/09/2025

-រសៀលថ្ងៃពុធទី១៧ខែកញ្ញាឆ្នាំ២០២៥ មន្ត្រីដឹកនាំក្រុមការងារគណបក្សចុះជួយមូលដ្ឋានខណ្ឌបឹងកេងកង រៀបចំកិច្ចប្រជុំជីវភាពប្រចាំខែដើម្បីពិនិត្យលទ្ធផលនៃសកម្មភាពការងារកន្លងមកនិងលើកទិសដៅបន្ត កិច្ចប្រជុំក្រោមអធិបតីភាព ឯកឧត្តមបណ្ឌិត អ៉ិត សំហេង អ្នកតំណាងរាស្ត្រមណ្ឌលរាជធានីភ្នំពេញ និង ជាប្រធានក្រុមការងារចុះមូលដ្ឋានខណ្ឌបឹងកេងកង។
-អញ្ជើញចូលរួមឯកឧត្តម លោកជំទាវ អនុប្រធានក្រុមការងារខណ្ឌ អស់លោក លោកស្រីប្រធានក្រុមការងារសង្កាត់ និង លោកប្រធានគណបក្សសង្កាត់ និង សមាជិកបក្សជាច្រើន។មន្ត្រីដឹកនាំក្រុមការងារគ្រប់គ្រប់ផ្នែកចូលរួមពិភាក្សាបង្ហាញយោបល់ដើម្បីពង្រឹងការងាររបស់គណបក្សនៅខណ្ឌបឹងកេងកងអោយកាន់តែប្រសើរឡើង។
#ផ្សាយបន្ត !

សារព័ត៌មាន ប្រជាជនយើង MPN

21/09/2025

19/09/2025

19/09/2025

19/09/2025

19/09/2025

18/09/2025

18/09/2025

18/09/2025

18/09/2025

18/09/2025

17/09/2025

17/09/2025

Address

Telephone

Website

Alerts

Contact The Business

Shortcuts

Share

Category

គេហទំព័រសារព័ត៌មានប្រជាជនយើង(MPN)