20/03/2026
បាញ់គូជម្លោះស្លាប់ ដោយសាររឿងដកបង្គោលព្រំដី !!
សមត្ថកិច្ច បានឃាត់ខ្លួនបុរសម្នាក់ បន្ទាប់ពីប្រើប្រាស់កាំភ្លើងខ្លី បាញ់ជនរងគ្រោះ ឈ្មោះ អ៊ុត ថៃ អាយុ ៥៥ឆ្នាំ មុខរបរកសិករ ត្រូវចំនួន ៤កន្លែង ស្លាប់ភ្លាមៗ ហើយបានរត់ មកដល់ ក្បែររីសត ធីសាក់ ជាប់ជើងភ្នំគូលែន ក៏ត្រូវប៉ូលិសចាប់បាន ចម្ងាយជិត ២ គីឡូម៉ែត្រ ពីកន្លែងកើតហេតុ។
ជនល្មើសមានឈ្មោះ ញឹក ម៉ៅ អាយុ៥ ៣ឆ្នាំ មុខកសិករ ស្រុកកំណើត ភូមិគោកអំពិល ឃុំភ្នំសំពៅ ស្រុកបាណន់ ខេត្តបាត់ដំបង និងបច្ចុប្បន្នរស់នៅ ក្នុងឃុំស្វាយលើ ស្រុកស្វាយលើ .. ប៉ូលិស បានដកវត្ថុតាងកាំភ្លើងខ្លី ម៉ាក K54 មានបង់ចំនួន ២បង់ ចំនួន ១៦គ្រាប់។
ករណីនេះកើតឡើង ដោយសារជម្លោះ រឿងដកបង្គោលព្រំដី វេលាម៉ោង ៨៖៤០ នាទីព្រឹកថ្ងៃទី២០ ខែមីនា ឆ្នាំ២០២៦ នៅចំណុចមុខផ្ទះជនរងគ្រោះ ក្បែររបងលើផ្លូវក្រាលគ្រួសក្រហម ស្ថិតភូមិបិតផ្កា ឃុំស្វាយលើ ស្រុកស្វាយលើ ។
