15/07/2025
🌟នៅសល់តែមួយខែទៀតការប្រឡងបាក់ឌុបនឹងមកដល់ហើយ 🥹 តើគួរធ្វើយ៉ាងម៉េចទៅ?😢
ក្នុងរយៈពេលនេះ សាលាជាច្រើន បាននឹងកំពុងធ្វើការតេស្តសិស្សដើម្បីចង់ដឹងនូវសមត្ថភាពរបស់សិស្ស។
តាំងពីដើមឆ្នាំមកសិស្សដែលគិតថាសមត្ថភាពរបស់ខ្លួនឯងខ្សោយមានបំណងចង់ឲ្យខ្លួនឯងបានត្រឹមមួយជាប់ក៏បាន។តែសិស្សដែលគិតថាសមត្ថភាពខ្លួនឯងអាចយកនិទ្ទេសល្អបាននៅពេលនេះបែរទៅជាមានអារម្មណ៍ថាខ្លួនឯងមិនអាចទៅរួច។ វាមិនខុសពីអារម្មណ៍របស់បងៗធ្លាប់ឆ្លងកាត់នោះទេ។ គេលើកទឹកចិត្តក៏យើងភ័យខ្លួន គេមើលងាយក៏យើងភ័យខ្លួន។ តែសំណួរសួរថានិទ្ទេស🅰️ពិបាកយកឬក៏អត់? ចម្លើយ គឺមិនពិបាកហើយក៏វាមិនស្រួលដូចគ្នា។ អ្វីដែលជាចំណុចសំខាន់បំផុតគឺស្ថិតទៅលើការតាំងចិត្តរបស់ខ្លួនឯងថា ខ្លួនឯងកំពុងធ្វើអ្វី ខ្លួនឯងបានខំប្រឹងអស់ពីសម្ថភាពហើយឬនៅ ខ្លួនឯងចង់បាននូវអ្វីឲ្យពិតប្រាកដ។ ក្នុងនាម ជាអតីតសិស្សដែលទទួលបាននិទ្ទេសល្អមួយរូប បងសុំចែករំលែកនូវបទពិសោធន៍មួយចំនួន ដើម្បីត្រៀមខ្លួននៅក្នុងការប្រឡងខាងមុខ ទាក់ទងជាមួយនឹងមុខវិជ្ជានៃផ្នែកវិទ្យាសាស្ត្រ:
👉មុខវិជ្ជា ប្រវត្តិវិទ្យា 🅱️
ចំពោះមុខវិជ្ជានេះផងដែរតម្រូវឲ្យអ្នកទាំងអស់គ្នាត្រូវយល់អំពីប្រវត្តិសាស្ត្រឲ្យបានច្បាស់នូវព្រឹត្តិការណ៍សំខាន់ៗ ឲ្យបានតាមលំដាប់លំដោយ។ ហើយត្រូវស្វែងរកវិញ្ញាសារឆ្នាំមុនៗ នៅពេលទន្ទេញយើងត្រូវតែច្បាស់នៅក្នុងការឆ្លើយសំណួរដោយមានការរៀបចំយ៉ាងណាកុំឲ្យប្រើពាក្យដដែលៗ។
ចំណុចសំខាន់មានដូចជា៖
✨ផ្តោតលេីតែប្រវត្តិសាស្រ្តខ្មែរពីអាណានិគមបារាំងដល់បច្ចុប្បន្ន(1863-បច្ចុប្បន្ន)
✨រៀនតាមលំដាប់លំដោយនៃសម័យកាលនីមួយៗ
✨ជៀសវាងមេីលមេរៀន/វិញ្ញសាដែលមិនចាំបាច់ដែលអាចនាំអោយខាតពេលនិងវល់រៀនមិនចេះ
✨ ស្វែងយល់នូវព្រឹត្តិការណ៍ថ្មីៗសង្គមសព្វថ្ងៃ។
👉មុខវិជ្ជា អក្សរសាស្ត្រខ្មែរ 🅱️
ចំពោះមុខវិជ្ជានេះតម្រូវឲ្យអ្នកទាំងអស់គ្នាត្រូវយល់ឲ្យបានច្បាស់អំពីអក្សរសិល្ប៍ដូចជាអក្សរសិល្ប៍ខេមរៈនិយម អក្សរសិល្ប៍ព្រាហ្មណ៍និយម និងអក្សរសិល្ប៍ពុទ្ធនិយម។
ហើយយើងត្រូវចេះត្រៀមទុកអក្សរសិល្ប៍មួយចំនួន ព្រមទាំងចំណុចសំខាន់ៗនៃអក្សរសិល្ប៍ ដើម្បីលើសជាទឡ្ហីករណ៍ នៅក្នុងការសរសេរតែងសេចក្តី។ នៅពេលសរសេរយើងត្រូវខំសរសេរយ៉ាងណាឲ្យអក្សរបានសមរម្យនិងមានរបៀប ហើយត្រូវចេះឱ្យបានច្បាស់គ្រប់លំនាំនៃការសរសេរជាដាច់ខាត។
ចំណុចសំខាន់មានដូចជា:
✨ច្បាស់លំនាំនៃការតែង
✨ចេះប្រើប្រាស់ពាក្យកុំជាន់គ្នាដដែល
✨ចេះគ្រប់គ្រង់ពេលវេលាពេលធ្វើ ។
👉មុខវិជ្ជា គណិតវិទ្យា 🅰️
មុខវិជ្ជាមួយនេះជាមុខវិជ្ជាយ៉ាងសំខាន់សម្រាប់សិស្សខាងផ្នែកវិទ្យាសាស្ត្រ ព្រោះវាជាមុខវិជ្ជាមួយដែលមានពិន្ទុច្រើនជាងគេក្នុងចំណោម ៧ មុខវិជ្ជា។ វិធីនៃការរៀនមុខវិជ្ជានេះឲ្យបានល្អ គ្មានអីក្រៅពីយើងត្រូវធ្វើលំហាត់ឱ្យបានច្រើនជាពិសេសវិញ្ញាសាឆ្នាំមុនៗត្រូវធ្វើឱ្យបានអស់។ ត្រូវស្វែងយល់នូវលំហាត់ណាដែលយើងមិនទាន់ច្បាស់ក្នុងការដោះស្រាយជាដាច់ខាត។
ចំណុចសំខាន់មានដូចជា:
✨ត្រូវច្បាស់និងចេះធ្វើលំហាត់តូចៗដូចជាលំហាត់លីមីត អាំងតេក្រាល និងដេរីវេ យកពិន្ទុឲ្យបានព្រោះមួយលំហាត់អាចនឹងបានទៅដល់៥ពិន្ទុ
✨ ត្រូវចេះវិធីសរសេរដោះស្រាយលំហាត់ធំៗដូចជាកោនិច ប្រូបាប និងខ្សែកោងជាដើម្បី
✨ ត្រូវស្រាវជ្រាវឱ្យច្បាស់រាល់ចម្ងល់ក្នុងការដោះស្រាយលំហាត់
✨ត្រូវចេះផ្ទៀងផ្ទាត់ឱ្យបានច្បាស់លាស់ ហើយសរសេរឱ្យមានរបៀប កុំសរសេរចម្លើយកាត់ពេក។
👉មុខវិជ្ជា ជីវវិទ្យា 🅰️
ចំពោះមុខវិជ្ជានេះគឺត្រូវប្រើពេលវេលាក្នុងការទន្ទេញ និងត្រូវតែយល់អំពីបាតុភូតមួយៗឲ្យបានច្បាស់ ព្យាយាមទន្ទេញរូមមន្តឱ្យចាំ ជាពិសេសត្រូវចាំឱ្យច្បាស់នូវរូបមន្តដែលច្រើនចេញរាល់ឆ្នាំ រៀនក្តោប អត្ថន័យ ខ្លឹមសាររួមរបស់មេរៀន រៀនមើលរូបភាព អាចជួយឱ្យយើងងាយចងចាំផងដែរ យកវិញ្ញាសាផ្សេងៗមកអនុវត្តន៍ រៀនឆ្លើយសំនួរ និងទន្ទេញវាបន្ថែមទៀត។
ចំណុចសំខាន់មានដូចជា
✨ស្រង់សម្មតិកម្ម អ្វីដែលប្រធានគេឱ្យ
✨ អានសំនួរដោយយកចិត្តទុកដាក់ ហើយត្រូវប្រាកដថាអ្នកយល់ពីអ្វីដែលគេសួរ។
✨រកវិធីដោះស្រាយបញ្ហាសាកល្បងសិន បើមិនប្រាកដថា កុំអាលសរសេរចូល
✨លំហាត់ខ្លះបង្កប់ពាក្យគន្លឹះឬបង្កប់ន័យត្រូវយល់វាឲ្យច្បាស់
✨កុំសរសេរចម្លើយកាត់ពេក ពេលខ្លះវាអាចបាត់ពិន្ទុ
✨បើមានពេលសូមព្យាយាមដោះស្រាយលំហាត់ឱ្យច្រើនប្រភេទផ្សេងៗគ្នា ព្រោះវាជួយឱ្យយើងមានគំនិតកាន់តែច្រើននៅពេលអ្នកជួបលំហាត់ថ្មីៗ។
👉មុខវិជ្ជា រូបវិទ្យា 🅰️
ចំពោះមុខវិជ្ជានេះគឺមិនខុសពីមុខវិជ្ជាផ្សេងៗទៀតទេ តម្រូវឲ្យយើងត្រូវតែចេះអំពីបាតុភូតសំខាន់ៗព្រមទាំងចាំនូវរូបមន្តសំខាន់ៗហើយខិតខំធ្វើនូវលំហាត់ដែលធ្លាប់នឹងចេញប្រឡងឆ្នាំមុនៗ ហើយត្រូវមើលទម្រង់នៃការឆ្លើយសំណួរផងណា។
ចំណុចសំខាន់មានដូចជា:
✨ រៀនធ្វើលំហាត់ឱ្យបានច្រើនមានចម្ងល់ត្រូវទៅសួរគ្រូឬស្វែងយល់ឲ្យឃើញ
✨ នៅរៀនគណនាលេខដោយមិនប្រើម៉ាសុីនគិតលេខ
✨ ត្រូវច្បាស់នៅក្នុងការប្រើប្រាស់រូបមន្តព្រមទាំងវិធីសរសេរនៅពេលដោះស្រាយលំហាត់។
👉មុខវិជ្ជា គីមីវិទ្យា 🅰️
ចំពោះមុខវិជ្ជានេះផងដែរគឺយើងត្រូវតែច្បាស់នៅក្នុងបាតុភូតនីមួយៗនិងចាំធាតុនីមួយៗឲ្យបានច្បាស់ព្រមទាំងវ៉ាឡង់ របស់វា ត្រូវធានាថាលំហាត់ដែលធ្លាប់ចេញប្រឡងគឺយើងបានធ្វើរួចអស់ហើយ ហើយមេរៀន ដែលកម្រចេញដូចជាសាប៊ូនិងខ្លាញ់បើមានពេលអាចឆ្លៀតមើលផងព្រោះថាវាធ្លាប់ចេញការពីឆ្នាំ ២០២៣ ផងដែរ។
ចំណុចសំខាន់មានដូចជា:
✨យល់ច្បាស់ពីបាតុភូត និងការពិសោធន៍ប្រតិកម្ម
✨រៀនសរសេរដោះស្រាយឱ្យមានរបៀបតាមលំដាប់
✨ច្បាស់ក្នុងការគណនាលេខ
✨ឧស្សាហ៍មើលសំណួរធ្លាប់ចេញ
✨ចាំរូបមន្តនិងថ្នាក់ឈ្មោះនីមួយឱ្យបានច្បាស់ (អាល់កុល អេទែ អាល់កាន់ ...)
👉មុខវិជ្ជា ភាសាអង់គ្លេស D
ចំពោះមុខវិជ្ជានេះគឺជាមុខវិជ្ជាដែលខ្ញុំខ្សោយ តែអ្វីដែលខ្ញុំធ្លាប់រៀនហើយនិងប្រឡងគឺយើងត្រូវតែយល់ឲ្យបានច្បាស់អំពីGrammar (12 Tenses ,Question Tag, and Conditional sentences...)
ចំណុចសំខាន់មានដូចជា:
✨ចេះច្បាស់អំពី Grammar
✨ Vocabularyពិបាកក្នុងការយកពិន្ទុតែបើយើងចេះពាក្យច្រើនកាន់តែល្អ
✨ត្រូវចេះវិធីនៅក្នុងការសរសេរ Writing ឱ្យមានលំនាំល្អ។
🌟🌟🌟ទាំងអស់នេះហើយជាបទពិសោធន៍តិចតួចដែលខ្ញុំចង់ចែករំលែកដល់ប្អូនៗទាំងអស់គ្នា សង្ឃឹមថាប្អូនៗទាំងអស់គ្នានៅក្នុងការប្រឡងខាងមុខនេះ នឹងទទួលបានជោគជ័យគ្រប់ៗគ្នា។
អត្ថបទ៖ Sok Chong និទ្ទេសA 2024
