21/07/2025
ក្រសួងការបរទេសកម្ពុជា បដិសេធទាំងស្រុងចំពោះការតវ៉ា និងចោទប្រកាន់របស់ថៃដែលថា កម្ពុជាបានប្រើប្រាស់មីនប្រឆាំងមនុស្សដែលទើបតែដាក់ថ្មីៗ។ ក្រសួងការបរទេសកម្ពុជា បានបញ្ជាក់ថា កងទ័ពថៃបានដើរចូលដីកម្ពុជាទាំងបំពានលើកិច្ចព្រមព្រៀងហើយជាន់មីនដែលសល់ពីសម័យសង្គ្រាម។
បើតាមក្រសួងការបរទេសកម្ពុជា ឧប្បត្តិហេតុនេះសបញ្ជាក់អំពីភាពចាំបាច់ដែលប្រទេសទាំងពីរត្រូវរកដំណោះស្រាយជាបន្ទាន់ និងដោយសន្តិវិធីតាមរយៈយន្តការអន្តរជាតិដោយជំរុញឱ្យប្រទេសថៃទទួលយកយុត្ថាធិការតុលាការយុត្តិធម៌អន្តរជាតិ ដើម្បីដោះស្រាយបញ្ហានេះ។
