23/02/2026
មេទ័ពទិសភូមិព្រៃចាន់ ជោគជ័យ និង អូរបីជាន់ គឺឧត្តមសេនីយត្រី បោន ប៊ិន រហស្សនាមមេទ័ពជួរមុខ ឥន្ទ្រីពិឃាតកងវ៉ា 🙏
ឧត្តមសេនីយត្រី បោន ប៊ិន គឺជាមេទ័ព ជាមេ ជាថ្នាក់ដឹកនាំមួយរូបប្រចាំខេត្តបន្ទាយមានជ័យ ដ៏មានប្រជាប្រិយភាព ពោលពេញទៅដោយទេពកោសល្យ និងមានចិត្តមេត្តាករុណា និងសាមញ្ញជាទីបំផុត ចំពោះកូនចៅ និង ប្រជាជនទូទៅ !
ក្នុងរូបថតសន្លឹកទី ៣ នេះគឺមានរូបខ្ញុំ អតីតកីឡាករបាល់ទាត់ទសវត្សរ៍ ៦០ លោក ប៉ែន ផាត និងកូនចៅផ្ទាល់របស់លោកឧត្តមសេនីយត្រី បោន ប៊ិន ដែលកាលនោះខ្ញុំមានសំណាងបានទៅជួបលោកឧត្តមសេនីយនៅទីស្នាក់របស់លោកផ្ទាល់ !
តាមព័ត៌មានដែលខ្ញុំទទួលបានពីកូនចៅរបស់លោកផ្ទាល់បានឲ្យដឹងថា លោកឧត្តមសេនីយត្រី បោន ប៊ិន គឺជាមេទ័ពបញ្ជារផ្ទាល់ក្នុងសង្គ្រាមឈ្លានពានរបស់ចោរសៀម ក្នុងទិសដៅ ភូមិព្រៃចាន់ ជោគជ័យ និង អូរបីជាន់ ដោយក្រោមយុទ្ធសាស្ត្ររបស់លោកឧត្តមសេនីយត្រី យេីងបានកំទេចទាំងទាហ៊ាន និងគ្រឿងយុទ្ធភ័ណ្ឌរបស់ចោរសៀមបានយ៉ាងច្រេីនអនេក ហេីយមានទាហ៊ានយេីងតិចតួចបំផុតដែលបានពលី
ខ្ញុំមិនបានដឹងថា តេីលោកឧត្តមសេនីយត្រី បោន ប៊ិន នៅចងចាំរូបខ្ញុំឬក៏អត់នោះទេ !
តែក្នុងនាមខ្ញុំបាទធ្លាប់ទទួលបានការស្វាគមន៍ពីលោកកន្លងមក និងក្នុងនាមជាប្រជាពលរដ្ឋកម្ពុជាមួយរូប ខ្ញុំបាទសូមគោរពដឹងគុណលោកឧត្តមសេនីយត្រីពីចម្ងាយ សូមជូនពរលោកនិងក្រុមគ្រួសារមានសុខភាពល្អ និងមានសុភមង្គល 🙏
