Bbn-Share Videos, porchentong, Phnom Penh (2025)

28/09/2025

សេចក្តីប្រកាសព័ត៌មាន របស់ក្រសួងការពារជាតិ នៃព្រះរាជាណាចក្រកម្ពុជា

នៅព្រឹកថ្ងៃអាទិត្យ ទី២៨ ខែកញ្ញា ឆ្នាំ២០២៥ ក្រសួងការពារជាតិ នៃព្រះរាជាណាចក្រកម្ពុជា បានសម្របសម្រួលជូនក្រុមអ្នកសង្កេតការណ៍អន្តរកាល (IOT) ដឹកនាំដោយប្រទេសម៉ាឡេស៊ី រួមនិងសមាជិក បានអញ្ជើញចុះពិនិត្យទីតាំងជាក់ស្តែងដែលរងផលប៉ះពាល់ពីការវាយប្រហារចំនួន ២លើក ដោយយោធាថៃតាមរយៈការបាញ់កាំភ្លើងត្បាល់ និងកាំភ្លើងដៃជាច្រើនគ្រាប់មកលើមូលដ្ឋានកងទ័ពកម្ពុជា នៅតំបន់អានសេះ ខេត្តព្រះវិហារ កាលពីថ្ងៃទី២៧ ខែកញ្ញា ឆ្នាំ២០២៥ ដើម្បីធ្វើការសង្កេត ផ្ទៀងផ្ទាត់ និងរាយការណ៍ ក្រោយបទឈប់បាញ់ចូលជាធរមាន។

ការចុះទៅពិនិត្យទីតាំងជាក់ស្តែងនេះធ្វើឡើងមួយថ្ងៃ ក្រោយពីយោធាថៃបានចាប់ផ្តើមធ្វើការបាញ់ប្រហារមុនមកលើទីតាំងកងកម្លាំងកម្ពុជា នៅតំបន់អានសេះ ស្ថិតក្នុងភូមិអានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ នាវេលាប្រមាណម៉ោង ១១:៥២នាទីព្រឹក រហូតដល់ម៉ោង ១២:៤៦នាទីរសៀល មានចំនួន ២លើក៖ លើកទី១ ចាប់បាញ់ប្រហារ នៅម៉ោង ១១:៥២នាទី ដល់ម៉ោង ១២:២២នាទី និងលើកទី២ ចាប់បាញ់ប្រហារ នៅម៉ោង ១២:២៥នាទី ដល់ម៉ោង ១២:៤៦នាទី។ នៅក្នុងហេតុការណ៍ដែលយោធាថៃបានបង្កខាងលើ កងកម្លាំងរបស់កម្ពុជាមិនបានតបតឡើយ គឺបានប្រកាន់នូវគោលការណ៍អត់ធ្មត់កម្រិតខ្ពស់ និងអនុវត្តនូវកិច្ចព្រមព្រៀងបទឈប់បាញ់រវាងកម្ពុជានិងថៃ ដែលចូលជាធរមាននៅម៉ោង ២៤:០០ (ម៉ោងក្នុងតំបន់) ថ្ងៃទី២៨ ខែកក្កដា ឆ្នាំ២០២៥ ឱ្យបានពេញលេញ និងខ្ជាប់ខ្ជួនបំផុត។

ជាមួយគ្នានេះ កម្ពុជាសូមសម្តែងនូវការព្រួយបារម្ភយ៉ាងខ្លាំង ចំពោះការបង្កហេតុ និងការបន្តផ្ទុះអាវុធនៅខាងភាគីថៃខ្លួនឯង ហើយនៅថ្ងៃទី២៧ ខែកញ្ញា ឆ្នាំ២០២៥ នៅវេលាម៉ោង ១១:៥២នាទី ថៃបានបើកការបាញ់ប្រហារមកលើកងកម្លាំងកម្ពុជា ប៉ុន្តែភាគីថៃបែរជាមកចោទកម្ពុជាថាបានផ្ទុះអាវុធទៅវិញ។ សកម្មភាពទាំងអស់នេះអាចប៉ះពាល់ទៅដល់ការគោរព និងការអនុវត្តបទឈប់បាញ់ ព្រមទាំងធ្វើឱ្យស្ថានភាពរឹតតែតានតឹង និងស្មុគស្មាញ។ ក្នុងន័យនេះ កម្ពុជាស្នើឱ្យភាគីទាំងពីរអនុញ្ញាតឱ្យក្រុមអ្នកសង្កេតការណ៍អន្តរកាល (IOT) ចូលរួមពិនិត្យ និងធ្វើកោសល្យវិច័យទៅលើភស្តុតាងនានាដែលបានបន្សល់ទុកក្រោយពេលការបាញ់ប្រហាររបស់ភាគីថៃមកលើកងកម្លាំងកម្ពុជាឱ្យបានហ្មត់ចត់បំផុត សំដៅផ្តល់នូវព័ត៌មានពិត សុចរិតភាព គណនេយ្យភាព តម្លាភាព យុត្តិធម៌ និងភាពត្រឹមត្រូវដល់ភាគីទាំងពីរផង និងដល់សាធារណជនជាតិ និងអន្តរជាតិផង។

លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា

ថ្ងៃអាទិត្យ ៦កើត ខែអស្សុជ ឆ្នាំម្សាញ់ សប្តស័ក ព.ស ២៥៦៩
ត្រូវនឹងថ្ងៃទី២៨ ខែកញ្ញា ឆ្នាំ២០២៥

Unofficial Translation
Press Release

On Sunday morning of September 28, 2025, the Ministry of National Defence of the Kingdom of Cambodia facilitated the visit of the Interim Observers Team (IOT), led by Malaysia along with its members, to inspect the actual sites affected by two rounds of attacks carried out by the Thai military forces using mortar and small arms against the Cambodian military base in An Seh area, Preah Vihear Province, on September 27, 2025. The purpose of this visit was to observe, verify, and report the situation after the ceasefire came into effect.

This site inspection took place one day after the Thai military forces initiated the attacks upon the Cambodian forces in An Seh area, located in An Seh village, Choam Khsan commune, Choam Khsan district, Preah Vihear Province. To be exact, the firing occurred around 11:52 AM and continued until 12:46 PM, with two rounds of attacks: the first round was from 11:52 AM to 12:22 PM, and the second round was from 12:25 PM to 12:46 PM.
During these incidents, the Cambodian forces did not retaliate at all as they strictly adhered to the guidance principle of maintaining maximum restraint and fully implemented the ceasefire agreement between Cambodia and Thailand, which entered into force at 24:00 hours (local time) on July 28, 2025, with firmness and consistency.

In the meantime, Cambodia is gravely concerned over the provocations and the continued firing from within the Thai side itself. In fact, on September 27, 2025, at 11:52 AM, Thailand launched an attack on Cambodian forces, then accused Cambodia of opening fire first. Such actions could impact the respect for and implementation of the ceasefire agreements, which further complicate the situation and escalate tensions.

In this sense, Cambodia requests the ASEAN Interim Observers Team (IOT) to participate in investigating and forensically examining in precise detail of the remaining evidence at the post Thailand's attack on the Cambodian forces; particularly, placing the attention on the types of ammunition used and the directions of firing, to provide accurate, truthful, accountable, and transparent facts, ensuring fairness and justice regarding the incident for both parties as well as the general public.

Her Excellency Lieutenant General Maly Socheata, Spokeswoman of the Ministry of National Defence of the Kingdom of Cambodia

September 28, 2025

26/09/2025

ចិនទិញសណ្តែកសៀងអាមេរិកតម្លៃ ១២,៦ ពាន់លានដុល្លារកាលពីឆ្នាំទៅ ឥឡូវគឺ 0 ដុល្លារ

ចិន ៖ រៀងរាល់សប្តាហ៍ ក្រសួងកសិកម្មអាមេរិកបានចេញផ្សាយសេចក្តីសង្ខេបនៃការនាំចេញចុងក្រោយបំផុតនៃដំណាំរបស់អាមេរិក។ ថ្មីៗនេះ សណ្តែកសៀងនាំទៅចិនគឺបាត់ទាំងស្រុងពីសេចក្តីសង្ខេបនោះ។

សណ្តែកសៀងគឺជាការនាំចេញដ៏ធំបំផុតតែមួយគត់របស់អាមេរិកទៅកាន់ប្រទេសចិនក្នុងតម្លៃ ១២,៦ ពាន់លានដុល្លារអាមេរិកក្នុងឆ្នាំ ២០២៤។ ប៉ុន្តែនៅពេលដែលការប្រមូលផលនៅរដូវស្លឹកឈើជ្រុះកំពុងដំណើរការនៅទូទាំងប្រទេស ពោលគឺ ៩ ភាគរយនៃសណ្តែកសៀងត្រូវបានប្រមូលផលគិតត្រឹមសប្តាហ៍មុន ប្រទេសដែលបានទិញ ៥២ ភាគរយនៃការនាំចេញសណ្តែកសៀងរបស់សហរដ្ឋអាមេរិកក្នុងឆ្នាំ ២០២៤ គឺអវត្តមានទាំងស្រុង។

ថ្ងៃទី ១ ខែកញ្ញា គឺជាការចាប់ផ្តើមនៃឆ្នាំទីផ្សារថ្មីសម្រាប់សណ្តែកសៀង ដែលជាចំណុចចាប់ផ្តើមសម្រាប់ការលក់ដ៏ធំ។ ផ្ទុយទៅវិញ ចិនមិនបានទិញសណ្តែកសៀងអាមេរិកណាមួយទេ តាំងពីខែឧសភា។

មូលហេតុនោះគឺដោយសារការសងសឹកពន្ធដែលចិនបានដាក់លើសហរដ្ឋអាមេរិក ដែលធ្វើឱ្យតម្លៃសណ្តែកសៀងអាមេរិកមិនទាក់ទាញសម្រាប់អ្នកទិញនៅទីនោះ។

ពេញមួយរដូវក្តៅ កសិករសង្ឃឹមថារដ្ឋបាលត្រាំ និងប្រទេសចិននឹងឈានដល់កិច្ចព្រមព្រៀងពាណិជ្ជកម្ម ដែលនឹងទម្លាក់ពន្ធលើដំណាំរបស់ពួកគេ ប៉ុន្តែរហូតមកដល់ពេលនេះមិនមានការធូរស្រាលណាមួយកើតឡើងនោះទេ។

គិតត្រឹមខែកក្កដា ចិនបានទិញសណ្តែកសៀងអាមេរិកចំនួន ៥១ ភាគរយតិចជាងអំឡុងពេលដូចគ្នាក្នុងឆ្នាំ ២០២៤ នេះបើយោងតាមក្រសួងកសិកម្ម។ ប្រទេសផ្សេងទៀតដូចជាអេហ្ស៊ីប តៃវ៉ាន់ និងបង់ក្លាដែសកំពុងទិញសណ្តែកសៀងពីសហរដ្ឋអាមេរិក ប៉ុន្តែការនាំចេញសណ្តែកសៀងសរុបបានធ្លាក់ចុះ ២៣ ភាគរយនៅឆ្នាំ ២០២៥។

ផលវិបាកកំពុងកើនឡើងរួចទៅហើយសម្រាប់កសិករអាមេរិក។ នៅថ្ងៃទី ២២ ខែកញ្ញា រដ្ឋបាលត្រាំបានសន្យាថានឹងគាំទ្រប្រទេសអាហ្សង់ទីន ខណៈដែលប្រទេសនេះប្រឈមមុខនឹងភាពចលាចលផ្នែកសេដ្ឋកិច្ច។ នៅថ្ងៃដដែលនោះ អាហ្សង់ទីនបានព្យួរពន្ធលើការនាំចេញដំណាំសំខាន់ៗមួយចំនួន រួមទាំងសណ្តែកសៀងផងដែរ។

មិនយូរប៉ុន្មានក្រុមហ៊ុនចិនបានទិញសណ្តែកសៀងអាហ្សង់ទីនជាង ១ លានតោន ដោយបង្កើនសមត្ថភាពរបស់ប្រទេសក្នុងការទប់ទល់នឹងការទិញដំណាំពីសហរដ្ឋអាមេរិក។ នេះបើយោងតាមទីភ្នាក់ងារសារព័ត៌មានរ៉យទ័រ។ ការព្រួយបារម្ភពិតប្រាកដគឺអ្វីដែលនឹងមកដល់បន្ទាប់។

តម្លៃសណ្តែកសៀងបានធ្លាក់ចុះ ដោយជួញដូរប្រហែល ១០ ដុល្លារអាមេរិកក្នុងមួយបាវសម្រាប់ភាគច្រើននៃឆ្នាំមុន ពោលគឺធ្លាក់ចុះពីប្រហែល ១៣ ដុល្លារអាមេរិកក្នុងមួយបាវកាលពីដើមឆ្នាំ ២០២៤។

ការលក់សណ្តែកសៀងនៅរដូវផ្ការីក និងរដូវក្តៅតែងតែយឺតយ៉ាវ ដោយសារប្រទេសចិន និងប្រទេសផ្សេងៗងាកទៅប្រទេសប្រេស៊ីល ដែលប្រមូលផលក្នុងខែកុម្ភៈ និងខែមីនា។

ជាធម្មតា ជាងពាក់កណ្តាលនៃការនាំចេញសណ្តែកសៀងរបស់សហរដ្ឋអាមេរិកត្រូវបានលក់នៅចន្លោះខែតុលា និងខែធ្នូ។ ប្រសិនបើអ្នកទិញរបស់ចិនបន្តមិនព្រមទិញ កសិករសណ្តែកសៀងអាមេរិកនឹងស្ថិតក្នុងស្ថានភាពលំបាកជាមិនខាន៕(ប្រែសម្រួលដោយ ពិសិដ្ឋ សំណាង)

26/09/2025

សម្តេចបវរធិបតី ហ៊ុន ម៉ាណែត ដឹកនាំកិច្ចប្រជុំពេញអង្គគណៈរដ្ឋមន្រ្តី ដើម្បីពិភាក្សា និងឆ្លងលើរបៀបវារ:ចំនួន៧

(ភ្នំពេញ)៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នៅព្រឹកថ្ងៃទី២៦ ខែកញ្ញា ឆ្នាំ២០២៥នេះ បានអញ្ជើញដឹកនាំកិច្ចប្រជុំពេញអង្គគណៈរដ្ឋមន្រ្តី ដើម្បីពិភាក្សា និងឆ្លងលើរបៀបវារ:ចំនួន៧។

របៀបវារ:ចំនួន៧ នោះរួមមាន៖
១-សេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀង ស្តីពីក្របខ័ណ្ឌបទប្បញ្ញត្តិសុវត្ថិភាពម្ហូបអាហារអាស៊ាន។
២-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារធ្វើវិសោធនកម្មកិច្ចព្រមព្រៀងអាស៊ាន ស្តីពីបម្លាស់ទីរូបវន្តបុគ្គល។
៣-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារទីមួយ ធ្វើវិសោធនកម្មកិច្ចព្រមព្រៀងពាណិជ្ជកម្មសេរីអាស៊ាន-ហុងកុង នៃសាធារណរដ្ឋប្រជាមានិតចិន។
៤-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារទីពីរ ធ្វើវិសោធនកម្មកិច្ចព្រមព្រៀងបង្កើតតំបន់ពាណិជ្ជកម្មសេរី អាស៊ាន-អូស្ត្រាលី-នូវែលសេឡង់។
៥-សេចក្តីព្រាងច្បាប់ ស្តីពីការអនុម័តយល់ព្រមលើអនុសញ្ញា ស្តីពីការបង្កើតអង្គការអន្តរជាតិសម្រាប់សន្ធានកម្ម។
៦-សេចក្តីព្រាងរបាយការណ៍ដំបូង ស្តីពីការអនុវត្តអនុសញ្ញា ស្តីពីសិទ្ធិជនពិការនៅកម្ពុជា។
៧-បញ្ហាផ្សេងៗ

By: Sambath

25/09/2025

នៅព្រឹកថ្ងៃទី២៥ ខែកញ្ញា ឆ្នាំ២០២៥ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញជួបប្រជុំការងារទ្វេភាគីជាមួយ ឯកឧត្តម Péter Szijjártó រដ្ឋមន្ត្រីការបរទេស និងពាណិជ្ជកម្មហុងគ្រី ក្នុងឱកាសនៃការចូលរួមកិច្ចពិភាក្សាទូទៅនៃមហាសន្និបាតអង្គការសហប្រជាជាតិ លើកទី៨០ ក្នុងទីក្រុងញូវយ៉ក សហរដ្ឋអាម៉េរិក។

ចុងបញ្ចប់នៃជំនួបនេះ រដ្ឋមន្ត្រីការបរទេសទាំងពីរបានចុះហត្ថលេខាលើអនុស្សរណៈនៃការយោគយល់គ្នា ស្តីពីកិច្ចសហប្រតិបត្តិការលើវិស័យអប់រំកម្ពុជា-ហុងគ្រីក្នុងក្របខ័ណ្ឌ The Stipendium Hungaricum Programme សម្រាប់ឆ្នាំ២០២៦-២០២៨។

On the afternoon of the same day, His Excellency Deputy Prime Minister PRAK Sokhonn, Minister of Foreign Affairs and International Cooperation, held a bilateral discussion with His Excellency Péter Szijjártó, Minister of Foreign Affairs and Trade of Hungary, on the sidelines of the General Debate of the 80th Session of the United Nations General Assembly in New York, United States of America.

Towards the end of this meeting, both foreign ministers signed a Memorandum of Understanding on Cooperation within the Framework of The Stipendium Hungaricum Programme for the Years 2026-2028.

🇰🇭🇭🇺

25/09/2025

នៅព្រឹកថ្ងៃទី២៥ ខែកញ្ញា ឆ្នាំ២០២៥ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញជួបពិភាក្សាទ្វេភាគីជាមួយ ឯកឧត្តម IWAYA Takeshi រដ្ឋមន្ត្រីការបរទេសជប៉ុន អំឡុងកិច្ចពិភាក្សាទូទៅនៃមហាសន្និបាតអង្គការសហប្រជាជាតិ លើកទី៨០ ក្នុងទីក្រុងញូវយ៉ក សហរដ្ឋអាម៉េរិក។

ឯកឧត្តមរដ្ឋមន្ត្រីការបរទេសទាំងពីរមានសេចក្ដីរីករាយដែលបានជួបគ្នាសារជាថ្មី និងបានឆ្លៀតឱកាសផ្តាំផ្ញើការសួរសុខទុក្ខយ៉ាងកក់ក្តៅពីគ្នាទៅវិញទៅមក បន្ទាប់ពីជំនួបប្រកបដោយផ្លែផ្កាកន្លងទៅចំនួនពីរ ក្នុងដំណើរទស្សនកិច្ចផ្លូវការរបស់ សម្តេចមហាបវរធិបតី ហ៊ុន ម៉ាណែត នៅប្រទេសជប៉ុន កាលពីខែឧសភា ឆ្នាំ២០២៥ និងក្នុងកិច្ចប្រជុំរដ្ឋមន្ត្រីការបរទេសអាស៊ាន លើកទី៥៨ និងកិច្ចប្រជុំពាក់ព័ន្ធ នៅទីក្រុងគូឡាឡាំពួ ប្រទេសម៉ាឡេស៊ី។

On the morning of 25 September 2025, His Excellency Deputy Prime Minister PRAK Sokhonn, Minister of Foreign Affairs and International Cooperation, held a pull-aside meeting with His Excellency IWAYA Takeshi, Minister of Japan, on the occasions of the General Debate of the 80th Session of the United Nations General Assembly in New York, United States of America.

It was a pleasure for the two foreign ministers to meet again, and they took the opportunity to exchange heartfelt best wishes with each other, reminiscing on their previous two productive meetings during the Official Working Visit of Samdech Moha Borvor Thipadei Hun Manet to Japan in May 2025 and at the 58th ASEAN Foreign Ministers' Meeting and Related Meetings in July in Kuala Lumpur, Malaysia.

🇰🇭🇯🇵

25/09/2025

សេចក្តីប្រកាសព័ត៌មាន
លោកជំទាវ ឧត្តមសេនីយ៍ឯក ម៉ាលី សុជាតា អ្នកនាំពាក្យក្រសួងការពារជាតិ នៃព្រះរាជាណាចក្រកម្ពុជា៖

ក្រសួងការពារជាតិ នៃព្រះរាជាណាចក្រកម្ពុជា សូមជម្រាបជូនព័ត៌មានដល់សាធារណជនជាតិ និងអន្តរជាតិមេត្តាជ្រាបថា៖ នៅព្រឹកថ្ងៃទី២៥ ខែកញ្ញា ឆ្នាំ២០២៥ មានផេកផ្លូវការរបស់កងទ័ពជើងគោកថៃ និងសារព័ត៌មានរបស់ថៃមួយចំនួនបានចុះផ្សាយថា “កម្ពុជាបង្កហេតុពេញមួយយប់នៅតំបន់យោធភូមិ ភាគទី២” ដោយឮសម្លេងកាំភ្លើង, សម្លេងផ្ទុះគ្រាប់បែក, រកឃើញការចូលជិតលួសបន្លាហើយការបាញ់ ដើម្បីពិនិត្យមើលរយៈចម្ងាយ។

ក្រសួងការពារជាតិ នៃព្រះរាជាណាចក្រកម្ពុជា សូមស្រាយបំភ្លឺថា៖ កងកម្លាំងរបស់កម្ពុជាមិនបានបង្កហេតុ ឬធ្វើសកម្មភាពណាមួយ ដែលរំលោភបំពានលើកិច្ចព្រម ព្រៀងបទឈប់បាញ់ ដូចការលើកឡើងរបស់ភាគីថៃឡើយ។

កងកម្លាំងរបស់កម្ពុជា សូមបញ្ជាក់សាជាថ្មីនូវការប្តេជ្ញាចិត្តយ៉ាងពេញលេញ ចំពោះការគោរព និងអនុវត្តនូវកិច្ចព្រមព្រៀងនៃបទឈប់បាញ់រវាងយោធាកម្ពុជា និងយោធាថៃ បានយ៉ាងម៉ឺងម៉ាត់ និងខ្ជាប់ខ្ជួនបំផុត ជាមួយនឹងស្មារតីនៃការប្តេជ្ញាចិត្តក្នុងការសហការគ្នានៅគ្រប់កម្រិត កម្ពុជាតែងតែរក្សានូវកិច្ចសហការល្អជាមួយគ្នា។ ក្នុងនោះផងដែរ ក្រុមទំនាក់ទំនងរវាងកម្ពុជា-ថៃ នៅជួរមុខ គឺបានធ្វើការជាមួយគ្នាជាប់ជាប្រចាំ តាមរយៈការផ្តល់ព័ត៌មាន ឬការបញ្ជាក់គ្នាទៅវិញទៅមក ដើម្បចៀសវាងការភាន់ច្រឡំ ឬការបង្កភាពតានតឹងណាមួយដែលមិនចាំបាច់។

25/09/2025

កម្រងរូបភាពអនុស្សាវរីយ៍ បេសកកម្មព្រំដែននៃក្រុមការងារអង្គភាពសារពត៌មានBBN ដឹកនាំដោយលោក ហួត សម្បត្តិ និពន្ធនាយកBBN ទាំង៩លើក ក្នុងស្មារតី មហាសាមគ្គីគ្រួសារខ្មែរ សមរភូមិក្រោយផ្សាភ្ជាប់សមរភូមិមុខ។
យើងជឿតជាក់លើរាជរដ្ឋាភិបាលកម្ពុជា!❤️🇰🇭❤️
078 818988

25/09/2025

Breaking News! កងទ័ពថៃ បាញ់កាំភ្លើង៤លើក ក្នុងដីខ្លួន ចាប់ពីម៉ោង២ដល់ម៉ោង៧ ព្រឹកថ្ងៃទី២៥ ខែកញ្ញា នេះ។

25/09/2025

ក្រសួងការបរទេសកម្ពុជាបើកប្រជុំជាមួយបណ្ដាស្ថានទូតនានាប្រចាំកម្ពុជា និងតំណាងទីភ្នាក់ងារអង្គការសហប្រជាជាតិពន្យល់អំពីការវិវត្តចុងក្រោយ នៃសភាពការណ៍ព្រំដែនកម្ពុជា-ថៃ។

25/09/2025

ហុងកុងបើកឡើងវិញ ក្រោយព្យុះស៊ីក្លូនខ្លាំងបំផុតរបស់ពិភពលោកវាយប្រហារ

ចិនហុងកុង ៖ ហុងកុងបានបន្តជើងហោះហើរចេញពីអាកាសយានដ្ឋានអន្តរជាតិរបស់ខ្លួននៅថ្ងៃទី ២៥ ខែកញ្ញា បន្ទាប់ពីការផ្អាករយៈពេល ៣៦ ម៉ោង ដោយបានបើកឡើងវិញនូវអាជីវកម្ម សេវាកម្មដឹកជញ្ជូន និងសាលារៀនមួយចំនួន បន្ទាប់ពីព្យុះស៊ីក្លូនត្រូពិចដ៏មានឥទ្ធិពលបំផុតរបស់ពិភពលោកក្នុងឆ្នាំ ២០២៥ បានវាយប្រហារមជ្ឈមណ្ឌលហិរញ្ញវត្ថុមួយនេះ។

ព្យុះ Ragasa បានធ្វើឲ្យទីក្រុងដែលមានប្រជាជនយ៉ាងច្រើនក្រាស់ក្រែលនេះជាប់គាំងតាំងពីរសៀលថ្ងៃទី ២៣ ខែកញ្ញា បន្ទាប់ពីបានបោកបក់ឆ្លងកាត់ភាគខាងជើងប្រទេសហ្វីលីពីន និងកោះតៃវ៉ាន់ កន្លែងដែលវាបានសម្លាប់មនុស្ស ១៤ នាក់ មុនពេលបោកបកលើទីក្រុង Yangjiang ភាគខាងត្បូងប្រទេសចិនកាលពីថ្ងៃទី ២៤ ខែកញ្ញា។

មនុស្សជាង ១០០ នាក់បានរងរបួសនៅក្នុងទីក្រុងហុងកុង កន្លែងដែលអាជ្ញាធរបានដាក់សញ្ញាព្រមានអំពីព្យុះទីហ្វុងដល់ខ្ពស់បំផុត ១០ សម្រាប់ថ្ងៃទី ២៤ ខែកញ្ញា។

កាលពីថ្ងៃទី ២៥ ខែកញ្ញា ក្រុមសង្កេតការណ៍បានរក្សាសញ្ញានៃព្យុះទីហ្វុងទាបបំផុតទី ៣ ដោយរក្សាការបិទទ្វារសាលាមត្តេយ្យ និងសាលារៀនមួយចំនួន ខណៈដែលព្យុះ Ragasa បានងាកចេញឆ្ងាយពីទីក្រុងហុងកុង ហើយបានថមថយទៅជាព្យុះត្រូពិចវិញ។

រលកដ៏ធំបានបោកបក់លើតំបន់ច្រាំងសមុទ្រភាគខាងកើត និងខាងត្បូងនៃទីក្រុងហុងកុងកាលពីថ្ងៃទី ២៣ ខែកញ្ញា ដោយទឹកជំនន់បានពន្លិចផ្លូវ និងលំនៅឋានមួយចំនួន។

ទឹកសមុទ្របានហក់ឡើងពេញសណ្ឋាគារ Fullerton នៅភាគខាងត្បូងនៃកោះ ដោយធ្វើឱ្យទ្វារកញ្ចក់បែកខ្ទេចខ្ទី និងជន់លិចកន្លែងទទួលភ្ញៀវ។ គ្មានអ្នករងរបួសត្រូវបានរាយការណ៍ទេ ហើយសណ្ឋាគារបាននិយាយថា សេវាកម្មបានដំណើរការដូចធម្មតា។

អាជ្ញាធរអាកាសយានដ្ឋានហុងកុងបាននិយាយថា ក្រុមហ៊ុនអាកាសចរណ៍នឹងចាប់ផ្តើមជើងហោះហើរឡើងវិញជាបណ្តើរៗចាប់ពីម៉ោង ៦ ព្រឹក ថ្ងៃទី ២៥ ខែកញ្ញា ដោយផ្លូវរត់ទាំងបីដំណើរការដំណាលគ្នាតែម្តង។

អាជ្ញាធរនេះបាននិយាយថា «គេរំពឹងថាជើងហោះហើរនឹងត្រូវកំណត់រហូតដល់យប់ជ្រៅនៅថ្ងៃស្អែក ដោយរ៉ាប់រងជើងហោះហើរជាង ១.០០០ នៅកម្រិតធម្មតា»ដោយបន្ថែមថា ខ្លួនរំពឹងថាប្រតិបត្តិការព្រលានយន្តហោះនឹងមានភាពមមាញឹកនៅថ្ងៃទី ២៥ ខែកញ្ញានិងថ្ងៃទី ២៦ ខែកញ្ញាស្អែក។

អាជ្ញាធរបាននិយាយថា ពួកគេកំពុងជួសជុលជាបន្ទាន់នូវផ្លូវដែលបាក់រលំ ដោយព្យាយាមឈូសឆាយដើមឈើរលំជាង ១.០០០ ដើម និងឆ្លើយតបនឹងគ្រោះទឹកជំនន់ប្រមាណ ៨៥ ករណី៕(ប្រែសម្រួលដោយ ពិសិដ្ឋ សំណាង)

25/09/2025

សេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិ នៃព្រះរាជាណាចក្រកម្ពុជា។
Statement of the Ministry of Foreign Affairs and International Cooperation of The Kingdom of Cambodia

25/09/2025

នៅរសៀលថ្ងៃទី២៤ ខែកញ្ញា ឆ្នាំ២០២៥ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ បានអញ្ជើញជួបប្រជុំការងារទ្វេភាគីជាមួយ ឯកឧត្តម Cho Hyun រដ្ឋមន្ត្រីការបរទេសសាធារណរដ្ឋកូរ៉េ ក្នុងឱកាសនៃការចូលរួមកិច្ចពិភាក្សាទូទៅនៃមហាសន្និបាតអង្គការសហប្រជាជាតិ លើកទី៨០ ក្នុងទីក្រុងញូវយ៉ក សហរដ្ឋអាម៉េរិក។
On the evening of 24 September 2025, His Excellency Deputy Prime Minister PRAK Sokhonn, Minister of Foreign Affairs and International Cooperation, held a bilateral Meeting with His Excellency Cho Hyun, Minister of Foreign Affairs of the Republic of Korea, on the margins of the General Debate of the 80th Session of the United Nations General Assembly in New York, United States of America.

🇰🇭🇰🇷

Bbn-Share Videos

28/09/2025

26/09/2025

26/09/2025

25/09/2025

25/09/2025

25/09/2025

25/09/2025

25/09/2025

25/09/2025

25/09/2025

25/09/2025

25/09/2025

Address

Telephone

Website

Alerts

Contact The Business

Shortcuts

Share

Category