18/10/2025
☁️ឈុតដកស្រង់ x តួអង្គ☁️
កាស្ហេន x អាម៉ាយ៉ា
-----------------------------------
[...} រដូវផ្ការីកកាលពី២ឆ្នាំមុន វាជាពេលវេលាដែលខ្ញុំនឹកស្មានមិនដល់ មិនអាចគ្រប់គ្រងស្ថានការណ៍បាន ក្លាយជាមនុស្សកំសាក ធ្វើខុសនឹងឧត្ដមគតិរបស់ខ្លួន ធ្វើខុសនឹងការពិត បិទភ្នែកធ្វើគធ្វើថ្លង់ព្រមទទួលពិធីមង្គលការទាន់ហន់មួយពីមិត្ដសម្លាញ់តែម្នាក់គត់របស់ខ្ញុំ ហ្វើដេរិក អាល់ម៉ូរៀរ៍។ ពិធីមង្គលការមួយប្រព្រឹត្ដិទៅដោយការមិនពេញចិត្ដរវាងនាងនិងខ្ញុំ វាបានកើតឡើងហើយ ក៏មិនអាចក្រែប្រែបានដែរ មនុស្សស្រីម្នាក់ដែលខ្ញុំស្អប់ ខ្ពើមរអើមបែរក្លាយជាមនុស្សស្រីដែលគួរឱ្យអាណិត ត្រូវព្រាត់ប្រាសគ្រួសារដោយស្នាដៃគ្រួសាររបស់ខ្ញុំផ្ទាល់ ខ្ញុំមិនដែលគិតនោះទេថារវាងយើងទំាំងពីរនឹងអាចចុះសម្រុងគ្នាបាន តែខ្ញុំបានសន្យានឹងហ្វើដេរិករួចហើយ ខ្ញុំនឹងជួយឃុំគ្រងសុវត្ថិភាពរបស់នាងរហូតដល់បញ្ហាវាសាបរលាបដោយខ្លួនឯង។ តែពាក្យសន្យាដែលខ្ញុំបានសន្យានឹងខ្លួនឯងបែរជាផ្ទុយស្រឡះពីការពិត មនុស្សស្រីដែលមានចិត្ដរឹងរូសដូចដែក ត្រជាក់ល្ហឹមដូចទឹក រឹងមាំ រឹងប៉ឹង មិនងាយចុះចាញ់នរណា...ខ្សែភ្នែករបស់នាងអាចបង្ហាញប្រាប់ខ្ញុំគ្រប់យ៉ាងថានាងខ្លាច ទោះជានាងស្ថិតនៅក្នុងស្ថានភាពមិនគួរឱ្យបារម្ភមួយក៏ដោយ នាងជាមនុស្សពិបាកយល់ ពិបាកស្មានជម្រៅចិត្ដ តែចំណុចលេចធ្លោទំាងអស់នេះ វាធ្វើឱ្យខ្ញុំប្រែប្រួល ប្រែពីភាពស្អប់ខ្ពើម ក្លាយជាភាពហួងហែង ប្រែពីមនុស្សក្អេងក្អាង ក្លាយជាទាសករង់ចាំក្ដីអាណិតពីនាង។ ខ្ញុំស្រឡាញ់នាង...ស្រឡាញ់តំាំងពីថ្ងៃដែលយើងជួបគ្នាដំបូង ខ្ញុំសំអាងលេសការពារនាងរៀបការជាមួយនាងដើម្បីជួយនាងឱ្យផុតពីគ្រោះថ្នាក់មកបិទបាំងអារម្មណ៍ពិត វាប្រហែលជាព្រហ្មលិខិត ដែលមិនអាចប្រឆំាងបាន គ្រួសាររបស់ខ្ញុំធ្វើខុសចំពោះនាងច្រើនពេកហើយ វាគួរតែដល់ពេលដែលខ្ញុំត្រូវសងនាង ហើយខ្ញុំក៏ពេញចិត្ដនឹងសង មិនថាជាជីវិតដែលខ្ញុំមានក៏ដោយ។ បើសិនជាថ្ងៃក្រោយមានរឿងកើតឡើងអាក្រក់យ៉ាងណាក៏ដោយ សុំឱ្យក្ដីស្រឡាញ់របស់បងគឺជាស្ពាន ភាពព្រួយបារម្ភគឺជាអ្នកនាំផ្លូវឱ្យអូនគេចផុតពីគ្រោះថ្នាក់នានា លើកលែងទោសឱ្យបង បើសិនជាបងធ្វើឱ្យឈឺចាប់...
កាស្ហេន ស្ហើរ៉ាហ្វ
-----------------------------------------
រឿង ស្រមោលសួគ៌បង្វែងនរកស្នេហ៍
និពន្ធដោយ៖ រ៉ូសម៉ាលី
កំពុងបើកកក់ (ចាប់ពីថ្ងៃទី១២ ខែតុលា ដល់ថ្ងៃទី០២ ខែវិច្ឆិកា ឆ្នាំ២០២៥)
#ស្រមោលសួគ៌បង្វែងនរកស្នេហ៍
#អ្នកនិពន្ធរ៉ូសម៉ាលី
#មនោសញ្ចេតនាដែលអ្នកមិនអាចបំភ្លេច
