https://www.facebook.com/257761364078810/

Today's News, Phnom Penh (2026)

22/05/2026

I got over 10 reactions on one of my posts last week! Thanks everyone for your support! 🎉

09/01/2026

ថ្នាក់ដឹកនាំខេត្តឧត្តរមានជ័យ នាំក្រុម AOT មើលផលប៉ះពាល់ដែលយោធាថៃវាយប្រហារ និងរាយបន្លាលួសលើទឹកដីកម្ពុជាតំបន់សំខាន់ៗ
_
លោក មាន ចាន់យ៉ាដា អភិបាលខេត្តឧត្តរមានជ័យ នៅថ្ងៃទី៨ ខែមករា បានដឹកនាំក្រុមការងារចូលរួមជាមួយក្រុមអង្កេតការណ៍អាស៊ាន AOT ដើម្បីពិនិត្យផលប៉ះពាល់ដែលកម្លាំងយោធាថៃវាយប្រហារ និងរាយបន្លាលួសចូលមកលើច្រកអន្តរជាតិអូរស្មាច់។

លោកអភិបាលខេត្តបានលើកឡើងថា បន្ទាប់ពីមានការរំលោភបំពានយ៉ាងធ្ងន់ធ្ងរ ពីកងកម្លាំងយោធាថៃ ដែលបានប្រើប្រាស់អាវុធធុនធ្ងន់ ផ្លោងចូលមកក្នុងភូមិសាស្ត្រទឹកដីកម្ពុជា ដែលបង្កឱ្យមានការខូចខាតហេដ្ឋារចនាសម្ព័ន្ធ ក៏ដូចជាផ្ទះសម្បែង និងទ្រព្យសម្បត្តិប្រជាពលរដ្ឋយ៉ាងច្រើនសន្ធឹក នៅព្រឹកថ្ងៃទី៨ ខែមករា លោកបានដឹកនាំក្រុមការងារចូលរួមជាមួយក្រុម AOT ដើម្បីពិនិត្យផលប៉ះពាល់ ដែលទាហានថៃវាយប្រហារមកលើច្រកអន្តរជាតិអូរស្មាច់ សង្កាត់អូរស្មាច់ ក្រុងសំរោង ខេត្តឧត្ដរមានជ័យ។

គួរជម្រាបថា ក្រុមអង្កេតការណ៍អាស៊ាន AOT ថ្មីៗនេះ ក៏បានចុះពិនិត្យផលប៉ះពាល់នៅស្ពានអូរជីក ដែលរងការខូចខាត ដោយសារយោធាសៀមឈ្លានពាន ប្រើយន្តហោះF-16 ទម្លាក់គ្រាប់បែក នៅស្រុកចុងកាល់ ខេត្តឧត្ដរមានជ័យ ព្រំប្រទល់ស្រុកស្រីស្នំ ខេត្តសៀមរាប កាលពីពេលកន្លងទៅ។

សូមរំលឹកជូនផងដែរថា នៅក្នុងសង្រ្គាមថៃឈ្លានពាន មកលើអធិបតេយ្យកម្ពុជាទាំងពីរលើក នៅខេត្តឧត្ដរមានជ័យ ជាសមរភូមិដ៏ក្តៅគគុកបំផុតមួយ ចំណោមខេត្តជាប់ព្រំដែនជាមួយប្រទេសថៃ ដែលយោធាថៃវាយប្រហារទាំងកំរោល យ៉ាងគឃ្លើន បណ្តាឲ្យមានជនស៊ីវិលស្លាប់ និងជនភៀសខ្លួនរាប់សែននាក់ ខណៈយោធាថៃក៏ប្រើយន្តចម្បាំង F-16 ទម្លាក់គ្រាប់បំផ្លិចបំផ្លាញហេដ្ឋារចនាសម្ព័ន្ធ សាលារៀន មន្ទីរពេទ្យ វត្តអារាមជាច្រើនទីតាំង និងបានចូលលួចទ្រព្យសម្បត្តិប្រជាពលរដ្ឋជាបន្តបន្ទាប់ផងដែរ៕
Facebook (8 tags):
#ព័ត៌មានឧត្តរមានជ័យ #ព័ត៌មានជាតិ

08/01/2026

ប្រធានាធិបតីប្រទេសមហាអំណាច ដកខ្លួនបចេញពីអង្គការអន្តរជាតិចំនួន ៦៦ ក្រោមហេតុផលផ្ទុយពីប្រយោជន៍ជាតិ
_____
ប្រធានាធិបតី ដូណាល់ ត្រាំ បានចុះហត្ថលេខាលើសេចក្តីប្រកាស ដកសហរដ្ឋអាមេរិកចេញពីស្ថាប័នក្រៅប្រព័ន្ធអង្គការសហប្រជាជាតិចំនួន ៣៥ និងស្ថាប័នចំណុះអង្គការសហប្រជាជាតិចំនួន ៣១ បន្ថែមទៀត ក្រោមហេតុផលថា ស្ថាប័នទាំងនោះ ធ្វើប្រតិបត្តិការផ្ទុយនឹងផលប្រយោជន៍ជាតិរបស់សហរដ្ឋអាមេរិក។ នេះបើតាមសារព័ត៌មាន Reuters ចេញផ្សាយ។

យោងតាមសេតវិមានអាមេរិក បានបញ្ជាក់ក្នុងសេចក្តីថ្លែងការណ៍មួយថា កាលពីថ្ងៃពុធ ទី៧ ខែមករាថា អង្គការ ឬស្ថាប័នទាំងនោះរួមមាន វេទិកាប្រឆាំងភេរវកម្មសកល (Global Counterterrorism Forum), វេទិកាថាមពលអន្តរជាតិ (International Energy Forum), មូលនិធិកសាងសន្តិភាពរបស់អង្គការសហប្រជាជាតិ (UN Peacebuilding Fund) និងមជ្ឈមណ្ឌលពាណិជ្ជកម្មអន្តរជាតិរបស់អង្គការសហប្រជាជាតិ (UN International Trade Centre)។

សេចក្តីប្រកាសព័ត៌មានដដែលបានលើកឡើងថា អង្គការទាំងនេះបានជំរុញគោលនយោបាយអាកាសធាតុជ្រុលនិយម អភិបាលកិច្ចសកល និងកម្មវិធីមនោគមវិជ្ជា ដែលប៉ះពាល់ដល់អធិបតេយ្យភាព និងភាពរឹងមាំនៃសេដ្ឋកិច្ចរបស់សហរដ្ឋអាមេរិក។

បើតាមសេតវិមាន ចំណាត់ការនេះ គឺជាលទ្ធផលនៃការត្រួតពិនិត្យឡើងវិញនូវរាល់អង្គការអន្តររដ្ឋាភិបាល អនុសញ្ញា និងសន្ធិសញ្ញាអន្តរជាតិទាំងអស់ ដែលសហរដ្ឋអាមេរិកជាសមាជិក ឬជាភាគីហត្ថលេខី។ សេតវិមានបានបន្តថា ការដកខ្លួនទាំងនេះ នឹងបញ្ឈប់ការប្រើប្រាស់ថវិកាដែលបានមកពីការប្រមូលពន្ធ និងការចូលរួមក្នុងស្ថាប័នទាំងឡាយណា ដែលលើកកម្ពស់របៀបវារៈសកលនិយម ជាជាងអាទិភាពរបស់សហរដ្ឋអាមេរិក ឬស្ថាប័នដែលដោះស្រាយបញ្ហាសំខាន់ៗ ដោយខ្វះប្រសិទ្ធភាព៕
Facebook: #ព័ត៌មានជាតិអន្តរជាតិ #ប្រធានាធិបតីអាមេរិក #អង្គការអន្តរជាតិ #ព័ត៌មានកម្ពុជា

Address

Phnom Penh

Telephone

+85587744661

Website

facebook.com

Alerts

Be the first to know and let us send you an email when Today's News posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Today's News:

Today's News

22/05/2026

09/01/2026

08/01/2026

Address

Telephone

Website

Alerts

Contact The Business

Shortcuts

Share

Category

Listing takedown request