04/11/2025
ប្រយោគមួយគេបាននិយាយថា ឱ្យត្រីគេបរិភោគអស់ក្នុងពេលមួយថ្ងៃ បើបង្រៀនឱ្យចេះស្ទូចត្រី គេអាចរស់ដោយខ្លួនឯង។ ខ្ញុំយល់ថាឃ្លានេះកើតឡើងយូរមកហើយ វាមានចន្លោះខ្វះខាតច្រើន។ ខ្វះខាតត្រង់ថាចេះស្ទូចត្រីមិនអាចរស់រហូតបានទេ មនុស្សអាចរស់បានរហូត លុះត្រាតែមានផ្នត់គំនិតចង់រស់នៅដោយខ្លួនឯង និងធ្វើឱ្យខ្លួនឯងរស់នៅដោយឯករាជ្យ។ មានន័យថា មនុស្សមានត្រឹមតែជំនាញមិនគ្រប់គ្រាន់ ត្រូវចេះអភិវឌ្ឍជំនាញឱ្យត្រូវតាមសម័យកាលទើបអាចរស់បានរហូត។
ឱ្យត្រី មានន័យថា យើងមានសណ្តានចិត្តល្អ ដូចដាក់ទានឱ្យអ្នកសុំទាន។ ការដាក់ទានបានហុចផលវិជ្ជមាននិងអវិជ្ជមានអ្វីខ្លះ? ថ្វីដ្បិតធ្វើបុណ្យ ប៉ុន្តែបង្កើតមនុស្សខ្ជិលច្រើន លើកលែងតែបុគ្គលគ្មានសមត្ថភាពរស់ដោយខ្លួនឯងដូចជាជនពិការ ចាស់ជរា និងមនុស្សបាត់បង់សតិ។ អ្នកសុំទានខ្លះមានអវៈយវៈគ្រប់គ្រាន់ មានកម្លាំងអាចធ្វើការ ប៉ុន្តែខ្ជិល ទើបសុំទានគេ ព្រោះបានលុយស្រួល។ បង្រៀនឱ្យចេះស្ទូចត្រី មានន័យថា ផ្តល់ជំនាញ និងវិជ្ជាជីវៈដល់បុគ្គល ដែលជួយក្នុងគោលដៅចង់ឃើញពួកគេរស់ដោយខ្លួនឯង។ បណ្តាំក្រុមង៉ុយក៏បង្ហាញថា ចេះប្រាកដប្រាក់រត់តាមហៅ។ បើបង្រៀនឱ្យចេះស្ទូចត្រី យើងត្រូវច្បាស់ក្នុងចិត្តថាទឹកមិនរីង។
-------------------------
តម្លៃ៖ ៤០,០០០៛
Telegram: https://t.me/businessrecord2022
📖សៀវភៅជួយខ្លួនឯង
