បក្សស្មូម

08/08/2025

Cambodia’s prime minister said he has nominated US President Donald Trump for the Nobel Peace Prize, lauding his “extraordinary statesmanship” in halting a border conflict between Cambodia and Thailand. https://cnn.it/4ln7WYW

07/08/2025

#ឥទ្ធិពលមួយនៃទម្លាប់ក្នុងការសម្រេចចិត្ត

មានរឿងរ៉ាវជាច្រើននៃបញ្ហាក្នុងជីវិតសព្វថ្ងៃដែលកំពុងតែធ្វើឲ្យយើងពិបាកសម្រេចចិត្ត ហើយក៏ត្រូវបានទទួលគំនិតពីមនុស្សដែលមានបទពិសោធន៍ជាច្រើនដើម្បីដើរតាមគម្រូគេលើការសម្រេចចិត្តរបស់ខ្លួន។ អ្វីដែលយើងនឹងកំពុងវង្វេងនោះ គឺអ្នកផ្ដល់យោបល់ទាំងនោះមិនមែនជាយើង អ្នកដែលទទួលនូវការពិតនៃចិត្ត និងជីវិតទាំងនោះនៅតែជាយើង ហើយការជួបជាមួយក្ដីសណ្ដោសទាំងនោះ ឬស្ថានភាពទាំងនោះមានតែយើងទេដែលយល់ច្បាស់ជាងនណាៗទាំងអស់។

#ស្នេហា

នៅសិក្ខាសាលាមួយដែលនិយាយអប់រំផ្លូវចិត្តក្នុងស្រទាប់យុវវ័យ! វាគ្មិនបានលើកនូវសំណួរមួយចោទជាបញ្ហា៖ «ដើម្បីផ្ដល់ភាពល្អមួយជូនជីវិតតើយើងគួរតែជ្រើសរើសមនុស្សដែលស្រលាញ់យើង ឬគួរជ្រើសរើសមនុស្សដែលយើងព្យាយាមស្រលាញ់គេ?»។ ការបកស្រាយលើកហេតុផល បទពិសោធន៍ជួបប្រទះជាច្រើន និងសុភមង្គលរបស់វាគ្មិនបានបង្ហាញថាការដែលព្រមទទួលយកមនុស្សដែលស្រលាញ់យើង គឺនឹងផ្ដល់ភាពភាពត្រឹមត្រូវច្រើនជាការចាប់យកមនុស្សដែលយើងស្រលាញ់គេ។ ក្រោយពេលបញ្ចប់ នារីម្នាក់បានប្រាប់ទៅបុរសដែលតាមស្រលាញ់ខ្លួនជាយូរមកហើយនោះថាព្រមទទួលគេ! ខណៈដែលគេក៏កំពុងតែបានប្រាប់ទៅនារីផ្សេងម្នាក់ទៀតដែលធ្លាប់តាមស្រលាញ់គេដូចគ្នា! ព្រោះមិនបានដឹងថាបុរសម្នាក់ដែលតាមស្រលាញ់ខ្លួនម្នាក់នោះបានចូលស្ដាប់សិក្ខាសាលាជាមួយគ្នា។

👉ទីបំផុតនៅតែខុស! ព្រោះស្ថានភាពនៃការបង្កើតសុភមង្គលរបស់វាគ្មិនវាខុសពីយើង! កាលៈទេសៈនៃអ្នកផ្ដល់យោបល់ឲ្យយើងវាផ្សេងពីយើង! ចិត្តរបស់អ្នកណែនាំវាមិនដូចយើង! គ្រប់យ៉ាងនៃហេតុផលរបស់អ្នកបង្ហាញយើង វាខុសស្រលះពីហេតុផលដែលយើងជួបប្រទះ!

▶️ចងចាំណាគ្រប់ហេតុផលរបស់បេះដូង ទុកឲ្យបេះដូងជាអ្នកសម្រេចចិត្ត! ព្រោះបើសិនជាមានកំហុសនោះអ្នកនឹងមិនត្រឹមតែស្អប់ខ្លួនឯងប៉ុណ្ណោះទេ! តែគឺស្អប់ដោយទាំងអ្នកដែលប្រឹក្សាផងដែរ។

👉ចុះអ្វីជាសត្រូវនៃការជ្រើសរើស?

▶️នោះគឺភាពស្ទាក់ស្ទើរ! មនុស្សដែលស្ទាក់ស្ទើរមិនចំពោះកិច្ចការអ្វីឡើយតែងតែគ្មានការរីកចម្រើន គ្មានការវិវត្តន៍ គ្មានបទពិសោធន៍ពិតប្រាកដណាមួយឡើយ! នៅពេលដែលចិត្តស្ទាក់ស្ទើរបានមកដឹកមុខអ្វីដែលអ្នកខាតគឺពេលវេលា អ្វីដែលអ្នកគ្មានគឺបទពិសោធន៍ អ្វីដែលអ្នកមិនអាចទទួលបានក្នុងជីវិត គឺការទទួលខុសត្រូវលើការសម្រេចចិត្តរបស់ខ្លួន!

👉ខុសឲ្យដឹងខុស! ត្រូវឲ្យដឹងត្រូវ! បរាជ័យឲ្យដឹងបរាជ័យ! ជោគជ័យឲ្យដឹងថាវាជោគជ័យ! ទើបអ្នកកាន់តែស្គាល់ កាន់តែយល់ច្បាស់នូវប្រភេទបញ្ហាថាអាចកែប្រែបាន ជួសជុលបាន ឬក៏លក់ចោលដើម្បីទិញថ្មី! ហើយកុំខ្វល់ថាខ្លួនបាត់តម្លៃ ព្រោះសម័យកាលវាមិនដូចពីមុនទៀតទេ អ្វីក៏ដោយឲ្យតែមានគុណភាពល្អ មិនបាច់ស្រោបស្លាកក្លែងក្លាយសុទ្ធតែមានតម្លៃពិតប្រាកដរបស់វា។

▶️មនុស្សក៏ដូច្នោះដែរបើសិនជាមនុស្សល្អពិតប្រាកដមិនបាច់ស្រោបមាសក៏នៅតែមានតម្លៃរបស់មនុស្សក្នុងភ្នែកអ្នកដទៃដែរ! ហើយកុំបាច់ឆ្ងល់មនុស្សដែលមិនស្គាល់តម្លៃមនុស្សក្នុងជីវិត! គេតែងតែទិញបានរបស់ដែលស្រោមស្អាតតែក្នុងរលួយ គេមិនសូវទទួលបានអ្វីដែលល្អដូចជាយើងឡើយ។

⏩អ្វីក៏ដោយឲ្យតែរបស់ល្អវាមិនបានបាត់តម្លៃឡើយ! ច្រើនតែជោរបន្ថែមលើវាប៉ុណ្ណោះ ត្រង់ថាគេបន្ថោកតម្លៃហើយក៏ទៅធ្វើខ្លួនឲ្យកាន់តែថោកតាមពាក្យគេ!

✅អ្នកអាចសម្គាល់បាន៖ «ភាគច្រើននៃមនុស្សដែលមានគូទោះជាបាត់បង់មនុស្សដំបូងនៅតែជួបមនុស្សល្អ ហើយកាន់តែល្អទៅៗជាលំដាប់! តែអ្នកដែលគ្មានគូនៅតែគ្មានគូដដែល! មិនមែនមកពីគូគេមិនទាន់ដល់ទេ តែគេគ្មានសមត្ថភាពដែលដឹកនាំជីវិតគេឲ្យទទូលខុសត្រូវលើការសម្រេចចិត្តដោយភាពស្ទាក់ស្ទើរ»

#ឱកាស

ធ្លាប់គិតទេថាយើងនឹងហ៊ានប្រឡងប្រជែង ឬចាប់យកគោលដៅមួយដែលល្អសម្រាប់ជីវិត?

ក្នុងការប្រឡងរកមន្ត្រីផ្លូវរដ្ឋរបស់ក្រសួងមួយដែលយើងមិនបានរៀនជំនាញទាំងនោះ ដោយសារតែយើងគិតថាប្រហែលជាមិនមានសមត្ថភាពដល់ក្រុមនិស្សិតដែលរៀនជំនាញទាំងនោះ ទើបយើងមិនហ៊ានដាក់ពាក្យចូល! ខណៈដែលមិត្តភក្តិដែលរៀនជាមួយយើងតែជានិស្សិតបាតតារាងគេប្រឡងជាប់។

▶️តាមពិតទៅអ្វីដែលយើងកំពុងចែកមិនដាច់នោះគឺភាពសង្ស័យ! យើងមិនហ៊ានចាប់យកជម្រើសមួយសម្រាប់ជីវិតព្រោះខ្លាចខ្មាសគេ! យើងមិនដែលទទួលបានឱកាសដោយហេតុផលកិត្តិយសជាងហេតុផលទទួលខុសត្រូវ!

👉ធ្វើជាមនុស្សរស់ធ្វើអី បើចង់រក្សាកិត្តិយសតែមិនទទួលខុសត្រូវ?

👆កិត្តិយសរបស់មនុស្សដែលធំធេងបំផុតគឺការហ៊ានទទួលខុសត្រូវលើវាសនារបស់ខ្លួន! បរាជ័យទទួលថាបរាជ័យ! ជោគជ័យគឺទទួលថាជោគជ័យ! ស្រលាញ់ហ៊ានសារភាពថាស្រលាញ់ និងទទួលខុសត្រូវលើចម្លើយនៃការស្រលាញ់នោះ!

ជីវិតមនុស្សត្បិតថាដើរដល់ដំណាក់កាលមួយដែលយល់ពីខ្លួនប្រាកដមែន! តែក៏មិនមែនយល់ថាខ្លួនគ្មានសមត្ថភាពហើយ ក៏បោះបង់ឱកាសមួយសម្រាប់ជីវិតដែរ!

👉ព្រោះការស្គាល់ខ្លួនឯងពិតប្រាកដគឺមិនមែនឲ្យយើងឈប់ប្រជែងទេ! តែត្រូវធ្វើឲ្យខ្លួនឯងប្រសើរជាងម្សិលមិញ!
👉ការស្គាល់ខ្លួនឯងមិនមែនមានន័យថាឲ្យយើងគួរអៀនខ្មាសនូវអ្វីដែលយើងបរាជ័យនោះទេ! តែឲ្យយើងត្រូវតែដើរចេញពីភាពបរាជ័យនោះ!
👉ការស្គាល់ខ្លួនឯងក៏មិនបានន័យថាឲ្យយើងបញ្ឈប់គ្រប់យ៉ាងឡើយ! តែឲ្យយើងត្រូវតែរកភាពសក្តិសមមួយថ្មីសម្រាប់ខ្លួនឯង!

▶️កុំទម្លាប់បរាជ័យមុនពេលប្រជែង! តែត្រូវប្រជែងដើម្បីដឹងថាការបរាជ័យរបស់យើងអាចបន្តជាមួយគោលដៅនោះឬទេ? ឲ្យយើងស្គាល់ថាបើវាមិនសក្តិសមនឹងយើង យើងគួរតែប្រឹងប្រែងតាមចាប់វា ឬក៏ផ្លាសប្ដូរគោលដៅមួយនៃភាពជាខ្លួនឯង។

⏩អ្នកអាចមានសិទ្ធសង្ស័យថាអ្នកមិនអាចសម្រេចបាន! តែអ្នកគ្មានសិទ្ធបញ្ឈប់ឱកាសរបស់ជីវិតអ្នកដែលមកដល់ឡើយ។

#គម្រោងជីវិត

ភាគច្រើនយើងមិនព្រមសម្រេចចិត្តដោយសារមកពីគិតថាយើងមិនស្រលាញ់ ឬគ្មានសមត្ថភាពគ្រប់គ្រាន់ទើបយើងមិនដែលចាប់យកវា! ប៉ុន្តែយើងអាចបដិសេធបានចំពោះទេពកោសល្យរបស់យើងទេ?

ធ្វើជាមនុស្សម្នាក់បើអ្នករើសយកការស្រលាញ់ខ្ពស់ជាងទេពកោសល្យ នោះអ្នកប្រហែលជាអាត្មានិយមបន្តិចហើយ!

សិស្សមួយក្រុមកាលនៅរៀនមធ្យមសិក្សា មានទេពកោសល្យខាងតុបតែងខ្លួន ចាយលុយ អួតរបស់Brand ស៊ីត្រាវឥតល្ហែរ និងShareពត៌មានពីក្រុមតារាចម្រៀងកូរ៉េ! ដល់ពេលដែលចូលជំនាញនៅសាកលវិទ្យាល័យបែរជាសម្រេចចិត្តចាប់យកជំនាញវិស្វករខ្លះទៅ គ្រប់គ្រងខ្លះទៅ ស្ថាបត្យករខ្លះទៅ ពេទ្យខ្លះទៅ! ហេតុអ្វីក៏ត្រូវចូលរួមវិភាគទានបាបកម្មដល់សង្គមម្ល៉េះ?

👉ពេលទៅចុះស្តារមនុស្សកំពុងកើតទាចទឹកឲ្យគេខាំក្រណាត់ ជំទែងជើងប្រឹង!
👉ទៅស្តារសំណង់បានមួយថ្ងៃរលំសសរអស់ដប់! ប្រាប់ឲ្យជាងតខ្សែរភ្លើងលើអាកាសដើម្បីកុំឲ្យពេលឆ្លងចរន្តឆេះផ្ទះនៅខាងក្រោម!
👉គេឲ្យគូរូបសំណង់ស្តាតមួយជារូបសំបុកមាន់! ទៅគូចេញជាអក្សរBTS!
👉គ្រប់គ្រងការងារតាំងពីក្រុមហ៊ុនដំណើរការរហូតក្ស័យធន!

▶️សួរថាការសម្រេចចិត្តដែលសក្តិសមបំផុតសម្រាប់ជីវិតយើងវាជាអ្វី? បើយើងមានភាពជាខ្លួនឯងខុសស្រលះពីជំនាញទាំងនោះដែលយើងស្រលាញ់! ហេតុអ្វីក៏ទៅចាប់យករបស់ទាំងនោះ? ថ្វីត្បិតតែការសម្រេចចិត្តមួយអាចឲ្យអ្នកទទួលយកអ្វីមួយដែលអ្នករំពឹងមែន ចង់បង្កើតវាពិតមែន! តែក៏ត្រូវកំណត់នៃដំណើរការនោះដោយគម្រោងនៃជីវិត!

👆ទេពកោសល្យយើងអាចបណ្ដុះវាទៅតាមគម្រោងដែលយើងគិតថាស្រលាញ់ បើសិនជាចង់ចាប់យកគោលដៅដែលខ្លួនចង់បាននឹងស្រលាញ់ត្រូវដើរតាំងពីចំណុចដំបូងដែលពាក់ពន្ធជាមួយវា! ព្រោះនៅពេលដែលយើងបានត្រឹមតែស្រលាញ់ ហើយរង់ចាំដល់ពេលក៏សម្រេចចិត្តទទួលយកវានោះ វាក៏ក្លាយទៅជាភាពលែងសក្តិសមសម្រាប់ខ្លួនទៅវិញ!

⏩អ្វីៗមិនមែនសម្រេចចិត្តផ្អែកលើការស្រលាញ់ពេញចិត្តទាំងស្រុងទេសូម្បីតែចាប់យកមនុស្សដែលខ្លួនស្រលាញ់! តែត្រូវប្រាកដថាខ្លួនយើងបានបង្កើតវាជាមួយគ្រឹះដែលជាគម្រោងមួយដោយគិតថាយើងនឹងអាចចាប់យកវាបានផងដែរ។

👆ការលើកឡើងនៃចំណុចទាំងនេះ #ស្ទាក់ស្ទើរ #សង្ស័យ និង #ភាពគ្មានគម្រោង! វាជាចំណែកដ៏តូចមួយដែលអ្នកកំពុងតែមិនប្រាកដក្នុងការសម្រេចចិត្ត! ត្បិតអីមានរឿងរ៉ាវជាច្រើនខ្លះក៏តម្រូវឲ្យយើងស្ទាក់ស្ទើរ សង្ស័យ ឬគ្មានគម្រោងដូចគ្នា ប៉ុន្តែយើងក៏មិនគួរទម្លាប់ប្រើវាឲ្យជាប់ជីវិតផងដែរ ព្រោះកិច្ចការជាច្រើនវាតែងតែរលាយបាត់បង់ដោយសារតែវាទាំងអស់នេះ!

👉ឯគោលដៅសំខាន់បំផុតចំពោះជីវិតយើងនៃការសម្រេចចិត្តពិតប្រាកដនោះគឺ ការស្គាល់ខ្លួនឯង និងការទទួលខុសត្រូវលើការសម្រេចចិត្តនោះ! គ្រាន់តែបើយើងអាចបំបាត់ភាពស្ទាក់ស្ទើរចេញបានឆាប់រហ័សយើងក៏នឹងចំណេញពេលវាលាដើម្បីឲ្យខ្លួនរៀនចេះរៀបចំដោយល្អិតល្អន់ និងទទួលខុសត្រូវចំពោះវាសនារបស់ខ្លួនបានដោយល្អបំផុតជាមួយបទពិសោធន៍ជីវិត។

⏩អ្វីក៏ដោយសម្រេចចិត្តហើយ ត្រូវទទួលខុសត្រូវលើលទ្ធផលរបស់វា! ប្រសិនបើមួយជីវិតអ្នកមិនព្រមសម្រេចចិត្ត នោះអ្នកក៏នឹងត្រឹមតែជាក្មេងម្នាក់ មិនធំ មិនចាស់ទុំ មិនដឹងមិនយល់នូវកិច្ចការជាច្រើនទៀតនៃជីវិត៕

អត្ថបទបន្ថែម

មេបក្ស ស្មូម😈 ( #ប៉ាកកាបិសាច)

បក្សស្មូម​,​ 08​ -​ សីហា​ -​ 2019

06/08/2025

គេថាបើមានអ្នកលេងល្ខោន គួរតែមានអ្នកមើលល្ខោន តែខ្ញុំមិនចូលចិត្តមើលល្ខោនយូរពេកទេ!

06/08/2025

06/08/2025

អាហារដែលឆ្ងាញ់បំផុតក្រោមមេឃខ្ញុំនិពន្ធឡើងនៅឆ្នាំ2018
និទានម្ដងនៅឆ្នាំ2020 ហើយផលិតជាសាច់រឿងនៅឆ្នាំ2024 ដែលមានខ្លឹមសារប្រហែលនៃ70%លើអត្ថបទដើម!

ស្ដាប់ និងទស្សនាលេងៗទៅ💞🙏

06/08/2025

06/08/2025