09/09/2025
បណ្ឌិតសភាចារ្យ ហង់ជួន ណារ៉ុន ជំនួបសម្តែងការគួរសម និងបំពាក់គ្រឿងឥស្សរិយយសជូនលោក Lee D**g Sup ប្រធានស្ថាប័ន Kukkiwon
ភ្នំពេញ៖នាថ្ងៃទី៨ ខែកញ្ញា ឆ្នាំ២០២៥ លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងប្រធានខេមរសហព័ន្ធកីឡាតេក្វាន់ដូបានទទួលជួបសម្តែងការគួរសម និងបំពាក់គ្រឿងឥស្សរិយយសជូនលោក Lee D**g Sup ប្រធានស្ថាប័ន Kukkiwon “World Taekwondo Headquarter” ចំពោះការចូលរួមលើកកម្ពស់វិស័យតេក្វាន់ដូនៅកម្ពុជាដោយមានការចូលរួមពីសំណាក់លោក ប៉ុន សុខ អគ្គនាយកនៃអគ្គនាយកដ្ឋានកីឡា តំណាងស្ថានទូតសាធារណរដ្ឋកូរ៉េ និងសមាជិកគណៈកម្មាធិការប្រតិបត្តិខេមរសហព័ន្ធតេក្វាន់ដូនៅទីស្តីការក្រសួង ។
នាឱកាសនេះ លោកបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា និងប្រធានខេមរសហព័ន្ធកីឡាតេក្វាន់ដូបានទទួលស្វាគមន៍យ៉ាងកក់ក្តៅចំពោះការអញ្ជើញមកដល់កម្ពុជារបស់ លោកប្រធានស្ថាប័ន Kukkiwon លោក Lee D**g Sup និងលោកស្រី ព្រមទាំងបានកោតសរសើរ និងថ្លែងអំណរគុណយ៉ាងជ្រាលចំពោះការជួយគាំទ្រពីសំណាក់ស្ថាប័ន Kukkiwon ដែលជា World Taekwondo Headquarter ក្នុងការបង្កើតការិយាល័យនៅទីក្រុងភ្នំពេញ និងគាំទ្រដល់ការពង្រីកថ្នាក់តេក្វាន់ដូនៅកម្ពុជា ដោយគូសបញ្ជាក់ថាកីឡាតេក្វាន់ដូកំពុងទទួលបានការចាប់អារម្មណ៍ និងកាន់តែពេញនិយមខ្លាំងពីសំណាក់យុវជនកម្ពុជា។
#កីឡារស់ក្នុងសន្តិភាព
#បណ្ឌិតសភាចារ្យហង់ជួនណារ៉ុន
#ក្រសួងអប់រំយុវជននិងកីឡា
#កីឡាតេក្វាន់ដូ
