19/05/2025
#អ្វីទៅជាសម្ព័ន្ធឆ្ពោះទៅអនាគត..?
សម្ព័ន្ធឆ្ពោះទៅអនាគត( #មាន៤បក្សរួមគ្នា) វាសំខាន់សម្រាប់រាល់គណបក្សនយោបាយអ្នកប្រជាធិតេយ្យដែលប្រាថ្នាចង់បានលទ្ធិប្រជាធិបតេយ្យមួយដែលដំណើរការរស់រវើកនិងល្អនៅកម្ពុជា។ ក្នុងបំណងលើកស្ទួយការគោរពសិទ្ធិមនុស្ស, មិនឱ្យមានការរារាំង, ដាក់សម្ពាធ ជាមួយនឹងបញ្ហាផ្សេងៗដែលកើតមាននៅពេលដែលពលរដ្ឋធ្វើសកម្មភាពសង្គម នយោបាយ និងការងារបរិស្ថាន ហើយវាក៏ដើម្បីស្តាលទ្ធិប្រជាធិបតេយ្យពីឥឡូវនឹងទៅថ្ងៃអនាគតខាងមុខផង។ ម្យ៉ាងទៀត ក្នុងគោលដៅប្រកួតប្រជែងក្នុងការបោះឆ្នោតជាមួយគណកាន់អំណាច ដើម្បីយកអំណាចដឹកនាំប្រទេសតាមបែបប្រជាធិតេយ្យ។
ការចេញដំណើររបស់សម្ពន្ធឆ្ពោះទៅអនាគត ធ្វើឱ្យរង្គោះរង្គើ ដល់ឋានទេវតា ដោយហេតុថា នៅពេលនោះ មានការករកើតសម្ពន្ធភាព រវាងពី២៨ទៅ៣០បក្សផ្សេងទៀត។ វាហាក់ដូចជាយកសម្ពន្ធភាពនេះទប់ និង សម្ព័ន្ធឆ្ពោះទៅអនាគត(៤បក្សរួមគ្នា)អ៊ីចឹង។ ចំណែកឯ ឈ្មោះ សម្ព័ន្ធឆ្ពោះទៅអនាគត ហាក់បីដូចជា ទំនង់, ពេញចិត្តពេញថ្លើម, ពិរោះស្តាប់ និងធ្វើឱ្យមានក្តីសង្ឃឹមឡើងវិញ ពីបណ្តាបក្សអ្នកប្រជាធិតេយ្យ និង បណ្តាពលរដ្ឋអ្នកគាំទ្រផងដែរ។ ពីព្រោះថា បើនិយាយពីការរួបរួមគ្នា គេនឹងនឹកឃើញដល់ការរួបរួម រវាងបក្សសិទ្ធិមនុស្សនិងបក្សភ្លើងទៀនដែលឱ្យមានការគាំទ្រយ៉ាងខ្លាំង នៅអំឡុងឆ្នាំ២០១៣ និង ២០១៧ ដូច្នេះវាបានធ្វើឱ្យផ្អើលដល់ឋានទេវតារួចម្តងមកហើយ។ អាស្រ័យហេតុនេះ នៅពេលដែលសម្ព័ន្ធឆ្ពោះទៅអនាគតដំណើរការណ៍ល្អ និងមានភាពរឹងមាំ ព្រមជាមួយការគាំទ្រយ៉ាងច្រើន វានឹងធ្វើឱ្យឋានទេវាតាភ័យស្លន់ស្លោម្តងទៀត។
ការកើតឡើង សម្ព័ន្ធឆ្ពោះទៅអនាគត(៤បក្សរួមគ្នា)នេះ វាមិនមែនជារឿងចៃដន្យនោះទេ ទំាងពេលវេលា ទាំងឈ្មោះ រហូតមានការចូលរួមមួយបក្សបន្ថែមទៀត គឺ៥បក្ស (គណបក្សភ្លើងទៀន, គណបក្សឆន្ទៈខ្មែរ, គណបក្សប្រជាធិបតេយ្យមូលដ្ឋាន, គណបក្សកែទម្រង់កម្ពុជា និង គណបក្សកម្ពុជានិយម)។
#សម្ព័ន្ធឆ្ពោះទៅអនាគត អាចបង្កើតច្រក ដើម្បីរីកធំធាត់បន្តទៅមុខបានដូចខាងក្រោមនេះ
១-សម្ព័ន្ធត្រូវតែរីកធំធាត់ទៅមុខជានិច្ច ដើម្បីលើកស្ទួយប្រជាធិបតេយ្យពីឥឡូវទៅថ្ងៃអនាគតខាងមុខ។
២-ត្រូវតែមានរបៀបធ្វើការរួមមួយ ដើម្បីកុំឱ្យសម្ព័ន្ធឆ្ពោះទៅអនាគត នៅក្រិន
៣-ត្រូវតែយល់ច្បាស់ពីតម្លៃការចង់សម្ព័ន្ធឬបញ្ជូលគ្នា បើមិនដូច្នោះទេ នៅតែបន្តចែកគ្នាចាញ់បន្តទៀត
៤-រួមគ្នាដោយជឿជាក់ រួមគ្នាដោយគ្មានការភ័យខ្លាច ក្រោយពីចរចាយល់ចិត្តគ្នា
៥-លះបង់អំនួតដែលនាំវិនាស កុំប្រកាន់ធំពេក សូម្បីតែឈ្មោះបក្ស ឬ រូបសញ្ញា
៦-ចរចាដោយក្តីសង្ឃឹម ច្បាស់លាស់ ជឿនលឿន ហ៊ានសម្រេច មានសមត្ថភាពពន្យល់ផ្ទៃក្នុងបក្សខ្លួន
៧-ឃើញគោលដៅកាន់តែច្បាស់អាចចូលរួមបន្សល់សមិទ្ធផលល្អដល់បន្តវេនជំនាន់ក្រោយនិងសង្គមជាតិ។
#សម្ព័ន្ធឆ្ពោះទៅអនាគត អាចទាល់ច្រកបាន ប្រសិនបើស្ថិតនៅក្នុងស្ថានភាពដូចខាងក្រោនេះ
១-ភ័យខ្លាចក្នុងការបន្តសកម្មភាពម្នាក់ឯងស្វែងរកការចងសម្ព័ន្ធផ្សេងៗ
២-បក្សធំខ្លាចរក្សាសំឡេងគាំទ្រមិនបាន បក្សតូចខ្លាចបន្តរកសំឡេងគាំទ្រមិនបាន
៣-ជំងឺធ្ងន់ធ្ងរ គឺមានតែខ្លួនឯងទើបត្រូវ សញ្ញា ឬ ឈ្មោះបក្សខ្លួនឯងល្អជាងគេ
៤-ចេញមុខចរចាតែមិនហ៊ានសម្រេច ព្រោះមិនមានឯកភាពផ្ទៃក្នុងបក្សខ្លួន
៥-ចរចាយូរទៅវង្វេងគោលបំណងមិនដឹងចង់បានអី ប្រែពីចរចាជាមួយមិត្តដូចចរចាជាមួយគូទំនាស់
៦-ខ្លាចបក្សខ្លួនឯងរលាយ ជាងខ្លាចជាតិសាសន៍ឯងរលាយ(បើបក្សរលាយ ជាតិគង់វង្ស ប៉ុន្តែបើជាតិរលាយ បក្សនឹងរលាយខ្សុលដែរ)។
