08/08/2025
លោក គឹម សុខ គាត់និយាយសមហេតុសមផល។
ព័ត៌មានដែលខ្ញុំផ្សាយ សុទ្ធតែពិត ដើម្បីពង្រឹងស្មារតីខ្មែរ ៖
( ខ្ញុំ សូមអំពាវនាវឲ្យស៊ើបអង្កេតលើព័ត៌មាន ដែលខ្ញុំផ្សាយ ហើយការពិតខ្លះ ដូចគ្នានឹងផែនការយុទ្ធសាស្ត្រ #ក-៥ របស់វៀតណាម )
- #ការពិតទី១ ក្រុមអង្គរក្សរបស់លោក ហ៊ុន សែន ជាទាហានចាយរាង (Live Show) បង្ហាញលើហ្វេសប៊ុក ។ បើមានការបញ្ជូនពួកគេឲ្យទៅប្រយុទ្ធ នៅសមរភូមិមុខមែន ពួកគេច្បាស់ជាបង្ហោះផ្សាយពេញហ្វេសប៊ុក ដើម្បីលើកមុខលោក ហ៊ុន សែន និង លោក ហ៊ុន ម៉ាណែត ហើយ ។
- #ការពិតទី២ មកដល់ពេលនេះ ពុំទាន់មានព័ត៌មានទាក់ទងនឹងគ្រោះថ្នាក់សមាជិកណាម្នាក់ របស់អង្គរក្សគ្រួសារហ៊ុនទេ ។ បើមានសមាជិកអង្គរក្សណាម្នាក់រងរបួស ឬ ពលីជីវិត ដោយសារការប្រយុទ្ធគ្នា នោះច្បាស់ជាមានសមាជិកគ្រួសារហ៊ុន ទៅយំសោក ពពាក់ពពូនធ្វើប្រជាភិថុតិហើយ ។
យុទ្ធជនខ្មែរពលីជីវិត នៅសមរភូមិមុខ សុទ្ធតែទាហានពីគ្រួសារពលរដ្ឋក្រីក្រ នៅតាមភូមិស្រុក ដែលពួកមេៗក្បៀសយកប្រាក់ខែជាប្រចាំ ។
- #ការពិតទី៣ កាលពីការប្រយុទ្ធគ្នារប៉េះរប៉ោះឆ្នាំ២០០៨-២០១១ តទល់ថៃ លោក ហ៊ុន សែន បានបញ្ជូនពួកអង្គរក្សទៅព្រំដែន យ៉ាងគគ្រឹកគគ្រេង ។ ហេតុអ្វី ? គឺពីព្រោះ ពេលនោះជាសមរភូមិតូចតាច ដែលអាចគ្រប់គ្រងបាន គ្មានគ្រោះថ្នាក់ធំដុំ ហើយពួកអង្គរក្ស ក៏មិនមែនទៅច្បាំងដែរ គឺទៅកាប់ឈើលក់ចែកលុយគ្នា ជាមួយពួកមេៗអង្គរក្សគ្រួសារហ៊ុន ។
ចុះពេលនេះ ហេតុអ្វីលោក ហ៊ុន សែន មិនបញ្ជូនក្រុមអង្គរក្សទៅប្រយុទ្ធ ? កាលៈទេសៈនេះ ជាសមរភូមិធំ ដែលលោក ហ៊ុន សែន លែងអាចគ្រប់គ្រងបាន គឺមិនមែនសមរភូមិកាប់ឈើលក់ដូចមុនទេ ។ បើបញ្ជូនអង្គរក្សច្រើនពេកទៅសមរភូមិមុខ លោក ហ៊ុន សែន ខ្លាចបាត់បង់កម្លាំងអង្គរក្សច្រើន ធ្វើឲ្យខើចកម្លាំងការពារអំណាចដ៏ផុយស្រួយ របស់គ្រួសារហ៊ុន ។
- #ការពិតទី៤ ដោយមិនបញ្ជូនអង្គរក្សឲ្យទៅសមរភូមិមុខ លោក ហ៊ុន សែន និង លោក ហ៊ុន ម៉ាណែត បានសើរើបញ្ជីកងទ័ពឡើងវិញ ឃើញមានតែទាហានបញ្ជីឈ្មោះ ។ មន្ត្រីក្រសួងការពារជាតិ បានដើរសាកសួរតាមគ្រួសារទាហាន ។ រឿងដ៏គួរឲ្យអស់សំណើច ទាហានជាច្រើនស្លាប់យូរហើយ តែក្រសួងមិនដឹង ហើយពួកមេៗនៅស៊ីប្រាក់ខែពួកគាត់ដដែល រួចដល់ពេលត្រូវការប្រយុទ្ធ ទើបដើរកកាយរកពួកគាត់តាមគ្រួសារ ។
- #ការពិតទី៥ ក្រសួងការពារជាតិ មិនបង្ហាញបេសកកម្មកងអង្គរក្សទេ តែបែរជាចាត់មន្ត្រី ឲ្យដើរចុះឈ្មោះគ្រួសារ ដែលមានកូនប្រុស អាយុ១៨ឆ្នាំឡើង ឲ្យត្រៀមចូលសមរភូមិ ទាំងមិនបានហ្វឹកហាត់អ្វីទាំងអស់ ។
- #ការពិតទី៦ កាលពីឆ្នាំ២០២១ ទោះលោក ហ៊ុន សែន ខំសម្លុតផ្ទៃក្នុងគណបក្សប្រជាជនកម្ពុជាយ៉ាងណា ក៏មិនអាចលើកលោក ហ៊ុន ម៉ាណែត ឲ្យធ្វើបេក្ខជននាយករដ្ឋមន្ត្រីបាន ។ ក៏ស្រាប់តែប្រធានរដ្ឋវៀតណាម ង្វៀន សួនហ៊្វុក ទៅហូបអាហារពេលព្រឹកប៉ុន្មានម៉ាត់ ដល់ផ្ទះលោក ហ៊ុន សែន នៅតាខ្មៅ ថ្ងៃទី២២ ខែធ្នូ ឆ្នាំ២០២១ នោះដំណើរផ្លូវរបស់លោក ហ៊ុន ម៉ាណែត ទៅកាន់តំណែងនាយករដ្ឋមន្ត្រីអាយ៉ងវៀតណាម ក៏លែងស្ទះ ។
ពីឥទ្ធិពលវៀតណាមនេះ លោក ហ៊ុន ម៉ាណែត ស្ដាប់តាមវៀតណាមគ្រប់យុទ្ធសាស្ត្រ និង គ្រប់វិស័យ ជាពិសេស វិស័យកងទ័ព ។
- #ការពិតទី៧ ដោយមិនអាចប្រឈមបាន នឹងការតវ៉ាកក្រើកសកល របស់ប្រជាពលរដ្ឋខ្មែរ ឲ្យដកកម្ពុជាពីគម្រោងត្រីកោណរដ្ឋ CLV-DTA ក៏ស្រាប់តែលោក ហ៊ុន សែន កាលពីខែកុម្ភៈ ឆ្នាំ២០២៥ បានផ្គាប់ចិត្តវៀតណាម ដោយអនុវត្តត្រីកោណបក្សវិញ គឺកិច្ចសហប្រតិបត្តិការត្រីបក្សកុម្មុយនីស្ដឥណ្ឌូចិន ហើយគ្រប់ការសម្រេចការងារ ធ្វើដោយសម្ងាត់ និង ត្រូវស្ដាប់វៀតណាម នូវគ្រប់យុទ្អសាស្ត្រ ជាពិសេស វិស័យការពារជាតិ ។ វៀតណាមគ្រប់គ្រងកម្លាំងកងទ័ព ដែលឆ្លងកាត់ការហ្វឹកហាត់នៅវៀតណាមទាំងអស់ ។
ដូច្នេះ សង្គ្រាមព្រំដែនកម្ពុជា-ថៃ អាចចប់ទៅបាន លុះត្រាណាតែមានកិច្ចព្រមព្រៀង រវាងវៀតណាម ជាចៅហ្វាយគ្រួសារហ៊ុន និង ភាគីថៃ ដែលពួកគេនឹងបែងចែកយកប្រយោជន៍លើប្រទេសកម្ពុជា ។ លោក ហ៊ុន សែន និង លោក ហ៊ុន ម៉ាណែត ដេកចាំសូរពីវៀតណាមប៉ុណ្ណោះ ។
វៀតណាម ឈ្នះគ្រប់យ៉ាង !
✋
