SabayOne

04/08/2025

04/08/2025

នៅការិយាល័យមួយនេះចន មិនត្រឹមតែបានរៀនពីការងារដែលខ្លួនស្រលាញ់ជួបមនុស្សដែលខ្លួនស្រលាញ់ទេ តែក៏បានរៀនពីការក្បត់ និងការកុហកបោកប្រាស់ដ៏គួរឲ្យខ្លាចផងដែរ។ សច្ចៈព្រោះតែការចង់សងសឹកគ្រួសាររបស់ចន គេហ៊ានសូម្បីតែយកស្នេហារបស់ចននៅលេងសើច តែចិត្តស្រលាញ់មិនឈ្នះចិត្តស្អប់ទេទើបគេពីរនាក់នេះជាលោកប្រធាននិងកូនចៅផងនិងជាគូស្នេហ៏ឆ្មានិងកណ្តុរផង គឺឈ្មោះគ្នាមិនចេះចប់មិនចេះហើយ។

រឿង៖ លោកប្រធាន
លោក ឆោម សុពៅ (PU-JOON)
ទាញយកកម្មវិធី SabayOne នៅទីនេះ 👉 https://onelink.to/8wuzwa
——-
ភ្ជាប់ Telegram 👉 https://t.me/SabayOne1 ដើម្បីទទួលបានព័ត៌មានថ្មីៗ

15/07/2025

ពេលនៅជាមួយគ្នាក៏ឈ្មោះប្រកែក ពេលបាត់គ្នាក៏តាមរ ដល់ពេលជួបក៏ឈ្មោះគ្នាទៀត។ ស្នេហាឆ្មាកណ្តុររបស់ដន និង ឌេន វ៉ៃប្រលែងគ្នាដូចកូនក្មេងឌេនជាមនុស្សក្បាលខូច ពូកែខាងរករឿងដនលេខ១។

រឿង៖ មិត្តល្អគ្រប់យ៉ាង
ផលិតដោយ៖ GREEN DAY
អ្នកនិពន្ធ៖ ដូរី

ទាញយកកម្មវិធី SabayOne នៅទីនេះ 👉 https://onelink.to/8wuzwa
——-
ភ្ជាប់ Telegram 👉 https://t.me/SabayOne1 ដើម្បីទទួលបានព័ត៌មានថ្មីៗ

10/07/2025

នៅក្នុងក្លឹបកម្សាន្តមួយកន្លែង បុរសសង្ហាម្នាក់កំពុងតែរាំកៀកកើយជាមួយនឹងគូស្នេហ៍របស់ខ្លួនយ៉ាងស្និទ្ធស្នាលបំផុត។ ភ្លេងបានប្រគុំឡើងយ៉ាងពីរោះរណ្ដំ អមដោយភ្លើងហ្វាររាត្រីជះពន្លឺតិចៗ ចម្រុះគ្រប់ពណ៌ មានសខ្មៅ លឿង និងបៃតបជាដើម។ ក្លឹបរាត្រីនេះតែងផ្តល់ពន្លឺយ៉ាងស្រស់ល្អបំផុត ធ្វើឱ្យភ្ញៀវដែលបានអញ្ជើញមកទីនេះ រាំលេងកម្សាន្តកាន់តែពុះកញ្ជ្រោល។

ដៃរបស់អ្នកកំលោះ បានឱបចង្កេះរបស់គូស្នេហ៍របស់គេមិនដកដៃ ហើយពួកគេទាំងពីរញញឹមសម្លឹងមើលមុខគ្នា ដូចជាស្នេហ៍គ្រាដំបូងដែលទើបតែនឹងចាប់ផ្ដើមនៅក្នុងក្លឹបនារាត្រីនេះដូច្នោះឯង។

“ពេលបងកាន់តែសម្លឹងមុខរបស់អូន បងកាន់តែឃើញពីភាពស្រស់ស្រាយរបស់អូន ហេតុអ្វីក៏អូនស្រស់ល្អថ្នាក់នេះ?”

សំឡេងដ៏ពីរោះពិសា ចេញពីបបូរមាត់ដ៏មានមន្តស្នេហ៍របស់អ្នកកំលោះដែលមានមាឌមាំ កម្ពស់ ១ ម៉ែត្រ ៨៨ កំពុងតែរាំជាមួយគូស្នេហ៍របស់គេហើយឱបចង្កេះមិនលែងដៃនោះ។

“អូនមានអារម្មណ៍ថា ព្រឺសម្បុរណាស់ ពេលបានឮនូវសម្ដីព្រានរបស់បង”

កំលោះតូចក៏និយាយឆ្លើយតបទៅវិញ ប្រៀបដូចជាគេនោះជាសង្សារដំបូងរបស់គេ។ នាយកំលោះតូចដឹងហើយគូស្នេហ៍ដែលគេកំពុងតែរាំជាជាមួយជាបុរសសម្បូរមន្តស្នេហ៍ និងមានសង្សាររួចរាល់ទៅហើយតែគេនៅតែលេងប្រលែងស្នេហានេះដដែល។

“ពេលណាបងនឹងសុំបែកពីគេ?”

កំលោះតូចឱនខ្សឹបនៅក្បែរត្រចៀករបស់ អ្នកកំលោះដ៏មានមន្តស្នេហ៍បំផុត។ នាយសង្ហាមានមន្តស្នេហ៍មិនជិនណាយ គេមិនឆ្លើយតបព្រោះមិនទម្លាប់និយាយច្រើនតាំងពីដើម។ កំលោះតូចនោះ នៅតែសួរសំណួរដដែលៗ ព្រោះគេចង់តែយកឈ្នះសង្សារដូចសង្សារបច្ចុប្បន្នរបស់បុរសសង្ហារយើងឱ្យទាល់តែបាន។

“បងបាក់ដេ ឆ្លើយបានអត់ថានឹងយកខ្ញុំតែម្នាក់?”

បាក់ដេ ញញឹមសើចស្រស់ សម្លឹងមើលមុខរបស់ មីនរ៉េ ដោយកែវភ្នែកស្រទន់និងពោរពេញទៅដោយមុនស្នេហ៍។

“បងនិយាយ បងរើសយកអូនហើយ!”

សំឡេងដ៏ពីរោះ នៃភាសារបស់មនុស្សស្រវឹងស្រឿងៗនិយាយឡើងព្រមជាមួយនឹងភាសាស្នេហ៍យ៉ាងពីរោះរណ្ដំ។ កំឡុងអ្នកទាំងពីរកំពុងតែស្និទ្ធស្នាលគ្នា ដោយភ្លេចមើលមកកាន់កំលោះសង្ហាម្នាក់ទៀត ដែលកំពុងតែឈរមើលគេព្រមជាមួយនឹងទឹកមុខស្រពោន និងបង្ហាញអាការៈមិនសប្បាយចិត្តជាខ្លាំង។ គេឈរសម្លឹងមើលគូស្នេហ៍មួយគូនេះស្វីតជាមួយគ្នាយ៉ាងយូរ រហូតដល់គេទ្រាំលែងបានក៏ចូលទៅចាប់បេះដៃរបស់មនុស្សប្រុសសង្ហាដែលមានឈ្មោះថា បាក់ដេ ចេញពីដៃរបស់មីនរ៉េ។

“ម៉េចមិនសុំបែកខ្ញុំសិនចាំបងមានថ្មី?”

“បង!!!” សំឡេងរបស់បាក់ដេនិយាយឡើងមក...

កាវី ក៏ដើរចេញតែម្ដងទៅ ព្រោះតែមិនចង់និយាយច្រើនជាមួយនឹងមនុស្សប្រុសម្នាក់នេះជាបន្តទៀតឡើយ ហើយគេក៏ទទួលស្គាល់ដែរថាបាក់ដេ បានក្បត់គេរួចទៅហើយ ក៏គ្មានថ្ងៃពួកគេទាំងពីរនាក់ត្រឡប់មកស្រលាញ់គ្នាដូចដើមវិញដែរ។

បាក់ដេប្រុងនឹងរត់ទៅតាមកាវីទៅហើយ តែក៏ត្រូវអ្នកកំលោះតូចដែលមានឈ្មោះថា មីនរ៉េ ចាប់ដៃរបស់គេជាប់ ហើយនិយាយជាមួយ ភាសាយ៉ាងពីរោះ៖

“បងអត់ទ្រាំជាមួយនឹងគេជាច្រើនឆ្នាំមកហើយ ហេតុអ្វីបងត្រូវទ្រគេទៀត?”

គ្រប់ប្រយោគដែលមីនរ៉េ និយាយចេញមកវាប្រៀបដូចជាមន្តសណ្ដំ ធ្វើឱ្យបាក់ដេចាប់ផ្ដើមមានអារម្មណ៍ថាវិលវល់ហើយ ហេតុអ្វីគេត្រូវទ្រមនុស្សដូចជាកាវីទៅវិញ? ក្រោយមកគេក៏មិនបានទៅតាមកាវីដែរ គេបន្តរាំជាមួយ មីនរ៉េ ដដែល

ល្ងាចមួយបាក់ដេបានខលទៅរកកាវីជាច្រើនដង ក៏ប៉ុន្តែកាវីបែរជាមិនព្រមលើកទូស័ព្ទរបស់គេឡើយ។ ទោះជាយ៉ាងណា វាក៏មិនមែនជាបញ្ហាសម្រាប់ បាក់ដេ នោះដែរ ព្រោះតែគេបានស្គាល់ផ្ទះរបស់កាវីច្បាស់ ហេតុនេះគេក៏បានជិះឡានទៅដល់ខាងមុខផ្ទះតែម្ដងទៅ គាប់ជួនពេលនោះ កាវី កំពុងតែចេញម៉ូតូធំរបស់គេជិះទៅណាក៏មិនដឹង។ ភ្លាមនោះបន្ទាប់ពីគេបានឃើញកាវី គេក៏ប្រញាប់ចុះពីឡានហើយដើរសំដៅទៅរកអ្នកជាសង្សារតែម្ដងដោយចាប់កាន់ដៃជាប់និងសួរ៖

“ហេតុអីអូនមិនលើកទូរសព្ទរបស់បង?” អ្នកកំលោះបានចាប់ដៃ សួរទៅកាន់អ្នកជាសង្សារទាំងមិនពេញចិត្ត។

“លើកទូរសព្ទបងធ្វើអី? ក្រែងបងមានសង្សារថ្មីហើយ?”

កំលោះតូចកាវីបានរលាស់ដៃចេញ ឆ្លើយតបទាំងទឹកមុខស្មើ មុននិងលើកយកមួកសុវត្ថិភាពមកពាក់។

“ស្ដាប់បងសិនណា! គេនោះមិនមែនជាសង្សារថ្មីរបស់បងទេ”

គេបានចាប់ដៃកំលោះតូចជាលើកទីពីរ ប៉ុន្តែក៏ត្រូវរលាស់ចេញដោយគ្មានការស្ដាយស្រណោះជាលើកទីពីរដូចគ្នា។

“បងចង់ល្បីមែនអត់ ? ខ្ញុំនឹងផុសរូបបងនិងគេនៅលើ Twitter របស់ខ្ញុំតែម្ដង!!!”

“នេះអូនឆ្កួតមែនទេ??”

គេក៏ដឹងដែរថាបាក់ដេ ក៏ជាមនុស្សប្រុសដែលស្រឡាញ់រូបសម្រស់និងកិត្តិយសរបស់គេខ្លាំងណាស់ ដូច្នេះរាល់ពេលដែលអ្នកណាបង្ហោះរូបអីពីគេ គេតែងតែភ័យព្រួយបារម្ភជានិច្ច។

“ដោះលែងជីវិតរបស់ខ្ញុំទៅ អត់ទេ!!! ត្រូវនិយាយថាដើរចេញពីជីវិតរបស់ខ្ញុំទៅ ទោះបីជាលោកនៅតែតាមខ្ញុំ ក៏ខ្ញុំគ្មានអ្វីត្រូវនិយាយជាមួយលោកដែរ”

ពេលនោះ បាក់ដេ ស្រាប់តែមានទឹកមុខមួម៉ៅជាខ្លាំងនៅពេលដែល កាវី និយាយដូច្នេះមកកាន់គេ ព្រោះថាតាំងពីដើមឡើយកាវីមិនហ៊ាននិយាយពាក្យពេចន៍បែកគ្នាជាមួយនឹងគេឡើយ។

“បងទទួលស្គាល់ថា បងធ្លាប់ខុស”

“ហើយយ៉ាងម៉េចទៀត?”

កាវីក៏ឡើងជិះម៉ូតូបើកចេញទៅតែម្ដងទៅ ទោះគេសួរទៅកាន់ បាក់ដេ ក៏ពិតមែនតែគេមិនបានទ្រាំស្ដាប់ឡើយ ថាចម្លើយនោះបែបណានិយាយបែបណាមកកាន់គេព្រោះគេមិនចង់ស្ដាប់ជាបន្តទៀតឡើយ។

បាក់ដេបានត្រឹមតែសម្លឹងមើលដំណើរចាកចេញរបស់អ្នកកំលោះតូចយើងដែលកំពុងតែធ្វើដំណើរជាមួយម៉ូតូចេញទៅព្រមជាមួយនឹងអារម្មណ៍ហោះហើរដែលមិនខ្វះខ្វាយអ្វីជាបន្ត។
កាវីបានឈប់ម៉ូតូពាក់កណ្ដាលផ្លូវហើយចាប់ផ្ដើមលើកទូរសព្ទថតរូបរបស់គេឡើងមកដោយនិយាយជាមួយនឹងទូរសព្ទថា៖

“លើលោកនេះបើអត់សង្សារខ្ញុំមិនស្លាប់នោះទេ តែបើខ្ញុំរវល់តែខូចចិត្តខ្ញុំអាចនឹងស្លាប់”

“សម័យនេះខូចចិត្តក្នុងរឿងស្នេហាត្រូវសង្សារក្បត់មានអីត្រូវលំបាកគ្រាន់តែ poster តែមួយមិនខ្វះទេនិងមានអ្នកមកញ៉ែ”

ដូចចិត្តមែនមានអ្នករីផ្លាយស្តូរីរបស់កាវីជាច្រើននាក់បានសួរនាំ។

ភិនឃីកំលោះសង្ហាកំពុងតែក្រឡុកស្រាយ៉ាងប៉ិនប្រសប់និងសម្បូរស្នេហ៍ពាសពេញប្រទេសដែលគេគ្រប់គ្នា តែងតែមកលួចថតរូបរបស់គេយកទៅបង្ហោះនៅក្នុង IG ប្រាប់ថាអូនចង់ញ៉ាំស្រាក្រឡុកដែលបងក្រឡុកតែម្នាក់គត់។

ពាក្យនេះក៏ក្លាយជាប្រធានបទមួយដល់ក្ដៅគគុកសម្រាប់អ្នកដែលមកផឹកស្រានៅស្កាយបារមួយនេះ។ បន្ទាប់ពីត្រឡប់មកពីធ្វើការងារដ៏សែនមមាញឹករបស់គេអស់មួយយប់ ប្រហែលជាម៉ោង 2:00 ទៀបភ្លឺគេក៏បានចេញពីស្កាយបារដើរមកកាន់ខុនដូរបស់គេដែរនៅមិនឆ្ងាយអំពីកន្លែងធ្វើការរបស់គេឡើយ។

ភិនឃីបានដោះស្បែកជើងទុក នៅកន្លែងទុកដាក់ស្បែកជើងហើយគេក៏បានស្រាតខោអាវចោល នៅសល់តែខោក្នុងហើយក៏តម្រង់ទៅកាន់គ្រែគេងរបស់គេរួចក៏បានទាញវាំងននបើកមើលទៅបរិយាកាសខាងក្រៅអគារទីនេះគឺអាចមើលឃើញទេសភាពរបស់ទីក្រុងទាំងមូលបានវាពិតជាស្រស់ស្អាតខ្លាំងណាស់នាពេលយប់គឺមានពន្លឺភ្លើងរាត្រីជះពន្លឺពាសពេញទីក្រុងធ្វើឱ្យបន្ទប់នេះមិនចាំបាច់បើកភ្លើងក៏អាចមើលឃើញសម្ភារៈមួយចំនួននៅក្នុងបន្ទប់របស់ភិនឃីបានផងដែរ។ បើយើងសម្លឹងមើលទៅក្នុងបន្ទប់ទាំងមូលរបស់ភីនឃីយើងនិងបានដឹងកាន់តែច្បាស់ថាជីវិតគេស៊ីវីឡៃកម្រិតណា ជាមួយនឹងគ្រែដ៏ធំទូលាយលំដាប់ឃីងសាយនៅបៀតជញ្ជាំងមានទូរស្រាធំមួយ ដែលនៅក្នុងនោះសុទ្ធតែស្រាដែលមានតម្លៃថ្លៃ មិនទាន់អស់នោះទេនៅមានសម្ភារៈដែលគេប្រើប្រាស់នោះទៀតមើលសុទ្ធតែទំនើបជាមួយនឹងរូបគំនូរ ដែលបានគូរដោយវិចិត្រករល្បីៗដាក់ព្យួរតាមជញ្ជាំងកាន់តែពន្លេច ឱ្យឃើញថាបន្ទប់នេះគួរឱ្យចង់រស់នៅកម្រិតណា។ ដៃមាំសុទ្ធតែសរសៃលូកទៅបើកទូរយកស្រា មកចាក់ដាក់កែវរួចហើយក៏ដើរមកអង្គុយគងអន្ទាក់ខ្លា ផ្អែកខ្នងនឹងសាឡុងយ៉ាងមានរបៀប។

បន្ទាប់ពីអង្គុយបាត់ហត់បន្តិចភិនឃី ក៏ទាញកន្សែងពោះគោដែលនៅក្បែរនោះយកទៅរុំខ្លួនហើយចូលទៅងូតទឹកតែម្ដង។

បុរសសង្ហាបើកទឹកផ្កាឈូកដើម្បីស្រោចស្រពលើខ្លួនប្រាណរបស់គេឱ្យបានត្រជាក់និងបានស្រួលខ្លួន ព្រោះគេពិតជាហត់ពេញមួយថ្ងៃទៅហើយ។ សាច់ដុំដ៏រលោងមាត់ខៃរបស់គេកំពុងតែត្រូវទឹកក្ដៅអ៊ុនៗ ស្រក់ចំធ្វើឱ្យស្បែករបស់គេប្រែជាមាំនិងតឹងណែន ដូចជាសាច់គោដែលត្រូវកម្ដៅដូច្នោះឯង។ រាងកាយដ៏សែនសិចស៊ីរបស់គេគឺកម្រ មាននារីឬបុរសណាបានឃើញណាស់ព្រោះភិនឃី មិនចូលចិត្តស្លៀកពាក់បង្ហាញភាពសិចស៊ីឡើយមិនថាពេលគេទៅហាត់ប្រាណ ឬក៏ពេលគេថតរូបឡើយគឺមិនងាយជាដាច់ខាត។

បន្ទាប់ពីងូតទឹករួចរាល់ភិនឃី គេក៏ដើរចេញពីបន្ទប់ទឹកដោយមានដំណក់ទឹកតោង ហើយមកជូតខ្លួនបណ្ដើរជូតសក់បណ្ដើរហើយក៏យកតេឡេមកចុចបើកទូរទស្សន៍មើលតែម្ដង។ គេចូលចិត្តមើលរឿងកុនវាយប្រហារនិងស៊ើបអង្កេតជាដើម។ គេបានចុចមើលទូរទស្សន៍ដោយយកចិត្តទុកដាក់បំផុត ទាំងដែលនៅស្លៀកកន្សែងពោះគោនៅឡើយ។ ភីនឃីម្លឹងមើលទៅនាឡិកាពេលនេះ ម៉ោង 3:00 ទាបភ្លឺទៅហើយតែគេដូចជាមិនទាន់ងងុយគេងទាល់តែសោះ។

ទ្រឹង!!!

សំឡេងសាររបស់ទូរសព្ទគេលោតឡើងមក

គេចូលទៅមើលឃើញថាមានអ្នកដែលចុច តាមដាន IG របស់គេទៀតហើយ វាឡើងរហូតពីមួយថ្ងៃទៅមួយថ្ងៃមិនក្រោម១០ ទៅ ៣០នាក់ឡើយ ជួនកាលមាន១០០០នាក់ក៏មានដែរ។
ភិនឃីក៏បានចុចបិទទូរសព្ទចោទ បោះទៅម្ខាង ហើយក៏បិទអំពូលភ្លើងពណ៌ពងមាន់ មើលទូរទស្សន៍ដោយស្មឹងស្មាត និងយកចិត្តទុកដាក់បំផុតដោយសារតែពេលវេលានេះ គឺជាវេលាសម្រាករបស់គេ។

កំលោះសង្ហាដែលមិនពាក់អាវសោះ កំពុងបង្ហាញនៅសាច់សខ្ចីនិងសិចស៊ីបំផុតរបស់គេ នៅចំពោះមុខកញ្ចក់ទូរទស្សន៍ តែគួរឱ្យស្ដាយណាស់ ដែលគេមិនងាយបង្ហាញសាច់ដ៏រលើបរលោង និងមានមន្តស្នេហ៍របស់គេទៅកាន់មនុស្សណាម្នាក់បានឃើញឡើយ។

ចំណងជើងរឿង៖ “បងក្រឡុកស្រាតែអូនចង់ក្រឡុកបង” វគ្គ១
បោះពុម្ពផ្សាយដោយ “នគរដ្រាម៉ា DRAMA”
អ្នកនិពន្ធ និង ម្ចាស់គំនិតរឿងទាំងស្រុង៖
លោក ឆោម សុពៅ (PU-JOON)
ស្នេហាអន្លង់អន្លោច ប្រភេទ Y Series (Boy's Love)

ទាញយកកម្មវិធី SabayOne នៅទីនេះ 👉 https://onelink.to/8wuzwa
——-
ភ្ជាប់ Telegram 👉 https://t.me/SabayOne1 ដើម្បីទទួលបានព័ត៌មានថ្មីៗ

09/07/2025

មែនឬ! នេះជាជីវិតរបស់ខ្ញុំមែនឬ? រៀបការដើម្បីដោះបំណុលជំនួសម៉ាក់នេ៎ះ! នៅសុខៗ ម៉ាក់ហៅខ្ញុំទៅជួបនិងប្រាប់ថាខ្ញុំត្រូវរៀបការដើម្បីដោះបំណុលជាមួយកូនប្រុសសេដ្ឋី ហើយវាក៏ធ្វើឲ្យមនុស្សដូច "ស្លឹកតើយ" ម្នាក់នេះត្រូវឡូឡា។ គ្មានថ្ងៃទេ! រឿងអីដែលស្រីតូចស្អាតខ្លាំងនិងពិបាកចូលមកជិតដូចខ្ញុំ ត្រូវធ្វើខ្លួនជាតួឯកស្រីដូចក្នុងកុនបែបនោះដែរទើបខ្ញុំសម្រេចចិត្តលក់របស់គ្រប់យ៉ាងដែលមានដើម្បីដោះបំណុល តែអ្វីដែលខ្ញុំមិនដឹងនោះគឺ "អ៊ីនថាច់” មិនធ្លាប់ត្រូវការប្រាក់ ឬអ្វីផ្សេងក្រៅពី...រាងកាយនិងសំឡេងថ្ងូររបស់ខ្ញុំ។

ខ្ញុំមិនមែនជាមនុស្សល្ងីល្ងើគ្មានហេតុផល ឬឆ្កួតអំណាចនោះទេ ខ្ញុំមិនធ្លាប់បង្ខំចិត្តស្រីណា ហើយក៏មិនធ្លាប់ចង់ប្រើរាងកាយធ្វើទារុណស្រីម្នាក់ណាដែរ។ តែភ្លាមនោះពេលឃើញមនុស្សស្រីស្បែកស ភ្នែកធំៗ បបូរមាត់តូចច្រមិចដែលកំពុងតែដោះសម្លៀកបំពាក់នៅចំពោះមុខ ខ្ញុំក៏ដឹងភ្លាមថាទោះប្រើវិធីណាក៏ដោយ ក៏ត្រូវតែយកនាងមកធ្វើជាសម្បត្តិផ្ទាល់ខ្លួនឲ្យបានដែរ។

"កាន់តែឆ្កួតហើយ គ្មានសមត្ថភាពរកកូនក្រមុំទេឬ ឬថាកូនបំណុលផ្សេងគ្មានម៉េចចាំបាច់ជាខ្ញុំ" ខ្ញុំទាញដៃនាងមកជិតហើយឱនមុខទៅរកបន្តិចទៀត។
"ដោះគោ" ខ្ញុំនិយាយតែមួយម៉ាត់គត់។
"ដោះគោ?" នាងនៅតែតាមគំនិតរបស់ខ្ញុំមិនទាន់ដដែល។
"មែន វាជាកំហុសរបស់នាងដែលបង្អួតដោះគោឲ្យខ្ញុំមើលថ្ងៃនោះ តាមពិតខ្ញុំមិនពេញចិត្ត ឬយល់ស្របនឹងមង្គលការដោះបំណុលរបស់ម៉ាក់ ពេលម៉ាក់យកកាតរបស់នាងមកឲ្យ បញ្ជាឲ្យខ្ញុំទៅរកនាង ទើបខ្ញុំមានចេតនាដោះខោអាវហើយដេកចាំនាងលើគ្រែ មានចេតនាធ្វើឲ្យនាងភ័យលុបចោលមង្គលការនេះតែ...នាងបែរជាយកដោះគោមកបង្អួត ហើយខ្ញុំក៏..." ខ្ញុំខាំបបូរមាត់ក្រោម ជ្រើមភ្នែកមើលនាង ដោយដកដង្ហើមចូលជ្រៅៗហើយក៏ឱនមើលដើមទ្រូងរបស់នាងផងដែរ។

រឿង៖ ស្នេហាពុះកញ្រ្ជោលស្វាមីម្ចាស់បំណុល ដោយ៖ អផ្សុក បោះពុម្ពផ្សាយ
ទាញយកកម្មវិធី SabayOne នៅទីនេះ 👉 https://onelink.to/8wuzwa
——-
ភ្ជាប់ Telegram 👉 https://t.me/SabayOne1 ដើម្បីទទួលបានព័ត៌មានថ្មីៗ

07/07/2025

ផ្នូរ​ខ្មោច​ចម្លែក​គឺ​ជា​ប្រលោម​លោក​យុទ្ធ​សិល្ប៏​បុរាណ​ចិន​បកស្រាយ​​អំពី​ទី​ផ្នូរ​មួយ​ដែល​មនុស្ស​ភាគ​ច្រើន​ចូល​ហើយ​ពិបាក​រួច​រស់​ជីវិត​ចេញ​មក​វិញ។ ខ្មោច​ស្រី​ចម្លែក​ ការ​បង្ហាញ​តម្រុយ​គួរ​ឲ្យ​សង្ស័យ​ និង​​មនុស្ស​ស្លាប់​គឺ​​សុទ្ធ​តែ​ជាប់​ពាក់ព័ន្ធ​​គ្នា​​ជា​​បន្ត​បន្ទាប់​ដែល​​ធ្វើ​ឲ្យ​អ្នក​ក្លាយ​ហាន​​រូប​ស្រស់​ឈូអ៊ីងពាវ​​​សម្រេច​ចិត្ត​ប្រឡូក​​ក្នុង​រឿង​នេះ​ឲ្យ​ខាន​តែ​បាន​ដើម្បី​បាន​ដឹង​ការពិត​ថា​តើ​អ្នក​បង្ក​ជា​នរណា។

រឿង៖ ផ្នូរខ្មោចចម្លែក
និពន្ធ​ដោយ៖ បណ្ណាគារអប្សរា

ទាញយកកម្មវិធី SabayOne នៅទីនេះ 👉 https://onelink.to/8wuzwa
——-
ភ្ជាប់ Telegram 👉 https://t.me/SabayOne1 ដើម្បីទទួលបានព័ត៌មានថ្មីៗ

04/07/2025

សម្ដី​របស់​ម៉ែមានន័យ​ផ្អែម​ត្រជាក់​ដូចជា​ទឹក​អម្រឹត ហើយក៏វា​មិន​ខុសពី​ទឹក​ឃ្មុំខែ​ប្រាំង​ដែរ តែបើ​យើង​គិតឱ្យ​បាន​ដល់ទៅ ម៉ែគឺជា​អ្នក​មាន​គុណ​ធ្ងន់​ណាស់ ព្រោះតែ​កូន​ម្នាក់​នេះ​ហើយ​ដែល​ធ្វើ​ឱ្យម៉ែមិន​ខ្លាច​ការនឿយហត់​ទាំងពួង គឺ​ព្រោះតែ​កូន​ម្នាក់​នេះ​ហើយ​ដែលម៉ែ ខំ​ប្រឹង​ទាំងយប់​ទាំង​ថ្ងៃ​។ មានតែម៉ែ​នេះ​ហើយ​ដែល​ជា​ឪពុកផង​និង​ជាម្ដាយ​របស់​កូន​ម្នាក់​នេះផង ។ កូន​ប្រុស​សុខ​ចិត្ដ​លះបង់​គ្រប់​បែបយ៉ាង គឺ​ដើម្បីតែ​ម៉ែម្នាក់​នេះ​ប៉ុណ្ណោះ កូន​មិន​ត្រូវ​ការសេ្នហា​ទេគឺ​កូន​ត្រូវ​ការ ម៉ែ...ម៉ែ..សូមម៉ែ​ស្ដាប់​ពាក្យ​កូនផងណា៎ម៉ែ​កុំ​ទៅណាចោល​កូនណាម៉ែ កូន​ត្រូវ​ការម៉ែ...កូន​ត្រូវ​ការម៉ែ ! មែន ដូចជា​ពាក្យ​ចាស់ថា​មិន​ខុស ឡើយ​ត្រកួនវា​តែងតែភេ្លចបឹង​មានតែបឹង​ទេ​ដែល​មិនភេ្លច​ត្រកួន​នោះ ទោះបីជា​អ្វីៗបាន​ផ្លាស់​ប្ដូរ​ទៅមែន តែ...កូន​នៅ​ត្រូវ​ការម៉ែ​ដដែល ។ ម៉ែ​ជា​ដួង​ចន្ទរះ​ពេញ​បូណ៌មី​ដែលមក​បំភ្លឺ​រូប​កូន​រៀង​រាល់​រា​ត្រី កូន​មិនត្រូវ​ការសេ្នហា​ឡើយគឺ​កូន​ចង់​មានតែ​ម៉ែម្នាក់គត់គឺ​គ្រប់​គ្រាន់​ណាស់​។ សេ្នហា​មិន​ខុសពី​គេ​ញ៉ាំកាហេ្វ​ដែល​មិន​ដាក់​ស្ករ​នោះ​ទេ គឺ​ជីវិត​តែងតែជួប​នូវ​ភាព​ល្វីងជូរចត់​មិន​ខុសពី​ចុង​ប៉ាកា​ដែល​គ្មាន​ទឹក​ខ្មៅ​នោះ​ដែរ ចុះខ្លួន​ម៉ែម្នាក់​នេះ​ជា​អ្វី​ទៅ​វិញ​បើសិនណា​ជា​គ្មាន​កូន​នៅ​ក្បែរ​នោះ តែ​កូននៅចាំ​អ្វីៗ​ដែលម៉ែ​ធ្លាប់​បាន​បីបម​ពីមុនមក​នោះ គឺ​មិន​អាច​គ្មានម៉ែ​ជាដាច់ខាត ។ រឿង​នេះ​យើង​មិន​អាច​បន្ទោស​អ្នកណា​ម្នាក់​បាន​ឡើយ គឺមានតែ​ព្រះជាម្ចាស់​ទេ ដែល​លោក​អាច​យល់​បានពី​ចំណារ​ជីវិត​របស់ មនុស្ស​លោក។

ធម្មជាតិ​បាន​បង្កើត​មនុស្ស​លោកមក​ហើយ ចុះ​ហេតុ​ដូច​មេ្ដចចាំ​បាច់​ឱ្យ​មាន​ជីវិត​ខុស​គ្នា​បែប​នេះ​ទៅវិញ ? អ្នក​មាន​មិន​ដែល​ស្គាល់អ្វី​ហៅថា​ទុក្ខ​លំបាក​នោះ​ទេ គឺ​មានតែ​អ្នក​ក្រប៉ុណ្ណោះ​ដែលរង​ទុក្ខ​គ្រប់ជំហាន ទោះបី​ជាជួប​នឹង​ឧប​សគ្គ​យ៉ាងណា​ក៏ដោយ ក៏​ផ្កា​ត្រកួន​មួយទងនេះ​នៅតែចោលកិ្លន​ក្រអូប​សម្រាប់ម៉ែ​ជានិច្ច។ កូន​ចង់ហៅម៉ែ...ម៉ែ នៅតែម៉ែ​ដ៏​ល្អ​របស់​កូន​ជានិច្ច ! កូន​មិន​អាច​រស់នៅ​ដោយ​គ្មាន​អ្នកម៉ែសែន​ល្អ​របស់​កូន​បាន​ឡើយ ! ម៉ែ...ម៉ែ...ម៉ែ...កូន​ស្រឡាញ់ម៉ែ កូន ចង់​រស់នៅ​ជា​មួយម៉ែ​ជា​រៀង​រហូត។

រឿង៖ ម៉ែ
និពន្ធ​ដោយ៖ ទឹម ម៉ានី (សេ្មរ)

ទាញយកកម្មវិធី SabayOne នៅទីនេះ 👉 https://onelink.to/8wuzwa
——-
ភ្ជាប់ Telegram 👉 https://t.me/SabayOne1 ដើម្បីទទួលបានព័ត៌មានថ្មីៗ

02/07/2025

“ធ្លាប់​ទេ​ស្រលាញ់​គេ​ម្នាក់ឯង” ជា​ប្រលោមលោក​ដ៏​កម្សត់​មួយ​ដែល​ខ្ញុំ​ពីមុន​គិតថា​សរសេរឱ្យ​សប្បាយអាន​លេងៗ តែ​សុខៗ​ក៏​ជ្រុលដៃ ជ្រុល​អារម្មណ៍ ធ្វើបាបតួ​អង្គ​ហ្វាន់​ដោយ​មិន​ដឹង​ខ្លួន ឬ​មកពី​មនុស្ស​ស្រលាញ់​គេ​ម្នាក់ឯង​ត្រូវរង​នូវ​ការឈឺ​ចាប់​មិន​ឈប់ឈរ?

ខ្ញុំ​មិន​យល់ពី​ខ្លួនឯងសោះ ហេតុ​អ្វី​ក៏​រឿង​មួយ​នេះ​ពិបាក​សរសេរ​ដល់​ថ្នាក់​នេះ? ហើយក៏​ពិបាក​រៀបរាប់​អារម្មណ៍​ផងដែរ ព្រោះ​ពេល​សរសេរឈុតតួ​ឈ្លោះ​គ្នា​ក៏​សប្បាយ​សរសេរ តួ​ប្រកែក​គ្នា​ក៏​សប្បាយ​សរសេរ​ដល់តួ​ចាប់​ផ្តើម​លែង​និយាយរក​គ្នា ពេល​នោះ​ខ្ញុំ​បែរជាវ៉ល់​រកនឹក​សរសេរអី​លែង​ចេញ មិន​ដឹង​ទៅមុខ​ទៀត​សរសេរ​បែបណាឱ្យ​ទំនង​ទេ​។

ដោយឡែក សូម្បីតែ​វាចា​អ្នក​និពន្ធ​ក៏​ខ្ញុំ​សរសេរលុបៗ​ជា​ច្រើនដង​ដែរ ដោយ​មិន​ដឹង​ជា​រៀបរាប់​អារម្មណ៍​បែបណា ជូន​ប្រិយ​មិត្ត​អ្នកអានឱ្យ​បាន​យល់ពី​អារម្មណ៍​របស់​ខ្ញុំ​ឡើយ​ចំពោះ​សៀវភៅ​មួយ​ក្បាល​នេះ​។ យ៉ាងណា ខ្ញុំ​សូម​ផ្ញើ​សាច់​រឿង​មួយ​នេះឱ្យ​អ្នកអាន​វាយ​តម្លៃផង​ចុះ សង្ឃឹម​លោក​អ្នក​អាន​នឹង​ចូល​ចិត្ត និង​នៅតែ​គាំទ្រ​ស្នាដៃ​និពន្ធ​ថ្មីៗ​របស់​ខ្ញុំ​បន្ត​ទៀត​។ ជា​ថ្មី​ម្តង​ទៀត សូម​អ្នក​មេត្តា​វាយ​តម្លៃ​ការ​និពន្ធ​រឿង​របស់​ខ្ញុំ​ដោយ​ស្មោះ​ត្រង់ និង​កុំ​លាក់​បាំង​អារម្មណ៍អី អាន​ឃើញ​បែបណា ចូរ​សរសេរ​ចំណាប់​អារម្មណ៍​ផ្ញើមក​បែប​នោះ​ចុះណា​។ ខ្ញុំ​គ្មាន​ថ្ងៃ​បោះបង់​ការ​សរសេរចោល​ឡើយ ទោះបីជា​សៀវភៅ​មួយ​ក្បាល​នេះ​អ្នកអាន​មិន​ពេញ​ចិត្ត​ក៏ដោយ ខ្ញុំ​នឹងខំ​ប្រឹង​ប្រែង​សរសេរ​រឿង​ថ្មី ក្រោយៗឱ្យ​កាន់តែ​ល្អ​ជាង​នេះ និង​ប្រសើរ​ជាង​មុន​ទ្វេដងថែម​ទៀត ។ សូម​អរគុណ​ប្រិយ​មិត្ត​ជិត​ឆ្ងាយ​ដែល​នៅតែ​លើក​លែង​រាល់​កំហុសអ​ចេតនា​របស់​ខ្ញុំ និង​នៅតែទិញ​សៀវភៅ​របស់​ខ្ញុំយក​ទៅអាន​ជានិច្ច​។ សូម​អរគុណ​ខ្លាំង​ណាស់!

អ្នក​និពន្ធ ឆោម សុពៅ (ពូជូន)
ប្រលោមលោកមនោសញ្ចេតនា
ស្នេហាអន្លង់អន្លោច ប្រភេទ Y Series (Boy's Love)

ទាញយកកម្មវិធី SabayOne នៅទីនេះ 👉 https://onelink.to/8wuzwa
——-
ភ្ជាប់ Telegram 👉 https://t.me/SabayOne1 ដើម្បីទទួលបានព័ត៌មានថ្មីៗ

30/06/2025

អ៊ីប្រាហ៊ីម ជាអ្នកបញ្ចុះសពម្នាក់ ដែលបានបាត់បង់គ្រួសារទាំងមូលក្នុងគ្រោះថ្នាក់ដ៏សាហាវមួយ ដោយមិនអាចទ្រាំបានទៀត គាត់ក៏បានឈប់ពីការងាររបស់គាត់។ ក្រោយមកបន្ទាប់ពីគ្រួសារអ្នកមានមួយនៅក្នុងភូមិរបស់គាត់បានស្លាប់ដោយអាថ៌កំបាំងបំផុត មនុស្សក្នុងភូមិបានជឿថា នេះបណ្តាលមកពីមន្តអាគមផ្លូវងងឹត ហើយអ្នកភូមិបានបដិសេធក្នុងការជួយបញ្ចុះសពនោះ។ អ៊ីប្រាហ៊ីមទោះជាមិនចង់ក៏ព្រមសម្រេចចិត្តចូលទៅជួយ។ បន្ទាប់ពីរយៈពេលមួយឆ្នាំកន្លងផុតទៅ គាត់បានរកឃើញអំពីមូលហេតុនៃការស្លាប់របស់គ្រួសារគាត់ ហើយគាត់ក៏ត្រូវទប់ទល់ជាមួយនឹងវិញ្ណាណអាក្រក់ដែលកំពុងរង់ចាំគាត់។

ទាញយកកម្មវិធី SabayOne នៅទីនេះ 👉 https://onelink.to/8wuzwa
——-
ភ្ជាប់ Telegram 👉 https://t.me/SabayOne1 ដើម្បីទទួលបានព័ត៌មានថ្មីៗ

30/06/2025

ភ្លើងសេ្នហ៍​ភ្លើង​ជីវិត​ពិតជា​រឿង​មួយ​ដែល​ស្មាន​មិន​ដល់មែនតែ​អ្វីៗដែល​គេ​បានសាងវា​មិន​អាច​នឹង​គេច​រួចពីជតា​កំណត់​របស់ព្រេង​វាសនា​បាន​នោះ​ឡើយ ។ ភាពលោភលន់ទី​បំផុតគឺ​ត្រូវតែ​វិនាស​ដោយចៀស​មិន​រួច​សំឡេង​ស្រែក​ថ្ងូរ​របស់​ស្រី​តូច​ពិត​ជា​ធ្វើឱ្យបងឈឺ​ផ្សា​ណាស់ តែ...អូនអើយ...តើអូន​នៅ​ទីណា បងខំ​តាមរកអូន​អស់រយៈ​ពេល១០ឆ្នាំទៅ​ហើយ​នៅតែ​មិន​ឃើញ​ស្រមោលអូន​ទៀត ចុះ​ពេល​នេះអូន​មាន​នឹក​មកដល់បង​ដែរ​ទេ ? តើអូន​នៅ​ទីណាអូន​មាន​ដឹងថា បងធំ​របស់អូន​កំពុងតែ​ខ្លោច​ផ្សា​នឹក​ទៅ​ដល់​រូបអូន​ដែរ​ទេ។

ភ្លើង​គំនុំ​ពិតជា​សាហាវ​ណាស់គឺ​វានេះ​ហើយ​ដែល​ធ្វើឱ្យអូនព្រាត់​ប្រាស​គ្រួសារ តែ​ដើម្បី​ស្វែងរក​ឃាតកអូន​សុខ​ចិត្ដ​លំបាក​គ្រប់​បែបយ៉ាង​ទាំង​អស់ ! ទី​បំផុតបង​នៅតែចោទអូនថា​ជា​ចោរ​ក្រមុំ​រូប​ស្រស់​ទៅវិញ តើបង​ចាប់អូន​ដើម្បី​អ្វី​ដែរ​ទៅ? បង​មាន​ដឹងថា​ស្រី​តូច​របស់បងឈឺ​ចាប់​ប៉ុនណា​ដែរទេ? បង​ជា​អធិការ បង​មានសិទិ្ធ​គ្រប់បែបយ៉ាង​ទាំង​អស់តែបង​ក៏​មិន​អាច​ក្បត់​នឹង​ឧត្ដមគតិសេ្នហា​ជាតិ​បាន​ដែរ ។ បង​ដឹង​ទេថា​ជីវិតអូន​ត្រូវពុះពារ​គ្រប់​ឧប​សគ្គ​បែបណា​ខ្លះ គឺព្រោះតែ​អ្វី​មិន​ព្រោះតែ​រូបបង​ទេឬ ? សង្សារ​សំណព្វ​ចិត្ដ​របស់អូនគឺជាបង តែអូន​ចង់​ឈ្នះបង​ត្រូវតែ​ធ្វើឱ្យបងដឹងថា​ស្រី​តូច​មិនមែន​ជា​របស់​សម្រាប់​លេងសើច​នោះ​ទេ។ អូនរង់​ចាំបង​ជានិច្ច ចាំ​ពាក្យ​ដែលបង​ព្រម​ទទួល​ស្គាល់ថា​ស្រី​តូច​របស់បង​កាលពី១០ឆ្នាំ​មុន​គឺជា​ផ្កា​ដែល​លាក់​សន្លឹក​ដដែល។

ពេល​វេលា​ពិត​ជា​មានដែន​កំណត់មែន ទី​បំផុតសេ្នហា​របស់​យើង​បាន​ប្រែ​ក្លាយពី​គំនុំមក​ជាសេ្នហា​មួយ​ដែល​មិន​អាច​នឹង​រលាយ​ទៅវិញ​ជា​ដាច់ខាត ។ សេ្នហា​នេះ​ហើយ​ដែល​ធ្វើឱ្យអូន​ដឹងថាបង​ពិតជា​ស្រឡាញ់អូន​ដោយ​ស្មោះមែន។ ព្រហ្ម​លិខិត​ពិតជា​មិន​ធ្វើ​បាបចំពោះ​យើង​ទាំង​ពីរ​នោះ​ទេ សូមឱ្យ​ជីវិតសេ្នហ៍​ប្រែ​ទៅ​ជាសេ្នហ៍​អមតៈមួយ​រៀង​រហូតត​ទៅអើយ។

រឿង៖ ភ្លើង​គំនុំ​ដួង​ចិត្ត
និពន្ធ​ដោយ៖ ទឹម ម៉ានី (ស្មេរ)
ភំ្ន​ពេញ ថ្ងៃទី ១ខែ​មករា​ឆ្នាំ២០១៨

ទាញយកកម្មវិធី SabayOne នៅទីនេះ 👉 https://onelink.to/8wuzwa
——-
ភ្ជាប់ Telegram 👉 https://t.me/SabayOne1 ដើម្បីទទួលបានព័ត៌មានថ្មីៗ

27/06/2025

អ៊ីប្រាហ៊ីមជាអ្នកបញ្ចុះសពម្នាក់ ហើយគាត់បានដឹងអំពីមូលហេតុនៃការស្លាប់របស់គ្រួសារគាត់។ តើ​គាត់​អាច​យក​ឈ្នះ​ពួក​វិញ្ញាណ​កំណាច​ទាំង​នេះ​បាន​ទេ? ទាញយកកម្មវិធី SabayOne នៅទីនេះ 👉 https://onelink.to/8wuzwa
——-
ភ្ជាប់ Telegram 👉 https://t.me/SabayOne1 ដើម្បីទទួលបានព័ត៌មានថ្មីៗ