APSARA FM97

APSARA FM97 វិទ្យុសំឡេងយុវជន
(2)

អត្ថប្រយោជន៍នៃការហ្វឹកហាត់ដល់កុមារតូចៗ ឱ្យយល់ដឹងពីការចម្អិនម្ហូបអាហារ នឹងជួយពង្រឹងសមត្ថភាព ដូចជា៖ ការបង្កើតទម្លាប់ល្អៗ, ...
26/09/2025

អត្ថប្រយោជន៍នៃការហ្វឹកហាត់ដល់កុមារតូចៗ ឱ្យយល់ដឹងពីការចម្អិនម្ហូបអាហារ នឹងជួយពង្រឹងសមត្ថភាព ដូចជា៖ ការបង្កើតទម្លាប់ល្អៗ, ការយល់ដឹងពីបំណិនជីវិត, គំនិតច្នៃប្រឌិត, ការងារជាក្រុមនិងទំនួលខុសត្រូវ, ការសិក្សាស្វែងយល់និងវិទ្យាសាស្ត្រ និង ការបង្កើតទំនុកចិត្តលើខ្លួនឯង។


#អប់រំកុមារតូច

កិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្...
26/09/2025

កិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា
រាជធានីភ្នំពេញ៖ នាព្រឹកថ្ងៃទី២៦ ខែកញ្ញា ឆ្នាំ២០២៥ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានអញ្ជើញចូលរួមកិច្ចប្រជុំពេញអង្គគណៈរដ្ឋមន្ត្រី នៅ វិមានសន្តិភាព ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ដើម្បីពិភាក្សា និងឆ្លងលើរបៀបវារៈមួយចំនួន រួមមាន៖
(១) សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀងស្តីពី ក្របខ័ណ្ឌបទប្បញ្ញត្តិសុវត្ថិភាព ម្ហូបអាហារអាស៊ាន ។
(២) សេចក្តីព្រាងច្បាប់ស្តីពីការអនុម័តយល់ព្រមលើពិធីសារធ្វើវិសោធនកម្មកិច្ចព្រមព្រៀងអាស៊ានស្តីពី បម្លាស់ទីរូបវន្តបុគ្គល។
(៣) សេចក្តីព្រាងច្បាប់ស្តីពីការអនុម័តយល់ព្រមលើពិធីសារទីមួយធ្វើវិសោធនកម្មកិច្ចព្រមព្រៀងពាណិជ្ជកម្ម សេរីអាស៊ាន-ហុងកុង នៃសាធារណរដ្ឋប្រជាមានិតចិន។
(៤) សេចក្តីព្រាងច្បាប់ស្តីពីការអនុម័តយល់ព្រមលើពិធីសារទីពីរធ្វើវិសោធនកម្មកិច្ចព្រមព្រៀងបង្កើតតំបន់ ពាណិជ្ជកម្មសេរីអាស៊ាន-អូស្ត្រាលី-នូវែលសេឡង់។
(៥) សេចក្តីព្រាងច្បាប់ស្តីពីការអនុម័តយល់ព្រមលើអនុសញ្ញាស្តីពីការបង្កើតអង្គការអន្តរជាតិសម្រាប់សន្ធានកម្ម។
(៦) សេចក្តីព្រាងរបាយការណ៍ដំបូងស្តីពីការអនុវត្តអនុសញ្ញាស្តីពីសិទ្ធិជនពិការនៅកម្ពុជា។
(៧) បញ្ហាផ្សេងៗ៕
២៦ កញ្ញា ២០២៥ | រាជធានីភ្នំពេញ


#កិច្ចប្រជុំ #អង្គគណៈរដ្ឋមន្ត្រី

លោកជំទាវ​​ គឹម​ សេដ្ឋានី ៖ ការអប់រំវិជ្ជាជីវៈ នឹងជំរុញការអភិវឌ្ឍក្នុងតំបន់ ដោយបើកឱកាសដល់យុវជនរកឃើញជំនាញដែលខ្លួនស្រលាញ់ ដ...
26/09/2025

លោកជំទាវ​​ គឹម​ សេដ្ឋានី ៖ ការអប់រំវិជ្ជាជីវៈ នឹងជំរុញការអភិវឌ្ឍក្នុងតំបន់ ដោយបើកឱកាសដល់យុវជនរកឃើញជំនាញដែលខ្លួនស្រលាញ់ ដើម្បីសម្រេចក្តីស្រមៃរបស់ខ្លួន

ថ្លែងក្នុងវេទិកាអប់រំបណ្ដុះបណ្ដាលបច្ចេកទេស និងវិជ្ជាជីវៈអាស៊ី ក្នុង​ពិព័រណ៍បរិក្ខារ​អប់រំ​ពិភពលោក​ ឆ្នាំ​២០២៥​ និង​សន្និសីទ​ឌីជីថល​ សម្រាប់​ការ​អប់រំ​នៅ​អាស៊ី​ នៅ​ប្រទេស​ចិន កាលពីពេលថ្មីៗនេះ លោកជំទាវ​បណ្ឌិត​ គឹម​ សេដ្ឋានី​ រដ្ឋលេខាធិការ​ប្រចាំ​ការ​ ក្រសួងអប់រំ​ យុវជន​ និង​កីឡា​ លើកឡើងថា ការអប់រំវិជ្ជាជីវៈ នឹងជំរុញការអភិវឌ្ឍក្នុងតំបន់ដែលបើកឱកាសកាន់តែសម្បូរបែប និងទូលំទូលាយដល់យុវជនគ្រប់រូបក្នុងតំបន់អាស៊ីឱ្យរកឃើញនូវជំនាញដែលខ្លួនស្រលាញ់ដើម្បីឈោងចាប់អនាគតដ៏ភ្លឺស្វាង និងសម្រេចក្តីស្រមៃរបស់ខ្លួន។

លោកជំទាវ​បណ្ឌិត​ គឹម​ សេដ្ឋានី មានប្រសាសន៍ថា បច្ចុប្បន្នប្រទេសក្នុងតំបន់អាស៊ី កំពុងស្ថិតក្នុងដំណាក់កាលនៃការធ្វើសមាហរណកម្មស៊ីជម្រៅ នៃបរិវត្តកម្មឧស្សាហកម្ម និងការអភិវឌ្ឍន៍វិស័យអប់រំ ហើយការអប់រំបណ្ដុះបណ្ដាលបច្ចេកទេស និងវិជ្ជាជីវៈ (TVET) បានក្លាយជាកម្លាំងស្នូលសម្រាប់បណ្តាប្រទេសនានា ដើម្បីបណ្ដុះបណ្ដាលអ្នកដែលមានជំនាញ និងលើកកម្ពស់បរិវត្តកម្មសេដ្ឋកិច្ច។


#ការអប់រំវិជ្ជាជីវៈ

26/09/2025

យើងនឹងនាំអ្នករាល់គ្នាទៅស្វែងយល់ពីចំណុចចាប់ផ្តើម និងចំណុចបញ្ចប់នៃទន្លេមេគង្គ ក្នុងប្រទេសកម្ពុជា ដែលផ្ទុកនូវអរិយធម៌ វប្បធម៌​ ប្រវត្តិសាស្រ្ត សាសនា ទំនៀមទំលាប់ ប្រពៃណី សក្តានុពលធម្មជាតិដ៏ទាក់ទាញ ម្ហូបតាមតំបន់ និងរបៀបរស់នៅរបស់ប្រជាពលរដ្ឋតាមសហគមន៍។
កុំភ្លេចរង់ចាំទស្សនានៅថ្ងៃទី 02 ខែតុលា ឆ្នាំ 2025 ខាងមុខនេះ!


#ទេសចរណ៏ផ្សារភ្ជាប់ទឹកដីរដូវកាលទី២ #កម្ពុជាអស្ចារ្យ

សារាចរ ស្តីពី ការរៀបចំទិវាមនុស្សចាស់កម្ពុជា និងទិវាមនុស្សចាស់អន្តរជាតិថ្ងៃទី១ ខែតុលា ឆ្នាំ២០២៥ #សារាចរ #ទិវាមនុស្សចា...
26/09/2025

សារាចរ ស្តីពី ការរៀបចំទិវាមនុស្សចាស់កម្ពុជា និងទិវាមនុស្សចាស់អន្តរជាតិ
ថ្ងៃទី១ ខែតុលា ឆ្នាំ២០២៥


#សារាចរ #ទិវាមនុស្សចាស់

ពិធីបញ្ចុះបឋមសិលាសាងសង់សាលពហុបំណងតេជោសែន នៅសាកលវិទ្យាល័យជាតិជាស៊ីម កំចាយមារ ខេត្តព្រៃវែងព្រៃវែង៖ នារសៀលថ្ងៃទី២៥ ខែកញ្ញា ...
26/09/2025

ពិធីបញ្ចុះបឋមសិលាសាងសង់សាលពហុបំណងតេជោសែន នៅសាកលវិទ្យាល័យជាតិជាស៊ីម កំចាយមារ ខេត្តព្រៃវែង
ព្រៃវែង៖ នារសៀលថ្ងៃទី២៥ ខែកញ្ញា ឆ្នាំ២០២៥ ឯកឧត្ដមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា បានអញ្ជើញជាអធិបតី ក្នុងពិធីបញ្ចុះបឋមសិលាសាងសង់សាលពហុបំណងតេជោសែន នៅបរិវេណសាកលវិទ្យាល័យជាតិជាស៊ីម កំចាយមារ ខេត្តព្រៃវែង ដើម្បីសុំម្ចាស់ទឹក ម្ចាស់ដីនូវសេចក្តីសុខចម្រើនមុនពេលបើកការដ្ឋានសាងសង់ ដោយមានការចូលរួមពីសំណាក់ ឯកឧត្តម លោកជំទាវ ថ្នាក់ដឹកនាំក្រសួងអប់រំ យុវជន និងកីឡា ឯកឧត្តម សួន សុម៉ាលីន អភិបាល នៃគណៈអភិបាលខេត្តព្រៃវែង, ក្រុមការងាររាជរដ្ឋាភិបាលចុះមូលដ្ឋានស្រុកកំចាយមារ តំណាងក្រុមការងារសាងសង់ កងវិស្វកម្មតេជោ ហ៊ុន សែន សៀមរាប គណៈគ្រប់គ្រង បុគ្គលិកអប់រំ នៃមជ្ឈមណ្ឌលអប់រំ និងបណ្ដុះបណ្ដាលជាស៊ីមកំចាយមារ។
សូមបញ្ជាក់ថា សាលពហុបំណងតេជោសែន នៅសាកលវិទ្យាល័យជាតិជាស៊ីម កំចាយមារ គឺជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា ដែលបានផ្តល់ជូនក្នុងពិធីសំណេះសំណាលជាមួយសិស្ស និស្សិត លោកគ្រូ អ្នកគ្រូ នៃមជ្ឈមណ្ឌលអប់រំ និងបណ្តុះបណ្តាល ជាស៊ីម កំចាយមារ កាលពីថ្ងៃទី២ ខែកក្កដា ឆ្នាំ២០២៥ កន្លងទៅនេះ​៕
២៥ កញ្ញា ២០២៥ | ខេត្តព្រៃវែង


លើសពីកម្មវិធីតាំងពិព័រណ៍ផលិតផលខ្មែរ ព្រឹត្តិការណ៍នេះ ក៏បាននាំមកនូវវេទិកាចែករំលែកចំណេះដឹងដ៏ធំមួយ ដែលមានការចូលរួមពីសំណាក់វ...
26/09/2025

លើសពីកម្មវិធីតាំងពិព័រណ៍ផលិតផលខ្មែរ ព្រឹត្តិការណ៍នេះ ក៏បាននាំមកនូវវេទិកាចែករំលែកចំណេះដឹងដ៏ធំមួយ ដែលមានការចូលរួមពីសំណាក់វាគ្មិនដែលពោរពេញដោយបទពិសោធ ចំណេះដឹង និងភាពល្បីល្បាញជាច្រើនរូប។

‼️ កុំភ្លេចជួបគ្នា ចាប់ពីថ្ងៃទី២៦ ដល់ថ្ងៃទី២៨ ខែកញ្ញា ឆ្នាំ២០២៥ នៅសាលពិព័រណ៍កោះពេជ្រ!


#ពិព័រណ៍ផលិតផលខ្មែរ #វេទិកាចែករំលែក

ភ្នំពេញ🇰🇭🇰🇭🇰🇭 #រាជធានីភ្នំពេញ #ហេដ្ឋារចនាសម្ព័ន្ធទ្រទ្រង់ទីប្រជុំជន #ការរៀបចំក្រុង #នគរបនីយកម្ម #សថាបត្យកម្មសហសម...
26/09/2025

ភ្នំពេញ🇰🇭🇰🇭🇰🇭

#រាជធានីភ្នំពេញ #ហេដ្ឋារចនាសម្ព័ន្ធទ្រទ្រង់ទីប្រជុំជន
#ការរៀបចំក្រុង #នគរបនីយកម្ម #សថាបត្យកម្មសហសម័យ #សថាបត្យកម្មខ្មែរ

📷 កណ្តៀរ | តាមខេត្ត

26/09/2025

សាកលវិទ្យាល័យកំពូលរបស់អូស្រ្តាលី ផ្អាកទទួលសិស្សចូលរៀន លើវគ្គសិក្សាជាង ១០០

- RADIO: https://bit.ly/404wBaF
- TELEGRAM: http://bit.ly/3lstpXo
- FACEBOOK: https://bit.ly/3OP7tBP
- YOUTUBE: https://bit.ly/3LnuaLY
- TIKTOK: https://bit.ly/3SMJyVO

អត្ថបទ ​៖ ណោង សុខនិមល | AMSEducation


#សាកលវិទ្យាល័យ #អូស្រ្តាលី

ហោរាសាស្រ្តប្រចាំថ្ងៃសុក្រ ៤កើត ខែអស្សុជ ឆ្នាំម្សាញ់ សប្តស័ក ព.ស២៥៦៩ត្រូវនឹងថ្ងៃទី២៦ ខែកញ្ញា ឆ្នាំ២០២៥ឆ្នាំជូតសម្រាប់លោក...
25/09/2025

ហោរាសាស្រ្តប្រចាំថ្ងៃសុក្រ ៤កើត ខែអស្សុជ ឆ្នាំម្សាញ់ សប្តស័ក ព.ស២៥៦៩
ត្រូវនឹងថ្ងៃទី២៦ ខែកញ្ញា ឆ្នាំ២០២៥

ឆ្នាំជូត
សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីអស់លោកអ្នកនៅក្នុងថ្ងៃនេះស្រុតចុះ។ ថ្ងៃនេះលោកអ្នកប្រកបការងារ និងអាជីកម្មនឹងមានការខាតបង់។ ហើយការបណ្តាក់ទុនរកស៊ី ជាមួយដៃគូពាណិជ្ជកម្ម សេវាកម្មគ្រប់ប្រភេទ គឺមិនបានចំណេញអ្វីជាធំទេ ។ ក្នុងនោះ សូមកុំភ្លេចខ្លួនក្នុងការទទួលខុសត្រូវការងាររបស់ ខ្លួន។ ដោយឡែក ប្រការចាំបាច់បំផុតក្នុងពេលនេះ គឺសូមកុំយកចិត្តទុកដាក់នឹងពាក្យសំដីដែលមិនបានការរបស់គេពេក ប្រយ័ត្នរងគ្រោះដោយសាររឿងរបស់អ្នកដទៃ។ការខិតខំគឺចាំបាច់ ហើយការយកចិត្តថ្លើមអ្នកដទៃ គឺគ្មានប្រយោជន៍សម្រាប់អ្នកសោះឡើយ។សូមកុំធ្វើដំណើរផ្លូវឆ្ងាយ។

ឆ្នាំឆ្លូវ
សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។ រាសីលោកអ្នកថ្ងៃនេះល្អមធ្យម ។ ថ្ងៃនេះកិច្ចការ និងអាជីវកម្មរបស់លោកនឹងទទួល បានផលល្អ ចំពោះការទំនាក់ទំនងដៃគូរកស៊ី វិនិយោគធំតូច ទិញចូល លក់ចេញ បញ្ចាំគឺមានភាពមានជៅគជ័យ និងចំណេញបានច្រើន។ លោកអ្នកដែលជាអ្នកធ្វើការនៅការិយាល័យនឹងទទួលបានលើកទឹកចិត្តពីចៅហ្វាយនាយ ។ ចំពោះលោកអ្នកដែលប្រកប ការងាររដ្ឋ និងឯកជន លោកអ្នកអាចធ្វើការងារទាំងឡាយឲ្យទទួលបាន ផលសម្រេចដោយងាយស្រួល។ លើសពីនេះគំនិតរបស់អ្នកនឹងទទួលបានការគាំទ្រច្រើន ដូច្នេះដំណើរការនឹងរលូន។ ក្រៅពីនេះ សូមលោកអ្នកធ្វើការងារជាមួយនឹងភាពអត់ធ្មត់បំផុត។ សូមថែរក្សាសុខភាព និងហាត់ប្រាណជាប្រចាំ។

ឆ្នាំខាល
សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកក្នុងថ្ងៃនេះឡើងខ្ពស់ត្រដែត ។ រាល់ការងារ អាជីវកម្មរបស់លោកអ្នកគឺបានផលល្អណាស់ ។ គ្រប់ការទំនាក់ទំនង ជាមួយដៃគូរកស៊ីពាណិជ្ជកម្ម គ្រប់ប្រភេទ និងរាល់ការទិញ លក់ បញ្ចាំ នឹងសេវាកម្មផ្សេងៗនឹងមានភាពរលូន។ក្រៅពីនេះ សូមបង្កើនចំណាប់អារម្មណ៍ទៅលើពត៌មាន និងអាថ៌កំបាំងក្នុងការងារទាំងឡាយ ដើម្បីឲ្យអ្នកអាចយល់ដឹង និងសម្របទៅតាមរបត់នោះដោយងាយស្រួល។ អ្វីដែលកាន់តែពិសេស ក្នុងថ្ងៃនេះអ្នកអាចប្រើប្រាស់អារម្មណ៍ខាងក្នុងរបស់អ្នក ប៉ុន្តែក៏សូមយកចិត្តទុកដាក់នឹងបរិយាកាសផងដែរ។

ឆ្នាំថោះ
សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកក្នុងថ្ងៃនេះល្អមធ្យម ។ មុខរបរ ការងារ និងអាជីវកម្មរបស់លោកអ្នកក្នុងថ្ងៃនេះបានចំណេញ និងរាល់ការទំនាក់ទំនងមុខរបរ ការងារ អាជីវកម្ម សេវាកម្មគ្រប់ប្រភេទ និងការចូលហ៊ុនវិនិយោគ នឹងទទួលបានសមប្រកប នឹងបានផលល្អ និងបានសម្រេចដូចបំណង ។ សូមប្រើប្រាស់វេលាស្តាប់ដោយយកចិត្តទុកដាក់ហើយហាមមិនឲ្យវាយតម្លៃការងារលឿនពេកទេ។ ក្រៅពីនេះសូមលោកអ្នកធ្វើការងារជាមួយនឹងភាពអត់ធ្មត់
បំផុត និងរៀនសម្របខ្លួនទៅតាមស្ថានភាពជាក់ស្តែង។

ឆ្នាំរោង
សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ រាសីអស់លោកអ្នកថ្ងៃនេះល្អមធ្យម ។ ថ្ងៃនេះរាល់ការងារ និងអាជីវកម្ម គឺបានចំណេញ ។ ថ្ងៃនេះ សម្រាប់ការងារបណ្តាក់ទុនរកស៊ី និងទិញចូល លក់ចេញ ជួលបញ្ចាំ ខ្ចីចងការប្រាក់ និងសេវាកម្មគ្រប់ប្រភេទគឺបានផលល្អ និងមានលាភសំណាង។ ក្រៅពីនេះសូមលោកអ្នកកុំជឿទុកចិត្តគេខ្លាំងពេក អាចបណ្តាលឱ្យបាត់បង់លាភសក្ការៈ ។ សូមរក្សាទំនាក់ទំនងល្អជាមួយមនុស្សដែលធ្លាប់ជួយអ្នក នៅពេលមានអាសន្នអន់ក្រ។ចំពោះការគិតគូរនៅក្នុងផែនការអាជីវកម្មគឺត្រូវមានការគ្រោងទុក ត្រូវមានផែនការឱ្យបានច្បាស់លាស់ដើម្បីសម្រេចនូវផែនការ យុទ្ធសាស្រ្តល្អសម្រាប់អាជីវកម្មលោកអ្នក ជៀសវាងការធ្វើទៅទាំងប្រថុយប្រថានទៅតាមចិត្តរបស់ខ្លូន។

ឆ្នាំម្សាញ់
សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ រាសីអស់លោកអ្នកថ្ងៃនេះឡើងខ្ពស់ត្រដែត។ ថ្ងៃនេះការងារ អាជីវកម្ម របស់លោកអ្នក ដែលប្រកបរបរអាជីវកម្ម និងការបណ្តាក់ទុន ឬធ្វើកិច្ចការជាមួយនឹងការលក់ចេញ ទិញ ចូលទំនិញ គ្រប់ប្រភេទគឺបានចំណេញច្រើន និងមានការគាំទ្រពីអតិថិជន ។ លោកអ្នកដែលធ្វើជាមន្រ្តី់រាជការ នឹងមានដំណឹងល្អពីចៅហ្វាយនាយអំពីការឡើងតួនាទី។ ចំពោះដៃគូស្នេហាមានភាពល្អូកល្អឺន និងយល់ចិត្តគ្នា។ក្រៅពីនេះលោកអ្នក កុំប្រើពាក្យសម្តីទ្រគោះបោះបោកនាំឱ្យ កើតមានការអាក់អន់ចិត្តគ្នានៅកន្លែងធ្វើការនិងត្រូវចេះប្រើពេលវេលាឱ្យមានប្រយោជន៍សម្រាប់អាជីវកម្ម និងការងារ។

ឆ្នាំមមី
សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីលោកអ្នកថ្ងៃនេះល្អមធ្យម ។ ថ្ងៃនេះ ការងារនិងអាជីកម្មគ្រប់ប្រភេទរបស់លោកអ្នក នឹងបាបានផលល្អ។ ហើយរាល់ការបណ្តាក់ទុន សម្រាប់វិនិយោគក្រុមហ៊ុន ទិញ លក់ ជួលគ្រប់ប្រភេទ គឺបានចំណេញ និងមានការគាំទ្រពីអតិថិជន ។ ក្រៅពីនេះទៀត លោកអ្នកមានបំណងចង់បង្កើតការងារ អាជីវកម្មថ្មី ដូចជាបើកហាង លក់ចេញ ទិញចូល ជួល បញ្ចាំ ចងការប្រាក់ នឹងបានដូចបំណងហើយមានលាភសំណាងថែមទៀតផង។ សូមកុំចាយលុយទៅតាមការនឹកឃើញដូចជាការទិញរបស់របរដែលមិនចាំបាច់ និងកុំប្រព្រឹត្តិនូវអំពើអាក្រក់ ដែលនាំឱ្យអន្តរាយដល់ខ្លួន ។ សូមថែរក្សាសុខភាពឱ្យបានល្អ។

ឆ្នាំមមែ
សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាស្រី។ រាសីអស់លោកអ្នកថ្ងៃនេះឡើងខ្ពស់ត្រដែត ។ រាល់ការងាររកស៊ីអាជីវកម្មសម្រាប់ថ្ងៃនេះ របស់លោកអ្នក បានទទួលផលល្អណាស់ រាល់ការបណ្តាក់ទុនវិនិយោគ តូច ធំ ទិញចូល លក់ចេញ សេវាកម្មគ្រប់ប្រភេទនៅតាមហាង នឹងបានចំណេញយ៉ាងច្រើន ។ ទោះបីជាយ៉ាងណាក៏ដោយ លោកអ្នកកុំរឹងចចេសជាមួយមនុស្សនៅជុំវិញខ្លួន ប៉ុន្តែត្រូវរៀនរបត់បែននៃការគិតនឹងជួយឱ្យអ្នកស្វែងរកដំណោះស្រាយដែលល្អដែលត្រូវនឹងស្ថានភាព ជាក់ស្តែងន។ សូមគិតអ្វីៗនៅក្នុងផ្លូវវិជ្ជមានជានិច្ច។

ឆ្នាំវក
សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកថ្ងៃនេះស្រុតចុះ ។ ថ្ងៃនេះ ការងារ និងអាជីវកម្ម របស់លោកអ្នក មិនបានផលល្អទេ ។ រាល់ការទំនាក់ទំនងសម្រាប់ការធ្វើអាជីវកម្ម និង ពាណិជ្ជកម្ម តូចធំ រាល់ទំនិញទិញចូល លក់ចេញ ជួលបញ្ចាំ សេវាកម្មគ្រប់ប្រភេទ នឹង មានការខាតបង់ ។ ក្រៅពីនេះ លោកអ្នកក៏គួរមានទំនាក់ទំនងល្អជាមួយមនុស្សនៅកន្លែងការងារ ។ សូមកុំទុកចិត្តជាមួយអ្នកដទៃពេក ហើយកុំចំណាយលុយកាក់ទៅលើរបស់ណាដែលមិនចាំបាច់ និងជៀសវាងនូវអំពើអបាយមុខទាំងដែលនោះអន្តរាយខ្លួនឯងនិងកិត្តិយសក្រុមគ្រួសារ។ ក្រៅពីនេះរក្សាសុខភាពឱ្យបានល្អបន្តហាត់ប្រាណជាប្រចាំ។

ឆ្នាំរកា
សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីអស់លោកអ្នកថ្ងៃនេះឡើងខ្ពស់ត្រដែត ។ លោកអ្នកដែលប្រកបការងារ និងអាជីវកម្ម នឹងទទួលបានផលចំណេញ ។ រាល់ការបណ្តាក់ទុន ជាមួយម្ចាស់អាជីវកម្ម សេវាកម្ម ទិញ លក់ ជួល ផ្សេងៗ នឹងបានសម្រចដូចបំណង។ លើសពីនេះទៀតលោកអ្នកត្រូវខិតខំការពារនូវផលប្រយោជន៍រួមសម្រាប់ការងារ និងរបររកទទួលទាន និងទំនាក់ទំនងល្អជាមួយអ្នកដទៃ ដែលជានិច្ចជាកាលតែងតែជួយដោះស្រាយបញ្ហានានារបស់អ្នកលើសពីនេះត្រូវថែរក្សាសុខភាព ។ប៉ុន្តែសូមរក្សាឱ្យបាននូវតម្លៃ សីលធម៌គុណធម៌ និងសុជីវធម៌ដែលនាំឱ្យលោកអ្នកបានសេចក្តីសុខចម្រើន នឹងមានការគោរពពីអ្នកដទៃ។

ឆ្នាំច
សម្រាប់លោកអ្នកដែលមានកំណើតឆ្នាំច នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកថ្ងៃនេះស្រុតចុះ ។ ថ្ងៃនេះ ការងារនិងអាជីកម្មគ្រប់ប្រភេទរបស់លោកអ្នក ទទួលបានផលចំណេញទេ។ រាល់ការបណ្តាក់ទុន សម្រាប់វិនិយោគ ក្រុមហ៊ុន តូច ធំ ទិញ លក់ ជួល គ្រប់ប្រភេទគឺមានការបង់ខាត។ ។លើសពីនេះលោកអ្នកមិនត្រូវមានអាកប្បកិរិយាសមរម្យ និងពាក្យសម្តីមិនល្អចំពោះមិត្តរួមការងារក្នុងអាជីកម្ម និងមនុស្សដែលនៅជុំវិញខ្លួនឱ្យសោះព្រោះអាចប៉ះពាល់ដល់ដំណើរការអាជីវកម្ម ។ទោះបីជាយ៉ាងណាក៏ដោយបន្ថ្ថែនពីនេះ លោកអ្នកត្រូវខិតខំប្រែងព្យាយាមទំនាក់ទំនងឱ្យបានល្អជាមួយនិងអតិថិជន និងបណ្តាអ្នកបណ្តាក់ទុនដទៃទៀត។

ឆ្នាំកុរ
សម្រាប់លោកអ្នក ដែលមានកំណើតឆ្នាំកុរ នាមសត្វជ្រូក ធាតុទឹក ពង្សមនុស្សស្រី។ រាសីរបស់លោកអ្នកថ្ងៃនេះខ្ពស់ត្រដែត។ រាល់ការងារ អាជីវកម្ម លោកអ្នក នឹងបានផលចំណេញ គួរជាទីគាប់ចិត្ត។ គ្រប់ទំនាក់ទំនងការងារ មុខរបរអាជីវកម្ម សហគ្រាស សាជីវកម្ម ទិញចូល លក់ចេញ បញ្ចាំជួល សេវាកម្ម គ្រប់ប្រភេទគឺមានភាពរលូន និងការបែងចែកភាគលាភគឺបានច្រើន ។ ក្រៅពីនេះលោកអ្នក ត្រូវយកចិត្តទុកដាក់ចំពោះក្រុមការងារនៅក្នុងអង្គភាព និង មនុស្សជាទីស្រលាញ់ឱ្យបានសប្បាយចិត្ត ។ សូមរក្សាការគិតបែបវិជ្ជមាន និងផ្តល់តម្លៃ លើកទឹកចិត្តដល់មនុស្សដែលធ្លាប់ជួយ លោកអ្នកនៅពេលមានអាសន្ន។

ចំណាំ៖
ឆ្នាំទាំង៥ ខាល ម្សាញ់ មមែ រកា កុរ រាសីឡើងខ្ពស់ត្រដែត។
ឆ្នាំទាំង៤ ឆ្លូវ ថោះ រោង មមី រាសីល្អមធ្យម។
ឆ្នាំទាំង៣ ជូត វក ច រាសីស្រុតចុះ។

Address

CS8 Building, Street Vimean Ahha, Phumi KienKlaing, Sangkat Chroy Changvar, Khan Chroy Chongvar
Phnom Penh
12000

Telephone

+85512999015

Website

Alerts

Be the first to know and let us send you an email when APSARA FM97 posts news and promotions. Your email address will not be used for any other purpose, and you can unsubscribe at any time.

Contact The Business

Send a message to APSARA FM97:

Shortcuts

Share

Category