TOLA Kh

19/07/2026

19/07/2026

ថវិកាជាតិមិនមែនជារបស់លេង! ពលរដ្ឋស្រុកស៊ីធរកណ្ដាល បង្ហាញភស្តុតាងក្រុមហ៊ុន «មួយគា ធុកតៃលី» បន្លំធ្វើផ្លូវបេតុងខុសបច្ចេកទេស ទទូច ACU ចាត់វិធានការជាបន្ទាន់។

(ខេត្តព្រៃវែង)៖ ប្រជាពលរដ្ឋនៅភូមិព្រៃដើមថ្នឹង ឃុំព្រៃដើមថ្នឹង ស្រុកស៊ីធរកណ្ដាល កំពុងផ្ទុះកំហឹងយ៉ាងខ្លាំង និងបានដាក់ការសង្ស័យថា គម្រោងសាងសង់ផ្លូវបេតុងអាមេរបស់ក្រុមហ៊ុន «មួយគា ធុកតៃលី» កំពុងមានចេតនាបន្លំគុណភាពសាងសង់យ៉ាងធ្ងន់ធ្ងរ។

ពលរដ្ឋបានអះអាងថា ក្រុមហ៊ុនមួយនេះ បានក្រាលសំណាញ់ដែកផ្ទាល់នឹងដីខ្សាច់ដោយគ្មានបេតុងទ្រាប់ (Concrete Spacer) ដែលនេះជាការបំពានយ៉ាងច្បាស់លើស្តង់ដារបច្ចេកទេសសំណង់ ដើម្បីកេងចំណេញលើកម្រាស់ និងគុណភាពបេតុង។

ប្រជាពលរដ្ឋបានដាក់ការសង្ស័យថា ការប្រញាប់ប្រញាល់ចាក់បេតុងលុបបំបាត់ភស្តុតាងនេះ គឺជាចេតនាទុច្ចរិតរបស់ក្រុមហ៊ុន ដើម្បីបន្លំមន្ត្រីជំនាញឱ្យពិនិត្យមិនឃើញពីកំហុសបច្ចេកទេស។ «ថវិកាជាតិគឺជាញើសឈាមរបស់ពលរដ្ឋ! យើងមិនអាចទុកឱ្យក្រុមហ៊ុន បំផ្លាញធនធានជាតិដើម្បីផលប្រយោជន៍ខ្លួនឯងបានឡើយ» នេះគឺជាសម្រែកក្តីឈឺចាប់របស់ពលរដ្ឋក្នុងមូលដ្ឋាន។

ដោយយល់ឃើញថាផ្លូវមួយខ្សែនេះនឹងមិនអាចទ្រទ្រង់យូរអង្វែង និងឆាប់វិនាសខូចខាតជាមិនខាន ប្រជាពលរដ្ឋសូមអំពាវនាវយ៉ាងទទូចដល់៖

១. លោក ប៉ោ ពីឡុត និង លោក វ៉ាន់ សុធា (តំណាងអភិបាលខេត្តព្រៃវែង) សូមមេត្តាចុះអធិការកិច្ចជាបន្ទាន់។

២. អង្គភាពប្រឆាំងអំពើពុករលួយ (ACU) មេត្តាជួយពិនិត្យរកភាពមិនប្រក្រតីនៃគម្រោងនេះ។

៣. ឯកឧត្តម សួន សុម៉ាលីនអភិបាលខេត្តព្រៃវែង សូមមេត្តាជួយអន្តរាគមន៍ ដើម្បីការពារថវិកាជាតិ និងគុណភាពសំណង់សម្រាប់ប្រជាពលរដ្ឋ។

19/07/2026