រដ្ឋបាលស្រុកកញ្ជ្រៀច Kanhchriech district Administration Cambodia

23/08/2025

នាព្រឹកថ្ងៃទី ២៣ ខែសីហា ឆ្នាំ២០២៥

រដ្ឋបាលស្រុកកញ្ជ្រៀច បានរៀបចំពិធីដង្ហែក្បួនថ្មើរជើងដើម្បីសន្តិភាព គាំទ្របទឈប់បាញ់ និងប្រឆាំងការរំលោភបំពានដែនអធិបតេយ្យរបស់កម្ពុជា ពីសំណាក់កងទ័ពថៃ។ ដោយចាប់ផ្តើមពីសាលាឃុំកញ្ជ្រៀច ដង្ហែក្បួនថ្មើរជើង ឆ្ពោះមកមុខសាលាស្រុកកញ្ជ្រៀច។

ពិធីនេះមានការចូលរួមពីសំណាក់ ព្រះសង្ឃ ថ្នាក់ដឹកនាំខេត្ត ស្រុក ឃុំ មន្ត្រីរាជការ ប្រជាពលរដ្ឋ និងសិស្សានុសិស្ស សរុបប្រមាណ ជាង ១១,៦០៦ អង្គ/នាក់

23/08/2025

21/08/2025

នៅព្រឹកថ្ងៃទី២១ ខែសីហា ឆ្នាំ២០២៥ រដ្ឋបាលស្រុកបានរៀបចំកិច្ចប្រជុំគណៈបញ្ជាការឯកភាពស្រុកកញ្ជ្រៀច ក្រោមអធិបតីភាព លោក សឿង សុជាតិ អភិបាលស្រុក

21/08/2025

21/08/2025

រដ្ឋបាលស្រុកកញ្ជ្រៀច សូមជូនដំណឹងដល់បងប្អូនប្រជាពលរដ្ឋឱ្យបានជ្រាបថា រដ្ឋបាលស្រុកនឹងរៀបចំ ពិធីដង្ហែក្បួនថ្មើរជើងដើម្បីសន្តិភាព គាំទ្របទឈប់បាញ់ និងប្រឆាំងការរំលោភបំពានដែនអធិបតេយ្យរបស់កម្ពុជា ពីសំណាក់កងទ័ពថៃ។

ពិធីនេះនឹងប្រព្រឹត្តទៅនាថ្ងៃទី២៣ ខែសីហា ឆ្នាំ២០២៥ វេលាម៉ោង ៦:៣០ នាទីព្រឹក ទីតាំងជួបជុំនៅសាលាឃុំកញ្ជ្រៀច រួចបន្តដង្ហែក្បួនថ្មើរជើង ឆ្ពោះមកមុខសាលាស្រុកកញ្ជ្រៀច។

សូមបងប្អូនប្រជាពលរដ្ឋអញ្ជើញចូលរួម ក្នុងស្មារតីជាតិនិយមទាំងអស់គ្នា ដោយមានភ្ជាប់មកទង់ជាតិ ទង់សាសនា មកជាមួយ។ សូមអរគុណ!

18/08/2025

នៅរសៀលថ្ងៃទី១៨ ខែសីហា ឆ្នាំ២០២៥ រដ្ឋបាលស្រុកកញ្ជ្រៀច បានរៀបចំកិច្ចប្រជុំ ត្រៀមរៀបចំក្បួនដង្ហែព្យុះយាត្រា គាំទ្របទឈប់បាញ់ និងកម្ពុជាត្រូវការសន្ដិភាព គ្រោងធ្វើនៅថ្ងៃទី២៣ ខែសីហា ឆ្នាំ២០២៥ នាពេលខាងមុខនេះ។

18/08/2025

នៅព្រឹកថ្ងៃទី១៨ ខែសីហា ឆ្នាំ២០២៥ រដ្ឋបាលស្រុក បានគោរពទង់ជាតិ។

14/08/2025

នៅព្រឹកថ្ងៃព្រហស្បតិ៍ ទី១៤ ខែសីហា ឆ្នាំ២០២៥ លោក សឿង សុជាតិ អភិបាលស្រុក និងក្រុមការងារចុះមូលដ្ឋានស្រុក ព្រមទាំងមន្ដ្រីរាជការ អាជ្ញាធរភូមិ ឃុំ លោកគ្រូអ្នកគ្រូ អាណាព្យាបាលសិស្ស បានអញ្ជើញចូលរួមពិធីបញ្ចុះបឋមសីលាសាងសង់អគារមត្តេយ្យសិក្សាកញ្ជ្រៀច និងអគារមត្តេយ្យសិក្សាត្រពាំងថ្លាន់ ដែលជាអំណោយដ៏ថ្លៃថ្លារបស់ឯកឧត្ដមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងលោកជំទាវ កែ សួនសុភី ព្រមទាំង ឯកឧត្ដម ស ថេត អគ្គស្នងការនគរបាលជាតិ និងលោកជំទាវ ស ស៊ីណា ។

12/08/2025

លោក សយ សុត ប្រធានក្រុមប្រឹក្សាស្រុក និងលោក សឿង សុជាតិ អភិបាលស្រុកកញ្ជ្រៀច ព្រមទាំងមន្ដ្រីរាជការ បងប្អូនប្រជាពលរដ្ឋបានចុះសួសុខទុក្ខនិងយកអំណោយជូនបងប្អូនទ័ពនៅការពារទឹកដីតាមព្រុំដែន។

12/08/2025

នាព្រឹកថ្ងៃទី១២ ខែសីហា​ ឆ្នាំ២០២៥

រដ្ឋបាលស្រុកកញ្ជ្រៀច បានរៀបចំកិច្ចប្រជុំ តាមប្រព័ន្ធអនឡាញ Zoom ស្តីពីការសម្របសម្រួលផ្តល់ឯកសារអត្តសញ្ញាណកម្មជូនប្រជាពលរដ្ឋដែលវិលមកពីប្រទេសថៃ នៅសាលប្រជុំសាលាស្រុកកញ្ជ្រៀច។

ដោយមានអញ្ជើញចូលរួមពី​ លោកស្រី សុទ្ធ សោភ័ណ អភិបាលរងស្រុក ប្រធានការិយាល័យ លោកមេឃុំ ស្មៀនឃុំ អធិការរង ប្រធានផ្នែកអត្តសញ្ញាណកម្ម និងនាយប៉ុស្តិ៍រដ្ឋបាលឃុំ ។

11/08/2025

ក្រសួងការងារ ចេញសេចក្តីជូនដំណឹង លើកលែងលក្ខខណ្ឌតម្រូវឱ្យភ្ជាប់អត្តសញ្ញាណបណ្ណសញ្ជាតិខ្មែរក្នុងការដាក់ពាក្យធ្វើការចំពោះពលករខ្មែរដែលត្រឡប់មកពីប្រទេសថៃ។

11/08/2025

នៅព្រឹកថ្ងៃទី១១ ខែសីហា ឆ្នាំ២០២៥ រដ្ឋបាលស្រុក បានគោរពទង់ជាតិ។