Thmey Thmey 25

04/09/2025

ប្រធានាធិបតីចិន ព្រមានមនុស្សជាតិ កំពុងប្រឈមរវាងសន្តិភាព និងសង្រ្គាម

ប្រធានាធិបតីចិន លោក ស៊ី ជិនភីង នៅថ្ងៃទី៣ ខែកញ្ញា បានព្រមានថា មនុស្សជាតិកំពុងប្រឈមសម្រាប់ជម្រើស សន្តិភាព ឬ សង្គ្រាម និងការទទួលបានផលប្រយោជន៍រួម ឬការប្រកួតប្រជែងបែបចាញ់ឈ្នះ។

ក្នុងខួបលើកទី៨០ឆ្នាំនៃជ័យជម្នះរបស់ប្រជាជនចិនតស៊ូប្រឆាំងការឈ្លានពានរបស់ជប៉ុន និងសង្រ្គាមប្រឆាំងហ្វាស៊ីសពិភពលោក នៅទីក្រុងប៉េកាំង នៅថ្ងៃទី៣ ខែកញ្ញា ចិន បានធ្វើសមយុទ្ធយោធាដ៏ធំ និងរម្លឹកដល់វិញ្ញាណក្ខន្ធប្រជាជនចិន ដែលបានស្លាប់ក្នុងសង្រ្គាមលោកលើកទីពីរ។ តាមការប៉ាន់ប្រមាណ ប្រជាជនចិនច្រើនជាង ៣៥លាននាក់ បានស្លាប់ក្នុងសង្រ្គាមលោកលើកទី២។ នេះបើតាមការចុះផ្សាយរបស់ទូរទស្សន៍ Channel News Asia។

04/09/2025

រមណីយដ្ឋានអង្គរ ជាទីកន្លែងហ្វឹកហាត់កីឡាបញ្ញា និងកីឡាសរីរាង្គ

ភ្នំពេញ៖សំណេរអង្គរ បានរៀបចំឡើងចំនួន២លើករួចមកហើយ នៅលើស្ពានហាល ខាងលិចប្រាសាទអង្គរវត្ត។ រមណីយដ្ឋានអង្គរ ក៏ជាទីតាំងសម្រាប់អ្នកចូលចិត្តហាត់កីឡា ដូចជាការរត់ប្រណាំងពាក់កណ្តាលម៉ារ៉ាតុង និងការរត់ប្រណាំងម៉ារ៉ាតុងថ្នាក់ជាតិជាដើម ដើម្បីសុខភាព សរីរាង្គកាយមាំមួន។

លោក លីម ប៊ុនហុក អ្នករៀបចំកម្មវិធីសំណេរអង្គរ បានលើកឡើងថា រមណីយដ្ឋានអង្គរជាទីតាំងដ៏ល្អឥតខ្ចោះ ដែលជាបេះដូងអរិយធម៌ខ្មែរពីបុរាណកាលមក។ ជញ្ជាំងប្រាសាទ មានចម្លាក់ និងសិលាចារឹក ជាទីតាំងមានអត្ថន័យជ្រាលជ្រៅជាទីបំផុត។

អ្នករៀបចំកម្មវិធីសំណេរអង្គររូបនេះ បានថ្លែងថា៖ «យើងហាក់ដូចជាចូលទៅពិភពមួយផ្សេងមួយទៀត ដាច់ដោយឡែក ដើម្បីធ្វើលំហាត់បញ្ញារបស់យើង ដោយប្រើចំណេះដែលយើងធ្លាប់បានរៀនកន្លងមក។ ប៉ុន្តែសំណេរអង្គរ រឹតតែមានន័យជាងគេ ព្រោះពាក់ព័ន្ធនឹងអក្សរសាស្រ្ត។ ចំណែកការរត់ប្រណាំងនៅរមណីយដ្ឋានអង្គរ ជាការធ្វើលំហាត់ប្រាណផ្នែកសរីរាង្គ។»

សូមជម្រាបថា កម្មវិធីប្រកួតសំណេរអង្គរ លើកទី៣ នឹងប្រព្រឹត្តទៅនៅថ្ងៃទី១៨ មករា ឆ្នាំ២០២៦ដោយរៀបចំនៅស្ពានហាលខាងលិចប្រាសាទអង្គរវត្ត នាម៉ោង ៧ព្រឹក។ សម្រាប់ការប្រកួតសំណេរអង្គរលើកទី៣នេះ ក្រុមអ្នករៀបចំកម្មវិធីនឹងចុះឈ្មោះបេក្ខជន១៥០០នាក់។ ការចុះឈ្មោះចុងក្រោយនៅថ្ងៃទី២២ ខែធ្នូ ឆ្នាំ២០២៥ ៕

ដោយ៖ ហេង ស្រីលីន

04/09/2025

សភាថៃ នឹងបោះឆ្នោតរើសនាយករដ្ឋមន្រ្តី នៅថ្ងៃទី៥ ខែកញ្ញា

រដ្ឋសភាថៃ នឹងបោះឆ្នោតរើសនាយករដ្ឋមន្រ្តីថ្មី នៅថ្ងៃទី៥ ខែកញ្ញា ក្រោយតុលាការធម្មនុញ្ញ ដកតំណែងលោកស្រី ផែថងថាន ស៊ីណាវ៉ាត់ ពីប្រមុខរដ្ឋាភិបាលថៃ ជុំវិញការបែកធ្លាយកិច្ចសន្ទនាសម្ងាត់ជាមួយសម្តេច ហ៊ុន សែន ប្រធានព្រឹទ្ធសភាកម្ពុជា។ លោក Anutin Charnvirakul បេក្ខជននាយករដ្ឋមន្រ្តីរបស់បក្ស Bhumjaithai មានលទ្ធភាពខ្ពស់ ដើម្បីក្លាយជានាយករដ្ឋមន្រ្តីថ្មី។

អត្ថបទ៖ ធៀន ភារិន្ទ
អធិប្បាយ៖ ហេង ស្រីលីន

04/09/2025

ចង់ចាប់យកមុខជំនាញវិស្វកម្មវិទ្យាសាស្ត្រ និងទិន្នន័យ តើសិស្សគួរដឹងអ្វីខ្លះ?

  ភ្នំពេញ៖ មុខជំនាញវិស្វកម្មវិទ្យាសាស្ត្រ និងទិន្នន័យ ចាប់ផ្តើមមានប្រជាប្រិយភាពក្នុងចំណោមសិស្សនិស្សិត.....

04/09/2025

អាជ្ញាធរជាតិអប្សរា សម្អាតបរិវេណប្រាសាទក្ងោកគ្រៀវ

សៀមរាប៖ ក្រុមការងាររបស់អាជ្ញាធរជាតិអប្សរា បានសម្អាតព្រៃ និងបរិស្ថានជុំវិញបរិវេណប្រាសាទក្ងោកគ្រៀវ ដែលមានទីតាំងស្ថិតនៅភូមិអូររូង ឃុំតាសៀម ស្រុកស្វាយលើ ខេត្តសៀមរាប។ កាលពីឆ្នាំ២០២៤ អាជ្ញាធរជាតិអប្សរា បានចុះបោះបង្គោលកំណត់ព្រំនៃទីតាំងបុរាណដ្ឋាន និងដាក់ស្លាកសញ្ញានៃប្រាសាទនេះ។ អាជ្ញាធរជាតិអប្សរា អំពាវនាវដល់ប្រជាជនរស់នៅតំបន់ជុំវិញចូលរួមថែរក្សាប្រាសាទបុរាណរបស់ដូនតាខ្មែរ។

រូបភាព៖ លោក សុខ វិសាល

#ប្រាសាទក្ងោកគ្រៀវ

04/09/2025

កម្ពុជា ទទួលបានគម្រោងវិនិយោគចំនួន ៥១ក្នុងខែសីហា

កម្ពុជា ទទួលបានគម្រោងវិនិយោគចំនួន ៥១ ក្នុងទំហំទុនវិនិយោគសរុបប្រមាណ ៦០៨លានដុល្លារអាម៉េរិក ដែលត្រូវបានចុះបញ្ជីទទួលស្គាល់ដោយគណៈកម្មាធិការវិនិយោគកម្ពុជា នៃក្រុមប្រឹក្សាអភិវឌ្ឍន៍កម្ពុជា ក្នុងខែសីហា ឆ្នាំ២០២៥។ គម្រោងទាំង៥១នេះ អាចបង្កើតការងារបានជាង២៧ពាន់កន្លែងសម្រាប់ប្រជាពលរដ្ឋខ្មែរ។

03/09/2025

ទឹកធ្លាក់ភ្នំគូលែន ផ្តល់អារម្មណ៍ស្រស់ស្រាយដល់ទេសចរ

សៀមរាប៖ ភ្នំគូលែន ជាទីតាំងទេសចរធម្មជាតិ និងប្រវត្តិសាស្ត្រដ៏ពេញនិយមមួយ នៅក្នុងខេត្តសៀមរាប។ ទឹកធ្លាក់ភ្នំគូលែន ជាចំណែកសំខាន់មួយក្នុងការទាក់ទាញភ្ញៀវទេសចរ នៅក្នុងខេត្តសៀមរាប។ ទឹកធ្លាក់ត្រជាក់ ថ្លាឈ្វេង គួបផ្សំជាមួយទេសភាពធម្មជាតិនៅជុំវិញដ៏ស្រស់ត្រកាល បានធ្វើឲ្យទេសចរជាតិ និងអន្តរជាតិ ទទួលបានអារម្មណ៍កាន់តែស្រស់ស្រាយ នៅពេលទៅកម្សាន្តនៅទីនោះ។
រមណីយដ្ឋានភ្នំគូលែន មានចម្ងាយ៥០គីឡូម៉ែត្រពីទីរួមខេត្តសៀមរាប។
រូបភាព៖ សយ រតណ្ណៈវិសាល

03/09/2025

វេលាម៉ោងប្រមាណ៩កន្លះយប់ទៅហើយ ផ្លូវវែងស្រេងចំណុចជ្រៃកោងឆ្ពោះទៅស្ពានអាកាសចោមចៅ កកស្ទះចរាចរណ៍យ៉ាងខ្លាំង ដោយសារទឹកលិចផ្លូវ ក្រោយភ្លៀងធ្លាក់ខ្លាំង។



#ចរាចរណ៍ #ទឹកលិច

03/09/2025

កម្ពុជា-វៀតណាម នឹង​ជំរុញកំណើនទំហំពាណិជ្ជកម្មទ្វេទិសឱ្យដល់គោលដៅ ២០ពាន់លានដុល្លារ

ដើម្បី​បន្តទាញយប្រយោជន៍ពីសក្តានុពលនៃកិច្ចសហប្រតិបត្តិការសេដ្ឋកិច្ចដែលបំពេញឱ្យគ្នាទៅវិញទៅមក កម្ពុជា និង​វៀតណាម បាន​ឯកភាពបន្តជំរុញកំណើនទំហំពាណិជ្ជកម្មទ្វេទិស ឱ្យដល់គោលដៅ ២០ពាន់លានដុល្លារ នារយៈពេលប៉ុន្មានឆ្នាំដ៏ខ្លីខាងមុខនេះ។ ការ​បន្ត​ជំរុញ​ទំហំពាណិជ្ជកម្មនេះ ធ្វើឡើងក្នុងជំនួបរវាង​សម្ដេច ហ៊ុន សែន និង​ថ្នាក់ដឹកនាំ​វៀតណាម កាលពីថ្ងៃទី១ កញ្ញា។

03/09/2025

ភ្នំពេញ កំពុងមានភ្លៀងធ្លាក់ខ្លាំង

កម្ពុជា បន្តធ្លាក់ភ្លៀងរយៈពេល៣ថ្ងៃចាប់ពីថ្ងៃទី២ ដល់ថ្ងៃទី៥ ខែ កញ្ញា ។ ខេត្តបន្ទាយមានជ័យ បាត់ដំបង ពោធិ៍សាត់ កំពង់ឆ្នាំង សៀមរាប កំពង់ធំ កំពង់ចាម ត្បូងឃ្មុំ ព្រៃវែង កណ្ដាល តាកែវ ស្វាយរៀង និងភ្នំពេញ អាចមានភ្លៀងធ្លាក់ជាមួយផ្គររន្ទះ និងខ្យល់កន្រ្តាក់គ្របដណ្ដប់លើផ្ទៃដី៥០ភាគរយ។

ចំណែកឯ តំបន់ខ្ពង់រាប មានខ្យល់បក់មកពីទិសបស្ចិម និងទិសពាយ័ព្យ មានល្បឿនមធ្យម៥ម៉ែត្រ/វិនាទី។ ខេត្តកំពង់ស្ពឺ ប៉ៃលិន ឧត្តរមានជ័យ ព្រះវិហារ ក្រចេះ ស្ទឹងត្រែង រតនគិរី មណ្ឌលគិរី មណ្ឌលគិរី ជួរភ្នំដងរែក និងតំបន់ជួរ ភ្នំក្រវាញ អាចមានភ្លៀងធ្លាក់ជាមួយផ្គររន្ទះ និងខ្យល់កន្រ្តាក់គ្របដណ្ដប់លើផ្ទៃដី៤៥ភាគរយ។

តំបន់មាត់សមុទ្រ មានខ្យល់បក់មកពីទិសនិរតី និងទិសបស្ចិមមានល្បឿនមធ្យម៥ម៉ែត្រ/វិនាទី។ ខេត្តកោះកុង ព្រះសីហនុ កំពត កែប និងជួរភ្នំបូកគោ អាចមានភ្លៀងធ្លាក់ជាមួយផ្គររន្ទះ និងខ្យល់កន្រ្តាក់គ្របដណ្ដប់លើផ្ទដី៥០ភាគរយ។ ជាមួយគ្នានេះ រលកសមុទ្រ មានកម្ពស់មធ្យមអប្បបរមា ០,៥០ ម៉ែត្រ និងកម្ពស់មធ្យមអតិបរមា ១,៧៥ម៉ែត្រ៕

03/09/2025

តើនិស្សិតរៀនជំនាញវិស្វកម្មវិទ្យាសាស្ត្រ និងទិន្នន័យ អាចធ្វើការងារអ្វីខ្លះ?

ភ្នំពេញ៖ មុខជំនាញវិស្វកម្មវិទ្យាសាស្ត្រ និងទិន្នន័យ ចាប់ផ្តើមមានប្រជាប្រិយភាពក្នុងចំណោមសិស្សនិស្សិតកម្ពុជារយៈពេលប៉ុន្មានឆ្នាំចុងក្រោយនេះ។ លោក ម៉ៅ មករា សាស្រ្ដាចារ្យនៅសាកលវិទ្យាល័យភូមិន្ទភ្នំពេញ បានពន្យល់ថា ជំនាញ វិស្វកម្មវិទ្យាសាស្ត្រ និងទិន្នន័យ ជាជំនាញដែលកំពុងមានតម្រូវការខ្ពស់ក្នុងពេលបច្ចុប្បន្ន និងអនាគត ជាពិសេសមានសក្តានុពលសម្រាប់ការជួយអភិវឌ្ឍសង្គមជាតិនាពេលបច្ចុប្បន្ន។

ដោយ៖ សែម ប្រាក់ដាវ និង សយ រតណ្ណៈវិសាល

03/09/2025

អ្នករៀបចំសំណេរអង្គរ ៖ កម្រិតសំណេរខ្មែររបស់បេក្ខជនវិវត្តកាន់តែប្រសើរ

ភ្នំពេញ៖ សំណេរអង្គរ ត្រូវបានរៀបចំចំនួន២លើករួចមកហើយ គឺនៅឆ្នាំ២០២៤ និងឆ្នាំ២០២៥។ ក្នុងឆ្នាំ២០២៤ មានបេក្ខជន...