11/01/2026
សូមគោរពសម្តេចតេជោ និងសម្តេចធិបតី ជាទីគោរពសក្ការៈ! ក្នុងនាមជាកូនចៅដែលជារាស្ត្រសាមញ្ញ យើងខ្ញុំសូមលើកដៃសំពះគោរពស្នើសុំកិច្ចអន្តរាគមន៍ពី សម្តេចតេជោ ហ៊ុន សែន និង សម្តេចធិបតី ហ៊ុន ម៉ាណែត ស្វែងរកយុត្តិធម៌។ យោងតាមពុទ្ធិវិជ្ជា ការសង្ស័យនិយម និងការវែកញែកនៅក្នុងពុទ្ធិ តើសម្តេចទាំងទ្វេបានដឹងពីទុក្ខសោករបស់យើងខ្ញុំទេ? វិចារណញ្ញាណនិយម នៃពុទ្ធិទាំង14! សូមរក្សាសង្គមពុទ្ធិ! នេះរឿងពិត ដែលគ្មានអ្នកណាម្នាក់ហ៊ានប្រាប់សម្តេចទាំងទ្វេពីការពិតអំពី CIC Capital Cambodia ដែលបានបោកប្រាស់លុយយើងខ្ញុំ នាំឱ្យប្រទេសខ្មែរស្មោកគ្រោកក្នុងអាស៊ី ព្រមទាំងបាត់អ្នកវិនិយោគ។
យើងខ្ញុំគឺជាអ្នកផ្តល់កម្ចីឱ្យក្រុមហ៊ុន CIC Capital Cambodia ពេលនេះយើងខ្ញុំកំពុងជួបទុក្ខលំបាកយ៉ាងធ្ងន់ធ្ងរ ប៉ះពាល់ដល់ជីវភាព សុខភាពផ្លូវចិត្ត និងការសិក្សារបស់កូនៗ។ យើងខ្ញុំគ្មានទីពឹងអ្វីក្រៅពីមេត្តាធម៌ និងកិច្ចអន្តរាគមន៍ពីសម្តេចទាំងទ្វេឡើយ ដើម្បីជួយឱ្យយើងខ្ញុំទទួលបានយុត្តិធម៌ និងថវិកាសន្សំមកវិញ។ សង្ឃឹមលើសេចក្តីមេត្តារបស់សម្តេច ជួយជំរុញយន្តការច្បាប់ឱ្យមានតម្លាភាព និងផ្តល់យុត្តិធម៌ដល់ជនរងគ្រោះពិតប្រាកដ។ ដោយក្តីគោរពបំផុត!
