20/08/2026
សេចក្តីបំភ្លឺផ្លូវការរបស់អាជ្ញាធរជាតិអប្សរា ទាក់ទងនឹងការផ្សព្វផ្សាយវីដេអូមួយនៅលើបណ្តាញសង្គម។ អាជ្ញាធរជាតិអប្សរាបានច្រានចោលទាំងស្រុងនូវការឡាយវីដេអូរបស់ស្ត្រីឈ្មោះ ឈាន សុខន ម្ចាស់គណនីហ្វេសប៊ុក «សៀវ ឡុងឌី» ដែលបានប្រើប្រាស់រូបភាពចាស់ៗ និយាយការពារការលក់ដូរគ្មានសណ្តាប់ធ្នាប់របស់ខ្លួន និងទម្លា//ក់កំហុសមកលើមន្ត្រីអាជ្ញាធរ។ តាមការបញ្ជាក់ បុគ្គលរូបនេះ មិនត្រឹមតែមិនសហការចូលលក់ដូរក្នុងទីតាំងដែលរដ្ឋបាលខេត្តរៀបចំជូនដោយឥតគិតថ្លៃនោះទេ ថែមទាំងបានដើរលក់ចល័តគ្មានសណ្តាប់ធ្នាប់ បង្កជម្លោះជាមួយមន្ត្រី និងរំខានដល់ភ្ញៀវទេសចរជាបន្តបន្ទាប់។ គួររំលឹកផងដែរថា កន្លងមកអាជ្ញាធរធ្លាប់បានសម្របសម្រួល និងថែមទាំងបានផ្តល់ផ្ទះស្នាក់នៅសមរម្យជូនគាត់ទៀតផង តែបុគ្គលរូបនេះនៅតែបន្តសកម្មភាពល្មើស និងធ្លាប់ធ្វើកិច្ចសន្យានៅស្នងការដ្ឋាននគរបាលខេត្តរួចមកហើយពាក់ព័ន្ធនឹងការឡាយវីដេអូបង្កការយល់ច្រឡំនេះ។
