05/09/2025
កូនអាយុចាប់ពី2ឆ្នាំឡើង
អ្នកឧស្សាហ៍និយាយប្រធានបទ ទាំង22នេះកាន់តែច្រើន កូនតូចនឹងកាន់តែឆ្លាត។
《ការសង្កេត》
1 កូនបិទភ្នែក ហើយនិយាយមើល ថ្ងៃនេះម៉ាក់ស្លៀកខោ ឬក៏ស្លៀកសំពត់? ប៉ាស្លៀកខោពណ៌អ្វី?
(ហ្វឹកហាត់ ការសង្កេត និង ការចងចាំ)
2 ថ្ងៃនេះទៅរៀន កូនជូបមិត្តភក្តិមួយណាមុនគេ?
(ហ្វឹកហាត់ ការសង្កេត និង ការចងចាំ)
3 ម៉ិញនេះ កូនជួបអ្នកដើរកាត់ម៉ិញ គេពាក់អាវពណ៍អ្វី?
(ហ្វឹកហាត់ ការសង្កេត និង ការចងចាំ)
《ជំនាញភាសានិយាយ》
1 ស្អែកកូនចង់លេងហ្គេមអីដែរ? គេលេងយ៉ាងម៉េច? ជួយបង្រៀនម៉ាក់ផង។
(ហ្វឹកហាត់ សមត្ថភាពពិពណ៌នា)
2 ថ្ងៃនេះទៅរៀន មានរឿងអ្វីដែលគួរឱ្យចាប់អារម្មណ៍ជាងគេ និយាយឱ្យម៉ាក់ដឹងផង។
(ហ្វឹកហាត់ សមត្ថភាពនិទានរឿង)
3 នៅក្នុងរឿងនិទាន ទន្សាយចង់ស៊ីចេក តើទន្សាយវាធ្វើអីគេ?
(ហ្វឹកហាត់ សមត្ថភាពក្នុងការនិយាយឡើងវិញ)
《រៀនលេខ》
1 ផ្ទះយើងមានប៉ុន្មានជាន់ អូនរាប់មើល?
(រៀនរាប់លេខ)
2ម៉ាក់ច្រកតែមួយកញ្ចប់ប៉ុន្មានកូនថង់? អូនរាប់មើល។
(រៀនរាប់លេខ)
3 អាវអូនមានឡេវប៉ុន្មាន?
(រៀនរាប់លេខ)
3 យើងមានក្រូច5ផ្លែ អូនញ៉ាំ1 ម៉ាក់ញ៉ាំ1 នៅសល់ប៉ុន្មានផ្លែ?
(រៀនដកលេខងាយៗ)
《ការយល់ដឹងនៃទិសលំហ》
1 យើងត្រូវទៅផ្សារ តើគួរទៅតាមណា?
(ស្គាល់ផ្លូវ)
2 ពេលព្រឹក ព្រះអាទិត្យរះឡើងនៅទិសខាង កើត? លិច? ជើង? ត្បូង?
(រៀនស្គាល់ទិសទាំង4)
3 យើងនៅជាន់ទី8 កឺកឺនៅជាទី 7។
ពេលយើងនៅផ្ទះ តើកឺកឺនៅលើយើង ឬក៏ក្រោមយើង?
ពេលយើងចុះទៅក្រោម តើកឺកឺនៅកន្លែងណានៃយើង?
(បង្រៀនឱ្យស្គាល់ខាងលើ ខាងក្រោម)
《ការយល់ដឹងអំពីសុវត្ថិភាព》
1 បើមានគេនិយាយថាស្គាល់ម៉ាក់ ឱ្យអូនទៅជាមួយគេ គេនាំអូនទៅទិញការ៉េមហើយទៅរកម៉ាក់ អូនទៅជាមួយគេទេ?
(បង្រៀនការពារខ្លួនកុំឱ្យចាញ់បោកគេ)
2 នៅតាមផ្លូវបើយើងជួបមនុស្សអាក្រក់ ម៉ាក់ចាប់ស្ទាក់មនុស្សអាក្រក់នោះជាប់ តើអូនគួរតែធ្វើដូចម្តេចបន្តទៀត?
(បង្រៀនកូនឱ្យចេះស្រែករត់រកគេជួយ)
3 បើមានពូជិតខាងហៅអូនទៅលេងហ្គេមក្នុងផ្ទះគាត់ តើកូនទៅជាមួយទេ?
(ចេះការពារខ្លួនឯង)
《ការយល់ដឹងដោយខ្លួនឯង》
1 តើកូនយល់ថាកូនពូកែខាងអ្វី? មិនពូកែខាងអ្វី?
(ស្គាល់គុណសម្បត្តិ និងគុណវិប្បត្តិខ្លួនឯង)
2 តើកូនចូលចិត្តម៉ាក់កន្លែងណា? មិនចូលចិត្តម៉ាក់កន្លែងណា? ចុះប៉ា?
(ស្វែងយល់ពីកូនទៅវិញទៅមក)
3 តើកូនធំឡើងចង់ធ្វើអ្វី? ព្រោះអ្វី?
(ឧត្តមគតិនិងជំនឿរបស់កូន)
4 តើមិត្តភក្តិកូនគេពិពណ៌នាចំពោះកូនយ៉ាងម៉េច?
តើកូនយល់ស្របដែរឬទេ?
(បែងចែកទស្សនៈផ្ទាល់ខ្លួនរបស់អ្នកពីអ្នកដទៃ)
អត្ថបទបកប្រែ សុខ គឹមទៀវ
