https://www.facebook.com/761348077218659/

Fast News, Veng Sreng, Phnom Penh (2025)

04/11/2025

យោងតាមការចុះផ្សាយរបស់សារព័ត៌មានសៀម គឺមេទ័ពសៀមនៅតែចិញ្ចឹមចិត្តចង់វាយយកប្រាសាទតាក្របីរបស់ខ្មែរ។

03/11/2025

ថ្ងៃនេះនៅភ្នំពេញមានភ្លៀងមួយមេធំកំពុងស្រោចស្រព!

01/11/2025

ក្រសួងកសិកម្មកំពុងផ្ទៀងផ្ទាត់ព័ត៌មានរឿងបែកធ្លាយថា មានអ្នកម៉ៅផ្តាច់ទិញស្រូវតាមខេត្ត និងព្រមានចាត់វិធានការ។

31/10/2025

លោកជំទាវ សុវណ្ណ វណ្ណារតន៍ ណែនាំឱ្យនិស្សិតជ័យលាភីអាហារូបករណ៍ប្រទេសអូស្ត្រាលី ធ្វើជាទូតសុឆន្ទៈរបស់កម្ពុជាលើឆាកអន្តរជាតិ

(ភ្នំពេញ)៖ លោកជំទាវ សុវណ្ណ វណ្ណារតន៍ រដ្ឋលេខាធិការប្រចាំការនៃក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃទី៣០ ខែតុលា ឆ្នាំ២០២៥នេះ បានទទួលជួបក្រុមនិស្សិតជ័យលាភីអាហារូបករណ៍ប្រទេសអូស្ត្រាលី (Australia Awards) ឆ្នាំសិក្សា២០២៦-២០២៧ នៅទីស្ដីការក្រសួង ដោយជំនួបនេះមានគោលបំណងស្នើសុំសម្ដែងការគួរសម និងទទួលអនុសាសន៍ណែនាំដ៏ខ្ពង់ខ្ពស់ពីថ្នាក់ដឹកនាំក្រសួងការងារ និងបណ្តុះបណ្តាលវិជ្ជាជីវៈ។

ជាកិច្ចចាប់ផ្ដើម ក្នុងនាមឯកឧត្ដម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ, លោកជំទាវ រដ្ឋលេខាធិការប្រចាំការ បានស្វាគមន៍ និងអបអរសាទរដល់និស្សិតដែលទទួលបានអាហារូបករណ៍ទៅសិក្សានៅប្រទេសអូស្ត្រាលីសម្រាប់ឆ្នាំសិក្សា២០២៦-២០២៧នេះ។ បន្ទាប់មកលោកជំទាវ បានជម្រាបជូនអំពីតួនាទី និងបេសកកម្មរបស់ក្រសួងការងារ និងបណ្ដុះបណ្ដាលវិជ្ជាជីវៈ ដែលផ្តោតទៅលើវិស័យ៣សំខាន់ៗ រួមមាន៖ វិស័យការងារ, វិស័យសន្តិសុខសង្គម និងវិស័យអប់រំបណ្ដុះបណ្ដាលបច្ចេកទេស និងវិជ្ជាជីវៈ។

នៅក្នុងឱកាសនេះ លោកជំទាវ រដ្ឋលេខាធិការប្រចាំការ បានផ្ដាំផ្ញើដល់និស្សិតជ័យលាភីទាំងអស់ សូមបន្តរក្សាភាពជាខ្មែរ ដោយត្រូវឈរលើស្មារតីឯកភាពជាតិ សាមគ្គីភាព និងទំនាក់ទំនងល្អរវាងគ្នានិងគ្នា ហើយត្រូវធ្វើជាទូតសុឆន្ទៈរបស់កម្ពុជា ដោយត្រូវហ៊ានការពារកេរ្តិ៍ឈ្មោះ កិត្តិយស និងវប្បធម៌ដ៏ល្អរបស់ខ្មែរ។ ក្នុងនោះដែរ លោកជំទាវ ក៏បានជំរុញឱ្យនិស្សិតទាំងអស់ ត្រូវខិតខំសិក្សារៀនសូត្រ ដើម្បីគោលបំណង និងអនាគតរបស់ខ្លួន ក៏ដូចជាយកចំណេះដឹងមកជួយអភិវឌ្ឍន៍ជាតិ។

តំណាងនិស្សិតអាហារូបករណ៍ លោក ខេង មករា បានថ្លែងអំណរគុណដល់លោកជំទាវ រដ្ឋលេខាធិការប្រចាំការ ដែលបានអនុញ្ញាតឱ្យក្រុមនិស្សិតជ័យលាភី បានជួបសម្ដែងការគួរសមនាពេលនេះ ដោយទទួលបាននូវអនុសាសន៍ និងបទពិសោធល្អៗ សម្រាប់ការបន្តការសិក្សានៅប្រទេសអូស្ត្រាលី នាពេលខាងមុខ។

គួរឱ្យដឹងថា អាហារូបករណ៍ប្រទេសអូស្ត្រាលីនេះ គឺជាផ្នែកមួយនៃកម្មវិធីជំនួយអភិវឌ្ឍន៍របស់រដ្ឋាភិបាលអូស្ត្រាលី ដែលមានបំណងគាំទ្រដល់ការរីកចម្រើនរបស់ប្រទេសកម្ពុជា និងជំរុញទំនាក់ទំនងរវាងប្រជាជន និងប្រជាជននៃប្រទេសទាំងពីរ។ និស្សិតជ័យលាភីអាហារូបករណ៍ប្រទេសអូស្ត្រាលី (Australia Awards) ឆ្នាំសិក្សា២០២៦-២០២៧ មានចំនួន៥៥នាក់ ដោយក្នុងនោះថ្នាក់បរិញ្ញាបត្រជាន់ខ្ពស់ចំនួន៥៣នាក់ និងថ្នាក់បណ្ឌិតចំនួន២នាក់៕

31/10/2025

ថ្ងៃនេះជា ថ្ងៃទី៩៤ហើយ ដែលវីរកងទ័ពកម្ពុជាចំនួន ១៨រូប ត្រូវបានចាប់ខ្លួន និងដាក់ឱ្យស្ថិតក្រោមការឃុំគ្រងរបស់យោធាថៃ។
កម្ពុជាសូមអំពាវនាវឱ្យភាគីថៃ ដោះលែងពួកគាត់ត្រឡប់មកវិញឱ្យបានឆាប់រហ័សជាទីបំផុត ដើម្បីឱ្យពួកគាត់អាចវិលត្រឡប់មកជួបជុំក្រុមគ្រួសាររបស់ពួកគាត់ និងប្រកបដោយសុខសុវត្ថិភាព ស្របតាមច្បាប់មនុស្សធម៌អន្តរជាតិ។

សូមគូសបញ្ជាក់ផងដែរថា រាជរដ្ឋាភិបាលកម្ពុជា បាននឹងកំពុងធ្វើការយ៉ាងសស្រាក់សស្រាំឥតឈប់ឈរ នូវគ្រប់យន្តការដោះស្រាយទាំងអស់លើករណីនេះ ដើម្បីឱ្យភាគីថៃ ដោះលែងកងកម្លាំងរបស់យើងទាំង១៨នាក់នោះ វិលត្រលប់មកវិញឱ្យបានឆាប់រហ័សជាទីបំផុត និងដោយសុខសុវត្ថិភាព។
រាជរដ្ឋាភិបាល ក្រសួងការពារជាតិ និងកងយោធពលខេមរភូមិន្ទ មិនដែលបោះបង់កងកម្លាំងរបស់យើងណាម្នាក់ចោលនោះឡើយ ទោះក្នុងកាលៈទេសៈណាក៏ដោយ។

It has been 94 days since 18 Cambodian soldiers were captured under the captivity of the Thai military. Cambodia urgently calls on the Thai side to release them as soon as possible, so that they may be safely reunited with their families in accordance with international humanitarian law.

It must also be underscored that the Royal Government of Cambodia has been and will continue to make tireless efforts, using all available mechanisms for Thai military to release and return our 18 soldiers as quickly and safely as possible.
The Royal Government and the Ministry of National Defence, and the Royal Cambodian Armed Forces will never abandon any of our troops under any circumstances.

គិតត្រឹមថ្ងៃទី៣១ ខែតុលា ឆ្នាំ២០២៥
As of October 31, 2025

30/10/2025

នៅព្រឹកថ្ងៃទី ៣០ ខែ តុលា ឆ្នាំ ២០២៥ រថយន្តដឹកដំឡូងមួយគ្រឿងបានដឹកលេីសទម្ងន់ បេីកឆ្លងស្ពានបាឡេព្រែកឆ្លូង នៅឃុំ ក្រញូងសែនជ័យ ស្រុកស្នួល ខេត្តក្រចេះ បណ្ដាលអោយបាក់មិនអាចធ្វេីដំណេីរបាន ។ ហេតុការណ៍នេះមិនបង្ករគ្រោះថ្នាក់ដល់មនុស្សទេប៉ុន្តែ អ្នកបេីកបរ និង ព្រូឡាន បានរត់គេចខ្លួនបាត់ក្រោយកេីតហេតុ ។

30/10/2025

សាលាដំបូងរាជធានីភ្នំពេញ ចេញសេចក្តីថ្លែងការណ៍ពាក់ព័ន្ធការចុះរឹបអូសផ្ទះស្រ្តីម្នាក់នៅខណ្ឌជ្រោយចង្វារ ដែលនាំឲ្យផ្ទុះការចែកចាយយ៉ាងខ្លាំងនៅលើបណ្តាញសង្គម

(ភ្នំពេញ)៖ នាយប់ថ្ងៃទី២៩ ខែតុលា ឆ្នាំ២០២៥នេះ សាលាដំបូងរាជធានីភ្នំពេញ បានចេញសេចក្តីថ្លែងការណ៍ពាក់ព័ន្ធការចុះរឹបអូសផ្ទះស្រ្តីម្នាក់នៅខណ្ឌជ្រោយចង្វារ ដែលនាំឲ្យផ្ទុះការចែកចាយយ៉ាងខ្លាំងនៅលើបណ្តាញសង្គម ខណៈប្រធានតុលាការបញ្ជាឲ្យផ្អាកការអនុវត្ត និងឲ្យពិនិត្យឡើងវិញ ដើម្បីផ្តល់យុត្តិធម៌ដល់អ្នកតវ៉ា។

ការចេញសេចក្តីថ្លែងការណ៍នេះ ធ្វើឡើងបន្ទាប់ពី កាលពីថ្ងៃទី២៨ ខែតុលា ឆ្នាំ២០២៥ គណនីហ្វេសប៊ុកឈ្មោះ ជីវិតកៅ សុខណា កំសត់គេយកដីផ្ទះ, គណនីហ្វេសប៊ុកឈ្មោះ Sothea Kong, Thoeun Sharing បានផ្សព្វផ្សាយ និងឡាយផ្ទាល់ពាក់ព័ន្ធនឹងការចុះអនុវត្តដីកាសម្រេចបង្គាប់ឱ្យប្រគល់អចលនវត្ថុរបស់សាលាដំបូងរាជធានីភ្នំពេញ លេខ១០៤ ចុះថ្ងៃទី០២ ខែមិថុនា ឆ្នាំ២០២៥ នៅក្នុងសំណុំរឿងអនុវត្តលេខ២០ ចុះថ្ងៃទី០២ ខែមិថុនា ឆ្នាំ២០២៥ របស់អង្គភាពអាជ្ញាសាលា នៃសាលាដំបូងរាជធានីភ្នំពេញ ដែលមានខ្លឹមសារសម្រេច បង្គាប់ឱ្យឈ្មោះ កៅ ចាន់ធី, ផូរ វីន និង កៅ សុគង់ អាសយដ្ឋាននៅភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ដែលជាកូនបំណុលនៃការអនុវត្តប្រគល់អចលនវត្ថុដែលមានវិញ្ញាបនបត្រសម្គាល់ម្ចាស់អចលនវត្ថុលេខ១២១១០២០៥-០០៦០ ចុះថ្ងៃទី១៧ ខែធ្នូ ឆ្នាំ២០១៩ ចេញដោយមន្ទីររៀបចំដែនដី នគរូបនីយកម្ម សំណង់ និងសុរិយោដី រាជធានីភ្នំពេញ មានទីតាំងស្ថិតនៅភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ឱ្យទៅឈ្មោះ ហ៊ី សៀងលី ជាភាគីអ្នកដេញថ្លៃបានតាមផ្លូវតុលាការ។

ជុំវិញករណីនេះ អ្នកនាំពាក្យសាលាដំបូងរាជធានីភ្នំពេញ បានបញ្ជាក់ថា កាលពីថ្ងៃទី២៨ ខែតុលា ឆ្នាំ២០២៥ អាជ្ញាសាលាបានចុះអនុវត្តដីកាសម្រេចបង្គាប់ឱ្យប្រគល់អចលនវត្ថុ ដែលមានទីតាំងនៅភូមិគៀនឃ្លាំង សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ឱ្យទៅអ្នកទិញឈ្មោះ ហ៊ី សៀងលី តាមរយៈការទិញក្នុងសំណុំរឿងអនុវត្តដោយបង្ខំរបស់តុលាការ ដោយយោងតាមសាលក្រមស្ថាពរលេខ ៥៨៣ ‹រ› ចុះថ្ងៃទី៣១ ខែឧសភា ឆ្នាំ២០២៣ របស់សាលាដំបូងរាជធានីភ្នំពេញ ដែលបានសម្រេចបង្គាប់ឱ្យឈ្មោះ កៅ សុគង់ (ម្តាយ) ឈ្មោះ កៅ ចាន់ធី (កូនបង្កើត) និងឈ្មោះ ផូរ រីន (កូនប្រសារ) សងប្រាក់ដើមចំនួន ៩៥ ២៩៨,៩៤ ដុល្លារអាម៉េរិក រួមទាំងការប្រាក់ចំនួន១១% និងប្រាក់ពិន័យ២៤% ឱ្យទៅម្ចាស់បំណុលជាធនាគារ។

បើតាមអ្នកនាំពាក្យសាលាដំបូង ក្នុងរឿងនេះ ផ្តើមចេញពីឈ្មោះ កៅ សុគង់ (ម្តាយ) ឈ្មោះ កៅ ចាន់ធី (កូនបង្កើត) និងឈ្មោះ ផូរ រីន (កូនប្រសារ) បានខ្ចីប្រាក់ពីធនាគារ ដោយយកបណ្ណដីដែលមានឈ្មោះកម្មសិទ្ធិ កៅ សុខគង់ (ម្តាយ) និងឪពុកឈ្មោះ អ៊ុំ សុវណ្ណ (ស្លាប់) ជាទ្រព្យរួមប្តីប្រពន្ធ និងទាយាទខ្មោច អ៊ុំ សុវណ្ណ ដាក់ធានាបំណុលជាមួយធនាគារ។

នៅក្នុងចំណាត់ការសំណុំរឿងអនុវត្តដោយបង្ខំ ក៏ដូចជានៅថ្ងៃដែលអាជ្ញាសាលាបានចុះអនុវត្តនោះ ក៏មានឈ្មោះ កៅ សុខណា ធ្វើការជំទាស់រារាំង និងមានប្រតិកម្មជាខ្លាំងចំពោះការអនុវត្តនេះ ដោយគាត់បានអះអាងថា គាត់ត្រូវជាកូនរបស់ខ្មោចឪពុកឈ្មោះ អ៊ុំ សុវណ្ណ ជាមួយម្ដាយឈ្មោះ កៅ សុគង់ ហើយបាន និងកំពុងកាន់កាប់ ដោយបានសង់តូបនៅលើដីមួយចំណែកដែលត្រូវរឹបអូសនេះ ដោយគាត់បានធ្វើការតវ៉ាថា គាត់មានចំណែកកម្មសិទ្ធិមត៌កលើដីបន្ត ពីខ្មោចឪពុក ដែលដីនេះត្រូវបានម្តាយ និងបងស្រីលួចលាក់យកទៅដាក់ធានាបំណុលជាមួយធនាគារ ដោយមិនឱ្យខ្លួនដឹង។

ចំពោះការអះអាងជាមត៌ក កន្លងមក សាលាដំបូងរាជធានីភ្នំពេញ មិនដែលបានទទួលបណ្ដឹងដោះស្រាយពីការទាមទារបែងចែកមត៌ក ពីភាគីអ្នកតវ៉ានោះទេ។

បន្ទាប់ពីបានដឹងពីចំណាត់ការអនុវត្តសំណុំរឿងនេះ ប្រធានសាលាដំបូងរាជធានីភ្នំពេញ បានឱ្យអាជ្ញាសាលាផ្អាកការអនុវត្តរួចហើយ ដើម្បីរក្សាស្ថានភាពបច្ចុប្បន្នឱ្យនៅដដែលសិន និងបានយកចិត្តទុកដាក់ពិនិត្យ ចំណាត់ការសំណុំរឿងបន្ត ដើម្បីផ្ដល់យុត្តិធម៌ជូនអ្នកតវ៉ា និងភាគីពាក់ព័ន្ធឱ្យបានត្រឹមត្រូវតាមច្បាប់៕

28/10/2025

រដ្ឋបាលថ្នាក់ក្រោមជាតិចូលរួមបំពេញតួនាទីនិងការទទួលខុសត្រូវក្នុងការពង្រឹងភាពស្អាតនិងការគ្រប់គ្រងធនធានធម្មជាតិ

ភ្នំពេញ ៖ ក្នុងពិធីបិទសិក្ខាសាលាឆ្លុះបញ្ចាំង ស្តីពីការអនុវត្តមុខងារវិស័យបរិស្ថាន ជូនរដ្ឋបាលថ្នាក់ក្រោមជាតិ នារសៀលថ្ងៃទី២៨ ខែតុលា ឆ្នាំ២០២៥ រដ្ឋមន្រ្តីក្រសួងបរិស្ថាន បានអោយដឹងថា «ការចូលរួមរបស់រដ្ឋបាលថ្នាក់ក្រោមជាតិ ក្នុងការដោះស្រាយបញ្ហាបរិស្ថាននៅតាមមូលដ្ឋាន ជាពិសេសការចូលរួមជំរុញសកម្មភាពនៃយុទ្ធនាការនានារបស់ក្រសួងបរិស្ថាន គឺជាសក្ខីភាពមួយ នៃការអនុវត្តគោលនយោបាយវិមជ្ឈកា និងវិសហមជ្ឈកា ដែលក្រសួងបរិស្ថានគាំទ្រការជំរុញប្រសិទ្ធភាព នៃការបំពេញតួនាទី និងភារកិច្ច ប្រកបដោយការទទួលខុសត្រូវ របស់រដ្ឋបាលថ្នាក់ក្រោមជាតិ»។

ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានជំរុញឱ្យគ្រប់ភាគីពាក់ព័ន្ធ ទាំងថ្នាក់ជាតិ និងថ្នាក់ក្រោមជាតិ បានចូលរួមពង្រឹងកិច្ចសហប្រតិបត្តិការ និងអនុវត្តឱ្យបានកាន់តែល្អប្រសើរបន្ថែមទៀត យុទ្ធសាស្រ្តចក្រាវិស័យបរិស្ថាន ដើម្បីភាពស្អាត ដោយធ្វើការទប់ស្កាត់ការបំពុលបរិស្ថាន នៅលើដី ក្នុងទឹក និងលើមេឃ ពិសេសសម្រេចឱ្យបានជោគជ័យដ៏ឧត្តុង្គឧត្តម បង្កើនគម្របបៃតង ដើម្បីឆ្លើយតបទៅនឹងការប្រែប្រួលអាកាសធាតុ លើកកម្ពស់សេដ្ឋកិច្ចបៃតង និងការសម្រេចគោលដៅ កម្ពុជាគឺ «ជាប្រទេសអព្យាក្រឹតកាបូននៅឆ្នាំ២០៥០»។

លើសពីនេះ ចលនាស្អាតរបស់ប្រជាពលរដ្ឋជាង ១៣លាននាក់ បានបង្ហាញនូវឥរិយាបថវិជ្ជមាន ឈានទៅភាពជោគជ័យប្រយុទ្ធប្រឆាំងនឹងសំណល់ប្លាស្ទិក ដើម្បីធានាការរស់នៅរបស់ប្រជាពលរដ្ឋ មានបរិស្ថានស្អាត មានការអភិវឌ្ឍប្របដោយចីរភាព។ ឯកឧត្តមរដ្ឋមន្រ្តី បានមានប្រសាសន៍បន្ថែម។

ជាមួយគ្នានេះដែរ ឯកឧត្តមបណ្ឌិត អ៊ាង សុផល្លែត បានបង្ហាញពីផែនការសកម្មភាព ការរៀបចំតំបន់កោះស្រឡៅ នៅក្នុងខេត្តកោះកុង ជាកោះអព្យាក្រឹតកាបូន នៅឆ្នាំ២០២៦ ខាងមុខ។ ក្រសួងបរិស្ថាន បានសិក្សារួចហើយ និងគ្រោងដាក់ចេញផែនការសកម្មភាព សំខាន់ៗ ដូចជាផ្តល់អំពូលសូឡា ជូនប្រជាពលរដ្ឋប្រើប្រាស់ ជំរុញសកម្មភាពកាត់បន្ថយការប្រើប្រាស់ប្លាស្ទិក ផ្តល់ការគាំទ្រហេដ្ឋារចនាសម្ព័ន្ធ ក្នុងការគ្រប់គ្រងសំរាម សំណល់ប្លាស្ទិក ផ្តល់ឡដុតសំរាមដើរដោយថាមពលពន្លឺព្រះអាទិត្យ និងជំរុញការថែរក្សា និងដាំស្តារព្រៃកោងការ ដែលជាសម្បត្តិធម្មជាតិ ជួយឱ្យតំបន់មានភាពស្រស់ស្អាត ជួយកាត់បន្ថយឧស្ម័នផ្ទះកញ្ចក់ និងជាជម្រកនៃធនធានធម្មជាតិយ៉ាងសំខាន់។

សូមបញ្ជាក់ថា ស្របជាមួយនឹងការធ្វើកំណែទម្រង់វិមជ្ឈការនិងវិសហមជ្ឈការ ក្រសួងបរិស្ថាន បានផ្ទេរមុខងារចំនួន០៥ និងមុខងាររងចំនួន០៦ និងសកម្មភាពចំនួន២៦ សម្រាប់រដ្ឋបាលក្រុង ស្រុក ខណ្ឌ រួមមាន៖ ១. ការងាររដ្ឋបាលការពារ និងអភិរក្សធម្មជាតិ ២. ការងារសហគមន៍មូលដ្ឋាន ៣. កិច្ចគាំពារបរិស្ថាន (ការគ្រប់គ្រងសំរាមសំណល់រឹងទីប្រជុំជន ការគ្រប់គ្រងប្រព័ន្ធលូ និងអាងប្រព្រឹត្តកម្មទឹកកខ្វក់) ៤. ការងារចំណេះដឹង និងព័ត៌មានបរិស្ថាន និង៥. ការអភិវឌ្ឍដោយចីរភាព។

ឯកឧត្តមបណ្ឌិត អ៊ាង សុផល្លែត បានថ្លែងកោតសរសើរ និងវាយតម្លៃខ្ពស់ ចំពោះក្រសួងស្ថាប័ន និងអ្នកពាក់ព័ន្ធទាំងអស់ ចំពោះការចូលរួមសហការល្អនាពេលកន្លងមក ក្នុងការអនុវត្តមុខងារ ដែលបានផ្ទេរពីក្រសួងបរិស្ថាន ទៅរដ្ឋបាលថ្នាក់ក្រោមជាតិ ដែលបានរួមចំណែកធានាប្រសិទ្ធភាព និងប្រសិទ្ធផលការងារ សំដៅលើកកម្ពស់កិច្ចគាំពារបរិស្ថាន សោភ័ណភាពក្រុង ស្រុក ខណ្ឌ និងសុខុមាលភាពសាធារណៈ និងការរស់នៅដោយចីរភាពរបស់ប្រជាពលរដ្ឋមូលដ្ឋាន៕

28/10/2025

ហាងឆេងមាសដាំក្បាលចុះគួរឱ្យកត់សម្គាល់!

28/10/2025

សម្ដេច ហ៊ុន ម៉ាណែត បានជួបទ្វេភាគីជាមួយនាយករដ្ឋមន្រ្តីថៃ លោក អនុទីន ដោយសម្ដេចបានរម្លឹករឿងស្នើសុំឱ្យដោះលែងយោធាទាំង ១៨នាក់ផងដែរ។

28/10/2025

ហ្វីលីពីន ក្លាយជាប្រធានអាស៊ាន ឆ្នាំ២០២៦

Fast News

04/11/2025

03/11/2025

01/11/2025

31/10/2025

31/10/2025

30/10/2025

30/10/2025

28/10/2025

28/10/2025

28/10/2025

28/10/2025

Address

Website

Alerts

Contact The Business

Shortcuts

Share

Category