02/09/2026
មកគោរពវិញ្ញាណកន្ធលោកពូ ច័ន្ទ សារុន
ខ្ញុំបានរៀន បានសូត្រនូវវិន័យការងារ នៅពេលលោកពូជាអនុប្រធានក្តាប់រួម នាយកដ្ឋានរុក្ខាប្រមាញ់ ហើយពេលនោះឪពុករបស់ខ្ញុំជារដ្ឋមន្ត្រី ក្រសួងកសិកម្ម រុក្ខាប្រមាញ់ និងនេសាទ។
ក្រោយមក នៅពេលដែលខ្ញុំចុះស្រាវជ្រាវ ដើម្បីសរសេរនិក្ខេបទបណ្ឌិតផ្នែកវិទ្យាសាស្ត្រនៅបឹងទន្លេសាប គឺបានលោកពូជួយជ្រោមជ្រែង ទើបខ្ញុំបានបញ្ចប់និក្ខេបទរបស់ខ្ញុំ។ លោកពូ ក៏បានបង្ហាញពីការផ្តល់តម្លៃដល់អ្នករៀនសូត្រ និងអ្នកចេះដឹង។
ខ្ញុំក៏បានរៀនសូត្រជាច្រើនពីរបបការងារ និងគំនិតទូលំទូលាយរបស់លោកពូ ដែលធ្វើឱ្យខ្ញុំបានសម្រេចការងាររហូតមកដល់សព្វថ្ងៃ។
ទោះលោកពូទៅឆ្ងាយ តែលោកពូបានបន្សល់នូវអនុស្សាវរីយ៍ និងគុណតម្លៃជាច្រើនសម្រាប់សង្គមជាតិ។
