15/10/2025
Back to the Beginning
ភាគទី១
សម្រាប់ខួប Anniversary គូស្នេហ៍ផ្សេងទៀតចំណាយពេលទៅញ៉ាំអាហារពេលល្ងាចក្រោមពន្លឺទៀន ផឹកស្រាដ៏ល្អនៅភោជនីយដ្ឋានដែលពួកគេមិនហ៊ានចំណាយសម្រាប់ពេលធម្មតាបាន។ Wu Suo Wei ចូលចិត្តអ្វីដែលសាមញ្ញជាងនេះ គឺត្រូវការតែអាហារដែលគាត់ចូលចិត្ត ភេសជ្ជៈដែលគាត់ចូលចិត្ត និងមិត្តប្រុសរបស់គាត់នៅក្បែរគាត់ ដោយមិនខ្វល់ថាពួកគេមានលុយប៉ុន្នាននៅក្នុងគណនីនោះទេ។ ដូច្នេះហើយពួកគេបានប្រារព្ធពិធីនៅហាងhotpot ជាមួយហ្នឹងស៊ុបក្តៅៗ និងកូកាកូឡានៅនឹងដៃ។ Chi Cheng បានរៀបចំកម្មវិធីពេលល្ងាចទាំងមូល—ដោយសារគាត់ដឹងច្បាស់ថាអ្វីដែលនឹងធ្វើឱ្យ Weiwei សប្បាយចិត្តបំផុត—ហើយមើលមិត្តប្រុសរបស់គាត់ញញឹមនៅពេលនេះ គាត់ប្រាកដថាគាត់បានធ្វើវាបានជោគជ័យ។
ជាការពិតណាស់ គម្រប់ខួប Anniversary ទាមទារកាដូ។ មនុស្សភាគច្រើនទៅរករបស់ថ្លៃៗ; ចំពោះ កាដូ Wu Suo Wei វិញ Chi Cheng តែងតែត្រូវគិតខុសពីគេ។ Wu Suo Wei កំពុងរង់ចាំពេលដើម្បីយកអំណោយរបស់គាត់ចេញ។ ពេលគាត់ឃើញថាពួកគេញ៉ាំរួចហើយ គាត់បានទាញថង់ក្រដាសចេញ ហើយហុចវាទៅឲ្យ Chi Cheng។
"នេះជាអ្វីដែលអូនបានទិញឱ្យបង"។
Chi Cheng ឃើញឈ្មោះនៅលើថង់គឺជា brand ដែលគាត់ធ្លាប់ប្រើកាលពីមុន ដោយសារសម្លៀកបំពាក់ភាគច្រើនរបស់គាត់ឥឡូវត្រូវបានទិញជាមួយ Wu Suo Wei។ ដោយសារ Wu Suo Wei កំណាញ់លើការចាយវាយ គេ មិនចំណាយប្រាក់ច្រើនលើសម្លៀកបំពាក់ទេ នៅពេលដែលគាត់អាចរកបានខោអាវមានតម្លៃល្អជាងនិងមកជាមួយនឹងផាសុកភាពប្រសើរជាងនេះ។
អ្នកអាចស្រមៃមើលថា Chi Cheng ភ្ញាក់ផ្អើលយ៉ាងណាពេលទទួលកាដូរនេះ។ Weiwei របស់គាត់ហ៊ានចំណាយប្រាក់ច្រើនបែបនេះលើសម្លៀកបំពាក់មួយឈុត។ កាដូរនេះអាចធ្វើឲ្យខួបឆ្នាំនេះពិសេសបំផុត។
បើកថង់មក Chi Cheng បានឃើញខ្សែក្រវ៉ាត់មួយនៅខាងក្នុង។ គាត់ងើយមុខឡើងលឿនណាស់ធ្វើឲ្យ Wu Suo Wei ខ្លាចថាគាត់អាចបាក់ក។
"ខ្សែក្រវ៉ាត់?"
"អើ ខ្សែក្រវ៉ាត់ដែលបងប្រើគឺចាស់ណាស់ហើយ។ វាដល់ពេលទិញថ្មីហើយ"។
Wu Suo Wei ឆ្លើយដោយមុខក្រហម។ ពួកគេទាំងពីរដឹងថាខ្សែក្រវ៉ាត់នោះនឹងមិនត្រូវបានប្រើសម្រាប់តួនាទីដែលគេធ្វើវាមកនោះទេ។
Chi Cheng ក៏ញញឹម។ អូ៎ គាត់នឹងប្រើខ្សែក្រវ៉ាត់នេះឱ្យមានប្រយោជន៍នៅយប់នេះ។ បន្ទាប់មកគាត់បានរុញកាតគណនីមួយទៅឲ្យ Wu SuoWei។
"កាដូវរបស់បង"
"កាតនេះមកពីណា?"
Wu Suo Wei មើលវាដោយចង់ដឹង។ គាត់គ្រប់គ្រងលុយទាំងអស់ក្នុងគ្រួសារនេះ ដូច្នេះគាត់ប្រាកដជាដឹងពីកាតទាំងអស់ដែលសង្សាររបស់គាត់មាន។
"នេះជាប្រាក់សន្សំរបស់បង"
ទឹកមុខរបស់ Wu Suo Wei ពេលនះគឺជាអ្វីដែល Chi Cheng ចង់ឃើញពី Weiwei របស់គាត់។ សេចក្ដីរីករាយដ៏បរិសុទ្ធដែលលេចឡើងដោយគ្មានការផ្លាស់ប្តូរនៅពេលណាដែលគាត់ប្រគល់ប្រាក់សន្សំរបស់គាត់។ នេះមិនមែនជាលើកទីមួយទេដែលគាត់ធ្វើបែបនេះ គាត់បានឲ្យកាដូរនេះដល់ Wu Suo Wei ស្ទើរតែគ្រប់ខួប ប៉ុន្តែ Weiwei របស់គាត់នៅតែរីករាយបំផុតជាមួយនឹងកាដញរនេះ។
ហេតុផលមួយដែល Wu Suo Wei ភ្ញាក់ផ្អើលខ្លាំងយ៉ាងនេះគឺថា Chi Cheng ធ្លាប់ឱ្យគាត់ជាសាច់ប្រាក់ មិនមែនជាកាតទេ។ ហេតុផលមួយទៀតគឺលុយ។ អ្នកមិនអាចបន្ទោស វូ សួ Wu Suo Wei លើរឿងនេះបានទេ។ យើងទាំងអស់គ្នាដឹងហើយថាគាត់លោភលន់នឹងលុយ។ ចឹងហើហបាន គាត់ឱ្យប្រាក់ប្រចាំថ្ងៃដល់ Chi Cheng ត្រឹមតែ ១០ Yuan ប៉ុណ្ណោះ។ ការដែល Chi Cheng អាចមានប្រាក់សន្សំមានន័យថាគាត់មិនបានខ្ជះខ្ជាយលុយដូចគាត់ឲ្យទេ ហើយលុយនេះនឹងក្លាយជាចំណែកមូយសម្រាប់ប្រាក់និវត្តន៍របស់ពួកគេ។
"ឱ្យកាតអូនឆ្នាំនេះ មានន័យថាវងនឹងដាក់លុយក្នុងកាតនេះជាប្រចាំមែនទេ?"
Wu Suo Wei សួរដោយមានការរំពឹងទុកខ្លះ។ អ្នកណាក៏រំពឹងអ្វីមួយដូចនេះដែរនៅពេលទទួលកាត ត្រូវទេ?
"បាទ Weiwei។ បងនឹងដាក់ប្រាក់សន្សំទាំងអស់របស់បងទៅក្នុងកាតនោះ។ អូនអាចដកវាបានគ្រប់ពេល"។
Chi Cheng ឆ្លើយដោយស្នាមញញឹមស្រលាញ់។ ទោះបីជានេះមានន័យថាគាត់នឹងមិនមានលុយនៅក្នុងដៃដោយប្រគល់អ្វីគ្រប់យ៉ាងទៅ Wu Suo Wei ក៏ដោយ ក៏គាត់នៅតែធ្វើវាដោយស្ម័គ្រចិត្តដើម្បីមើលស្នាមញញឹមដ៏ភ្លឺថ្លានោះ។ តើអ្នកអាចនិយាយអ្វីបាន? គាត់នឹងធ្វើអ្វីគ្រប់យ៉ាងសម្រាប់ចៅហ្វាយតូចរបស់គាត់។
អ្នកទាំងពីរបានចំណាយពេលដើរលេងជុំវិញទីក្រុងមុននឹងត្រឡប់ទៅផ្ទះវិញ។ នៅក្រោមពន្លឺព្រះចន្ទ Wu Suo Wei បានងាកទៅ Chi Cheng ហើយនិយាយពីគំនិតដែលគេមានមួយរយៈហើយ។
"បងដឹងទេ អូនប្រាថ្នាថាយើងអាចត្រឡប់ទៅអតីតកាល ហើយផ្លាស់ប្តូរនូវការសោកស្តាយទាំងអស់ដែលយើងមាន"។
Chi Cheng សម្លឹងមើលមក Wu Suo Wei។ អ្វីដែលពួកគេមានឥឡូវនេះគឺជាអ្វីដែលទាំងពីរខិតខំដើម្បី ប៉ុន្តែវាជាការពិតដែលពួកគេមានការចាប់ផ្តើមដ៏លំបាក។
"បងយល់ស្របជាមួយអូនលើរឿងនោះ។ Weiwei បងចង់ទៅដល់ការចាប់ផ្តើមបំផុតដើម្បីឱ្យយើងមិនចាំបាច់ជួបជាមួយនឹងកំហុសទាំងនោះម្តងទៀត"។
ពួកគេចំណាយពេលមួយយប់ក្នុងដៃគ្នា។ មិនដូចចង្វាក់ធម្មតារបស់គាត់ Chi Cheng បានធ្វើវាយឺតៗថ្នាក់ថ្នម baby របស់គាត់ ដើម្បីធ្វើឱ្យប្រាកដថាWeiwei ទទួលបានសេចក្ដីស្រឡាញ់ទាំងអស់ដែលគាត់សមនឹងទទួលបាន។
ពួកគេទាំងពីរមិនដែលស្រមៃថាពួកគេនឹងភ្ញាក់ឡើងមិននៅក្នុងដៃគ្នាទេ ប៉ុន្តែនៅកន្លែងនិងពេលវេលាខុសគ្នាទាំងស្រុង។
To be continued....
