អាជ្ញាធរមីន - Cambodian Mine Action Authority

អាជ្ញាធរមីន - Cambodian Mine Action Authority The nature of landmine and ERW contamination in Cambodia is highly complex.
(2)

Cambodia’s landmine problem is the result of a protracted sequence of internal and regional conflicts that affected the country from the mid 1960s until the end of 1998. The north-western regions bordering Thailand are heavily affected, while other parts of the country (mainly the East) are considered moderate to low impact, affected mainly by ERW. Mines and ERW have caused an unacceptable number

of casualties, both military and civilian and have hindered national development. Mine clearance started along the Cambodia-Vietnam border by the company of women soldiers of the Cambodian People’s Revolutionary Army in 1979 with thousands of hectares of land cleared and thousands of mines/ERWs destroyed to provide safe resettlement and agricultural land despite the lack of substantial financial, technical and modern equipment support. The inception of official humanitarian mine clearance in Cambodia dates back to 1992. Mine Risk Education (MRE) started in 1993 focusing on providing mine and ERW awareness messages to returnees and internally displaced persons settling in affected areas when the armed conflicts had ended. By 1998, demining activities had significantly expanded, with the presence of four demining operators: the Royal Cambodian Armed Forces (RCAF), the Cambodian Mine Action Centre (CMAC), the HALO Trust and the Mines Advisory Group (MAG). Cambodia signed the APMBC in 1997 and became a State Party to the convention on 1st January 2000. In September 2000, the RGC established the Cambodian Mine Action and Victim Assistance Authority (CMAA) chaired by the Prime Minister Hun Sen, understanding that mine action has reached a turning point from an emergency response to a long term development perspective with a focus on a comprehensive approach to regulation, planning and coordination. The CMAA has the responsibilities to regulate, coordinate and monitor mine action activities throughout Cambodia.

សៀមរាប៖ ថ្ងៃទី២៩ ខែតុលា ឆ្នាំ២០២៥ ឯកឧត្តម លី បញ្ញារិទ្ធិ៍ អគ្គលេខាធិការអាជ្ញាធរមីន តំណាងដ៏ខ្ពង់ខ្ពស់របស់ឯកឧត្តមបណ្ឌិត លី...
29/10/2025

សៀមរាប៖ ថ្ងៃទី២៩ ខែតុលា ឆ្នាំ២០២៥ ឯកឧត្តម លី បញ្ញារិទ្ធិ៍ អគ្គលេខាធិការអាជ្ញាធរមីន តំណាងដ៏ខ្ពង់ខ្ពស់របស់ឯកឧត្តមបណ្ឌិត លី ធុជ ទេសរដ្ឋមន្ត្រី អនុប្រធានទី១ អាជ្ញាធរមីន បានអញ្ជើញជាអធិបតីក្នុងកម្មវិធីបិទសិក្ខាសាលាស្តីពីសកម្មភាពមីននៅក្នុងតំបន់មេគង្គ-ឡានឆាង ដែលប្រព្រឹត្តទៅពីថ្ងៃទី២៧ ដល់ ថ្ងៃទី២៩ ខែតុលា ឆ្នាំ២០២៥ នៅខេត្តសៀមរាប ដើម្បីបង្កើនកិច្ចសហប្រតិបត្តិការ រួមគ្នាឆ្ពោះទៅសម្រេចបានតំបន់មេគង្គ-ឡានឆាង ដែលមិនមានផលប៉ះពាល់ដោយសារមីន និងសំណល់ជាតិផ្ទុះពីសង្គ្រាម។

សូមថ្វាយព្រះពរព្រះរាជពិធីខួបលើកទី ២១ នៃការគ្រងព្រះបរមសិរីរាជសម្បត្តិគម្រប់ ថ្វាយ ព្រះករុណា ព្រះបាទសម្តេចព្រះបរមនាថ នរោត្...
29/10/2025

សូមថ្វាយព្រះពរព្រះរាជពិធីខួបលើកទី ២១ នៃការគ្រងព្រះបរមសិរីរាជសម្បត្តិគម្រប់ ថ្វាយ ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពងខ្ពស់បំផុត សូមមានព្រះរាជសុខភាពល្អបរិបូរណ៍ ព្រះកាយពលមាំមួន ព្រះបញ្ញាវាងវៃ និងព្រះជន្មាយុយឺនយូរ ដើម្បីគង់ប្រថាប់ជាម្លប់ដ៏ត្រជាក់ត្រជំ សម្រាប់ប្រជានុរាស្ត្រខ្មែរយូរអង្វែងតរៀងទៅ

២៩ តុលា ២០០៤ - ២៩ តុលា ២០២៥

កម្ពុជា រៀបចំសិក្ខាសាលាស្តីពីសកម្មភាពមីនក្នុងតំបន់មេគង្គ-ឡានឆាង ដើម្បីបង្កើនកិច្ចសហប្រតិបត្តិការ រួមគ្នាឆ្ពោះទៅសម្រេចបាន...
28/10/2025

កម្ពុជា រៀបចំសិក្ខាសាលាស្តីពីសកម្មភាពមីនក្នុងតំបន់មេគង្គ-ឡានឆាង ដើម្បីបង្កើនកិច្ចសហប្រតិបត្តិការ រួមគ្នាឆ្ពោះទៅសម្រេចបានតំបន់មេគង្គ-ឡានឆាង ដែលមិនមានផលប៉ះពាល់ដោយសារមីន និងសំណល់ជាតិផ្ទុះពីសង្គ្រាម។

(សៀមរាប) ថ្ងៃទី២៨ ខែតុលា ឆ្នាំ២០២៥ ឯកឧត្តមបណ្ឌិត លី ធុជ ទេសរដ្ឋមន្ត្រី អនុប្រធានទី១ អាជ្ញាធរមីន អញ្ជើញជាអធិបតីក្នុងកម្មវិធីបើកនៃសិក្ខាសាលាស្តីពីសកម្មភាពមីននៅក្នុងតំបន់មេគង្គ-ឡានឆាង ដែលប្រព្រឹត្តទៅពីថ្ងៃទី២៧ ដល់ ថ្ងៃទី២៩ ខែតុលា ឆ្នាំ២០២៥ នៅសណ្ឋាគារអង្គរភែលេសរីហ្សត និងស្ប៉ា ខេត្តសៀមរាប ដើម្បីបង្កើនកិច្ចសហប្រតិបត្តិការ រួមគ្នាឆ្ពោះទៅសម្រេចបានតំបន់មេគង្គ-ឡានឆាង ដែលមិនមានផលប៉ះពាល់ដោយសារមីន និងសំណល់ជាតិផ្ទុះពីសង្គ្រាម។

សិក្ខាសាលានេះ គឺជាផ្នែកមួយនៃគម្រោង «កិច្ចសហប្រតិបត្តិការមេគង្គ-ឡានឆាង ក្នុងសកម្មភាពមីន» ដែលគាំទ្រដោយមូលនិធិពិសេសរបស់សាធារណរដ្ឋប្រជាមានិតចិន ក្នុងគោលបំណង លើកកម្ពស់កិច្ចសហប្រតិបត្តិការក្នុងតំបន់ និងការចែករំលែកចំណេះដឹង និងជំនាញ ក្នុងវិស័យសកម្មភាពមីន រវាងប្រទេសនានានៅក្នុងតំបន់មេគង្គ-ឡានឆាង។ សិក្ខាសាលានេះផងដែរ មានការចូលរួមពីអ្នកជំនាញមកពីអង្គការអន្តរជាតិ និងតំណាងស្ថាប័នជាតិ ដែលបម្រើការងារពាក់ព័ន្ធនឹងវិស័យសកម្មភាពមីន របស់ប្រទេសក្នុងតំបន់មេគង្គ-ឡានឆាង រួមមាន ចិន ឡាវ មីយ៉ាន់ម៉ា វៀតណាម និងរួមទាំងកម្ពុជា។

ក្នុងឱកាសនោះ ឯកឧត្តមទេសរដ្ឋមន្ត្រី បានសម្តែងនូវការស្វាគមន៍យ៉ាងកក់ក្តៅ និងថ្លែងអំណរគុណ ជូនចំពោះគណៈប្រតិភូពីប្រទេសក្នុងតំបន់មេគង្គ-ឡានឆាង និងភាគីពាក់ព័ន្ធសកម្មភាពមីន ដែលបានចូលរួមក្នុងសិក្ខាសាលាថ្នាក់តំបន់នេះ ដែលបានបង្ហាញពីឆន្ទៈក្នុងការបង្កើនកិច្ចសហប្រតិបត្តិការ ដើម្បីរួមគ្នាឆ្ពោះទៅសម្រេចបានតំបន់មេគង្គ-ឡានឆាង ដែលមិនមានផលប៉ះពាល់ដោយសារមីន និងសំណល់ជាតិផ្ទុះពីសង្គ្រាម។

ឯកឧត្តមទេសរដ្ឋមន្ត្រី បានគូសបញ្ជាក់ថា កម្ពុជា ក្រោមការដឹកនាំប្រកបដោយចក្ខុវិស័យរបស់ សម្តេចធិបតី ហ៊ុន ម៉ាណែត នាយករដ្ឋមន្ត្រី បានឈានឆ្ពោះទៅរកសន្តិភាព ស្ថិរភាព និងសាមគ្គីភាព ទាំងក្នុងប្រទេស និងនៅឆាកអន្តរជាតិ ក្នុងនោះបានចាត់ទុកវិស័យសកម្មភាពមីនជាស្នូលនៃការអភិវឌ្ឍ និងក្លាយជាប្រទេសឈានមុខក្នុងសកម្មភាពមីនសកល។ ជាក់ស្តែង ឆ្នាំមុនកម្ពុជាបានធ្វើជាប្រធានអនុសញ្ញាអូតាវ៉ា កម្ពុជា បានជំរុញឱ្យមានការប្តេជ្ញាចិត្តជាថ្មីសម្រាប់ពិភពលោក ក្នុងការលុបបំបាត់ការរងទុក្ខវេទនាដោយសារមីន ជាពិសេសតាមរយៈការដាក់ចេញនូវសេចក្តីថ្លែងការ និងផែនការសកម្មភាពសៀមរាប-អង្គរឆ្នាំ២០២៥-២០២៩ ដែលជាផែនទីបង្ហាញទិសសកម្មភាពមីនសាកល។

តាងនាមឱ្យ រាជរដ្ឋាភិបាលកម្ពុជា ឯកឧត្តមបណ្ឌិត បានថ្លែងអំណរគុណចំពោះប្រទេសចិន ដែលបានរួមចំណែកយ៉ាងសំខាន់ក្នុងសកម្មភាពមីនមនុស្សធម៌នៅកម្ពុជា និងទូទាំងពិភពលោក។ ក្រៅពីសកម្មភាពមីន ចិនបានចូលរួមចំណែកក្នុងដំណើរការអភិវឌ្ឍសេដ្ឋកិច្ច-សង្គម ការកសាងហេដ្ឋារចនាសម្ព័ន្ធ ការលើកកម្ពស់សន្តិភាព ស្ថិរភាព និងវិបុលភាពទាំងក្នុងតំបន់ និងពិភពលោក។

ឯកឧត្តម ថ្លែងបញ្ចាក់ទៀតថា កម្ពុជា រួមទាំងប្រទេសក្នុងតំបន់មេគង្គ-ឡានឆាង ទទួលបានសមិទ្ធផលជាទីកត់សម្គាល់ក្នុងសកម្មភាពមីន ក៏ប៉ុន្តែការគំរាមកំហែងដោយសារមីន និងសំណល់ជាតិផ្ទុះពីសង្គ្រាម នៅតែបន្តមានដែលទាមទារឱ្យបង្កើនកិច្ចសហប្រតិបត្តិការតំបន់កាន់តែខ្លាំងក្លា ជាពិសេសតាមរយៈការចែករំលែកបទពិសោធន៍ និងចំណេះដឹងរវាងគ្នានិងគ្នា។ ដរាបណាស្លាកស្នាមសង្គ្រាមមិនទាន់បាត់រសាត់ ការប្តេជ្ញាចិត្តរបស់យើងនៅតែមានជានិច្ច។

ជាចុងបញ្ចប់ ឯកឧត្តមទេសរដ្ឋមន្ត្រី បានលើកឡើងថា ទន្លេមេគង្គគឺជាប្រភពនៃជីវិត និងជាអត្តសញ្ញាណនៃសន្តិភាព និងកិច្ចសហប្រតិបត្តិការ ហេតុនេះ យើងត្រូវរួមគ្នា ដើម្បីធានាថាតំបន់មេគង្គ-ឡានឆាង មានសុខសន្តិភាព និងសុវត្ថិភាព តាមរយៈការលុបបំបាត់កេរ្តិ៍ដំណែលសង្គ្រាម និងបន្សល់ទុកកេរ្តិ៍ដំណែលក្តីសង្ឃឹម និងឱកាស។

Senior Minister Ly Thuch Presides Over the Opening of the Regional Seminar on Mine Action in the Lancang-Mekong
Siem Reap, 28 October 2025

His Excellency Dr. Ly Thuch, Senior Minister and First Vice President of the Cambodian Mine Action and Victim Assistance Authority (CMAA), presided over the official opening ceremony of the Regional Seminar on Mine Action in the Lancang-Mekong, held on the morning of 28 October 2025 at Angkor Palace Resort & Spa, Siem Reap Province.

The opening ceremony was also attended by H.E. Mrs. Touch Sopharath, Under Secretary of State of the Ministry of Foreign Affairs and International Cooperation; Mr. Lu Qizhi, Director of the Consular Office in Siem Reap, Embassy of the People’s Republic of China to Cambodia; and Counselor Wang Lei, Coordinator for Cyber and Digital Affairs, Ministry of Foreign Affairs of China, together with distinguished delegates from China, Lao PDR, Myanmar, Viet Nam, and Cambodia, as well as relevant stakeholders, including international organizations, civil society partners, and technical experts.

The Regional Seminar on Mine Action in the Lancang-Mekong is organized under the framework of the Lancang-Mekong Cooperation (LMC) with support from the LMC Special Fund of the Government of the People’s Republic of China.

The seminar provides a platform for knowledge exchange, experience sharing, and cooperation among countries in the Lancang-Mekong region—Cambodia, China, Lao PDR, Myanmar, and Viet Nam—toward accelerating progress in mine action and strengthening regional solidarity.

During the three-day event, participants will engage in discussions on key topics including land release, explosive ordnance risk education, victim assistance, information management, financing, gender mainstreaming, and environmental protection. The seminar is expected to enhance understanding of effective mine action strategies, strengthen collaboration among regional stakeholders, and produce a compilation of lessons learned and recommendations to support national mine action programs across the Lancang-Mekong region.

In his keynote address, Senior Minister Ly Thuch expressed heartfelt gratitude to Samdech Moha Borvor Thipadei Hun Manet, Prime Minister of the Kingdom of Cambodia, for his steadfast leadership and unwavering commitment to mine action, which continues to guide Cambodia’s path toward peace, stability, and international solidarity.

He also extended sincere appreciation to the Government of the People’s Republic of China for its generous support through the Lancang-Mekong Cooperation Special Fund and for its broader contributions to Cambodia’s development. Dr. Ly Thuch highlighted China’s important role on the global stage in advancing peace, stability, and shared prosperity, and reaffirmed the iron-clad friendship between Cambodia and China, built on mutual trust, respect, and enduring cooperation.

Senior Minister Ly Thuch highlighted that the Lancang-Mekong region shares not only rivers and mountains but also a common burden — the devastating legacy of landmines, cluster munitions, and explosive remnants of war that continue to endanger lives and hinder development.

Drawing on Cambodia’s more than three decades of mine action experience, he emphasized the importance of regional cooperation, knowledge exchange, and solidarity. “Regional challenges demand regional solutions — built on trust, mutual respect, and common purpose,” he stated, “and collaboration is the answer to all the challenges.”

Dr. Ly Thuch also emphasized that the seminar builds on the momentum of the Siem Reap–Angkor Summit on a Mine-Free World, held in November 2024, which adopted the Siem Reap–Angkor Declaration and Action Plan 2025–2029. He noted that this regional seminar brings the spirit of that summit into action—turning global commitments into tangible progress within the Lancang-Mekong region.

Senior Minister Ly Thuch called for continued collaboration among Lancang-Mekong countries to enhance clearance operations, strengthen risk education, empower victims, and apply data and innovation to accelerate results. He reminded participants that mine action is not just a technical task, but a humanitarian imperative that transforms lives and communities.

“Every mine cleared is a life saved. Every hectare returned is a chance for a family to rebuild. The Mekong has always been a source of life—let it now become a symbol of peace and cooperation,” he stated.

ខេត្តសៀមរាប៖ ព្រឹកថ្ងៃទី២៧ ខែតុលា ឆ្នាំ២០២៥ ឯកឧត្តម លី បញ្ញារិទ្ធិ៍ អគ្គលេខាធិការអាជ្ញាធរមីន បានអញ្ជើញដឹកនាំ គណប្រតិភូជា...
27/10/2025

ខេត្តសៀមរាប៖ ព្រឹកថ្ងៃទី២៧ ខែតុលា ឆ្នាំ២០២៥ ឯកឧត្តម លី បញ្ញារិទ្ធិ៍ អគ្គលេខាធិការអាជ្ញាធរមីន បានអញ្ជើញដឹកនាំ គណប្រតិភូជាន់ខ្ពស់សិក្ខាសាលាថ្នាក់តំបន់ស្តីពីសកម្មភាពមីន ក្នុងតំបន់មេគង្គ-ឡាងឆាន ចំនួន ៤ប្រទេស រួមមាន ចិន ភូមា វៀតណាម ឡាវ និងតំណាងក្រសួង ស្ថាប័ន អង្គការជាតិ -អន្តរជាតិ បំពេញទស្សនកិច្ចនៅសារមន្ទីរតេជោសន្តិភាព របស់មជ្ឈមណ្ឌលសកម្មភាពកំចាត់មីនកម្ពុជា នៅខេត្តសៀមរាប ដើម្បីសិក្សាស្វែងយល់ពីវិស័យសកម្មភាពមីន និងដំណើរការកសាងសន្តិភាពនៅកម្ពុជា។

អាជ្ញាធរ​កម្ពុជា​គ្រប់គ្រង​សកម្មភាពកំចាត់​មីន​ និង​សង្គ្រោះ​ជនពិការ​ដោយសារ​មីន​នឹងរៀបចំសិក្ខាសាលាថ្នាក់តំបន់ស្តីពី"សកម្ម...
26/10/2025

អាជ្ញាធរ​កម្ពុជា​គ្រប់គ្រង​សកម្មភាពកំចាត់​មីន​ និង​សង្គ្រោះ​ជនពិការ​ដោយសារ​មីន​នឹងរៀបចំសិក្ខាសាលាថ្នាក់តំបន់ស្តីពី"សកម្មភាពមីននៅក្នុងតំបន់មេគង្គ-ឡានឆាង"​ ដែលនឹងប្រព្រឹត្តទៅពីថ្ងៃទី២៧ ដល់ថ្ងៃទី​២៩ ខែតុលា​ ឆ្នាំ២០២៥ នៅសណ្ធាគារអង្គរភែលេស រីហ្សត ខេត្តសៀមរាប

ខេត្តព្រះវិហារ ៖ នៅថ្ងៃទី២៥ ខែតុលា ២០២៥ មានករណីផ្ទុះគ្រាប់បែកចង្កោមនៅភូមិបង្គោលលេខ៨ ឃុំស្រអែម ស្រុកជាំក្សាន្ត ខេត្តព្រះវ...
26/10/2025

ខេត្តព្រះវិហារ ៖ នៅថ្ងៃទី២៥ ខែតុលា ២០២៥ មានករណីផ្ទុះគ្រាប់បែកចង្កោមនៅភូមិបង្គោលលេខ៨ ឃុំស្រអែម ស្រុកជាំក្សាន្ត ខេត្តព្រះវិហារ បណ្តាលឲ្យស្លាប់កុមារាឈ្មោះ សឿន សុវណ្ណ អាយុ១០ឆ្នាំ និងរងរបួសធ្ងន់ឪពុកឈ្មោះ សៀន ស៊ុន បច្ចុប្បន្នជនរងគ្រោះបញ្ជូនទៅព្យាបាលនៅមន្ទីរពេទ្យ ១៦មករា ខេត្តព្រះវិហារ។

អាជ្ញាធរមីន សូមអំពាវនាវដល់បងប្អូនប្រជាពលរដ្ឋទាំងអស់ នៅពេលឃើញគ្រាប់មីន និងគ្រាប់យុទ្ធភណ្ឌមិនទាន់ផ្ទុះ សូមកុំប៉ះពាល់ ដំ គប់លេង ឫកែច្នៃផ្សេងៗ វាអាចបណ្តាលអោយផ្ទុះស្លាប់ របួស ពិការ គ្រប់ពេល និងសូមរាយការណ៍ទៅអាជ្ញាធរមូលដ្ឋាន និងប្រតិបត្តិករបោសសំអាតមីនដែលនៅជិតទីនោះ ដើម្បីយកគ្រាប់ទាំងនោះទៅកំទេចចោល។

ខេត្តបាត់ដំបង៖ កាលពីថ្ងៃទី២៤ ខែតុលា ឆ្នាំ២០២៥ ឯកឧត្តម ម៉ៅ ប៊ុនញ្ញាត្ត ទីប្រឹក្សាអាជ្ញាធរមីន និងជាប្រធាននាយកដ្ឋានសង្រ្គោះ...
25/10/2025

ខេត្តបាត់ដំបង៖ កាលពីថ្ងៃទី២៤ ខែតុលា ឆ្នាំ២០២៥ ឯកឧត្តម ម៉ៅ ប៊ុនញ្ញាត្ត ទីប្រឹក្សាអាជ្ញាធរមីន និងជាប្រធាននាយកដ្ឋានសង្រ្គោះជនពិការដោយសារមីន តំណាងថ្នាក់ដឹកនាំអាជ្ញាធរមីន បានចូលរួមជាអធិបតីភាពក្នុងកិច្ចប្រជុំបញ្ចប់ការបកប្រែភាសាលើសេចក្តីព្រាងគោលការណ៍ណែនាំថ្នាក់ជាតិ ស្តីពីកិច្ចសង្គ្រោះជនរងគ្រោះដោយសារយុទ្ធភណ្ឌគ្រឿងផ្ទុះ ក្នុងគោលបំណងបំពេញបន្ថែមនូវធាតុចូលផ្សេងៗឱ្យបានគ្រប់ជ្រុងជ្រោយពីគ្រប់ភាគីពាក់ព័ន្ធដែលបម្រើការងារលើវិស័យពិការភាព។ កិច្ចប្រជុំនេះមានការចូលរួមពីស្ថាប័នពាក់ព័ន្ធ អង្គការជាតិ អន្តរជាតិ ប្រតិបត្តិករបោសសម្អាតមីនជាតិ អន្តរជាតិ និងដៃគូរពាក់ព័ន្ធ សរុបចំនួន ៣៥នាក់ (ស្រី ០៥នាក់ ជនមានពិការភាព ០១នាក់)។ កិច្ចប្រជុំនេះទទូលបានការគាំទ្រថវិកាដោយគម្រោងបោសសម្អាតមីនដើម្បីលទ្ធផលដំណាក់កាលទី៤ (CFR-IV)។

ឯកឧត្តមទេស​រដ្ឋមន្ត្រី​ លី​ ធុជ​ ៖ កម្ពុជាគឺជារដ្ឋភាគីសកម្ម​នៃ​អនុសញ្ញាអូតាវ៉ា និងតែងតែ​ប្រកាន់ខ្ជាប់ជានិច្ចនូវគោលការណ៍​...
24/10/2025

ឯកឧត្តមទេស​រដ្ឋមន្ត្រី​ លី​ ធុជ​ ៖ កម្ពុជាគឺជារដ្ឋភាគីសកម្ម​នៃ​អនុសញ្ញាអូតាវ៉ា និងតែងតែ​ប្រកាន់ខ្ជាប់ជានិច្ចនូវគោលការណ៍​មនុស្សធម៌​ និងគោរព​នូវ​បទដ្ឋាននានា​របស់អនុសញ្ញា។

(តូក្យូ ជប៉ុន) ថ្ងៃទី២៣ ខែតុលា ឆ្នាំ២០២៥ ឯកឧត្តមបណ្ឌិត លី ធុជ ទេសរដ្ឋមន្ត្រី អនុប្រធានទី១អាជ្ញាធរមីន បានចូលជួបសម្តែងការគួរសម និងពិភាក្សាការងារជាមួយ ឯកឧត្តម SUZUKI Hideo ឯកអគ្គរាជទូតជប៉ុន សម្រាប់កិច្ចសហប្រតិបត្តិការមេគង្គជប៉ុន នៅអគារក្រសួងការបរទេសជប៉ុន។

ក្នុងឱកាសនោះ ឯកឧត្តមបណ្ឌិត លី​ ធុជ​ បាន​ថ្លែង​អំណរគុណ​ដល់​រាជ​រដ្ឋាភិបាល​ជប៉ុន​ ដែល​បាន​ចូលរួម​ក្នុង​ដំណើរ​ស្វែងរក​សន្តិភាព​នៅ​កម្ពុជា​ និង​បន្ត​គាំទ្រ​ឱ្យ​មាន​សន្តិភាព​រវាង​កម្ពុជា​-ថៃ។ ជាមួយ​គ្នានោះ​ ឯកឧត្ដម​ លី ធុជ បានថ្លែងអំណរគុណ និងវាយតម្លៃខ្ពស់ចំពោះភាពជាដៃគូយូរអង្វែងរបស់ជប៉ុន ជាមួយកម្ពុជា ជាពិសេសក្នុងវិស័យសកម្មភាពមីន ដែលបានជួយសង្គ្រោះជីវិតមនុស្សរាប់មិនអស់ និងប្រែក្លាយដីមីនទៅជាដីមានសុវត្ថិភាព សម្រាប់ប្រើប្រាស់ក្នុងវិស័យកសិកម្ម និងអភិវឌ្ឍន៍។ ឯកឧត្តមថ្លែងថា កម្ពុជាគឺជារដ្ឋភាគីសកម្ម​នៃអនុសញ្ញាអូតាវ៉ា និងតែងតែ​ប្រកាន់ខ្ជាប់ជានិច្ចនូវគោលការណ៍មនុស្សធម៌ និងគោរពនូវបទដ្ឋានរបស់អនុសញ្ញា ហើយកម្ពុជាបន្តប្តេជ្ញាបង្កើនកិច្ចខិតខំប្រឹងប្រែង សំដៅសម្រេចបានកម្ពុជាដែលគ្មានផលប៉ះពាល់ដោយសារមីន និងសំណល់ជាតិផ្ទុះពីសង្គ្រាម។

ឯកឧត្តម ក៏បានលើកឡើងអំពីសមិទ្ធផលសកម្មភាពមីននៅកម្ពុជារយៈពេលប្រមាណ៣០ឆ្នាំមកនេះ និងបញ្ហាដែលនៅសេសសល់ ជាពិសេសចម្កាមីននៅតាមបណ្តោយព្រំដែន ដែលមានគ្រាប់មីនច្រើន ពិបាកចូលទៅដល់ និងពិបាកក្នុងការបោសសម្អាត ដែលទាមទារឱ្យមានបច្ចេកទេសខ្ពស់ និងឧបករណ៍ទំនើប។ ជាមួយគ្នានេះ ឯកឧត្តមទេសរដ្ឋមន្ត្រី បានលើកអំពីការប៉ះទង្គិចប្រដាប់អាវុធនៅតាមបណ្តោយព្រំដែនកម្ពុជា-ថៃ ដែលបានប៉ះពាល់យ៉ាងខ្លាំងដល់ការរស់នៅរបស់ប្រជាជនកម្ពុជានៅតាមតំបន់ព្រំដែន និងរាំងស្ទះដល់ខ្សែច្រវាក់ផលិតកម្ម និងប៉ះពាល់ធ្ងន់ធ្ងរដល់ពាណិជ្ជកម្មកម្ពុជា-ថៃ និងក្នុងតំបន់ទាំងមូល។ ឯកឧត្តមទេសរដ្ឋមន្ត្រី ក៏បានស្នើដល់ជប៉ុន បន្តគាំទ្រកម្ពុជាសម្រេចបានគោលដៅកម្ពុជាដែលគ្មានផលប៉ះពាល់ដោយសារមីន និងសំណល់ជាតិផ្ទុះពីសង្គ្រាម និងបង្កើនកិច្ចសហការរវាងរដ្ឋាភិបាលជប៉ុន ជាមួយអាជ្ញាធរមីន ដើម្បីធានាថាជំនួយសកម្មភាពមីនមនុស្សធម៌របស់ប្រទេសជប៉ុនមានប្រសិទ្ធភាពខ្ពស់ មានតម្លាភាព ប្រើប្រាស់ត្រូវគោលដៅ និងស្របតាមអាទិភាពរបស់រាជរដ្ឋាភិបាលកម្ពុជា។ បន្ថែមលើនេះ ឯកឧត្តម បានស្នើដល់រដ្ឋាភិបាលជប៉ុន ដើរតួសំខាន់ជំរុញឱ្យអនុវត្តបទឈប់បាញ់ និងរក្សាឱ្យបានសន្តិភាពតាមតំបន់ព្រំដែនកម្ពុជា-ថៃ ដែលជាប្រយោជន៍សម្រាប់ប្រជាជនទាំងពីរ រួមទាំងក្រុមហ៊ុនវិនិយោគរបស់ជប៉ុន។

ជាការឆ្លើយតប ឯកឧត្តម SUZUKI Hideo បានវាយតម្លៃខ្ពស់ចំពោះកម្ពុជា ដែលបានចូលរួមយ៉ាងសំខាន់ក្នុងសន្និសិទស្តីពីសកម្មភាពមីនអ៊ុយក្រែនឆ្នាំ ២០២៥​ ដែលរៀបចំឡើងដោយរដ្ឋាភិបាលជប៉ុន និងបានកោតសរសើរចំពោះកិច្ចខិតខំប្រឹងប្រែងសកម្មភាពមីនកម្ពុជា ដែលបានចូលរួមចម្បងក្នុងការធានាឱ្យបានសុវត្ថិភាពរបស់ប្រជាជន និងផ្តល់ដីសុវត្ថិភាពសម្រាប់ការស់នៅ និងអភិវឌ្ឍ។ ឯកឧត្តមគូសបញ្ជាក់ថា កម្ពុជាគឺជាដៃគូដែលអាចទុកចិត្តបាន និងប្តេជ្ញាបន្តគាំទ្រកម្ពុជាសម្រេចបានគោលដៅប្រទេសដែលគ្មានមីន។ ឯកឧត្តម លើកឡើងផងដែរថា ជប៉ុនចង់បាននូវប្រសិទ្ធភាព និងតម្លាភាពក្នុងសកម្មភាពមីន។ ពាក់ពន្ធនឹងបញ្ហាព្រំដែន ឯកឧត្តម SUZUKI Hideo សង្ឃឹមថាកម្ពុជាអាចសម្រេចបានសន្តិភាពឆាប់ៗ ហើយជប៉ុនត្រៀមខ្លួនរួចសម្រេចដើម្បីជួយឱ្យកម្ពុជានិងថៃ សម្រេចបានសន្តិភាពមួយដែលមានភាពយូរអង្វែង។

ឯកឧត្តមទេសរដ្ឋមន្ត្រី​ លី​ ធុជ​ ថ្លែងអំណរ​គុណ​ជប៉ុន ដែលតែងតែឈរជាមួយកម្ពុជា និងរួមចំណែកក្នុងដំណើរការកសាងសន្ថិភាព និងការ​អ...
23/10/2025

ឯកឧត្តមទេសរដ្ឋមន្ត្រី​ លី​ ធុជ​ ថ្លែងអំណរ​គុណ​ជប៉ុន ដែលតែងតែឈរជាមួយកម្ពុជា និងរួមចំណែកក្នុងដំណើរការកសាងសន្ថិភាព និងការ​អភិវឌ្ឍនៅ​កម្ពុជា​ រួមទាំង​ការគាំទ្រ​ដល់​សកម្មភាពមីនមនុស្សធម៌។

(តូក្យូ ជប៉ុន) ថ្ងៃទី២៣ ខែតុលា ឆ្នាំ២០២៥ ឯកឧត្តមបណ្តិត លី ធុជ ទេសរដ្ឋមន្ត្រី អនុប្រធានទី១​ អាជ្ញាធរមីន បានជួបសម្តែងការគួរសម និងពិភាក្សាការងារជាមួយ ឯកឧត្តម AISAWA Ichiro សមាជិកសភានៃប្រទេសជប៉ុន នៅអគាររដ្ឋសភាជប៉ុន (The National Diet Building)។

ក្នុងជំនួបនោះ តាងនាមសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ឯកឧត្តមទេសរដ្ឋមន្ត្រី បានថ្លែងអំណរគុណចំពោះរដ្ឋាភិបាល និងប្រជាជនជប៉ុន ដែលតែងតែឈរនៅជាមួយកម្ពុជា និងបានចូលរួមយ៉ាងសំខាន់នៅក្នុងដំណើរកសាងសន្ថិភាព និងអភិវឌ្ឍសេដ្ឋកិច្ច-សង្គមនៅកម្ពុជា ដែលក្នុងនោះផងដែរ វិនិយោគរបស់ជប៉ុនបានផ្តល់ការងារជាច្រើនដល់ប្រជាជនខ្មែរ។ លើសពីនេះ និស្សិតខ្មែរជាច្រើនបានមកបន្តការសិក្សានៅប្រទេសជប៉ុន ដែលធ្វើឱ្យធនធានមនុស្សនៅកម្ពុជា កាន់តែរីកចម្រើន និងចូលរួមដល់ការអភិវឌ្ឍប្រទេសជាតិ។

ជាមួយគ្នានេះ ឯកឧត្តមទេសរដ្ឋមន្ត្រី ក៏បានអញ្ជើញ ឯកឧត្តម AISAWA Ichiro រួមជាមួយសភាពាណិជ្ជកម្មរបស់​ទីក្រុង Okayama ធ្វើទស្សនកិច្ចមកកាន់កម្ពុជា ដើម្បីស្វែងយល់ច្បាស់អំពីឱកាសវិនិយោគនៅកម្ពុជា។ ឯកឧត្តមបណ្ឌិត លី ធុជ ក៏បានលើកឡើងអំពីការចូលរួមចំណែករបស់ជប៉ុន នៅក្នុងភាពជោគជ័យនៃសកម្មភាពមីនកម្ពុជា និងស្នើឱ្យជប៉ុនបន្តគាំទ្រកម្ពុជាក្នុងសកម្មភាពមីនមនុស្សធម៌ ដើម្បីបន្តផ្តល់ក្តីសង្ឃឹមដល់ប្រជាជនកម្ពុជា។

ជាការឆ្លើយតប ឯកឧត្តម AISAWA Ichiro បានកោតសរសើរចំពោះភាពរីកចម្រើនជាទីកត់សម្គាល់របស់កម្ពុជា និងបានបង្ហាញជំហរបន្តភាពជាដៃគូយូរអង្វែងជាមួយកម្ពុជា។ ឯកឧត្តម ក៏បានថ្លែងអំណរគុណចំពោះកម្ពុជាដែលបានផ្តល់ទំនុកចិត្ត និងបានបញ្ជូននិស្សិតឆ្នើមជាច្រើន មកបន្តការសិក្សានៅប្រទេសជប៉ុន ហើយឯកឧត្តមស្នើឱ្យកម្ពុជា បន្តបញ្ជូននិស្សិតមកសិក្សាឱ្យកាន់តែច្រើន ជាពិសេសមន្ត្រីរាជរដ្ឋាភិបាលរបស់កម្ពុជា។ ឯកឧត្តម សន្យាថានឹងមកធ្វើទស្សនកិច្ចនៅកម្ពុជានៅពេលខាងមុខ រួមជាមួយសភាពាណិជ្ជកម្មរបស់ទីក្រុង Okayama ដើម្បីស្វែងរកឧកាសវិនិយោគនៅកម្ពុជា។

ខេត្តបន្ទាយមានជ័យ ៖ នៅថ្ងៃទី២៣ ខែតុលា ឆ្នាំ២០២៥ ឯកឧត្តម ទេព កល្យាណ អគ្គលេខាធិការរងអាជ្ញាធរមីន បានអញ្ជើញចូលរួមជាអធិបតីបើក...
23/10/2025

ខេត្តបន្ទាយមានជ័យ ៖ នៅថ្ងៃទី២៣ ខែតុលា ឆ្នាំ២០២៥ ឯកឧត្តម ទេព កល្យាណ អគ្គលេខាធិការរងអាជ្ញាធរមីន បានអញ្ជើញចូលរួមជាអធិបតីបើកវគ្គបណ្តុះបណ្តាលគ្រូបង្គោល ស្តីពីការផ្តល់សារអប់រំអំពីគ្រោះថ្នាក់ដោយសារយុទ្ធភណ្ឌគ្រឿងផ្ទុះ ជូនដល់លោកគ្រូ អ្នកគ្រូ និងគរុសិស្សនៅខេត្តបន្ទាយមានជ័យ ក្នុងគោលបំណង ពង្រឹងសមត្ថភាពលោកគ្រូអ្នកគ្រូ និងគរុសិស្ស ស្តីពីការផ្តល់សារអប់រំអំពីគ្រោះថ្នាក់ដោយសារយុទ្ធភណ្ឌគ្រឿងផ្ទុះ ការអនុវត្តច្បាប់ស្តីពីការគ្រប់គ្រងអាវុធគ្រឿងផ្ទុះ និងគ្រាប់រំសេវ និងស្គាល់អំពីប្រភេទមីន/គ្រាប់ដែលត្រូវបានប្រើប្រាស់នៅកម្ពុជានិងឥទ្ធិពលបង្កគ្រោះថ្នាក់ ព្រមទាំងយល់ដឹងអំពីវិធីបង្ការគ្រោះថ្នាក់ក្នុងពេលចុះបំពេញការងារនៅតាមសហគមន៍ដែលរងផលប៉ះពាល់ដោយសារយុទ្ធភណ្ឌគ្រឿងផ្ទុះ។ វគ្គបណ្តុះបណ្តាលនេះមានការសហការរវាងអាជ្ញាធរមីន ក្រសួងអប់រំ យុវជន និងកីឡា និងមន្ទីរអប់រំយុវជន និងកីឡាខេត្តបន្ទាយមានជ័យ។

ឆ្លៀតក្នុងឱកាសនោះដែរ ឯកឧត្តម ទេព កល្យាណ បានស្នើលោកគ្រូ អ្នកគ្រូ និងគរុសិស្សខេត្តបន្ទាយមានជ័យ ដែលជាសិក្ខាកាមទាំងអស់យកចិត្តទុកដាក់រៀនសូត្រ ត្រង់ស្តាប់បទបង្ហាញរបស់វាគ្មិន មានចម្ងល់ត្រូវហ៊ានសួរ និងយកចំណេះដឹងបានមកពីវគ្គបណ្តុះបណ្តាលនេះ ទៅអប់រំបន្តដល់សិស្សានុសិស្ស កុមារា កុមារី ប្រជាពលរដ្ឋ និងសហគមន៍ក្នុងមូលដ្ឋានរបស់ខ្លួនអំពីគ្រោះថ្នាក់ ដោយសារមីន និងគ្រាប់មិនទាន់ផ្ទុះ។

វគ្គបណ្តុះបណ្តាលនេះ ទទួលបានការគាំទ្រពីគម្រោងបោសសម្អាតមីនដើម្បីលទ្ធផលដំណាក់កាលទី៤ CFR4។

អបអរសាទរ ខួបលើកទី ៣៤ កិច្ចព្រមព្រៀងសន្តិភាពទីក្រុងប៉ារីស "សន្តិភាព គឺជាមូលដ្ឋានគ្រឹះនៃសិទ្ធិសេរីភាពរបស់មនុស្សជាតិ និងសង្...
23/10/2025

អបអរសាទរ ខួបលើកទី ៣៤ កិច្ចព្រមព្រៀងសន្តិភាពទីក្រុងប៉ារីស "សន្តិភាព គឺជាមូលដ្ឋានគ្រឹះនៃសិទ្ធិសេរីភាពរបស់មនុស្សជាតិ និងសង្គម"

មហារដ្ឋបុរសមួយអង្គ និងមួយរូប បានពូនជ្រំ និងដឹកនាំកម្ពុជា ដោយកិច្ចចរចាសន្តិវិធី ក្នុងការបង្រួបបង្រួម និងផ្សះផ្សាជាតិពីការបែកបាក់ពហុភាគី មកជាធ្លុងមួយក្នុងស្មារតី “ខ្មែរតែមួយ បុព្វហេតុតែមួយ” ដែលនេះជាកាលានុវត្តភាព និងជាមូលដ្ឋានគ្រឹះដ៏សំខាន់សម្រាប់ការស្តារ និងអភិវឌ្ឍជាតិឱ្យរីកចម្រើនគ្រប់វិស័យ។

២៣ តុលា ១៩៩១ - ២៣ តុលា ២០២៥

ទីក្រុងតូក្យូ ជប៉ុន : នៅថ្ងៃទី២២ ខែតុលា ឆ្នាំ២០២៥ ឯកឧត្ដម​បណ្ឌិត​ លី​ ធុជ​ ទេសរដ្ឋមន្រ្តី​ អនុប្រធាន​ទី១​ អាជ្ញាធរ​មីន​ ...
22/10/2025

ទីក្រុងតូក្យូ ជប៉ុន : នៅថ្ងៃទី២២ ខែតុលា ឆ្នាំ២០២៥ ឯកឧត្ដម​បណ្ឌិត​ លី​ ធុជ​ ទេសរដ្ឋមន្រ្តី​ អនុប្រធាន​ទី១​ អាជ្ញាធរ​មីន​ អញ្ជើញ​ចុះ​សួរ​សុខទុក្ខ​ និង​ពិភាក្សា​ការងារ​ជាមួយ​ ឯកឧត្តម​ ទុយ​ រី​ ឯកឧត្តម​អគ្គរាជទូត​កម្ពុជា​ និង​មន្រ្ដី​ស្ថានទូត​កម្ពុជា​ប្រចាំ​ប្រទេស​ជប៉ុន​ ដែល​មាន​និវេសនដ្ឋាន​ស្ថានទូត​នៅ​ទីក្រុង​តូក្យូ​ ។

Address

Phnom Penh
12150

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Website

Alerts

Be the first to know and let us send you an email when អាជ្ញាធរមីន - Cambodian Mine Action Authority posts news and promotions. Your email address will not be used for any other purpose, and you can unsubscribe at any time.

Contact The Business

Send a message to អាជ្ញាធរមីន - Cambodian Mine Action Authority:

Shortcuts

Share

Category