17/08/2026
សេចក្តីជូនដំណឹង ស្តីពីការផ្អាកជាបណ្តោះអាសន្ននូវការផ្តល់សេវាអត្តសញ្ញាណកម្ម នៅទីតាំងផ្តល់សេវាមួយចំនួន។
អគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ សូមជម្រាបជូនសាធារណជន និងប្រជាពលរដ្ឋទាំងអស់ឱ្យបានជ្រាបថា អគ្គនាយកដ្ឋានអត្តសញ្ញាណកម្ម នឹងរៀបចំ វគ្គបំពាក់បំប៉ន និងតម្រង់ទិសលើការងារសំខាន់ៗ សម្រាប់ថ្នាក់ដឹកនាំ និងមន្ត្រី នៃអគ្គនាយកដ្ឋានអត្តសញ្ញាណកម្ម។ ដោយហេតុនេះ ការផ្តល់សេវាអត្តសញ្ញាណកម្ម នៅទីតាំងមួយចំនួន នឹងត្រូវផ្អាកជាបណ្តោះអាសន្នរយៈពេល ១ថ្ងៃ គឺនៅថ្ងៃអង្គារ ទី១៨ ខែសីហា ឆ្នាំ២០២៦ ដូចខាងក្រោម៖
១. សេវាកែតម្រូវទិន្នន័យ និងមោឃភាពបញ្ជីអត្រានុកូលដ្ឋាន នៅនាយកដ្ឋានអត្រានុកូលដ្ឋាន
២. សេវាលិខិតឆ្លងដែន នៅនាយកដ្ឋានលិខិតឆ្លងដែន
៣. សេវាអត្តសញ្ញាណបណ្ណសញ្ជាតិខ្មែរ នៅនាយកដ្ឋានអត្តសញ្ញាណបណ្ណសញ្ជាតិខ្មែរ
៤. សេវាបញ្ជាក់អត្តសញ្ញាណបុគ្គល និងបញ្ជាក់ភាពត្រឹមត្រូវនៃទិន្នន័យអត្តសញ្ញាណបុគ្គល នៅនាយកដ្ឋានរដ្ឋបាលសរុប។
អាស្រ័យហេតុនេះ សូមសាធារណជន និងប្រជាពលរដ្ឋដែលមានបំណងមកស្នើសុំសេវានៅទីតាំង និងកាលបរិច្ឆេទខាងលើ មេត្តាជ្រាបជាព័ត៌មាន និងអធ្យាស្រ័យចំពោះការអាក់ខានក្នុងការផ្តល់សេវានេះ។
