រៀនសំណង់ Sømnøng, Phnom Penh (2025)

10/08/2025

មកស្វែងយល់ពីដំណើរការSeptic

#វិស្វករសំណង់ #ជាងសំណង់

09/08/2025

បង្ហាញអំពីប្រព័ន្ធទុយោ សាបទិចផ្ទះវីឡា✅❤

#ស្ថាបត្យកម្មទំនើប

08/08/2025

ការងារប្រព័ន្ធទឹកកង្វក់ដែលចេញពីផ្ទះចូលទៅក្នុងលូរសារធារណៈ✅

#ស្ថាបត្យកម្មទំនើប

08/08/2025

ខ្នាតបន្ទប់ទឹក✅

07/08/2025

ក្បួនខ្នាតដាក់បំពាក់សម្ភារៈបន្ទប់ទឹក✅

07/08/2025

Me now:
រដូវកាលកាត់ម៉ាកែត

06/08/2025

ការងារបង្ហាប់បេតុង✅❤️

ទិសដៅរបស់បង្ហាប់បេតុង គឹធានាអោយបេតុងដូចគ្នា ហាប់ មិនមានបាតុភូតប្រហោងខាងក្នុង និង ហើមខាងក្រៅ បង្កើតលក្ខខណ្ឌបេតុងតោងជាប់ជាមួយសរសៃដែក។
មានពីរវិធីសាស្ត្របង្ហាប់ គឺ បង្ហាប់ដោយពលកម្ម និង បង្ហាប់ដោយយន្តកម្ម។

ទាញយកឯកសារពេញ PDF : https://t.me/reansomnong
ឯកសារនេះ សម្រាប់ជាជំនួយដល់អ្នកសិក្សាធ្វើការសិក្សាស្រាវជ្រាវដើម្បីបង្កើនចំណេះដឹងរបស់សិស្សនិស្សិតស្ថាបត្យកម្ម និង វិស្វ័កម្មសំណង់ស៊ីវិល។
#ស្ថាបត្យកម្មទំនើប
#រៀនសំណង់

05/08/2025

បញ្ហាបេតុងស្ពោត(ធ្នឹមស្អុយ , សសរស្អុយ,ប្លង់សេស្អុយ )ជាបញ្ហាដែលតែងតែជួបជាញឹកញាប់ ៕ ដើម្បីជៀសវាងបញ្ហានេះតើត្រូវធ្វើដូចម្ដេច?
>សសរ
>>មុនពេលចាក់បេតុង:
- ត្រូវពិនិត្រមើលពុម្ព :ការផ្គុំបន្ទះពុម្ពបានជិតល្អទេ ? ជន្ទល់ទល់រឹងមាំទេ(ដើម្បីការពារពេលចាក់បេតុងកុំឲ្យមានការទ្រេត ផ្អៀង ប៉ោង)? បន្ទះពុម្ពផ្គុំត្រឹមត្រូវទីតាំងហើយឬនៅ?តើពុម្ពបានសម្អាតស្អាតហើយឬនៅ?
- ដែក : ដែកដាក់ត្រូវទីតាំងទេ ? គ្រប់ចំនួនទេ?ប្រវែងមុខតំណរចងគ្រប់គ្រាន់ហើយឬនៅ?ដែកស្អាត(មិនប្រឡាក់ដី មិនច្រេះចាប់)ហើយឬនៅ? ចន្លោះរវាងដែកនិងពុម្ពត្រឹមត្រូវតាមការកំណត់យកហើយឬនៅសម្រាប់ទុកធ្វើជាស្រទាប់បេតុងការពារ? ដែកមានការខូចខាតទេ?
>>ចាក់បេតុង
- កម្ពស់បេតុងធ្លាក់ចុះមិនត្រូវលើសពី2m
- បង្ហាប់បេតុងដោយប្រើម៉ូទ័ររុករំញ័រ ចាក់បានកម្រាស់ 30-50cm បង្ហាប់ម្ដង, បង្ហាប់ម្ដងប្រើរយ:ពេល 20-40វិនាទី ពេលបង្ហាប់បេតុងមិនត្រូវធ្វើឲ្យគ្រោងដែកមានការប្រែប្រួលទីតាំងឬខូចខាតទ្រង់ទ្រាយទេ បើពុម្ពណាមានបង្អួចសម្រាប់ចាក់បេតុងពេលចាក់ហើយត្រូវបិទឲ្យជិតទើបចាក់ស្រទាប់បន្ដបន្ទាប់ទៀត៕
- មុនពេកចាក់បេតុងស្រទាប់ខាងក្រោមគេបំផុត(នៅជើងសសរ)ត្រូវចាក់បាយអរចូលមួយស្រទាប់សិនកម្រាស់ 10-20cm ដើម្បីកុំឲ្យបេតុងស្ពោតនៅត្រង់ជើងសសរ ព្រោះខ្សាច់ថ្មដែលមានគ្រាប់ធំៗធ្លាក់ចូលយ៉ាងលឿននៅត្រង់ជើងសសរ៕
- និយាយជារួមការចាក់បេតុងត្រូវចាក់ពីឆ្ងាយមកជិត, ពីក្នុងមកក្រៅ, ពីទាបមកខ្ពស ,ចាក់ជាស្រទាប់ៗ ចាក់ហើយស្រទាប់ណាបង្ហាប់ស្រទាប់នោះភ្លាម ៕
- ក្នុងពេលចាក់ត្រូវចាក់បន្ដបន្ទាប់គ្នាមិនអនុញ្ញាត្ដិឲ្យឈប់បង្អង់យូទេ៕
- មិនគួរចាក់បេតុងក្នុងពេលអាកាសធាតុមានសំណើមខ្លាំង , ភ្លៀង ៕
>ធ្នឹម
>> ក្នុងការសាងសង់អគារសំណង់គេនិយមចាក់បេតុងធ្នឹមនិងប្លង់សេក្នុងពេលជាមួយគ្នា ក្នុងករណីកម្ពស់មុខកាត់ធ្នឹមធំជាង80cm ទើបចាក់បេតុងធ្នឹមផ្សេង ប្លង់សេចាក់ផ្សេង ៕
>> ចំពោះធ្នឹមគេមិនចាក់ជាស្រទាប់ៗរហូតទាលតែផុតប្រវែងធ្នឹមទេគឺគេចាក់ជាកាំៗទាប់ខ្ពស់ៗនៅលើប្រវែងធ្នឹមប្រហែល1m ពេលចាក់ពេញកម្ពស់ធ្នឹមលើប្រវែង1mនេះហើយទើបចាក់បន្ដបន្ទាប់ទៀតតាមលំដាប់លដោយដូចខាងដើមរហូតទាល់តែពេញធ្នឹម៕
>> ពេលចាក់បេតុងសសរ-ធ្នឹម-ប្លង់ក្នុងពេលដំណាលគ្នា សូមកត់សម្គាល់នៅពេលចាក់បេតុងសសរដល់កម្ពស់ខាងក្រោមបាតធ្នឹមប្រហែល3-5cm ត្រូវឈប់1-2ម៉ោងសិនដើម្បីទុកឲ្យបេតុងសសរវារួមមាឌទើបចាប់ផ្ដើមចាក់បេតុងធ្នឹមនិងប្លង់សេ៕
> ប្លង់សេ
>> យើងអាចនិយាយបានថាប្លង់សេមានរូបរាងដូចតែធ្នឹមដែរប៉ុន្ដែវាមានមុខកាត់ទទឹងធំ និងកម្រាស់ស្ដើងជាងធ្នឹម ដូចនេះហើយបានជាវាមិនទាមទាឲ្យមានការចងដែកកងដូចធ្នឹមទេ៕ សម្រាប់សាងសសង់ផ្ទះស្នាក់នៅធម្មតាកម្រាស់ប្លង់សេនិយមយក 8-10cm ៕
>> បេតុងប្លង់សេមិនទាមទាឲ្យមានការធន់នឹងការជ្រាប់ទឹកខ្លាំងនោះទេ(លើកលែងប្លង់សេបន្ទប់ទឹក , ផ្ទះបាយ , បន្ទប់បោកគក់ ជារួមកន្លែងដែលមានទឹកហូរកាត់ប្លង់សេញឹកញាប់គឺបេតុងប្លង់សេទាមទាឲ្យមានការធន់និងទប់ស្កាត់ការជ្រាប់ទឹកបានខ្លាំង)តែវាទាមទាឲ្យមានការទប់ស្កាត់ការចម្លងកម្ដៅបានខ្លាំងជាពិសេសប្លង់សេជាន់ដំបូល៕
>> ពេលចាក់បេតុងត្រូវខ័ណ្ឌចែកប្លង់សេម្ដង1-2m ចាក់ពេញហើយទើបថយមកចាក់លើខ័ណ្ឌបន្ដបន្ទាប់ទៀតរហូតទាល់តែពេញ ៕ ពេលចាក់បេតុងប្លង់សេជិតដល់ធ្នឹមមេនៅសល់ប្រហែល1mគឺចាប់ផ្ដើមចាក់បេតុងធ្នឹមមេ ពេលម្ពស់បេតុងធ្នឹមខ្ពស់ជាងបាតប្លង់សេប្រហែល 5 -10cm គឺចាប់ផ្ដើមចាក់បេតុងប្លង់សេបន្ដទៀត៕
>> កាបង្ហាប់បេតុង កាយ កៀរ បេតុងលើផ្ទៃប្លង់សេត្រូវធ្វើភ្លាមៗលើកន្លែងដែលបានចាក់បេតុងហើយ៕
>> ពេលចាក់បេតុងប្លង់សេត្រូវចាក់ពីកន្លែងដែលឆ្ងាយបំផុតមកជិតបំផុត (ពាក្យឆ្ងាយជិតគឺធៀបជាមួយឡានដឹកបេតុងឬកន្លែងលាយបេតុងនៅក្នុងការដ្ឋាននោះ) ៕
> ក្នុងករណីបេតុងលាយរួចហើយប្រហែល1h30mn នៅតែមិនទាន់បានចាក់គឺត្រូវលាយម្ដងទៀត ពេលលាយឡើងវិញមិនគួរថែមទឹកបញ្ចូលទេ ក៏គុណភាពបេតុងមិនមានការថយចុះដែរ ប្រសិនបើថែមទឹកចូលទៀតគឺធ្វើឲ្យទឹកស៊ីម៉ង់ត៍កាន់តែរាវនិងធ្វើរ៉េស៊ីស្ដង់បេតុងថយចុះ ៕
ប្រភព៖ វិស្វករកម្ពុជា

ទាញយកឯកសារសំណង់ PDF : https://t.me/reansomnong

#ស្ថាបត្យកម្មទំនើប

05/08/2025

រចនាប័ទ្មស្ថាបត្យកម្មបុរាណខ្មែរ✅❤️

ទាញយកឯកសារពេញ PDF : https://t.me/reansomnong
ឯកសារនេះ សម្រាប់ជាជំនួយដល់អ្នកសិក្សាធ្វើការសិក្សាស្រាវជ្រាវដើម្បីបង្កើនចំណេះដឹងរបស់សិស្សនិស្សិតស្ថាបត្យកម្ម និង វិស្វ័កម្មសំណង់ស៊ីវិល។
#ស្ថាបត្យកម្មទំនើប
#រៀនសំណង់

04/08/2025

រចនាបថ នៃស្ថាបត្យកម្មខ្មែរសម័យបុរាណ❤
(ដកស្រង់ចេញពីសៀវភៅ វប្បធម៌ អវិយធម៌ខ្មែរ)

សិក្សាស្វែងយល់អំពីរចនាបថនៃស្ថាបត្យកម្មខ្មែរពីសម័យបុរាណ
រចនាបថស្ថាបត្យកម្មខ្មែរពីសម័យបុរាណត្រូវបានចែកដាច់ដោយឡែកពីគ្នា ដែល មានរហូតទៅដល់១៣រចនាបថ (Style) ។ ក្នុងរចនាបថនិមួយៗ មានកសាងនិងលក្ខណៈពិសេសៗខុសគ្នាទៅ តាមសម័យកាលមួយៗ ។
១-រចនាបថភ្នំដា(គ.ស.វទី១ដល់គ.ស.វទី៦)
តាមការធ្វើការកំណាយនៅក្នុងអង្គរបុរី និងនៅអូកែវ (កម្ពុជាក្រោម)បានបង្ហាញថា សិល្បៈសម័យ ហ្វូណន ដែលគេបញ្ចូលទៅក្នុងរចនាបថភ្នំដា ដោយយកប្រាសាទនៅភ្នំដាធ្វើជាគោល ។ ភ្នំដាស្ថិតនៅជិតអង្គរបុរី ក្នុងខេត្ដតាកែវ ។ នៅក្នុងសម័យហ្វូណន ប្រទេសខ្មែរមានទំនាក់ទំនងជាច្រើនជាមួយឥណ្ឌាជាពិសេសក្នុងវិស័យសិល្បៈ។
ក្រៅពីស្ថាបត្យកម្មខ្មែរសម័យនគរភ្នំ បានទុកស្នាដៃជាច្រើនខាងក្នុងរូបដិមា ដែលគេបានជួបប្រទៈនៅ អង្គរបូរី និងទីកន្លែងដទៃជាច្រើនទៀតនៅក្នុងប្រទេសខ្មែរ ។ ចំណែកឯកំណាយនៅអូរកែវវិញ បានធ្វើឱ្យយើងស្គាល់គ្រឿងឧបករណ៍ និងគ្រឿងអលង្ការ ដែលខ្មែរយើងសម័យនោះបានប្រើប្រាស់ ។
២-រចនាបថសម្បូណ៍ព្រៃគុហ៍ (ពាក់កណ្ដាលទី១ ស.វ ទី៧ )
រចនាបថ សម្បូណ៍ គឺស្ថិតនៅក្នុងរជ្ជកាលព្រះបាទ ឦសានវរ្ម័នទី ១ (គ.ស ទី ៦១៦-៦៣៥) ដោយមាន រាជធានីឈ្មោះឦសានបុរៈ គឺសម្បូណ៍ព្រៃគុហ៍ (ខេត្ដកំពង់ធំ)ប្រាសាទជាច្រើនដែលគេរាប់បញ្ចូលក្នុងរចនាបថ សម្បូណ៍មាន ប្រាសាទសម្បូណ៍ព្រៃគុហ៍ ស្ទើរតែទាំងអស់ លើកលែងតែប្រាសាទ (ស្ថិតនៅក្នុងរចនាបថគូលែន ) ខសាងផ្នែកស្ថាបត្យកម្ម ក្នុងរចនាបថសម្បូណ៍និង ក្នុងរចនាបថជាច្រើនបន្ទាប់មកទៀតរហូតមកដល់គ.ស វទី១០ ប្រាសាទមានរាងតូចៗ ធ្វើអំពីភ្នំដាបូកបាយអធ្វើអំពីកំបោរលាយស្ករ ប៉ុន្ដែបច្ចុប្បន្ននេះ របេះធ្លាក់ស្ទើរអស់ទៅ ហើយ គឺនៅសល់តែឥដ្ឋទទេ ។ រីឯចំណែកផ្ដែរ (Linteaul)និងសរសរពេជ្រ(Colonnelte) ធ្វើអំពីថ្មភក់ហើយប្រាសាទទាំងឡាយភាគច្រើនសង់ដោយគ្មានរបៀបរៀបរយ ត្រង់នេះមួយ ត្រង់នោះមួយ។
នៅក្នុងរចនាបថនេះ គេបានប្រទៈឃើញ បដិមាភេទស្រី ដែលតាមធម្មតាមានរាងតូច ត្រគាកសាយ ហើយពាក់មកុដរាមូល ។ ចំណែកឯបដិមាភេទប្រុសវិញ ច្រើនមានរាងធំហើយមាំទៀតផង ។
៣-រចនាបថព្រែក្មេង( ពាក់កណ្ដាលទី២ ស.វ ទី៧ )
រចនាបថព្រែក្មេង គឺស្ថិតនៅក្នុងរជ្ជកាលព្រះបាទជ័យវរ្ម័នទី ១ (គ.ស ៦៥៥-៦៨១)ដែលមានរាជធានី នៅអង្គរបូរី ។ ប្រាសាទដែលគេបញ្ចូលក្នុងរចនាបថនេះមាន ប្រាសាទព្រែក្មេង ប្រាសាទស្វាយព្រាហ្មណ៍ (ផ្នែកបុរាណ)។
ស្ថាបត្យកម្ម មានលក្ខណៈប្រដែលគ្នានិងស្ថាបត្យកម្មក្នុងរចនាបថសម្បូណ៍ក្បាច់រចនាលើផ្ដែរច្រើនតែ ក្បាច់ភ្ញីទេស ពោលគឺក្បាច់ផ្កាច័ន្ទន៍ ។ នៅក្នុងរចនាបថនេះ គេច្រើននាំគ្នាកោតសរសើរហរិហរៈប្រាសាទអណ្ដែត ដែលគេចាត់ទុកថា ស្នាដៃឯកមួយក្នុងសិល្បៈខ្មែរ ព្រោះបដិមានេះបានបង្ហាញឱ្យឃើញថា សិល្បៈករខ្មែរ មាន បច្ចេកទេសខ្ពង់ខ្ពស់ ដោយចេះធ្វើបដិមានេះ ឱ្យមានរាងរៅសមសួនល្អណាស់ ។
៤-រចនាបថកំពង់ព្រះ( គ.ស.វ ទី ៨ )
រចនាបថនេះ គឺស្ថិតនៅក្នុងសម័យចេនឡាបែកបាក់គ្នាជាពីរ ។ ប្រាសាទដែលគេបញ្ចូលនៅ ក្នុងរចនាបថ នេះមាន ប្រាសាទកំពង់ព្រះ ប្រាសាទមាកយំ(ផ្នែកបុរាណ)ប្រាសាទត្រញំងផុង (ផ្នែកបុរាណ) នៅក្នុងរចនាបថ នេះ ប្រាសាទសឹងតែទាំងអស់សង់ដូចជាសម័យមុនៗ ដែរ គឺសង់រាបនិងដី លើកលែងតែប្រាសាទអកយំមួយទេ ដែលគេសង់ជាច្រើនជាន់ មានរាងដូចជាចេតិយ ។ ចំណែករូបបដិមាក្នុងរចនាបថនេះមានល្អ ខ្លះអាក្រក់ ប៉ុន្ដែ សិល្បៈខ្មែរមានវិវត្ដន៍ពិសេសរបស់ខ្លួន គឺត្រង់សិល្បៈករខ្មែរបានសាងល្បងបំបាត់គោលទំរ និងទំនប់របស់បដិមាខ្លះ ៗ ។
សិល្បៈខ្មែរសម័យអង្គរ គឺចាប់ពី (គ្រឹស្ដ សតវត្សទី ៩-ទី ១៣ ) ហើយសិល្បៈខ្មែរសម័យនោះចែក ចេញជា ៩ រចនាបថគឺ ៖
៥-រចនាបថគូលែន( ពាក់កណ្ដាលស.ត.វទី ១ –ស.វ ទី ៩ )
រចនាបថនេះស្ថិតនៅក្នុងរជ្ជកាលព្រះបាទជ័យវរ្ម័នទី២ (គ.ស ៨០២-៨៥០) ដែល មានរាជធានី នៅជា ច្រើនកន្លែង ។ ចំពោះប្រាសាទដែលគេរាប់បញ្ចូលនៅក្នុងរចនាបថមានដូចជា ប្រាសាទព្រែបាសាទ ប្រាសាទភ្នំគូ លែន ប្រាសាទដំរីក្រាប ប្រាសាទអូបាង ប្រាសាទខ្ទីងងាប់ …។ ដោយព្រះបាទជ័យវរ្ម័នទី ២ ធ្លាប់បានគង់នៅប្រទេសជ្វា ហើយនៅក្នុងរាជរបស់ព្រះអង្គ គេបានបង្កើត ពិធីទេវរាជ ថែមទៀតផង ។ ដូចនេះហើយទើបសិល្បៈខ្មែរក៏បាន ទទួលឥទ្ធិពលទាំងនេះខ្លះ ដែលជាហេតុនាំឱ្យ មានការកសាងប្រាសាទភ្នំជាដើម ។ ជាទូទៅសិល្បៈខ្មែរ ក្នុងសម័យនោះពុំសូវមានក្បាច់រចនាប៉ុន្មានទេ ប៉ុន្ដែ សិល្បករបានបង្កើតនូវភាពថ្មីៗ ជាច្រើនដែលគេឱ្យឈ្មោះថា បុនព្ភពសម័យទី ១ ((Lére Renaissance) ក្នុង ប្រវត្ដិសិល្បៈខ្មែរ ។
ដូចនៅក្នុងសម័យមុន គេសង់ប្រាសាទអំពីឥដ្ឋនៅឡើយ ប៉ុន្ដែគេនិយមស្ថាបនាប្រាសាទ លើភ្នំដើម្បី តម្រូវទៅតាមពិធីទេវរាជ ទស្សនៈនេះហើយ ដែលជាកត្ដានាំឱ្យកើតមានប្រាសាទភ្នំ (Temple Mentange)ជា ច្រើននៅសម័យក្រោយមកទៀត ។
៦-រចនាបថព្រះគោ( ចុងនៃ ស.ត.វទី ១ –ស.វ ទី ៩ )
រចនាបថព្រះគោស្ថិតនៅក្នុងរជ្ជកាលព្រះបាទឥន្ទ្រវរ្ម័នទី១ (៨៧៧-៨៨៩) និងព្រះបាទយសោវរ្ម័នទី ១ (គ.ស ៨៨៩-៩០០) ដែលដំបូងបានគង់នៅក្នុងរាជធានី ហរិហរល័យដែរ គឺនៅរលួសខេត្ដសៀមរាប ។ ប្រាសាទ ដែលគេរាប់បញ្ចូលក្នុងរចនាបថព្រះគោគឺ ប្រាសាទព្រះគោ (គ.ស ៨៧៩) ប្រាសាទបាគង (គ.ស ៨៨១)ដែល កសាងឡើងដោយព្រះបាទ ឥន្ទ្រវរ្ម័នទី ១ ។ រីឯប្រាសាទលលែវិញ គឺនៅ(គ.ស ៨៩៣) ដែលជាស្នាដៃរបស់ព្រះ បាទ ឥន្ទ្រវរ្ម័នទី ១ ។ នៅសម័យនេះ គេតែងតែកសាងប្រាសាទអំពីឥដ្ឋបូកបាយអដដែល ប៉ុន្ដែគេកសាងប្រាង្គជា ច្រើន លើខឿនតែមួយ (ព្រះលលែ) ដើម្បីឧទ្ទិសចំពោះបុព្វជន មានព្រះមាតាបិតាជាដើម ។ ម្យ៉ាងទៀត គេបាន កសាងប្រាសាទភ្នំបាគង ដែលមានច្រើនជាន់ ដើម្បីតំកល់លិង្គព្រះឥសូរ ហើយនៅជាន់ទី ៤ កនេប្រាសាទនេះ គេបានសាកល្បងសង់ប្រាសាទតូចៗ អំពីថ្មភក់ចំនួន ១២ ។
៧-រចនាបថបាខែង( ចុងនៃ ស.ត.វទី ៩-និងដើម ស.វ ទី ១០ )
រចនាបថបាក់ខែងស្ថិតនៅក្នុងរជ្ជកាលព្រះបាទ យសោវរ្ម័នទី ១ (គ.ស ៨៨៩-៩០០) ដែលមានរាជធានី នៅយសោធបុរៈ(ភ្នំបាក់ខែង) ចំពោះប្រាសាទដែលចាក់ចូលក្នុងរចនាបថនោះមាន ប្រាសាទភ្នំបាក់ខែង ប្រាសាទ ភ្នំក្រោម ប្រាសាទភ្នំបូក ។ ល ។ នៅក្នុងសម័យនេះ រូបបដិមាទាំងឡាយ មានរាងត្រង់ៗ មានមាឌធំហើយមាំទៀតផង។ ចញ្ចើមទាំងពីរត្រង់ហើយជាប់គ្នា ចំណែកឯផ្នែក និងបបូរមាត់វិញ សិល្បៈករបានឆ្លាក់ឱ្យឃើញជា រង្វង់ពីរផ្នក់យ៉ាងច្បាស់ ។ ជើងសក់ និងពុកចង្កា ឆ្លាក់ជាប់គ្នាតែម្ដង ។ រូបបដិមាទាំងនេះមានស្លៀកសំពត់ជីប ជាផ្នត់ជុំវិញខ្លួនហើយមានជាយខាងលើ បត់ជាផ្នត់ទំលាក់ចុះមកក្រោម ។
៨-រចនាបថកោះកែ(គ.ស.វ ទី ១០ )
រចនាបថនេះស្ថិតនៅក្នុងរជ្ជកាលព្រះបាទជ័យវរ្ម័នទី ៤ (គ.ស ៩២៨-៩៤១ )ដែលទ្រង់បានតាំងរាជធានី នៅកោះកែ ចម្ងាយប្រមាណ ១០០ គីឡូមែត្រ នៅទិសឦសាន នៃភូមិភាគអង្គរ ។ ប្រាសាទដែលគេរាប់បញ្ចូល នៅក្នុងរចនាបថនេះ គឺប្រាសាទនៅកោះកែទាំងអស់ ហើយនៅក្នុងចំណោមប្រាសាទទាំងអស់នេះគេឃើញមាន ប្រាសាទមួយសង់លើខឿនប្រាំពីរជាន់ ដែលមានកំពស់ប្រមាណ ៣៥មែត្រ។ រីឯរូបបដិមា មានសភាពប្រហាក់ ប្រហែលគ្នាទៅនិងសម័យមុនៗដែរ តែច្រើនមាន មាឌធំៗ ប្រកបដោយចលនា ផ្សេងៗ ដូចជារូបដើរ រូបរាំ ឬរូប ប្រយុទ្ធគ្នា (សុគ្រិព និងពាលី)ដើម្បីបង្ហាញអំណាច និងថាមពលឱ្យស្របទៅតាមព្រះទ័យនៃព្រះបាទជ័យវរ្ម័នទី៤ដែលជាស្ដេចជ្រែករាជ ។
៩-រចនាបថបន្ទាយស្រី (ពាក់កណ្ដាលទី២ នៃ គ.ស.វ ទី ១០ )
រចនាបថបន្ទាយស្រី ស្ថិតនៅក្នុងរជ្ជកាលព្រះបាទរាជិន្ទ្រវរ្ម័ន (គ.ស ៩៤៤-៩៦៨) ដែលទ្រង់បានតាំង រាជធានីនៅអង្គរវិញ ។ ចំពោះប្រាសាទរួមមានប្រាសាទ មេបុណ្យ ខាងកើត (គ.ស ៩៥២) ប្រាសាទប្រែរូប (គ.ស ៩១៦) ប្រាសាទបន្ទាយស្រី (គ.ស ៩៦៧) យោងទៅតាមឯកសារប្រវត្ដិសាស្ដ្រខ្លះនិយាយថា ប្រាសាទ បន្ទាយស្រី ជាប្រាសាទរបស់ព្រាហ្មណ៍ម្នាក់នាម យជ្ញវរាហៈ ។ ប្រាសាទនេះពុំមែនជាប្រាសាទភ្នំទេ ជាប្រាសាទ ដែលសង់ក្បាច់ម្នាក់នៅគង់វង្សល្អជាងគេរហូតមកដល់បច្ចុប្បន្ន ។ ចំណែករូបបដិមាវិញមានច្រើន មានរាងតូចៗ ទឹកមុខសុភាព មានបបូរមាត់ក្រាស់ហើយខ្លី មានរបៀបតុបតែងសក់ថ្មី ហើយពុំមានមកុដឡើយ ។ បដិមាទាំង នេះមានស្លៀកពាក់សំពត់ជីបជាផ្នត់ផង សំពត់លាតរលីងផង ។
១០-រចនាបថឃ្លាំង(ចុង គ.ស.វ ទី ១០ និងពាក់កណ្ដាលទី ១ នៃគ.ស.វទី ១១ )
រចនាបថនេះស្ថិតនៅក្នុងរជ្ជកាលព្រះបាទជ័យវរ្ម័នទី ៥ (គ.ស ៩៦៨-១០០១)និងព្រះបាទសូរ្យវរ្ម័នទី១ (គ.ស ១០០២-១០៥០) ដែលមានរាជធានីនៅអង្គរ ។ គេរាប់បញ្ចូលក្នុងរចនាបថឃ្លាំង នូវប្រាសាទកែវ ប្រា សាទឃ្លាំងខាងជើង ប្រាសាទវិមានអាកាស ។ ចំពោះរូបចម្លាក់បដិមាវិញមានទឹកមុខសុភាពដូចសម័យបន្ទាយ ស្រីដែរ លាក់តែសម្លៀកបំពាក់ជីបជាផ្នត់ជាដរាប ហើយគេឃើញសំពត់មួយថ្មី ផ្លែកពីមុន គឺខាងក្រោយសំពត់ ឡើងរហូតដល់ខ្នង ឯខាងមុខធ្លាក់សំយេះមកក្រោម បញ្ចេញក្បាលពោះកណ្ដាលវាល ។
១១-រចនាបថបាពួន(ពាក់កណ្ដាលទី ២ នៃគ.ស.វទី ១១ )
រចនាបថនេះស្ថិតនៅក្នុងរជ្ជកាលព្រះបាទឧទយទិត្យវរ្ម័នទី ២ (គ.ស ១០៥០-១០៦៦) ព្រះបាទហ៌ស វរ្ម័នទី ៣ (គ.ស ១០៦៦-១០៨០)ដែលមានរាជធានីនៅអង្គរដែរ ចំពោះប្រាសាទដែលបញ្ចូលក្នុងរចនាបថនោះ មានដូចជា ប្រាសាទបាពួន ប្រាសាទមេបុណ្យខាងលិច និងប្រាសាទវត្ដខ្នារ ។ នៅក្នុងសម័យនោះ ការកសាងប្រា សាទ ភ្នំរិតតែមានការរីកចម្រើនឡើងថែមទៀត គឺប្រាសាទបាពួនមានថែវពីរជាន់ ប្រក់ថ្មភក់ព័ទ្ធជុំវិញ ព្រមទាំង មានប្រាង្គនៅគ្រប់ជ្រុងថែវ និងមានគោបុរៈនៅត្រង់ជណ្ដើរគ្រប់ទិសទាំងបួនទៀត ។ នៅក្នុងប្រាសាទបាពួន គេ សង្កេតឃើញមានរចនាក្បាច់រឿង នៅតាមជញ្ជាំងគោបុរៈនិងជញ្ជាំងប្រាង្គជ្រុងជាន់ទី២ក្បាច់រឿងទាំងនេះ ចែកជាផ្ទាំងតូចដាច់ៗពីគ្នាមានរាងចតុកោណ កែងស្មើរ។ ចតុកោណកែង ហើយច្រើនតែរឿងដែលទាក់ទងទៅ និងព្រះវិស្ណុ រីឯរូបបដិមាវិញ ពុំខុសពីរចនាបថឃ្លាំងឡើយ ។
១២-រចនាបថអង្គរវត្ដ(ពាក់កណ្ដាលទី ១ នៃគ.ស.វទី ១២ )
រចនាបថអង្គរវត្ដ គឺស្ថិតនៅក្នុងរជ្ជកាលព្រះបាទសូរ្យវរ្ម័នទី២ (គ.ស ១១១៣-១១៤៥) ដែលមានរាជធានីនៅអង្គរ។ប្រាសាទដែលចាក់បញ្ចូល ក្នុងរចនាបថនេះគឺប្រាសាទ បឹងមាលាប្រាសាទព្រះ បាលិលេយ្យ ប្រា សាទកំពូល ប្រាសាទបាគង។ ល ។ នៅក្នុងរចនាបថនេះ ស្ថាបត្យករខ្មែរ មានការរីកចម្រើនឡើងដល់កំពូល។ នៅលើជញ្ជាំងថែវជាន់ទី ១ មានក្បាច់រឿងចែកជា ៨ ផ្ទាំងធំៗ ហើយ វែងៗ ហើយក្បាច់រឿងទាំងនោះមានរឿង ផ្សេងៗ ពីគ្នាដូចតទៅ ៖
ផ្ទាំងទី ១ ៖ (ជញ្ជាំងខាងលិចឆៀងខាងត្បូង) បង្ហាញពីចម្បាំងបាណ្ឍៈ និងកៅវរៈក្នុងមហាភារតៈ។
ផ្ទាំងទី ២ ៖ (ជញ្ជាំងខាងត្បូងឆៀងខាងលិច) បង្ហាញពីរាជព្យូហត្រាក្នុងសម័យអង្គរ។
ផ្ទាំងទី ៣ ៖ (ជញ្ជាំងខាងត្បូងឆៀងខាងកើត) អធិប្បាយពីឋានសួគ៌ និងឋាននរក។
ផ្ទាំងទី ៤ ៖ (ជញ្ជាំងខាងកើតឆៀងខាងត្បូង) ចែងពីការកូសមុទ្រដោះ ដើម្បីបង្កើតទឹកអម្រិត ដក ស្រង់ពីរឿងហមាយាណៈ ។
ផ្ទាំងទី ៥ ៖ (ជញ្ជាំងខាងកើតឆៀងខាងជើង) ពណ៌នាពីចម្បាំងរវាងទេវតា និងអសុរៈ ។
ផ្ទាំងទី ៦ ៖ (ជញ្ជាំងខាងជើងឆៀងខាងកើត) ពណ៌នាពីចម្បាំងរវាងក្រឹស្ណៈ និងសុរពាណៈ ដកស្រង់ ពីគម្ពីរ ហរិវង្ស ។
ផ្ទាំងទី ៧ ៖ (ជញ្ជាំងខាងជើងឆៀងខាងលិច) ចែងអំពីចម្បាំងរវាងពួកទេវតា និងអសុរៈ ក្នុងព្រាហ្ម សាសនា ។
ផ្ទាំងទី ៨ ៖ (ជញ្ជាំងខាងលិចឆៀងខាងជើង) រៀបរាប់អំពីចម្បាំងរវាងព្រះរាម និងរាមពណ៌ ក្នុងរឿងរាមកេរិ៍ ។
នៅក្នុងរចនាបថនេះ លើជញ្ជាំងប្រាសាទ ជាពិសេសលើជញ្ជាំងប្រាសាទអង្គរវត្ដ គេសង្កេត ឃើញមានរូប ទេវតា ឬទេពអប្សរឈររេរាំញញឹមប្រិមប្រិយ ដោយគ្មានស៊ុមជាទីជម្រកឡើយ ។ នៅជញ្ជាំងអង្គរវត្ដ រូបទេព អប្សរមានច្រើនពន់ពេកណាស់ ហើយមានការវិការខុសៗគ្នាទាំងអស់ ច្រើនពាក់មកុដកំពូលបីខ្ពស់ៗ និងស្លៀក សំពត់ផ្កាស្ដើងៗ គ្មានផ្នត់ ដោយទម្លាក់ជាយសងខាង ម្ខាងធំ ម្ខាងតូច ។ ឯទេបអប្សរខ្លះទៀត ឥតមានពាក់មកុដ ទេ តែមានក្រងសក់ជាច្រើនបែបយ៉ាង ដូចក្រងជាភួងផ្កាជាដើម ។ នៅក្នុងសម័យនេះដែរ គេសង្កេតឃើញមាន រូបព្រះពុទ្ធជាច្រើន ហើយព្រះពុទ្ធរូបទាំងនេះ ភាគច្រើនសាងជាបែបឈានមុទ្រះ ដោយមាននាគមុចលិន្ទ ដក ពពារប្រក់ពីលើ ។
១៣-រចនាបថបាយ័ន(ពាក់កណ្ដាលទី ១ នៃគ.ស.វទី ១២ និងដើមគ.ស.វ ទី ១៣ )
រចនាបថបាយ័នគឺស្ថិតនៅក្នុងរជ្ជ កាលព្រះបាទជ័យវរ្ម័នទី ៧ ។ (គ.ស ១១៨១-១២១៨) ដែលមានរាជធានីនៅអង្គរ ។ នៅក្នុងរចនាបថនោះ ប្រាសាទរួមមាន ប្រាសាទតាព្រហ្ម ប្រាសាទបន្ទាយស្រី ប្រាសាទព្រះខាន់ ប្រាសាទនាគព័ន្ធ ។ ចេនាបថបាយ័ន ស្ថាបត្យកម្មខ្មែរបានចុះអន់ថយ បន្ដិចវិញ ព្រោះប្រាសាទទាំងឡាយចើនស្ថាបនាដោយប្រញាប់ ព្រញាលពេក ឯថ្ម វិញ ក៏ពុំសូវមានគុណភាពដូចសម័យមុនៗ ដែរ ។ ប្រាសាទបាយ័នមានប្លង់ស្មុកស្មាញ ហើយរុះរើសាងឡើងវិញ ជាច្រើនគ្រា។ លើកលែងតែប្រាសាទបាយ័ន ដែលមានប្លងបែបជាប្រាសាទភ្នំ ក្នុងរចនាបថនេះ ប្រាសាទទាំងឡាយ សុទ្ធតែសង់នៅលើដីរាបស្មើបែបជាវត្ថអារាម ដើម្បីស្របទៅតាមទស្សនៈ នៃព្រះពុទ្ធសាសនា ។ លក្ខណៈពិសេសនៃរចនាបថនេះ គឺប្រាំងមុខបួន ញញឹមប្រិយប្រិយ និងមាននាគអបសងខាងផ្លូវ ដែល ឆ្លងចូលទៅក្នុងប្រាសាទ ក្បាលនាគបែរចេញមកខាងក្រៅ នាគម្ខាងមានពួកទេវតាជាអ្នកចាប់ទាញ ឯម្ខាងទៀត មានពួកអសុរៈចាប់ទាញ ជានិមិត្ដរូបនៃការកូរសមុទ្រទឹកដោះ ។
នៅលើជញ្ជាំងថែវខាងក្រៅ នៃប្រាសាទបាយ័ន និងប្រាសាទបន្ទាយឆ្មារ គេសង្កេតឃើញក្បាច់រឿង ដែល ទាក់ទងទៅនិងប្រវត្ដិសម័យព្រះបាទជ័យវរ្ម័នទី ៧ ដូចជាចម្បាំងខ្មែរ ចាម និងបដិសណ្ឋារកិច្ចចំពោះ គណៈប្រតិ ភូបរទេសជាដើម ។ ម្យ៉ាងទៀតក្បាច់រឿងនេះ មានបង្ហាញសកម្មភាពផ្សេងៗ នៃប្រជាពលរដ្ឋ ដូចជានេសាទ កីឡា ល្បែងប្រជល់មាន់ជាដើម ។ សម្លៀកបំពាក់ និងកាយវិការនៃរូបចម្លាក់ទាំងអស់នោះមិនសូវខុសពីសម័យ ខ្មែរយើងបច្ចុប្បន្នប៉ុន្មានទេ ។

#រៀនសំណង់ #ស្ថាបត្យកម្មទំនើប

04/08/2025

ការគ្រប់គ្រងសំណង់ Construction Management❤
រៀបរៀង ដោយ ហែម សុខច័ន្ទ

ទាញយកឯកសារពេញ PDF : https://t.me/reansomnong
ឯកសារនេះ សម្រាប់ជាជំនួយដល់អ្នកសិក្សាធ្វើការសិក្សាស្រាវជ្រាវដើម្បីបង្កើនចំណេះដឹងរបស់សិស្សនិស្សិតស្ថាបត្យកម្ម និង វិស្វ័កម្មសំណង់ស៊ីវិល។

#វិស្វករសំណង់

03/08/2025

មេរៀន គ្រឿងបង្គុំបេតុងអារម៉េ❤
រៀបរៀងដោយវិស្វករ សេង ភារៈ
ទាញយកឯកសារពេញ PDF : https://t.me/reansomnong
ឯកសារនេះ សម្រាប់ជាជំនួយដល់អ្នកសិក្សាធ្វើការសិក្សាស្រាវជ្រាវដើម្បីបង្កើនចំណេះដឹងរបស់សិស្សនិស្សិតស្ថាបត្យកម្ម និង វិស្វ័កម្មសំណង់ស៊ីវិល។
#វិស្វករសំណង់

រៀនសំណង់ Sømnøng

10/08/2025

09/08/2025

08/08/2025

08/08/2025

07/08/2025

07/08/2025

06/08/2025

05/08/2025

05/08/2025

04/08/2025

04/08/2025

03/08/2025

Address

Telephone

Website

Alerts

Contact The Business

Shortcuts

Share

Category