The Tomorrow

25/07/2026

17/03/2026

ថ្លៃលក់រាយប្រេងឥន្ធនៈនៅតាមស្ថានីយ សម្រាប់ការអនុវត្តចាប់ពីម៉ោង ០០:០០ (សូន្យ) ថ្ងៃទី១៧ ខែមីនា ឆ្នាំ២០២៦

15/03/2026

ឯកឧត្តម ហេង សុខគង់ រដ្ឋលេខាធិការក្រសួងឧស្សាហកម្ម ចែករំលែកអំពីការអភិវឌ្ឍឧស្សាហកម្មយានយន្តនៅកម្ពុជា ដោយបច្ចុប្បន្នមានរោងចក្រផលិត និងដំឡើងរថយន្តចំនួន ១០ទីតាំងកំពុងដំណើរការនៅទូទាំងប្រទេស។

11/03/2026

ចង់មើលផ្ទាល់ ប្រណាំងរទេះគោ មកខេត្តកំពង់ស្ពឺ

ការប្រណាំងរទេះសាឡីគោលឿន ឆ្នាំ២០២៦ នឹងប្រព្រឹត្តទៅនៅថ្ងៃអាទិត្យ ទី៥ ខែមេសា ឆ្នាំ២០២៦ វេលាម៉ោង ៨:០០ នាទីព្រឹក ស្ថិតក្នុងភូមិស្លោទី១ សង្កាត់រការធំ ក្រុងច្បារមន ខេត្តកំពង់ស្ពឺ។

ពិធីនេះប្រារព្ធឡើង ក្នុងគោលបំណងចូលរួមអភិរក្ស លើកស្ទួយ អភិវឌ្ឍ និងផ្សព្វផ្សាយឱ្យកាន់តែទូលំទូលាយនូវប្រពៃណីប្រណាំង រទេះសាឡីគោលឿនដែលជាសក្ដានុពលទេចរណ៍បន្ថែមនៅក្នុងខេត្តកំពង់ស្ពឺ ដែលបុព្វបុរសខ្មែរបានបន្សល់ទុកជាយូរណាស់មកហើយ។

10/03/2026

ចិន នៅតែជាដៃគូពាណិជ្ជកម្មធំបំផុតរបស់កម្ពុជា

ដោយ៖សុភក្រ្តា

ភ្នំពេញ៖ ប្រទេសចិននៅតែជាដៃគូពាណិជ្ជកម្មធំជាងគេរបស់ប្រទេសកម្ពុជា ដោយពាណិជ្ជកម្មទ្វេភាគីឈានដល់ ៣,៥៧ពាន់លានដុល្លារក្នុងនោះ ប្រទេស​កម្ពុជាបាននាំចេញទំនិញជាង ២៩៥,៦៩លានដុល្លារទៅកាន់ទីផ្សារ​ចិន ខណៈ​ការនាំចូលពីប្រទេសចិនមានទំហំទឹកប្រាក់ប្រមាណ ៣,២៨ ពាន់លានដុល្លារ។

សហរដ្ឋអាមេរិកជាប់ចំណាត់ថ្នាក់លេខពីរ ដោយទំហំពាណិជ្ជកម្មទ្វេភាគី​ឈានដល់ប្រហែល ២,៣៤ ពាន់លានដុល្លារ កើនឡើង ៣៩,៩ ភាគរយ។ កម្ពុជាបាននាំចេញទំនិញតម្លៃប្រមាណ ២,២៦ ពាន់លានដុល្លារទៅកាន់សហរដ្ឋអាមេរិក ខណៈការនាំចូលពីសហរដ្ឋអាមេរិកមានចំនួន ៨០,៣៤ លានដុល្លារ។

គួរជម្រាបថា៖ខែមករា និងខែកុម្ភៈ ឆ្នាំ ២០២៦ ការធ្វើពាណិជ្ជកម្មរបស់កម្ពុជាជាមួយដៃគូអន្តរជាតិសម្រេចបានទំហំទឹកប្រាក់ប្រមាណ ១១,១១ ពាន់លានដុល្លារ កើនឡើង ១៧,៦ ភាគរយ ធៀបនឹង ៩,៤៤ ពាន់លានដុល្លារ ក្នុងរយៈពេលដូចគ្នាក្នុងឆ្នាំ ២០២៥។ នេះបើយោងតាមរបាយការណ៍របស់អគ្គនាយកដ្ឋានគយ និងរដ្ឋាករកម្ពុជា នៅថ្ងៃទី ១០ ខែមីនា ឆ្នាំ២០២៦។

របាយការណ៍បានបង្ហាញថា ការនាំចេញរបស់កម្ពុជាមានទំហំទឹកប្រាក់ប្រមាណ ៥,២២ ពាន់លានដុល្លារ កើនឡើង ១៧,២ ភាគរយពី ៤,៤៦ ពាន់​លានដុល្លារក្នុងរយៈពេលដូចគ្នាកាលពីឆ្នាំមុន។ ទន្ទឹមនឹងនេះ ការនាំចូលមានទំហំទឹកប្រាក់មាណ ៥,៨៨ ពាន់លានដុល្លារ កើនឡើង ១៨ ភាគរយ បើប្រៀបធៀបទៅនឹង ៤,៩៨ ពាន់លានដុល្លារ ក្នុងខែមករា-កុម្ភៈ ឆ្នាំ ២០២៥។

10/03/2026

ដាំបន្លែ ចិញ្ចឹមសត្វ ចិញ្ចឹមត្រី ជួយផ្្គត់ផ្គង់ពលរដ្ឋភៀសសឹក

ក្រុមការងារមន្ទីរកសិកម្ម រុក្ខាប្រមាញ់ និងនេសាទខេត្តឧត្តរមានជ័យបានបន្តប្រមូលផលបន្លែមានត្រកួនចំនួន ១ ១៥០គីឡូក្រាម ស៊ុតទាចំនួន ៦០០គ្រាប់ និងត្រីអណ្តែងចំនួន ៦០គីឡូក្រាមជូនដល់ប្រជាពលរដ្ឋភៀសសឹកក្នុងមណ្ឌលសុវត្ថិភាពបាត់ថ្កៅ។

សូមជម្រាបជូនថា គិតត្រឹមថ្ងៃទី៩ ខែមីនា ការប្រមូលផលបានចំនួន ១៦លើក សរុបចំនួន ២១ ១៦០គក ក្នុងនោះរួមមាន៖ ត្រកួនចំនូន ១៣ ៨៣០គីឡូក្រាម ស្ពៃចង្កឹះចំនួន ៤ ៦៨០គីឡូក្រាម ស្ពៃក្រញ៉ាញ់ចំនួន ២ ៣៥០គីឡូក្រាម ស្ពៃតឿចំនួន ២៥០គីឡូក្រាម ផ្ទីចំនួន ៥០គីឡូក្រាម ស៊ុតទាចំនួន ១០ ៤៩០គ្រាប់ និងត្រីអណ្តែងចំនួន ១១០គីឡូក្រាម៕

ប្រភព៖ ក្រសួងកសិកម្ម

28/02/2026

រដ្ឋលេខាធិការដ្ឋាន​អាកាសចរណ៍ស៊ីវិល​ប្រមូល​ចំណូល​ជូនរដ្ឋ​បាន​ជាង​ ៥១ ​លានដុល្លារ ​(៥១ ២៦៧ ៨៩១) ​កើន​ឡើង​លើស​ផែន​ការ​ប្រចាំឆ្នាំ ២០២៥ ចំនួន​ ១,៣២% ​។

នេះបើយោងតាមលោក​ម៉ៅ ​ហាវណ្ណាល់ ​រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល។

លោកមាន​ប្រសាសន៍នៅថ្ងៃទី ២៧ ​ខែកុម្ភៈ ​ឆ្នាំ ២០២៦ថា​ វិស័យ​អាកាសចរណ៍ ​កំពុងដើរតួនាទីសំខាន់​លើការដឹកជញ្ជូនអ្នកដំណើរ​ និង​ទំនិញ​តាមផ្លូវអាកាស​ក្នុង​ការ​ចូលរួម​ចំណែកដល់​វិស័យ​ទេស​ចរ​ណ៍ ​ពាណិជ្ជកម្ម ​វិនិយោគ ​និងការតភ្ជាប់​ធ្វើដំណើរ​របស់​ប្រជាជន ​និង​វប្បធម៌៕