Maha Khmer News Plus

16/07/2025

សារព័ត៌មានមហាខ្មែរត្រូវការជ្រើសរើសអ្នកយកព័ត៌មានជាច្រើនរូប។ អ្នកមានបទពិសោធន៍ស្រាប់។ ទាក់ទងលេខ 069 522 333

16/07/2025

ជាបទពិសោធន៍ កុមារីតូចអាយុ ២ឆ្នាំកន្លះ មកពីខេត្តកំពត មានជំងឺខ្សោយតម្រងនោមធ្ងន់ធ្ងរបណ្ដាលមកពីពឹសឪម៉ាល់ ដែលបានទិចនាងចំនួន ២០មេ តម្រងនោមទាំងពីររបស់នាងតូច ឈប់ដំណើរការទាំងស្រុង និងគ្មានទឹកនោម បណ្តាលឲ្យសន្លប់ និងដកដង្ហើមលែងបាន
នាងត្រូវបានថែ​ទាំព្យាបាល​សង្រ្គោះអស់យៈពេល ២៥ថ្ងៃ ដោយជំនួយម៉ាស៊ីនសប់ដង្ហើម និងលាងឈាមតាម​​ស្រោមពោះវៀន១៥ថ្ងៃ ថ្ងៃនេះបានជាសះស្បើយនិងបានត្រឡប់ទៅផ្ទះវិញ ដោយស្នាមញញឹម សូមកោតសរសើរនិងអរគុណដល់ក្រុមគ្រូពេទ្យសង្រ្គោះបន្ទាន់នៅមន្ទីរពេទ្យគន្ធបុប្ផា ដែលបានជួយសង្រ្គោជីវិតមួយនេះ។

16/07/2025

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចេញ «បទបញ្ជា ស្តីពី យុទ្ធនាការបោសសម្អាត​ ការឆបោកតាមប្រព័ន្ធបច្ចេកវិទ្យា» ដែលមាន៩ចំណុច ក្នុងនោះ អភិបាលនៃគណៈអភិបាលរាជធានី-ខេត្ត ស្នងការនគរបាលរាជធានី-ខេត្ត មេបញ្ជាការបណ្តាអង្គភាព និងក្រសួង ស្ថាប័នពាក់ព័ន្ធ ត្រូវអនុវត្ត បទបញ្ជានេះឱ្យបានម៉ឺងម៉ាត់ ការមិនអនុវត្តតាមបទបញ្ជា ឬមិនសហការអនុវត្ត ត្រូវជាកម្មវត្ថុនៃការវាយតម្លៃក្នុងការតែងតាំង ផ្លាស់ប្តូរ ឬបញ្ចប់មុខតំណែង។

15/07/2025

រដ្ឋមន្ត្រីក្រសួងការពារជាតិកម្ពុជា ទាមទារឱ្យអតីតទាហានព្រៃថៃ ដែលបានវា.យកងទ័ពខ្មែរចេញមុខសូមទោសជាសាធារណៈ!

រាជធានី​ភ្នំពេញ ៖ ប្រមុខ​ក្រសួងការពារជាតិ​កម្ពុជា ទាមទារ​ឱ្យ​អតីត​ទាហាន​ព្រៃ​ថៃ ដែល​បាន​វា​.​យ​កងទ័ព​ខ្មែរ​មានការ​សូមទោស​ជា​សាធារណៈ ។

ការ​ថ្លែង​បញ្ជាក់​របស់​ឯកឧត្តម នាយ​ឧត្ដមសេនីយ៍ ឧបនាយករដ្ឋមន្ដ្រី​បែប​នេះ ក្នុង​ពិធី​អបអរសាទរ​ទទួល​ដំណើរ​មាតុភូមិនិវត្តន៍ កងអនុសេនាធំ​វិស្វកម្ម​ពហុ​ជំនាញ​លេខ​៤៦៨ ដែល​បាន​បញ្ចប់​បេសកកម្ម​រក្សា​សន្តិភាព​អង្គការសហប្រជាជាតិ (UN) នៅ​សាធារណរដ្ឋ​អាហ្វ្រិក​កណ្ដាល និង​នៅ​ចំពោះ​មុខមន្ត្រី អង្គការសហប្រជាជាតិ នា​ព្រឹក​ថ្ងៃ​ទី​១៥ ខែកក្កដា ឆ្នាំ​២០២៥ ។

ឯកឧត្តម នាយ​ឧត្ដមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រី​ក្រសួងការពារជាតិ បាន​ថ្លែង​បញ្ជាក់​ថា ៖«​ហាក់​មិន​ទាន់​ចង់ឱ្យ​ករណី​អតីត​ទាហាន​ព្រៃ​ថៃ ដែល​បាន​វា​.​យ​កងទ័ព​ខ្មែរ បញ្ចប់​ដោយ​ស្រួល​ៗ​នោះ​ទេ គឺ​ទាមទារ​ឱ្យ​មានការ​សូមទោស​ជា​សាធារណៈ បើ​មិន​ដូច្នោះ​ទេ ករណី​នេះ​អាច​នឹង​ឡើង​ដល់​តុលាការ​» ។

ជាមួយ​គ្នា​នោះ​ដែរ ឯកឧត្តម​ឧបនាយករដ្ឋមន្ត្រី ទៀ សីហា ក៏​បាន​បង្ហាញ​ការ​ហួសចិត្ត​នឹង​ករណី​ជន​កំសាក​ជនជាតិ​ថៃ​ពីរ​នាក់ ក្នុង​នោះ​ម្នាក់ ពាក់​ឯកសណ្ឋាន​ជា​យោធា​ថៃ ដែល​ឆ្លៀត​ចាប់ដៃ​កងទ័ព​ខ្មែរ កំពុង​ឈរជើង​នៅ​ប្រាសាទ​តា​មាន់ ហើយ​បាន​វា​.​យ​ទៅ​លើ​កងទ័ព​ខ្មែរ​រួច​នាំ​គ្នា​រត់​បាត់ ដែល​ធ្វើ​ឱ្យ​ប្រជាពលរដ្ឋ​ខ្មែរ​មានការ​ខឹងសម្បារ​យ៉ាង​ខ្លាំង ។

ឯកឧត្តម ឧបនាយករដ្ឋមន្ដ្រី​បាន​លើក​ឡើង​ថា ទោះបីជា​បុគ្គល​ទាំង​ពីរ​នាក់​នោះ​បាន​សូមទោស​រួច​ហើយ​ក៏​ដោយ ប៉ុន្តែ​ក្នុង​លក្ខណៈ​កំបាំង​មុខ ដូចនេះ អំពាវនាវ​ឱ្យ​ពួក​គេ​ត្រូវ​ធ្វើការ​សូមទោស​ជា​សាធារណៈ ដើម្បី​ឱ្យ​ប្រជាពលរដ្ឋ​ខ្មែរ​មានការ​អស់ចិត្ត ហើយ​ករណី​នេះ នៅ​តែ​បន្ត​តាមដាន និង​មិន​ឱ្យ​រួច​ផុត​ងាយ​ៗ​នោះ​ទេ ។

ឯកឧត្ដម នាយ​ឧត្ដមសេនីយ៍​បាន​គូសបញ្ជាក់ ដោយនៅ​តែ​ប្រកាន់​ជំហ​ស្រប​តាម​ការ​សម្រេច​របស់​រាជរដ្ឋាភិបាល​លើ​ករណី​ដោះស្រាយ​បញ្ហា​ជាមួយ​ប្រទេស​ថៃ ទាំង​យន្តការ​អន្តរជាតិ ក្នុង​សំណុំរឿង​ប្រាសាទតាមាន់ធំ ប្រាសាទតាមាន់តូច ប្រាសាទ​តា​ក្របី និង​តំបន់​មុំ​៣ យន្តការ​ទ្វេភាគី ដោះស្រាយ​បញ្ហា​ព្រំដែន ដែល​នៅ​សេសសល់ និង​ជំរុញ​ឱ្យ​ភាគី​ថៃ ត្រូវ​បើក​ច្រក​ទ្វារ​ព្រំដែន​ជា​លក្ខណៈ​ឯកតោភាគី​ទាំងអស់​ជា​មុន​សិន ទើប​កម្ពុជា​អនុវត្ត​តាម​ក្រោយ ហើយ​គ្មាន​ការ​ចរចា​លើ​ករណី​នេះនោះ​ទេ ។

ឯកឧត្តម ឧបនាយករដ្ឋមន្ត្រី រដ្ឋមន្ដ្រី​ក្រសួងការពារជាតិ បាន​បន្ថែម​ថា កម្ពុជា​បាន​ត្រៀមខ្លួន​ជា​និច្ច ដើម្បី​ឆ្លើយ​តប​ទៅ​នឹង​ការ​ឈ្លានពាន​ណាមួយ​ពី​ភាគី​ថៃ ទាំង​កងទ័ពជើងគោក ជើង​ទឹក និង​ជើង​អាកាស ប៉ុន្តែ​កម្ពុជា​នៅ​តែ​មាន​បំណង​ចង់ឱ្យ​មានកា​រវិ​វត្ត​ទៅ​រក​មុន​ថ្ងៃ​ទី​២៨ ខែឧសភា ឆ្នាំ​២០២៥​ឡើង​វិញ ក្នុង​នាម​ជា​អ្នក​ជិតខាង​ល្អ កិច្ច​សហប្រតិបត្តិការ និង​ការ​អភិវឌ្ឍ ដើម្បី​ជា​ប្រយោជន៍​ដល់​ពលរដ្ឋ​នៃ​ប្រទេស​ទាំង​ពីរ ៕

15/07/2025

លោក​ត្រាំ​ឱ្យ​ពេល​រុស្ស៊ី​៥០​ថ្ងៃ​ ក្នុង​ការ​បិទ​បញ្ចប់​សង្គ្រាម​នៅអ៊ុយក្រែន
ប្រធានាធិបតីអាមេរិក លោកត្រាំអស់ភាពអត់ធ្មត់ជាមួយសមភាគីរុស្ស៊ី លោកពូទីនហើយ។ នៅថ្ងៃចន្ទ ទី១៤ កក្កដាក្នុងជំនួបជាមួយប្រមុខអង្គការតូអង់នៅសេតវិមាន លោកដូណាល់ត្រាំបានសម្តែងការខកចិត្តជាថ្មីនឹងទង្វើរបស់លោកពូទីនដោយប្រកាសដាក់ឱសានវាទ ៥០ថ្ងៃ ឱ្យរុស្ស៊ីបិទបញ្ចប់សង្គ្រាម បើពុំនោះទេ រុស្ស៊ីនឹងទទួលទណ្ឌកម្មយ៉ាងធ្ងន់ធ្ងរ។ ជាងនេះទៅទៀត ប្រធានាធិបតីអាមេរិកបានប្រកាសផ្គត់ផ្គង់អាវុធយ៉ាងច្រើនសន្ធឹកសន្ធាប់ជាថ្មីដល់អ៊ុយក្រែន តាមរយៈយន្តការអូតង់។

លោកប្រធានាធិបតីអាមេរិកដូណាល់ត្រាំបានប្រកាសនៅថ្ងៃចន្ទ ទី១៤ កក្កដាដាក់ទណ្ឌកម្មរុស្ស៊ីដោយព្រមានដំឡើងពន្ធយ៉ាងសម្បើម បើរុស្ស៊ីមិនព្រមបិទបញ្ចប់សង្គ្រាមឈ្លានពានអ៊ុយក្រែននៅរវាង៥០ថ្ងៃទៀត។ “នៅ៥០ថ្ងៃទៀត បើនៅតែគ្មានកិច្ចព្រមព្រៀងសន្តិភាពទេ យើងនឹងដាក់ទណ្ឌកម្មយ៉ាងធ្ងន់ធ្ងរលើរុស្ស៊ី។ គឺជាទណ្ឌកម្មដែលសំដៅវាយប្រហារលើដៃគូពាណិជ្ជកម្មរបស់រុស្ស៊ីដើម្បីធ្វើយ៉ាងណាឱ្យរុស្ស៊ីស្ថិតក្នុងភាពឯកានៅលើពិភពលោក។ នេះជាសេចក្តីប្រកាសរបស់លោកដូណាល់ត្រាំ នៅក្នុងជំនួបប្រជុំជាមួយប្រមុខអង្គការអូតង់នៅសេតវិមានដោយបន្ថែមទៀតថា “ពាណិជ្ជកម្មជាអាវុធដ៏ល្អបំផុតសម្រាប់ដោះស្រាយជម្លោះ។ បើគ្មានកិច្ចព្រមព្រៀងនៅ៥០ថ្ងៃខាងមុខ តម្លៃពន្ធរបស់ប្រទេសដៃគូពាណិជ្ជកម្មរុស្ស៊ីនាំចូលអាមេរិកនឹងឡើងដល់១០០%”។

15/07/2025

ចាប់ខ្លួនជនជាតិវៀតណាម ១៤៩នាក់ ខ្មែរ​ ៨៥នាក់​ ក្នុងប្រតិបត្តិការបង្ក្រាបបទល្មើសឆបោកអនឡាញដ៏ធំមួយនៅកណ្តាលរាជធានីភ្នំពេញ!

ចាប់ខ្លួនជនជាតិវៀតណាម ១៤៩នាក់ ខ្មែរ​ ៨៥នាក់​ ក្នុងប្រតិបត្តិការបង្ក្រាបបទល្មើសឆបោកអនឡាញដ៏ធំមួយនៅកណ្តាល.....

15/07/2025

⛔️ក្រសួងវប្បធម៌ថៃ ត្រៀបរៀបចំភ្នាក់ងារស៊ើបអង្កេតតវ៉ាចោទថា កម្ពុជា នាំយកស្នាដៃអក្សរសាស្រ្តថៃចំនួន ២២រឿងក្នុងទម្រង់ ល្ខោនព្រះរាជទ្រព្យខ្មែរ ទៅកាន់អង្គការយូណេស្កូ ។
🇰🇭សូមបញ្ជក់ថាទម្រង់ «ល្ខោនព្រះរាជទ្រព្យខ្មែរ ឬThe Royal Ballet of Cambodia »នៅថ្ងៃ​ទី​៧ ខែវិច្ឆិកា​ ឆ្នាំ​២០០៣ នៅ​ទី​ក្រុង​អ៊ីស្ដន់ប៊ូល​ ប្រទេស​តួកគី គិតមកដល់បច្ចុប្បន្ន ២២ឆ្នាំទៅហើយ ។
រឿងដែលថៃតវ៉ានោះមានដូចជា៖
១ រឿង ព្រះថោងនាងនាគ ១៩៣០/១៩៦៥/២០០៣
២ រឿង ព្រះសាមុត ប៊ុតសុម៉ាលី ឆ្នាំ១៩៣៦
៣ រឿង ព្រះអនុរុទ្ធ នាងឱស្សា ឆ្នាំ១៩៣៩
៤ រឿង ព្រះសង្ខ័ ឆ្នាំ១៩៤១
៥ រឿង ព្រះជិនវង្ស
៦ រឿង ព្រះច័ន្ទគោរព ឆ្នាំ១៩៤៥
៧ រឿង មហាព្រះវេស្សន្តរជាតក ឆ្នាំ១៩៥៧
៨ រឿង អ៊ីណាវ បុស្បិបា ឆ្នាំ១៩៥៨
៩ ឈុត ព្រះអនុរុទ្ធ ចេញកិន្នរ
១០ ឈុត បង្គំទ្របាត (សុភ័ក្ត្រលក្ខណ៍ពរព្រះអនុរុទ្ធ)
១១ រឿង រាមកេរ្តិ៍
១២ រឿង ឥសីដាច់ឈាន ឆ្នាំ១៩៦៣
១៣ រឿង ក្រៃថោង ឆ្នាំ១៩៣៣
១៤ រឿង ព្រះសុធន-កែវមនោរម្យ
១៥ រឿង កាកី
១៦ ឈុត នាងសីតា លុយភ្លើង ឆ្នាំ១៩៩៥
១៧ ឈុត ចងស្ពានរាមកេរ្តិ៍ ឆ្នាំ១៩៩៦
១៨ ឈុត នាងសីតានៅក្នុងព្រៃ ឆ្នាំ១៩៩៧
១៩ ឈុត រាមលក្ខណ៍ - ជប់លក្ខណ៍
២០ រឿង ទិព្វសង្វារ
២១ រឿង សូរិយាវង្ស
២២ រឿង ព្រះលក្ខិណាវង្ស ៕

ប្រភព៖ វប្បធម៌ខ្មែរ Khmer culture

15/07/2025

អ្នកនាំពាក្យរងក្រសួងមហាផ្ទៃ តបទៅថៃយកសារបែកធ្លាយរវាងសម្ដេចតេជោ និងអតីតនាយមន្ត្រីថៃ ជាបន្ទុកដាក់បណ្ដឹងដោយទាញ Interpol មកប្រឡូកប្រឡាក់ទំនាស់នយោបាយផ្ទៃក្នុងរបស់ខ្លួន!

15/07/2025

នាយនគរបាល២៥រូប ត្រូវបានដាក់ឲ្យចូលនិវត្តន៍។

15/07/2025

អ្នកនាំពាក្យ​ក្រសួងការពារជាតិ ៖ នៅ​ថ្ងៃ​ទី​១៥ ខែកក្កដា ឆ្នាំ​២០២៥ វេលា​ម៉ោង​១៣:២០​នាទី ដោយសារ​អាកប្បកិរិយា​មិន​សមរម្យ​របស់​ទាហាន​ថៃ​ម្នាក់ ដែល​ឈរជើង​នៅ​ច្រក​ទ្វារ​ចូល​ប្រាសាទតាមាន់ធំ ស្ត្រី​ជា​ជនជាតិ​ខ្មែរ ក៏​មិន​សប្បាយចិត្ត នាំ​ទៅ​ដល់​ការ​ភាន់ច្រឡំ និង​ការ​ប៉ះទង្គិច​ពាក្យ​សម្តី ហើយ​ទាហាន​ថៃ​នោះ ក៏​បាន​ហាមឃាត់​មិន​ឱ្យ​ស្ត្រី​ជា​ជនជាតិ​ខ្មែរ ឡើង​ទៅ​ប្រាសាទ​។ ដោយ​ឃើញ​ហេតុការណ៍​នេះ ទាំង​ទាហាន​កម្ពុជា និង​ទាហាន​ថៃ ជា​ច្រើន​នាក់ ដែល​កំពុង​ឈរជើង​នៅ​ប្រាសាទ ក៏​បានរ​ត់ទៅ​កាន់​កន្លែង​កើតហេតុ ប៉ុន្តែ​មិន​មាន​ប្រដាប់​ដោយ​អាវុធ​អ្វី​នោះ​ទេ​។ ភ្លាម​ៗ​នោះ មេបញ្ជាការ នៃ​ទាហាន​ទាំង​សងខាង ក៏​បាន​ពិភាក្សា​ដោះស្រាយ​ដោយ​សន្តិវិធី ហើយ​នា​ពេល​នេះ ស្ថានភាព​នៅ​ប្រាសាទតាមាន់ធំ មាន​សភាព​ស្ងប់ស្ងាត់ ជា​ធម្មតា មិន​ប៉ះពាល់​ទៅ​ដល់​ការ​ទៅ​ទស្សនា​របស់​ប្រជាពលរដ្ឋ​នោះ​ឡើយ ។
អ្នកនាំពាក្យ​ក្រសួងការពារជាតិ អំពាវនាវ​ដល់​ភ្ញៀវ​ទេសចរ​ទាំងអស់ ដែល​ទៅ​ទស្សនា​ប្រាសាទ រក្សា​នូវ​ភាព​អត់ធ្មត់ ការ​អត់ឱន សេចក្តី​ថ្លៃថ្នូរ និង​ការ​គោរព​គ្នា​ទៅ​វិញ​ទៅ​មក ដើម្បី​ធានា​បរិយាកាស​អំណោយផល​ដល់​សន្តិភាព សន្តិសុខ ស្ថិរភាព និង​ទំនាក់ទំនង​មិត្ត​ជិតខាង​ល្អ ៕

15/07/2025

លោកឧត្តមសេនីយ៍ទោ ហួត សុធី ស្នងការនគរបាលខេត្ត អញ្ជើញចូលរួមកិច្ចប្រជុំត្រួតពិនិត្យការអនុវត្តប្រតិបត្តិការប្រយុទ្ធប្រឆាំងបទល្មើសឆបោកតាមប្រព័ន្ធបច្ចេកវិទ្យា និងដាក់បទបញ្ជារសម្រាប់អនុវត្តបន្ត
រាជធានីភ្នំពេញ ៖ ថ្ងៃអង្គារ ៥រោច ខែអាសាឍ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១៥ ខែកក្កដា ឆ្នាំ២០២៥ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប អញ្ជើញចូលរួមកិច្ចប្រជុំត្រួតពិនិត្យការអនុវត្តប្រតិបត្តិការប្រយុទ្ធប្រឆាំងបទល្មើសឆបោកតាមប្រព័ន្ធបច្ចេកវិទ្យា និងដាក់បទបញ្ជារសម្រាប់អនុវត្តបន្ត ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅវិមានសន្តិភាព ៕

15/07/2025

ទាហានកម្ពុជា-ថៃ តឹងសសៃកដាក់គ្នាមួយប្រាវនៅលើប្រាសាទតាមាន់ធំ នៅរសៀលថ្ងៃទី១៥ ខែកក្កដា ឆ្នាំ២០២៥នេះ។
មេបញ្ជាការកងទ័ពទាំង២ បានសម្របសម្រួល និងដោះស្រាយជាមួយគ្នា។
សម្រាប់មូលហេតុ ទាហានថៃ ប៉ងរារាំង មិនឲ្យពលរដ្ឋខ្មែរឡើងលើប្រាសាទ រហូតប៉ះពារកាន់តែខ្លាំង តែពេលនេះសភាពការណ៍វិលមករកភាពប្រក្រតីឡើងវិញហើយ។